روابط قد تهمك :
فساتين العروس | تسريحات | تنظيم الاعراس | زخرفة | عالم حواء


صفحة 1 من 20 1234567891011 ... الأخيرةالأخيرة
النتائج 1 إلى 15 من 287

الموضوع: *لكل غرفة صغيرة وركن ضيق عندي ليكي الحل *مع كلاسيك

  1. #1
    مشرفة سابقة الصورة الرمزية * كلاسيك *
    تاريخ التسجيل
    27/11/2008
    الدولة
    وردة مستخبيه ف قلب حبيبي
    المشاركات
    8,573

    *لكل غرفة صغيرة وركن ضيق عندي ليكي الحل *مع كلاسيك

    السلام عليكم ورحمة الله وبركاته
    ..~..~..~..~..~..~..~..~..

    ازيكم يا عروسات ؟ عاملين ايه ؟

    يارب بخير دايماً

    النهارده جيبالكم موضوع يمكن مش جديد اوي

    بس إن شاء الله تكون المعالجة مختلفة

    هنتكلم في الموضوع ده عن كل ركن ضيق ف البيت

    وإن شاء الله نحاول نشوف حلول مع بعض واكيد اللى عنده فكرة

    لازم يزودنا بيها ويفيدنا بخبرته .. يلا نشوف





    ***



    بسم الله ..



    اول حاجة قبل ما ندخل ف صلب الموضوع عايزين نتكلم عن 6 عناصر

    مشتركة بتساهم ف معالجة الأماكن الضيقة بصفة عامة

    انا قرأتها ف منتدى لن اختصرتهالكم بأسلوب مبسط وسريع




    1- الأبواب :



    من الأفضل لينا اننا نستغني عنها لو الأماكن متقاربة مع بعض

    يعني لو غرفة معيشة مثلاً ملحقة بالريسبشن مش ضروري باب

    وممكن نستغنى عن الأبواب الرئيسية بأبواب منزلقة زى الألوميتال

    بمعنى اصح بتتسحب ودي بتتركب على الجدار نفسه فتوفر مساحة

    وتدينا احساس بأتساع المكان





    2- النوافذ :



    برضه من الأفضل انها تكون نوافذ كبيرة او نافذه بطول الحائط

    وده هيدينا اكتر من حاجة اول حاجة إضاءة وده برضه هيشارك ف

    أحساس الأتساع اللى عايزينه وكمان امتداد بصري




    3- الدهان :


    طبعاً معروف ان الدهانات الفاتحه بوجه عام بتدي احساس كبير

    بالأتساع زي الوانات الباستيل وهى الأخضر فاتح والأزرق الفاتح

    وكمان البيجات والأبيض وكمان سن الفيل ونلاحظ انها كلها الوان

    موضة السنة دي وكمان معظمها الوان محايدة وينفع معاها اختيارات كتير

    لكن لو حبينا نعمل لون مطرقع ممكن يكون على جدار واحد بس

    ونفس الفكرة بالنسبة لورق الحيطة

    ولو حبينا نعمل رسومات ممكن ف حيطة واحده نعمل خطوط طولية

    هتدي وسع برضه




    4- الأثاث :


    لازم نختار اثاث صغير مش لمجرد ان فى حاجة عجبتنا نجيبها وخلاص

    لأن ممكن مع كل العناصر اللى فوق دي نجيب اثاث حجمه كبير

    يبقى ولا كأننا عملنا حاجة

    وممكن نلجأ كمان للأثاث المتعدد الأستخدامات وده منتشر جداً

    ف الأثاث المودرن دلوقتي زي الكنبة اللى بتتقلب سرير

    وكمان الأرفف البيلت إن وهى اللى بتكون مبنيه جوه الجدار نفسه

    بتوفر مساحة كبيرة وكمان الترابيزات متعددة الأرفف




    5- الأكسسوارات :


    ف الأماكن الضيقة هنقلل الأكسسوارات لأنها هتعمل زحمة لو زادت

    وممكن نستخدم لوحات متشابهه او منظر طبيعي يدينا بُعد بصري

    او ستاير طويلة تبدأ من فوق اعلى النوافذ ومن قماشات خفيفة

    ونبعد خالص عن النباتات الصناعية خلينا ف الطبيعيه خارج النافذه

    او نعلقها ف سقف خشبي شبكي او ف الأركان والزوايا

    كمان ممكن نعمل مرايا بطول الجدار تدي وسع وانعاكس جامد جداً

    وكمان نقلل المخدات لو موجودة





    6- الإضاءة :


    هنعتمد هنا على الإضاءة الطبيعيه زي النوافذ او فتحات زجاجية

    صغيرة ف الجدران وكمان الإضاءة الصناعية زي السبوت لايت

    في الأركان والزوايا او الخارجه من بعض الأكسسوارات او الأباجورات

    او الأباليك المتعلقه على الحيطه




    7- (ودي من عندي بقى ) النظافة :

    نظافة المكان الضيق حاجة ضرورية جدااااا لأنه بيبان في بسرعة

    اى حاجة تترمي او مش ف مكانها بيبان انه مكركب وضيق كمان




    بكده نكون خلصنا العناصر المشتركة

    واكيد في حاجات متخصصة هنتكلم عنها ف الموضوع نفسه

    وانا إن شاء الله اكتب التعليق فوق الصورة بناءاً على طلب الجماهير :D

  2. #2
    مشرفة سابقة الصورة الرمزية * كلاسيك *
    تاريخ التسجيل
    27/11/2008
    الدولة
    وردة مستخبيه ف قلب حبيبي
    المشاركات
    8,573
    نبدأ ب غرفة المعيشة


    وحاجات برضه ممكن تنفع للريسبشن لأنى ملقتش

    صور لريسبشن ضيق بصراحة :D

    مبدأيا احنا ممكن نستخدم حاجة زي كده كنبة وف نفس الوقت ممكن

    تستخدم كسرير لحل مشكلة قلة الغرف يعني نستفيد من غرفة المعيشة

    وتكون غرفة نوم إضافية مثلاً للضيوف ودي فكرة ناوية ان شاء الله اعملها

    وهنشوف ف الصورة كمان خزنة للكنبة فيها مرتبة كمان يعني 3×1

    2 سرير + كنبة


    وطبعاً ممكن تكون خشب او فوفورجية وتبقى جديدة ف الشكل









    ..


    غرفة صوغنونة وزى ما انتوا شايفين وهتشوفوا ف معظم الصور

    البطل هو اللون الفاتح للدهانات

    واستخدم هنا رف فوق التلفزيون والترابيزة نفسها بأرفف تحتية

    وكمان إضاءة الشباك ادت وسع كبير























    ...

    نفس الكلام هنا لكن زى ما قولتلكو تقريباً مفيش باب للغرفة

    وكمان نبص على الستارة من فوووق خالص عند السقف

    ودي محسسنا فعلاً بالوسع





















    ...

    هنا يمكن مش ضيقة اوى بس العمود ده عمل مشكلة

    المشكلة تم تعويضها باللون الفاتح وكمان فتح جدار كامل بالزجاج

    شوفتوا ازاى ادانا احساس بالمكان انا اعتقد لو ده جدار عادي

    كنا حسينا فعلاً ان المكان ضيّق





















    ...

    دي تقريباً ركنة في ريسبشن مش غرفة نوم ابداً لكن الكنبة دي بتتقلب وتدخل

    جوه الحيطه وتحتها انترية بنفس اللون

    صحيح فكرة مش معتادة خالص لكنها عملية جداً وجديدة

    كمان عمل الأرضية بلون الجدار والأرفف وفرت مساحات كبيرة

    تخيلوا برضه لو الألوان مختلفة هتحسوا اكيد بالفرق






















    ...


    استخدم هنا لون فاقع لكن لنص الجدار بس

    والستاير عملية لتسهيل دخول الضوء

    كمان الترابيزات متعددة الأستخدامات لأنها ممكن تكون كرسي

    من غير الأكسسوارز اللى عليها غير انها خزينة غطاها بيتفتح





















    ...

    نفس الكلام ف الستاير والأضاءة

    ونلاحظ ان رغم الغرفة فيها تفاصيل وارفف لكن الأكسسوارات مش كتير

    وكمان الوانها مش مزعجة في تناسق كبير وكمان ف الستاير





















    ...


    واضح هنا الأضاءة وكمان الباب هنا عملوه اوكورديون لتوفير المساحة



















    ...

    حلوة دي اوى ممكن تكون ركنة في ريسبشن مش غرفة معيشة

    لكن حلوة استخدم فيها الوان كتير وعمل منه مكان كبير

    استغل الحيطة ف مكتبة وتحتها تلفزيون وكمان اضاءة طبيعية

    من الشباك وصناعية عمودية من الأباجورة





















    ...


    هنا بقى لو تاخدوا بالكو مستخدمش الألوان الفاتحه خالص لكن زى ما يكون

    فصل الريسبشن بفاصل مش من اصل الجدار نفسه بس فكرة حلوة اوى

    وخاصة لو الريسبشن كبير

    وفتحها من غير باب وعمل فيها ركنة صغيرة ومكتب وول يونيت

    يعني عمل برضه من ركن غرفة متكاملة لكن الأضاءة هنا صناعية






















    ...


    غرفة صغيرة خالص وبدل ما تكون ركن مهمل استغلها بكنبة سرير

    وفتح الجدار برضه بالشبابيك ورغم كده مستخدمش اى الوان فاتحه






















    ...

    هنا لون من الألوان اللى قولنا عليها فوق اخضر فاتح والأثاث كله ابيض

    وبسيط مش كبير ولو اخدنا بالنا السجادة جابها بخطوط طويلة عملت اتساع

    والأكسسوارات اقتصرت على فازة زجاجية على الترابيزة





















    ...

    هنا مستخدمش الوان اغمق شوية لكن اضاءة الشباك حلوة اووووى

    كمان استخدم ركن الحيطه فانه يعمل مكتبة او نيش صغير مثلث ف الحيطة

    بجد فكرة عبقرية






















    ...

