اولا : انا بقالى حوالى 6 شهور ووشى فى معاناه شديده نتيجه حسد الله يكفيكم شره المهم روحت لدكتوره وصفت ليا مضاد حيوى قاتلى للحبوب الكبيره وصابونه جميله جدا (اسمها ناترى ) جميله جميله جميله بتفتح وبتشيل الحبوب وبتصفى الوش وبتشيل الرؤؤس السوداء فعلا جميله وفى صابونه تانيه اسمها داى لايت بردو تحفه وفى ناس جربتها وقالتلى بتفتح البشره من اول استخدام وبتحمى من الشمس وبتوحد لون البشره وممكن تستخدميها للجسم كله وطريقه استعمالها : تسيبى الرغوه على وشك 5 دقايق وبعدها تغسيله
وكتبت ليا على كبسولات اسمها فيبراميسين واخدتها بس مفعولها مش بيظهر على طول .... بعدها كسلت عشان الامتحانات وقلت والله ما رايحه ولا جايه .... جيت تعبت نفسيا بسبب وشى تانى روحت لدكتور ربنا يبارك فيه اول حاجه كتبلى على جل اكنيتين -أ ... وهو مقشر للوجه دا بقا حلو اوى يا بنات اينعم بيخلى الم فى الوجه لكن النتيجه جامده بيقشر الوش من الحبوب والخلايا الميته وبيقفل كل المسامات الواسعه وبيطلع الصديد والدهون اللى تحت الجلد استمريت عليه لمده شهرين ...
وكتبلى معاه على كبسولات ابياموكس قاتله للبكتيريا
ودا الاسبوع الاول ....
تانى اسبوع ...
نضفلى وشى بحقنه كده صغيره اوى مخصصه للبشره ومش بتوجع وطلع بقا البلاوى كلها ... وكتبلى على مقشر تانى زاروتكس بردو جميل واقوى من الاول ...
وكتبلى معاه على كبسولات زيسروسين عشان الالتهابات ..
الاسبوع التالت : عملى نفس التنضيف وكتبلى على مس اسمه كليندا سول ...
ومشيت عليهم والحمدلله ماشاء الله وشى تحسن كتير كتير بفضل الله ثم الدكتور ثم الادويه ... انا بقا زهقت من كل دا ... فعرفت جل اسمه كلنداسين رائع يا بنات رائع بجد ادهنه بالليل على الحبه والمسامات الواسعه وانام واصحى الصبح تنبهرى بالنتيجه ماشاء الله ...
وكمان بستخدم معاه مضاد حيوى اسمه فيوسيدين جميل جداااااااا ومفعوله سريع بردو تدهنى مكان الحبه فقط ..
تحفه الاثنين دول يا بنات وحاليا استخدمهم وبيعطوكى نتيجه مبهره خلال اسبوع او اسبوعين ....
كنت استخدم كمان مس اسمه اكنيمايسين بس كان يخلى وشى جاف ومشدود اوى ولما انزل اروح الجامعه نار بوشى من الشمس كنت اعيط فى الشارع منه ومن نفسيتى التعبانه بسبب وشى ...
بنات نسيت اقولكم الدكتوره كانت كتبتلى على كريم حمايه من الشمس وتحفه ومش بيخلى الوش دهنى وهو كمان مفيد لاصحاب البشره الحساسه ...
وكمان بقا والمفاجأه اللى هقولكم عليها يا بنات بابا ربنا يطول بعمره كان عامل عمليه غده درقيه ربنا يحفظكم والدكتور كتب ليه على كريم عشان يوحد مكان العمليه مع لون الجسم فكتب لحبيب قلبى بابا كريم اسمه سكارو ودا لوحده حل متكامل للعنايه الخاصه بالجلد وتحفه وريحته جميله جدا ..... وفى يوم وانا قاعده قلت اما اقرئ الدكتور دا كاتب لبابا اسه المهم قريته ادانى حماس استخدمه قلت اشمعنى انا يعنى ههههههههههههه مليش من الحب نصيب ولا ايه فقلت هستخدمه وجميل يا بنات والكريم دا بقا بيقول فى النشره الداخليه :
سكارو كريم جلدى للعنايه بالجلد يستعمل لتنعيم وتليين وتجميل وتحسين لون وملمس وشكل الندبات الجلديه وكمان بيحتوى على فيتامين a وفيتامين e ...
يساعد على سرعه اختفاء الاثار الجلديه ويزيل اى خشونه او انكماشات قد تظهر كما يحافظ على نسبه الرطوبه فى الجلد ....
ودى صوره اخرى
ودى كانت معاناتى مع بشرتى والحمدلله على التحسن اللى وصلت ليه وحبيت اخليكم تستفادو من المعاناه دى ... واسفه على الاطاله .... بنات لو فى اى استفسار انا حاضره وتحت امركم ....
امانه عليكم تدعوا ان ربنا يفك كرب والدى ويصلح حالنا وينولنى اللى فى بالى .....
وشكرا ليكم
:L::L::L::L: