بسم الله الرحمن الرحيم
بصوا يا بنات ان ااستخدمت حاجات كتير اوى
للبشرة والجسم وهقولكم احسنهم واوحشهم
ده شامبو جدايل من ماى واى تحفة ع الشعر وبيطريه وينعمه اوى
وبلسم ريفلون حلو اوى برضه ع الشعر بينعمه ويخليه سايح وانا اصلا شعرى عادى
وشامبو هيد اند شولز طبعا للشعر تحفة وكمان بيمنع القشرة
والى ف علبه جونسون ده انا عملاه ماء ورد ومسك حلو اوى حطاه جمب التواليت بيخلى الريحة تجنن
ده طبعا ملح اليوكو سابا تحفة ف تقشير الجسم وانتى جسمك مبلول كده بتحطيه وبدلكى جسمك بيه بينعم اوى ومع الاستمرار بيفتح الجلد
ومعطر الوجه والجسم والايدين بماء الورد من ماى واى حلو برضه مش بطال
والغسول والمنظف كلين كلين حلو برضه وبينظف كويس بس ف حاجات احسن منه
وشاور كامينا ده تحفة ورحته روعه بجد مبقدرش استغنى عنه ورخيص
دول بقا الشاور جل والبادى لوشن بتوع سيلك اند كشمير بتوع اورفيلام بصراحة حلوين جدا ورحتهم تجنن وكان عندى الكريم بس ضاع مش لاقيه بس بجد بينعم الجسم ويخلى رحتك حلوة ومنتعشة
والى جمبه غسول مهبلى اسمه نيو سيبى بستعمله مرة واحدة ف الشعر وبينظف بجد غير انه بيمنع الالتهابات
ده لونا كريم للتشققات حلو اوى للرجلين وكمان بستخدمه لايديا بينعمها جدا
والترا فير للتفتيح معملش معايا حاجة وانا اصلا محبتوش
تيتانا مقوى اظافر حلو وبيلمع الاظافر
والى جمبهم برضه مقوى اظافر بيطول الاظافر هو غالى شوية بس تحفة
وطبعا كريم جولى ايفا لتقشير الوجه هو حلو هو ف الاول بيلسع البشرة بس بعد كده لما بتغسلى وشك بيكون جميل جدا بس متسيبهوش كتير ع وشك خصوصا للقمحاويات
الى فوقه فيد اوت للبشرة هو بينعم بس بس مش بيفتح البشرة بس بينعمها جدا وغالى ع الفاضى
وده كريم للباث زى الشاور كده من محل ف جنينه مول لمستحضرات التجميل الطبيعيه حلو بس مداومتش عليه ف حاجات احلى وغالى ع الفاضى برضه
ده كريم فوتوديرم ماكس زى الصن بلوك بس تحفةةةةةةةةةةةةةةةةةةةةةة ةةةةةةةةةةةة بجد والله كنت بحطه ف المصيبف بيفتح ومش بيغمق خالص وبينور الوش ولا بيجير ولا بيدهنن ولا اى حاجة وسعره خيال
ب 15 جنيه كنت جيباه من الجيزة من محل بيبع بالجمله ع فكرة الكريم ده بيتباع ف الصيدليات ب حاجة و90
الى جمبه ده كريم دوف لتنحيف وشد الجسم حلو برضه بس ف احلى منه الى هو دريم ومن اشد منه وبيخسس ويشد الجسم بس مع الرياضة وبستخدمه بقالى زمان والله وبيعمل مفعول
وده غارنيه لايت بس لسه مستعملتوش هستعمله واقولككم عليه
كريم دريم ومن والله تحفة انا بقالى كام سنه بستخدمه للبطن والاجناب تحفةبس مع بعض تمارين خفيفة اوى او مشى نص ساعه
زيت لوز مر حلو اوى للهالات بس حطيه نص ساعه وشليه بقطنه مية ساقعه متناميش بيه زى مكتير بيقولوا
مية ورد ايفا حلوة بمسح بيها وشى كل يوم بتخلى الوش نضر
جلسرين سائل بستخدمه ف خلطاتى للجسم وتحفة اوى مع
الليمون
ده كريم بى وايت للنهار والليل النهار حلو وبينور اما الليل محبتوش ومبيعملش حاجة
ماسك اصالة حلو جدا جدااااااااااااااااااااااا اااااااوبيفتح البشرة وينقيها اوى
ودى ايفا لتفتيح الاسنان بزيت القرنفل بودرة بتنعش الفم
ده اولاى لتفتيح البشرة عادى يعنى محبتوش اوى
كريم ايفا بالجلسرين حلواوى ان ابستخدمه ف ازالة مكياج العين وبعدين بغسل وشى مش بيغمق تحت عينى ولا بيزيت ولا اى حاجة
طبعا كريم جليوسيد الاحمر تحفة للرجلين وخلطات الجسم لا غنى عنه
طبعا بودرة جونسون عارفينها حلوة اوى بنسبالى بس سمعت انها مش كويسة ع الجلد فبطلتها مع انها كانت بترطب وحلوة
غسول سيوافيساج زى نيفيا فيزاج بس والله العظيم جامد اوى ورخيص وتحفةرحته تجنن وبينعش الوش وبيخليه صافى وحلو اوى سكرب
بجد يجنن
سكرب اصالة والله جامد اوى برضه وبيجدد الخلايا الميته وبينعم البشرة اوى بستعمله مرتين ف الاسبوع
ده زيت لوز وزيت زيتون طبعا مهمين اوى ف الخلطات الجسم
ومنظف جونسون العميق للوجه حلو اوى برضه بس مداومتش عليه
زيت بيبى جونسون بالزهور المنعشة تحفة اوى وخلص ولسه جيباه تانى بحبه اوى بجد
والى جمبيه زنك اوليف بتاع الاطفال بستخدمه لمنطقة بين الفخدين بينعمها اوى ويرطبها اوى بعد السويت وبيحيمها من التسلخات
واسبراى دوف بموت فيه وف اسبريهات كتير هوريهلكم ف قسم الميكب ان شاء الله
ده بيدلكين بودر غسول للمنطقة الحساسة منعا للالتهابات وريحته بتنعش بالورد
والى جمبه سكراب للجسم والوجه بالعسل
والى فوقيه حمام كريم بزيت الحيه والصبار تحفة اوى
ده بلسم دوف للشعر المصبوع حلو اوووووووووووووووووووووووى بجدج للشعر بينعمه ومشبيضيع لونه لو مصبوغ
ومقشر العسل للجسم
وشامبو الاطفال كنت جيباه ع اساس انه خفيف ع الشعر بس مالوش لازمة ولا بيرغى ولا بينظف ولا اى حاجة
ده زيدة كاكاو شيرى بتاع جيفينشى تحفة
وبتاعه برجوا تجنن
والخضرا دى من محل اتنين ونص بس تجنن وبطرى الشفايف وكمان طعمها يجنن
وده شمع الشفايف بتاع اوريفلام حلو جدا ف الشتا بيمنع التشقق ويطرى الشفايف
وده ملمع شفاه زبدة كاكاو
ده كريم الاظافر والايدين بتاع اوريفلام تحفة مبستغناش عنه وقريب هجيب بتاع الرجلين
لوشن جليوسيد الاحمر برضه يجنن مع الليمون والجلسرين للجلد بيطريه للمنطقة الحساسة ويمنع الاسمرار بالوقت
كبسولات فيتامين e بحطها ع زيت اللوز للهالات والله مع الاستمرار بضيعها وتفتح المنطقة جدا
كريم 21 حلو بيطرى مش بطال
دول المراهم الى مبستغناش عنهم
كينا كومب بس بطلته لان سمعت انه فيه كورتيزون بس كنت بستخدمه لاى حبوب بتطلع والله يجنن
مرهم بانثينول بستخدمه لجلدى لاى حتة ف جسمى بيطريه اوى وينعمه وللشفايف حطى طبقة عليها وهتبقى جنان
مرهم الازرق ده اكييروكسيد للحبوب تحفة وبيشلهم على طول هو جل مش كريم كمان
ديبروساليك ده للرجلين يجنن بيشيل الجلد الميت ويجدد خلايا الجلد ومفيد للبقع من الشمس والحروق
كريم علاج التشققات القديمن من ماى واى جميل اوى زى الاسكرب كده
فيوسيدين مضاد حيوى ملطف للجلد بحطه بعد السويت تحت الابط وع المنطقة الحساسة