روابط قد تهمك :
فساتين العروس | تسريحات | تنظيم الاعراس | زخرفة | عالم حواء


صفحة 6 من 34 الأولىالأولى 12345678910111213141516 ... الأخيرةالأخيرة
النتائج 76 إلى 90 من 509

الموضوع: نصيحه من كل ام لكل ام

  1. #76
    عروس مبدعة
    تاريخ التسجيل
    23/01/2009
    الدولة
    egypt
    المشاركات
    895
    اقتباس المشاركة الأصلية كتبت بواسطة ليالي 99 مشاهدة المشاركة
    مشكورة اختي على هالموضوع الرائع00اناعندي حمودعمره(5شهور)مشكلته ماينام كثير يعني ساعتين ويصحى حتى بالليل كذاورضاعته للحين 90مل ماياخذاكثر والسيرلاك كم وجبه فاليوم0
    >>وحبيت ااكدعالمناغاة من اول اسبوع ينولدفيه تحاولي تفتحي شفايفك وبالبطيئ تقولي :هووو اغووو وبعدشهر: ابه يعني بابا وحبه حبه لحدمايتكلم
    >>وبالنسبه للي بنتها تتفزع ولدي كان كذا بس حاولي تلفينها صح عشان تحس بالامان0
    >>وبالنسبة للتنويم فالهدوء اشوفه مش كويس لان لورحت زيارة لحد اوجاني ضيوف ماراح ينام وبكذامشكله
    كده قليل ان تكون الرضعة 90 ملي بس ده مفروض ياخد 160 في الرضعة ده 5 شهور ماشاء الله وكمان لازم ياكل يعني وجبتين سريلاك او زبادي ببسكويت مطحون او خضار مسلوق ومهروس وكمان تفاح مسلوق
    علفكره ممكن قلة النوم دي من الجوع حاولي تشبعيه كويس اوي قبل مينام
    اقتباس المشاركة الأصلية كتبت بواسطة nemonamanemo مشاهدة المشاركة
    انا عندي ديه
    اقتباس المشاركة الأصلية كتبت بواسطة nemonamanemo مشاهدة المشاركة

    ممكن استخدمها من الشهر الكام
    ممكن تستخدميها من الشهر التالت وكمان من قبل كده كمان

  2. #77
    مشرفة سابقة الصورة الرمزية ام مـايا
    تاريخ التسجيل
    08/07/2007
    الدولة
    egypt
    المشاركات
    6,476
    تسلم ايدك يا سيمو
    بس مايا طلعلها حونيل امبارح فظيييع مش مجرد الرقبة بس
    بطنها وضهرها ورقبتها
    حتى لما اتصلت بالدكتور اتخض من الوصف وشك انها بعد الشر حصبة المانى وقالى هاتيها وكشف عليها وقالى انة حمونيل ومقاليش احطلها حاجة
    الغريب بئة انها لابسة قطم 100% داخلى بس الخارجى كان بيجامة قطيفة تفتكري منها؟؟
    وهل هيا هتفضل كدة بئة بقية عمرها لو حست بالحر يجلها بهدلة كدة؟
    وبالنسبة للشاور عادى الصابون والشاور جل وكدة ولا الاجسام دى محتاجة عناية خاصة
    انا حمتها انهاردة وقل كتير طبعا بس بردو لسة موجود

  3. #78
    عروس مبدعة
    تاريخ التسجيل
    23/01/2009
    الدولة
    egypt
    المشاركات
    895
    اقتباس المشاركة الأصلية كتبت بواسطة toty858 مشاهدة المشاركة
    تسلم ايدك يا سيمو
    بس مايا طلعلها حونيل امبارح فظيييع مش مجرد الرقبة بس
    بطنها وضهرها ورقبتها
    حتى لما اتصلت بالدكتور اتخض من الوصف وشك انها بعد الشر حصبة المانى وقالى هاتيها وكشف عليها وقالى انة حمونيل ومقاليش احطلها حاجة
    الغريب بئة انها لابسة قطم 100% داخلى بس الخارجى كان بيجامة قطيفة تفتكري منها؟؟
    وهل هيا هتفضل كدة بئة بقية عمرها لو حست بالحر يجلها بهدلة كدة؟
    وبالنسبة للشاور عادى الصابون والشاور جل وكدة ولا الاجسام دى محتاجة عناية خاصة
    انا حمتها انهاردة وقل كتير طبعا بس بردو لسة موجود
    ياروحي عليها الف سلامة عليها يا توتي بيصعبوا عليا اوي ربنا يخفف عنها يارب
    بصي من تجربتي مع ولاد اختي كمان ان الهدوم ليها عامل كبييييير اوي في الحمونيل والحر والهدوم القطيفةوكده لكن طول ما انتي بتحميها علطول بيقل وبيخف شوية بشوية ومعتقدش انها هتكون كده بقية عمرها انتي طول ما انتي محافظه عليها باللبس والحموم بتاعها اول لاول ان شاء الله هتكون عادي وبالنسبة للصابون واالشاور اعتقد عادي لانه بيكون كده كده بيور وخفيف ع الاطفال
    انتي بستخدمي ايه ليها ؟
    شامبو وشاور جل سانوسان تحفة وناتشورال

  4. #79
    مشرفة سابقة الصورة الرمزية ام مـايا
    تاريخ التسجيل
    08/07/2007
    الدولة
    egypt
    المشاركات
    6,476
    الله يسلمك ياسيمو والله مايا بقالها اسبوع كدة عجيبة ربنا يحميها يارب
    انا بستخدم شامبو سانسونسان بس اللى هو شامبو لوحدو
    وكنت جايبة شاور جونسون ولسة مش راضي يخلص
    باذن الله اجرب الشامبو والشاور مع بعض
    بس ياتري سعرة اية؟
    انا كنت جايبة الشامبو بس ب 21

    كمان انتى بتلبسى داخلى اد اية؟
    انا الاول كنت ملبساها
    سالوبيت قطن كم وواحد كت والبيجامة لاقيتها بردت لبستها فانلة كمان نص
    كدة كتير؟

  5. #80
    عروس مبدعة
    تاريخ التسجيل
    23/01/2009
    الدولة
    egypt
    المشاركات
    895
    مش فاكرة والله كان بكام ياتوتي الزهايمر يا اوختي بس قربت تخلص لما اشتري هقولك بكام
    انا بلبس كده للومي اهم حاجة يكون كله قطن في قطن وخلي بالك من التيكت اللي في السالوبيتات الداخليه لانها ممكن برضه من الاحتكاك يعمل حمونيل

  6. #81
    عروس مبدعة
    تاريخ التسجيل
    23/01/2009
    الدولة
    egypt
    المشاركات
    895
    في حاجة افتكرتها ياتوتي للحمونيل كانت يميم قالتلي عليها اننا ادهن الحمونيل بكريم التسلخات بتاع الدايبرز اللي هو سودو كريم او زنك اوليف وبرضه كان في تحسن ومنعها اصلا تظهر تاني

  7. #82
    عروس فضية الصورة الرمزية *pippo*
    تاريخ التسجيل
    07/12/2009
    الدولة
    بيتنا
    المشاركات
    2,029
    اقتباس المشاركة الأصلية كتبت بواسطة nemonamanemo مشاهدة المشاركة
    طيب انا عايزه افهم هو ايه اهميه التيتينه ليه مهم نديها للاطفال انا شايفه انها بتبقي رخمه و خصوصا لما يكبر شويه و تقع علي الارض و تتلوث
    انا شايفة ان مالهاش لزمة غير انها تسكت العيال الزنانة بزيادة لكن لو البيبى بتاعك هادى بلاش منها احسن لان الفطام منها صعب
    اقتباس المشاركة الأصلية كتبت بواسطة nemonamanemo مشاهدة المشاركة
    انا عندي ديه

    ممكن استخدمها من الشهر الكام
    هى مفروض من اول الشهر التالت بس كل مابداتى تستعمليها بدرى كل ماكان احسن عشان بتنمى حواس الطفل
    وممكن تستعمليها من اول يوم كمان يو حبيتى خصوصا لو اللى بتتعلق فوق السرير وهو نايم

    اقتباس المشاركة الأصلية كتبت بواسطة crazy ananas مشاهدة المشاركة
    اهلا بكل البنات الجديده عوزه ارد على كل واحده بس بجد مفيش وقت

    بس ان شاء الله هرد وارحب بكل واحده فى اقرب وقت

    بصوا دول شويه لعب كدا عالسريع


    ديه مجموعه لعب اول شهرين او 3 شهور واهم حاجه فيها انها تكون ناعمه الونها زاهيه وفاقعه ومش بتتكسر او تتفك بسهوله وكمان اللعب فالسن ده لما تكون كبيره احسن من الاحجام الصغيره





    والبيبى جيم فى منه اشكال كتير واحجام مختلفه




    ديه مجموعه شخاشيخ وشفتها ب 27
    حلوين قوى يا انوس بس الميزان وحش
    قوليلى اللى بـ27 دى شوفتيها فين؟

  8. #83
    عروس ذهبية
    تاريخ التسجيل
    08/12/2009
    الدولة
    egypt
    المشاركات
    2,735
    اقتباس المشاركة الأصلية كتبت بواسطة toty858 مشاهدة المشاركة
    سوسي
    انا مرة بنتى جالها امساك وقعدت 4 ايام متعملش
    اتصلت بالدكتور بتاعها
    ومقاليش اديلها لبوس ولا حاجة
    قالى اديلها اعشاب كتييير اللى فيها بابونج
    وفعلا لما بحس انها ابتدت متعملش اديها الحمد لله بيجيب نتيجة
    وانا كنت سمعت مدحت الزيات بيقول كدة بردو

    انتى عارفة لو نورين كبير شوية كنت قلتلك اديها عصير برتقال بيسهل البطن كتييير

    انا بديلها بيبي درينك ومابيعملش حاجة بردو يا توتي
    هو انا ممكن اديلها معلقة واحدة عصير برتقال من امتي ؟؟؟؟؟
    اقتباس المشاركة الأصلية كتبت بواسطة مشامى79 مشاهدة المشاركة
    بصى بقه بالنسبه للامساك لازم تعرفى الاول هى بتعمل كام مره فى اليوم عشان فى طفل بيعمل مره او اتنين وفى بعد كل رضعه فلازم تتابعيها الاول وبالنسبه للبوس هو ليه بروتكول كده لاستخدامه عشان مش تتعود عليه يعنى مثلا انتى اديتيها اللبوس بالليل الساعه تسعه وعملت ماتديهاش تانى الابعد 12ساعه من نفس الوقت اللى اخدت فيه لان اللبوس بيفضى الامعاء خالص فمش تلحق حبيببتى تعمل فلازم تتستنى لنفس المعاد اللى اديتىهولها فيه وتستنى بعده 12 ساعه لو ماعملتش تاخده تانى يارب تكونى فهمتينى وحاولى بقه تظبطى اكلك ممكن تكونى بتاكلى حاجات بتسسبب لها الامساك ون شاء الله تبقى زى الفل
    هي المفروض مرة واحدة في اليوم فالدكتور كان قايللي لو قعدت 3 ايام من غير ماتعمل اديلها اللبوس بس انا مش عايزة اديلها لبوس تاني بقي
    اقتباس المشاركة الأصلية كتبت بواسطة garfeild مشاهدة المشاركة
    الحمونيل بيجي من الحر وخصوصا لو البيبي كان مش لابس ملابس قطنية داخلية وخارجية وفي الايام الي كانت حر طلع للمار حمونيل عند رقبتها كتيييييييييير لبستها سالوبيت قطن وقلعتها القطيفة ولازم تكون البافتة قطن ناعم لان في بافتات خامتها زي البشكير ودي بطلع لوحدها حمونيل وبتعمل حساسية وكنت كل ساعتين امسحلها رقبتها بمياة دافية مايله للفاتره ولو مرحتش هاتي لوشن اسمه A1 حلو للحامونيل وطبعا مش هاوصيكي اياكي والباودر لانها خطررررررررررررر جدا لااطفال وخصوصوا ع منطقة الرقبة لانها ممكن تعمل اختناق للبيبي وكما فيها مواد مسرطنة ربنا يعافينا ويعافي اولادنا

    سوسي متحكميش على نورين انها عندها امساك الا لو قعدت متعملش بيبي لمدة 6 ايام او اكتر انما غير كده عادي جدا انها متعملش لمدة يومين تلاته وخصوصا في التلات شهور الاولى لان البيبي بياخد كفايته من اللبن وميعملش بيبي فهماني
    وممكن تديها معلقة عصير برتقال مخففة وبلاش بجد لبوس الجلسرين كل دكاترة الاطفال قالوا بلاش منها غير مستحبة لان البيبي بيتعود عليها ودي حاجة مش ظريفة وكمان خلي اكلك انتي يحتوي على الياف كتير وطبعا الخضروات والحجات دي وقللي من الحجات اللي بتعملك انتي امساك وكتري من السوايل على اد ماتقدري لان كل حاجة انتي بتاكليها وبتشربيها بتروح للبيبي
    طيب لو انا شربت عصير برتقال يجيب نتيجة معاها ؟؟؟
    اقتباس المشاركة الأصلية كتبت بواسطة toty858 مشاهدة المشاركة
    الله يسلمك ياسيمو والله مايا بقالها اسبوع كدة عجيبة ربنا يحميها يارب
    انا بستخدم شامبو سانسونسان بس اللى هو شامبو لوحدو
    وكنت جايبة شاور جونسون ولسة مش راضي يخلص
    باذن الله اجرب الشامبو والشاور مع بعض
    بس ياتري سعرة اية؟
    انا كنت جايبة الشامبو بس ب 21

    كمان انتى بتلبسى داخلى اد اية؟
    انا الاول كنت ملبساها
    سالوبيت قطن كم وواحد كت والبيجامة لاقيتها بردت لبستها فانلة كمان نص
    كدة كتير؟
    كنت هاقوللك ياتوتي يمكن تكوني متقلالها الهدوم زيادة عن اللزوم بس كدة مش كتير انا كمان ملبسة نورين كدة طيب جربي كدة كريم التسلخات
    انا اعرف ان البيبي اللي عندو حمونيل بيحطوله بودرة تلك بس اليومين دول مش عارفة ايه الاشاعات اللي مطلعينها علي بودرة التلك دي ؟:057:

    اناناسة اللعب حلوة اوي عايزة اجيب زيها العب بيها انا

  9. #84
    عروس رائعة
    تاريخ التسجيل
    01/11/2007
    الدولة
    فى قلب روحى
    المشاركات
    1,412
    اقتباس المشاركة الأصلية كتبت بواسطة Eng. BoB مشاهدة المشاركة
    وبالنسبة للأكل على الست شهور ده مش بيقلل شهية الطفل ولا حاجة .. الاطفال زى الكبار زى ما فى ناس كبيرة شهيتها فى الاكل قليلة وناس شهيتها كبيرة الاطفال كده هم كمان .. واحدة صاحبتى ما اكلتش بنتها الا على الست شهور زى كلام الدكتور وما شاء الله البنت زى الفل وبتاكل كويس جدا دلوقتى ..
    انا هقولك رائ بالظبط فالموضوع ده
    الهدف من اكل الاطفال فى سن بدرى عشان يتعودوا عليه مش اكتر ومش مهم الكميه
    لان الطفال لما يكملوا 4 او 5 شهو بيتتكون عندهم الذاكره واللى اتعودوا عليه هو اللى بيفضلوا عليه واى تعود جديد بياخد وقت
    وبرضو لما ناكلهم بينفع فى اننا نحوش لبن مش طول اليوم رضاعه وممكن ميكفيش لو علطول رضاعه فهمانى

    اقتباس المشاركة الأصلية كتبت بواسطة shimaaafifi مشاهدة المشاركة
    فعلا يارييييييييييييت الدكتور ده ممتاز وعلى طول الحلقه بتقع منى
    وانا بتابع مع دكتور حازم المصرى فى النعام
    دكتور ممتاز
    وهو فعلا كويس يا شيمو اصله جمب ماما خالص وممكن اروحله ياريت تقوليلى رايك والمتابعه بكام وكدا
    انا روحت لدكتور عند احمد عصمت فى عين شمس هو دكتور كبير ومتخصص فى الحساسيه الصدر والنزلات المعويه والجفاف اسمه د كمال حسنى
    بس الكشف بتاعه ساعه كامله بجد انا اول مره نروح مشينا من عنده الساعه 3 بليل والله
    والاستشاره ربع ساعه دكتور عنده ضمير رخم قوى وزهقنا موت اليوم ده ومكناش مصدقين اللى بيحصل انه بيكشف ساعه كنا هنتجننا لاننا كنا اخر ناس بس الامانه هو كويس وعنده ضمير عرفين دكتور كبير وفاضى وبيحب شغله

    اقتباس المشاركة الأصلية كتبت بواسطة totamanas مشاهدة المشاركة
    السلام عليكم ورحمة الله

    تسلم ايدك علي الفكرة الجميلة دي انا قريت الموضوع من اوله لاخره عشان استفيد منكم جزاكم الله خير بالنسبة ليا انا عندي يوسف عمره خمس سنين ونص ومريم خمس شهور الله يهديهم ويصلح حالهم يارب ونصحيتي للامهات ان الفرق بين اول وتاني بيبي المفروض ميكونش كبير اوي لاني عانيت مع يوسف كتير وكان منطوي ومش واخد علي حد حتي القريبيين مني وحتي اما كان بيطلع يلعب في الحديقة كان لازم اكون حنبه ولو مشيت يعيط وكان عمره وقتها 3سنين ونص ولسة لحد دلوقتي معندوش الشجاعة انه يواجه حد زعلو لوحده لازم يجيني ويشتكي عشان اخد له حقه المهم دي كانت نصيحتي لكل ام ولو افتكرت حاجة تانية حقولكم عليها
    فعلا معاكى حق هو احسن فرق بين الاتنين بالكتير قوى 3سنين
    المهم انتى حاولى تشاركى يوسف فى اهتمامك بمريم يعنى خاليه يسعدك وانتى بتحميها او بتغيرلها او حتى بتشتريلها حاجه وحسسيه انه اكبر منها وهو المفروض يحبها ويهتم بيها عشان هى متعرفش تعمل حاجه وصغننه
    وبرضو حاولى لو ينفع توديه نادى يشترك فى اى لعبه زى السباحه بتديه ثقه فالنفس وبيكون اجتماعى اكتر
    وربنا يخلهملك يهديهم يارب
    ونورينا دايما بنصيحك

