طريقة غسلها :
تغسل الخلطة زيها زي أي خلطة تانية
وأنا بعطيكم طريقتي بالتفصيل لأن لها دور في نعومة الشعر
1- أغسل الخلطة بشامبو هيربل أسنسر الأزرق باي باي جفاف . وفعلاً بتقولي باي باي جفاف مع هالشامبو
2-أستخدم ماسك الشعر بالمشمش من بوناويل << يرطب الشعر من قلب وريحته حلووووة
3 - بعد ما أغسل الماسك أشطف شعري بكأس ماء بارد <<علشان تتقفل المسامات ويقل التساقط وكمان يعطي ليونة للشعر
4- أترك شعري يجف من نفسه ويبقى فيه شوية رطوبة أحط كريم فاتيكا , جربت جميع أنواعه وكلهم حلوين .
وساعات أستبدل كريم فاتيكا بكريم بالمرز << ملطف طبي ويغدي الشعر وينعمه << يحتوي على فيتامين ه و فيتامين أ وبروتين .
وهذي صورة الكريمين مع بعض
5- بعد الكريم أمشط شعري بطريقة تخليه مفرود وهي:
أتبت الغرة على جنب ببنسة , وباقي الشعر ألفه كعكة فوق , وبعد ساعة أو ساعتين أفتحه الاقيه ناااااعم
نتيجة الخلطة :
رااااائعة والله يابنات شعري تغير 180 درجة من ناحية الطول والكتافة والنعومة ويكفيني ملمسه الحريري بصراحة .
بنات خالتي يحسبوني دائماً أستشور شعري وهو والله مفرود من الخلطة .
وأنا كل ماأمشط شعري أقول الحمد والشكر لله رب العالمين .
بتشوفوا النتيجة من أول شهر ,غير الطول يبغى إستمرار حتى تشوفوه. أنا الحين أستخدمها من 5 شهور وأنصحكم بقوة تجربوها وتستمروا عليها.
لاتوقولون صعبة ويبغا لها شغل.. تجميع المكونات للخلطة هو الي شوي فيه شغل ,أما الباقي سهل وسريع بس وقت ماتبغي تستخدميها خدي كفايتك وأخلطيه مع ماء ساخن
تقريباً جاوبت على معظم أسألتكم الي لسى ماسألتوها ^^
والي عندها اي إستسفار تاني لايردها إلا لسانها
وبكدا خلصت << أدري طولت عليكم بس حبيت أوضح لكم كل شئ أستفدت منه ونفع شعري
وآخيراً ماتنسي قبل ماتحطي أي خلطة سمي بالله وصلي على النبي وأدعي ربي ينفعك بها