متى ينتظم نوم الاطفال الرضع ؟

[حبيبته ♥]

مساء الخير
شخباركم ؟؟


أنا بنتي قريب تكمل الشهرين
بس وايد تسهر
متى ينتظم النوم عند البيبي عادتا ؟
و شلون يصير النوم اذا انتظم ? مرة وحدة يهدأون وينامون معانا ويقومون الصبح ويانا ؟؟

السهر جداً متعب
اتمنى بسرعة يتعدل سيستم النوم عند بنتي وارتاح خصوصا ان شهر رمضان قريب

[سندريلا الكون]

هلا اختى
البيبي ينتظم نومه على ال11 شهر يصير ينام طول الليل ويقعد بالنهار ينام بس ساعه مو اكثر
والاطفال اذا انفطمو عن رضعه الليل ينامون طول الليل
بس اغلب الاطفال ينتظم نومهم بعد السنه

[ام لنوني]

بعضهم ع الست اشهر او 11 اشهر بس انتي حاولي تديه رضعه اليل وتنيميه

[الشذا الفواح]

انا ولدي من صار عمره 3 شهور صار ينام متواصل
بس يقوم يرضع ويرجع ينام
من الساعه 12,5 خلاص ينام
وبنتي خلاص عودتها تنام معي نطفي الانوار وتهدا وتنام

الله يعينك ان شاء الله

[حبيبته ♥]

شكرًا على ردودكم
بحاجة إلى ردود وتجارب أكثر

[مرمروره]

ان شاء الله ينتظم من 3الي 4شهور وربنا يعينا انا معايا طفل عمره شهرين واسبوه مجنني

[عبيرالنرجس]

الطفل يعتدل نومه من 3 شهور بس يحتاج الى مساعدة الام مرة قريت عن هالموضوع وتبعت الخطوات وفعلا صار ينام الليل ويقعد في نهار
اهمشي ماتعودينه على السهر بتقولين لي هو يسهر
لعبي المغربيه معاه وخليه قاعد طبعا جاهل لازم بنام العصر بس المغرب قعديه لعبي معاه سوي تمارين فرفشيه وبعدين شربيه الحليب وخليه ينام والصبح حتى لو كان نايم حاولي تقعدينه وتعرضينه لشمس علشان يعرف الحين نهار

اول اليام بكون واجد صعب لازم تتعودين تقلبين النظام شوي شوي بس لمدة سبوع وبيعتدل نومه

[ana baby]

صحيح كلام الأخت عبير النرجس
كمان من الأشياء اللي تساعد على نوم الطفل حمام دافئ و تدليك خفيف
و إذا خليتيه يبذل مجهود في النهار, يعني مثلاً يلعب و يضحك طول النهار رح يحس بتعب في الليل و رح ينام
و كمان في طريقة اسمها "عدوى النعاس" :sleep: لأن العلماء اكتشفوا إن من طبيعة المخلوقات مهما كان عمرها تتأثر ببعضها و خصوصاً بالتثاؤب, فإذا تثاءبتي قدام الطفل و أبديتي رغبة في النوم رح يبدأ هو كمان يتثاءب و يحس بالنعاس, و ها الشي ما بس في الأطفال, كمان تلاحظي إذا قدامك حد يتثاءب بعد فترة تبدأي تحسي بالنعاس, و من فوائد ها الطريقة إنها كمان تعزز تواصلك مع طفلك
بس الموضوع يحتاج لوقت و صبر :clock:

[Anoni]

انا ولدي انتظم نومه تقريبا من عمر6شهور
والحمدلله ينام بالليل قبل ما انام بساعة ويقوم بعدي بساعة

[عروس جنان]

عزيزتي انتي عوديه ينام في وقت محدد
يعني ع الساعة 8 نوميه ولازم تكون الغرفة هاااادية وشغلي ليت النوم
علشان يعرف هالوقت وقت النوم
استمري معاه يوميا وان شاء الله بيتعود

[Bride Dreams]

نوم الطفل يبدأ ينتظم بين 4-6 أشهر
بس لازم انتي تساعدينها على تنظيمه..

يعني تسوي لها روتين معين
تنظمي رضعاتها وقبل النوم بساعة (حتى قبل لا ينتظم نومها ابدأي هذا النظام) ابدأي جهزيها للنوم.. حمميها اذا تحبي..
وبدلي لها ولبسيها ملابس النوم.. وطفي الأنوار وخلي الأجواء هادئة.. واعطيها آخر رضعة وحاولي تنيميها
واستمري كل يوم.. على نفس الطريقة... لين شوي شوي بتشوفيها هالوقت كل يوم تدوخ.. واصبري السالفة تاخذ وقت شوي لين ما يتعود
طبعا أثناء النوم تحتاج ترضع.. ورح تصحيش كذا مرة.. بس رضعيها لا تكلميها لا تلاعبيها وعلطول نيميها.. وقدر الامكان رضعيها قبل لا تصيح وتصحصح..
وبرضو مع الوقت بتحسي نومها يصير أطول.. وممكن تبدأي تخمني الاوقات اللي رح تصحى فيها للرضعات.. رح يصير عندها نظامها الخاص
ولا تنسيني من الدعاء بتيسير الأمور ولبنوتتي بالهداية والصلاح

[. أم عبدالله .]

بيكون الموضوع تدريجي

يعني إذا كان يسهر لين الساعه 3 بعد فتره راح يصير لين الساعه 2 وبعدين 1 وهذا بس أنتي حاولي وياها دايما دايما وبعد 4 شهور 6 شهور بيكون الموضوع أحسن

[حبيبته ♥]

شكرًا على رودكم المفيدة

[انسانة مختلفة]

والله في اطفال ولا شي ينيمهم!
الحمام ينشطهم اكثر!

عن النوم تقريبا على الشهرين يبتدي الطفل ينام بالليل ويستيقظ بالنهار لكن طبعا بالليل نوم متقطع لان رح يقوم اكثر من مرة يرضع....

ورح يضل على هالحالة لحد تقريبا الشهر العاشر او ال11 ساعتها بصير بقوم مرة وحدة بالليل ....

لحد ما ينفطم
وربنا يعينك

[طبعي شموخ]

يالله ان شالله الاخوات مايقصرن وياج