    اقتباس المشاركة الأصلية كتبت بواسطة راااحتي ب سجودي مشاهدة المشاركة
    انا ام جديدة خبرتي بلاطفال قليلة..ومنكن نستفيد
    اهلا رااااحتى منوره وتتهنى بالبيبى بتاعك دايما
    على فكره احنا هنا معظمنا امهات جدد ولى اول مره ومع بعض ممكن نفيد بعض

    اقتباس المشاركة الأصلية كتبت بواسطة مشامى79 مشاهدة المشاركة
    انا معاكى ان الفرق كده كبير انا برضه عندى يوسف خمس سنين ودانا سبع شهور بس انا اللى تعبت فى انى كنت خلاص عودت يوسف ينام فى ميعاد ويقوم فى ميعاد وينام فى اوضته وفجاه كل حاجه باظت النوم رجع اتلخبط وبقه يرفض ينام فى اوضته لوحده يقولى انام لوحدى ياماما وطبعا صعب احط سرير دانا فى اوضته عشان الرضاعه فكل حاجه فعلا باظت ورجع السهر فبجد لما يكون الفرق اصغر بتظبطيهم سو وترتاحى من همهم مره واحده
    وممكن يكون ابنك منطوى عشان مش بيشوف اطفال كتير وبعدين دى بتبقى طبيعه شخصيه انتى بس حاولى تخليه يختلط باطفال هو مش بيروح مدرسه المفروض يكون فى كى جى ما كده
    موضوع تحفه
    منوره يا مشامى وربنا يخليلك دانا ويوسف
    معلش هوممكن مع الوقت يوسف يتعود بس المهم انه يحب دانا ويهتم بيها
    وحاولى برضو تجبيله لعب بيحبها ويحس ان وجود دانا مش ماثرر عليه خالص

    اقتباس المشاركة الأصلية كتبت بواسطة سماسم**** مشاهدة المشاركة
    يعطيكِ العافية حبيبتي
    سماسم منوره وياريت نشوف مشاركات اكتر

    اقتباس المشاركة الأصلية كتبت بواسطة garfeild مشاهدة المشاركة
    نصيحة النهاردة
    لاااااااااااااااااااازم الببي يتعرض للشمس علشان فيتامين د وطبعا كلنا عارفين اهميته في تكوين الكالسيوم وثبات الكالسيوم في العظام واللي شايف ان تعرض البيبي للشمس صعب يعني معندوش شمس في البلكونه يدي البيبي فيتامين د نقط وده برضه كلام دكتور مدحت الزيات وقال ان الفيتامين د ممكن يتاخد من شهر التاني
    بس انا بقيت اصحى بدري الساعة 10 وافتح الستارةو اعرض لومي للشمس 10 دقايق

    وفي نصيحة كمان
    البيبي مفروض من الشهرالتاني ياخد عصير برتقال دكتور الاطفال اللي وديت لمار ليه قالي كده وقالي نبتدي بمعلقة عصير برتقال مخففة بمعلقة ميه معدنيه وبالتدريج لغاية معلقيتن ومكترتش عن كده علشان الاسهال وقالي عصير البرتقال ممتاز لاامساك وكمان فتيامين سي وخصوصا في البرد ده وقالي استمر كده معلقتين لغاية 4 شهور وبعد كده ادخله مع البسكويت او السريلاك والشهر الخامس ممكن ببرونة 50 ملي



    اقتباس المشاركة الأصلية كتبت بواسطة ليالي 99 مشاهدة المشاركة
    مشكورة اختي على هالموضوع الرائع00اناعندي حمودعمره(5شهور)مشكلته ماينام كثير يعني ساعتين ويصحى حتى بالليل كذاورضاعته للحين 90مل ماياخذاكثر والسيرلاك كم وجبه فاليوم0
    منوره ليالى وربنا يخليلك حمود يارب هو ممكن فعلا ميكونش شبعان و90مل ده قليل
    انتى المفروض اللى يحدد الجرعه هو الدكتور بس هو ماشاء الله 5 شهور يعنى احتياجه للبن اكتر ولزم تزودى لحد مايشبع حمود والمفروض تديله اكل برضو زى بسكوته ساده متبوشه فى مايه مرتين فاليوم او بالزبادى خالى الدسم
    البيبى بينام كويس لما يكون شبعااااااااااااااااااان

