ونصف ساعه لين تستوي عالنار
بعدين تطلعين اللحمه على جنب وتتبلينها بالفلفل الاسود والكمون والملح بس
وهذا شكلها بعد التتبيل
والحين تسخنين الزيت وتحطين فوقه اللحمه بهداوه عشان ما تتكسر وتخلينها لما تتحمر وتطلع ريحتها تشبه ريحه اللحم المشوي
وهذا اللحم بعد القلي
ونحط اللحمه على جنب ونجيب هالمقادير
بطاطس مقطع صغار وجزر مقطع شرايح
وثوم
وشحم مقطع صغار ( هذا طبعا سر الطبخه )
مو تجي وحده وتقول ما احب الشحم وتسيبه تروه اهم شي انا كمان مره متعبه في الاكل وما احب الشحم بس في هالاكله يعطي نكهه روعه وريحه خيال
هو والثوم اساسيات هالطبخه
نرجع للمقادير
كمان جيبي علبه زبادي
وبصل مقطع شرايح
وبهارات
بعدين تحطين اول شي البطاطس عالنار مع شويه زيت وتقلبينها شوي
بعدين تضيفين البصل والشحم والجزر
وبعد ما يصيروا زي الصوره
تضيفين الثوم والبهارات
وتقلبينهم دقيقه وتطفين النار
وتجيبين رز بسمتي ابيض
وتغسلينه زين وتسليقه نص استواء في مويه مع شويه من المويه اللي سلقنا بها اللحمه في البدايه مع شويه هيل
والحين بعد ما يستوي الرز
تجيبين قدر وتحطين فيه نصف الخلطه حقت البطاطس والبصل والجزر والزبادي وتقلبينهم عالخفيف
شوي وتضيفين اللحمه المقليه وتقلبينها شوي معاهم
بعدين تحطين نصف كميه الارز
وبعدها تحطين النصف الثاني من الخلطه
وبعدها الرز
وتحطين كم ملعقه من المويه اللي سلقنا فيها اللحمه
وترشينها بشويه صباغ الزعفران مع مويه
وتغطين القدر وعالنار خمس دقايق تقريبا
وتقدمينها وبالف صحه وهنا
وهذا صورتها عند التقديم
وتقدمينها مع السلطه الحاره واللبن