    اقتباس المشاركة الأصلية كتبت بواسطة nemonamanemo مشاهدة المشاركة
    طيب انا عايزه افهم هو ايه اهميه التيتينه ليه مهم نديها للاطفال انا شايفه انها بتبقي رخمه و خصوصا لما يكبر شويه و تقع علي الارض و تتلوث
    نيمو انا حاولت ادى نانو التيتيه اول مره مصت فيها وبعد كدا زقتها ومش حباها خالص مش عارفه ليه يمكن البنت عاقله وميضحكش عليها هههههههههههه
    بس عموما انا شيفه انها عشان تلهى البيبى وميعيطش كتير او لو نايم هى بتديله الاحساس بالامان وينام نومه كويسه

    اقتباس المشاركة الأصلية كتبت بواسطة nemonamanemo مشاهدة المشاركة
    انا عندي ديه
    ممكن استخدمها من الشهر الكام
    ممكن من شهرين والبيبى يبتدى يتفاعل معاها على 4 شهور
    نيمو انتى حامل وله معاكى بيبى

    اقتباس المشاركة الأصلية كتبت بواسطة toty858 مشاهدة المشاركة
    عاوزة اسئل على حاجة يا بنات
    حد عندو فكرة عن الحمونيل للاطفال ازاى نعالجة؟؟
    واية اللى بيخلية يطلع وازاى اتجنبة
    انا كل اللى اعرفه يا توتى انه بيجى مالحر
    الف سلامه عليها وربنا يحفظهالك هى مالها ملطشه معاها اليومين دول ليه ربنا يخفف عنها يارب
    بصى هو ده لحمونيل مررات اخويا قالتلى عليها هى شغاله فالشركه بتعته

    وديه مكوناته ودواعى الاستخدام معلش بالانجليش عشان جبتها مالموقع ترجميها من جوجل
    Composition Each 100 ml contain:
    Zinc oxid 10 gm
    Camphor 0.1 gm
    Menthol 0.2 gm
    Glyeerol 10 gm


    Indication Pan-d lotion is applied externally in case of :
    - Inflammatory skin reaction
    - Redness & Roughness
    - Mild sun burn
    - Sweet rash
    - Skin irritation associated with insect bites
    وربنا يشفيها يارب مايا حبيبتى
    اقتباس المشاركة الأصلية كتبت بواسطة sosiii-cat مشاهدة المشاركة
    عايزة اسألكوا علي حاجة بقي انا بنوتي علي طول عندها امساك مش عارفة ايه السبب وإضطريت اديها لبوس جلسرين كذا مرة وخايفة تتعود عليه ومش تعرف تعمل الا بيه بعد كدة ايه الحل ياتري ؟؟؟
    منوره يا سوسى الامساك عادى هو مش امساك زى بتعنا يعنى لا ده عشان البيبى بياخد كل فايده الاكل او اللبن ومفيش زياده عشان يخرجه فعادى نانو برضو كانت كدا اول 3 شهور كان ممكن تقعد يومين تلاته متعملش وتديها فى رابع يوم انفجار
    فعادى انتى ممكن لما متعملش اعمليلها ينسون مش محلى تاخد تلات اربع معالق كدا

  10. #85
    عروس رائعة
    تاريخ التسجيل
    01/11/2007
    الدولة
    فى قلب روحى
    المشاركات
    1,412
    اقتباس المشاركة الأصلية كتبت بواسطة لوليكي مشاهدة المشاركة
    روووووووووعة الموضوع منكم نستفيد حبيباتي
    لوليكى منوره ويارب تستفيدى فعلا
    وياريت تفيدينا من خبراتك

    اقتباس المشاركة الأصلية كتبت بواسطة toty858 مشاهدة المشاركة
    باذن الله اجرب الشامبو والشاور مع بعض
    بس ياتري سعرة اية؟
    انا كنت جايبة الشامبو بس ب 21

    كمان انتى بتلبسى داخلى اد اية؟
    انا الاول كنت ملبساها
    سالوبيت قطن كم وواحد كت والبيجامة لاقيتها بردت لبستها فانلة كمان نص
    كدة كتير؟
    الشاور والشامبو ب 20ج يا توتى

    وانا بلبس نانو حاليا شايا بكم وواحده بنص وعليهم سالوبيت قطن
    وعلى فكره انا طول الشتا مكنتش بلبسها اى حاجه قطيفه غير فالخروج بس والحمد لله

    اقتباس المشاركة الأصلية كتبت بواسطة Eng. BoB مشاهدة المشاركة
    حلوين قوى يا انوس بس الميزان وحش
    قوليلى اللى بـ27 دى شوفتيها فين؟
    وله يهمك مالميزان يا بيبو انتى ادعيلى بس
    الشخاشيخ شفتهم فى كيدزبارك فى مدينه نصر بس هما هتلاقيهم فى اى محل اطفال كبير

    اقتباس المشاركة الأصلية كتبت بواسطة sosiii-cat مشاهدة المشاركة

    اناناسة اللعب حلوة اوي عايزة اجيب زيها العب بيها انا
    وحياتك وانا كمان ولسه فى لعب تجنن


    وده او زد اللى بستعمله لنانو للحفاضات ودلوقتى فى منه حجم اكبر

  11. #86
    عروس جديدة الصورة الرمزية totamanas
    تاريخ التسجيل
    16/10/2008
    الدولة
    r'v
    المشاركات
    27
    تسلميلي يا مشامي وربنا يخلي يوسف وداناويهديهم بس انا بعتب عليكي انك اتراجعتي مع يوسف كان المفروض تفهيميه ان اخته نونة صغننة وبترضع ولازم تكون نايمة جنبك وانه خلاص كبر وكلها كام شهر واخته تكبر وتنام معاه في اوضته وتونسه وكان لازم تقنعيه بهداوة لحد ما يلتزم زي ما كان اما موضوع النوم دا ربنا يعنا عليه يارب وتكون فترة وتعدي بسرعة بسرعة دا انا بصبر نفسي بكدا ها ها ها

  12. #87
    عروس ذهبية
    تاريخ التسجيل
    08/12/2009
    الدولة
    egypt
    المشاركات
    2,735
    [QUOTE=crazy ananas;1146432

    منوره يا سوسى الامساك عادى هو مش امساك زى بتعنا يعنى لا ده عشان البيبى بياخد كل فايده الاكل او اللبن ومفيش زياده عشان يخرجه فعادى نانو برضو كانت كدا اول 3 شهور كان ممكن تقعد يومين تلاته متعملش وتديها فى رابع يوم انفجار
    فعادى انتى ممكن لما متعملش اعمليلها ينسون مش محلى تاخد تلات اربع معالق كدا[/QUOTE]

    اناناسة نور عندها اربعين يوم اديلها ينسون عادي؟؟

  13. #88
    عروس رائعة
    تاريخ التسجيل
    01/11/2007
    الدولة
    فى قلب روحى
    المشاركات
    1,412
    اقتباس المشاركة الأصلية كتبت بواسطة sosiii-cat مشاهدة المشاركة
    اناناسة نور عندها اربعين يوم اديلها ينسون عادي؟؟
    عقبال متكمل ميه سنه
    انا بدى نانو بيبى درنك من اول يوم عادى والينسون موجود فيه
    فكنت سئلت الدكتوره بتعتها كانت نانو مكمله شهر تقريبا قولتها ان نانو مش بتحب البيبى درنك قالتلى ممكن تكون بتحب نوع واحد من الاعشاب وقالتلى اعملها نوع واحد زى الينسون او الكراويه كدا وكمان الكاموميل اللى هو الشيح البابونج
    فعادى يا سوسى اديها ينسون من غير سكر

  14. #89
    عروس ذهبية
    تاريخ التسجيل
    08/12/2009
    الدولة
    egypt
    المشاركات
    2,735
    ربنا يخليكي يا انوسة وميرسي علي ردك واهتمامك ربنا يخليلك نانو يارب

  15. #90
    عروس مبدعة
    تاريخ التسجيل
    23/01/2009
    الدولة
    egypt
    المشاركات
    895
    ملخص حلقة دكتور مدحت الزيات

    كان موضوع الحلقة عن حساسية الصدر عند الاطفال ربنا يعافي اولادنا
    قال ان في تلاته انواع من الحساسية( تزييق في الصدر وده بيكون ناتج من البرد و حساسية مصاحبة لكحة وبرد وبيروح عادي مع العلاج وفي تزييق بيكون ناتج من حساسية في الانف ونوع تالت حساسية وراثية وده نوع خطير والربو الشديد وقال ان دي اخطر نوع )
    قال ان اي طفل بيكح مثلا بليل كتير والصبح عادي ده مش معناه انه عند حساسية في الصدر لآ ده بيكون حساية في الانف وبيكون المخاط عنده كتير وبينزل وهو نايم في بؤة وبالتالي بيكح شديد اوي وفي دكاترة كتير بيشخصوا غلط ويقولو حساية في الصدر ويدوا دوا غلط وبيكون العلاج غلط في غلط واصلا في الاساس العلاج حاجة تافه جدا انه نقط لانف (محلول ملحي من اي صيدلية)
    لكن الكحة المستمرة ليل ونهار متواصله ده لازم يتعالج بمضاد حيوي
    وقال برضه في فرق بين حساسية الصدر وحساسية الانف
    الصدر لو كان بيزيق من غير كحة ده معناه حساسية انف لكن تزييق الصدر مع كحة شديده ده يكون حساسية صدر وقال انهم بيعلموا الدكاترة الصغيرين القاعدة دي
    واتكلم برضه عن الاخطاء اللي بتعملها الدكاترة في العلاج الخاطئ للكحة والبلغم بيقول المشاع ان اي دكتور يروح كاتب طارد للبلغم لما يكون الطفل عنده كحة وبلغم ع الصدر بيقول ده مش علاج كويس
    لازم في الاساس انتي بيوتك مناسب للطفل وياخد مذيب للبلغم مش طارد للبلغم لان في فرق بينهم
    المكالمات بأه ملخصها
    واحده اتصلت وبتقول للدكتور ابني عمره 6 شهور ومبنمش كويس عمل ايه
    قالها لازم تشبعي ابنك قبل مينام يعني تكون اخر وجبة ليه اكل مش لبن لانه كبر واحتياجاته زادت واللبن مش كافي انه يشبعه وقال الطفل في عمر 6 شهور مفروض خلاص كبر وياكل يعني مفروض 5 وجبات مشبعه( 3 لبن و2 وجبة سريلاك رز او قمح وخضاراو تفاح مسلوق) يعني يكون اليببي حصيلته في الاخر 5 وجبات مشبعة
    وواحده تانيه اتصلت وقالت ان بنتها عندها سنة ووزنها 7 كيلو وعلطول عندها نزله معوي من وهي شهرين مرتين في الشهر وبتوديها المستشفى تعلق محاليل لمدة اربع سعات وتروح
    قالها ده ممكن يكون حساسية من اللبن و 7 كيلو وسنة ده قليل اوي وايه توديها تاخد محاليل اربع ساعات وتروح ايه ده
    قالها ازاي يجيلها نزلة معوية من وهي عمرها شهرين مفروض مبتكلش حاجة من الارض وانك مفروض تحافظي عليها وتحافظي على نظافة الببرونة قالها ده اكيد حساسية من اللبن او لازم تحلل دم وبراز لانه ممكن يكون برضه التهاب بكتيري ومتعالجش اصلا كويس علشان كده بيرجع علطول قالها وديها مكان كويس يعملها تحاليل دم وتعرفي بنتك عندها ميكروب ايه وتتعالج صح ولو احتاجت محاليل يكون محالليل طول مدة العلاج مش لمدة اربع سعات وتروحي

    وفي واحده تانيه اتصلت وبتقول ان بنتها عندها سنه ونص ووزنها 7 كيلو ونص ( طبعا هو ودعاء المذيعة استغربوا جدا وقالوا تاني واحده بنتها وزنها 7 كيلو وقال الدكتور ده تهريج )
    المهم المتصله بتقول ان بنتها ضعيفة اوي لدرجة انها مبتقدرش تقوم او تحبي كويس ولو سندتها تقع منها ومبترضاش تاكل ابدا وترجع الاكل ومبتخدش غير اللبن وبس
    قال الدكتور الكلام ده مينفعش طبعا ولازم تاكلي بنتك غصب عنها مرة بالعب ومرة قدام التلفزيون وتحاولي مرة في مرة هتاكل ومش هترجع وسألها انتي ابتديتي تأكلي بنتك امته قالتله وهي عندها 7 شهور طبعا قالها ده ميكنش ينفع وياجماعه احنا بنقول لازم تعودوا ولادكم انهم ياكلوا من الشهر الرابع علشان يعرفوا ان في حاجة اسمها اكل مش كله لبن وبس ويرفضوا بعد كده الاكل ويكون في صعوبه للتعود

    وواحده اتصلت بتقول هل ممكن الواحد يشفط البلغم من الصدرقالها مفيش حاجة اسمها تشفيط من الصدر ده كلام فارغ المفروض ندي مذيب للبغلم ونشفط البلغم من الحلق وندي موسع للشعب الهواثية



    كان معكم من القاهرة من منزلها المراسلة التليفزيونية



















    سيمووووووو

المواضيع المتشابهه

  1. نصيحه عن فيد اوت
    بواسطة $$بحور$$ في المنتدى ركن العناية بالبشرة والجسم
    مشاركات: 7
    آخر مشاركة: 19/01/2010, 03:10 AM
  2. نصيحه لكل أم
    بواسطة .. طيف الأمل .. في المنتدى التربية والطفل
    مشاركات: 20
    آخر مشاركة: 08/11/2008, 07:44 AM
  3. نصيحه نصيحه لصيف 2004
    بواسطة hattan في المنتدى قضايا دينية
    مشاركات: 7
    آخر مشاركة: 03/06/2004, 07:32 AM
  4. نصيحه
    بواسطة ملحم في المنتدى قضايا دينية
    مشاركات: 2
    آخر مشاركة: 14/04/2003, 02:05 AM