    شوفتوا دي

    ده برضه ممكن يكون ركن مهمل ف البيت يعني طويل وفي باب

    يعني زي مخزن لكنه تم استغلاله بطريقه حلوة جداً

    عمل الدهان بخطوط عرضية عملت امتداد بصري

    وزي قاعده عربي بسيطة وعمل جمب الباب شباك مفتوح على بره

    علشان الإضاءة مع إضاءة الباب والأباجورة والكلوب اللى ف السقف






















    ...

    شوفوا اد ايه الغرفة دي ضيقة كنزة يعني لكن استغلّها برضه

    وقفل المنطقة تحت الشباك بسرير مع اكسسوارات بسيطة واصرية زرع

    حلوة وسيمبل اوى






















    ...


    مش عارفه رغم ان فيها الوان فاتحه لكن حساها مكركبة

    يمكن علشان المخدات كتير عندي احساس انها عملت زحمة

    كمان مع الأكسسوارات الكتير






















    غرفه السفرة


    من الأماكن اللى المساحة فيها مبتفرقش اوى

    لأنها من من الغرف المتخصصة يعني لهدف معين وهي الأكل بس

    علشان كده ضيق المساحة مبيكونش مزعج اوى

    لكن المشكلة احياناً بتكون ف ملحقات السفرة نفسها زيها النيش والبوفيه

    لأن عادةً وخاصة في الكلاسيك بيكون حجمهم كبير

    هوريكوا شوية سفرات بسيطة وف نفس الوقت شيك

    ..

    هنا سيمبل اوى لأنها ف الركن خالص عمل الشباك اللى فوق ده

    علشان يدي اتساع وكان ممكن يحط النيش جمبها وخلاص

    ولو نلاحظ الكراسي المرصوصة فوق بعض ورا علشان ميزحمش المكان

    افكار عملية يا جماعة مش حط وخلاص
























    دي بقى روووووعة وبفكر انفذها عندي إن شاء الله

    غير التصميم الهايل عجبني هنا اوى رغم انها غامقة لكنه جمع

    النيش مع البوفيه ف قطعه واحده ووفر المكان

    يعني غرفة متكاملة للمساحات السغرة وشياكة وفخامة كله كله ف حاجة واحده

    ووفرلها كمان إضاءة عمودية من الكلوبات اللى فوق

    والغرفة دي من بينوكيو يا بنات مصر






















    ...


    دي شكلها جديد علينا شوية يعني الكراسي اللى تحسوا انها مكسية

    بس المكان شايفين ازاى كِنز لكنه طويل

    والإضاءة والألوان الفاتحه عاملة اتساع واحنا ممكن على الشمال كده

    في المكان الفاضي ده نحط نيش سيمبل او بوفيه او الاتنين ف بعض

    زي الصورة اللى فاتت





















    ...


    دي برضه نفس الفكرة عمل شباك من نص الجدار لفوق علشان يوفر إضاءة

    وعمل حاجة حاجة فاتحه مع الأزاز علشان يدي انعكاس ودخل لون اسود بسيط

    شيك اوى وسيمبل






















    ...


    هنا الجديد انه عمل زى مطبقية صغيرة على الجدار عامل شكل ديكوريشن

    وف نفس الوقت جديدة وعمليه






















    ...

    دي بقى تقريباً كده ف ركن بس بصراحة هي عجبتني وخلاص

    قولت احطها ف مكان ضيق بقى واسع اهو تشوفوها وخلاص بس بجد

    رقيقة وحلوة اوى وجديدة وتقريباً قاعده الكرسي منفصلة

    ومربوطه فيه يعني ممكن تغيرها كل شوية فكرة عمليه مووووت






















    ...


    اخر حاجة بقى مختلفة عن اللى فوق كلهم لأن الغرفة عنا مقفولة ومستقلة بذاتها

    لكن ملحقة بالمطبخ يعني المطبخ والسفرة مع بعض

    فكرة حلوة والله











  3. #3
    مشرفة سابقة الصورة الرمزية * كلاسيك *
    تاريخ التسجيل
    27/11/2008
    الدولة
    وردة مستخبيه ف قلب حبيبي
    المشاركات
    8,573
    غرفة النوم


    غرفة النوم من الأماكن اللى المساحة فيها مبتزعجناش

    بالعكس لأنها كل ما المساحة تكبر تحتاج غرفه اكبر واكسسوارات نملي بيها المكان

    غير ان غرفة النوم الضيقة منتشرة جداً وده راجع لأن غرفه النوم

    مجرد مكان للنوم مش اكتر فالمساحة مهيئة لده وبس




    هنا الغرفة بسيطة خالص واستخدم فيها فواتح ومرايات عاكسة للضوء






















    ...

    هنا زحمة شوية ورغم ان الغرفة ضيقة استخدم دهانات مشجرة ومقلمة ف نفس الوقت

    بصراحة منطق غريب بس مش وحشة وبرضه زحم الغرفة اكتر بالدفاية

    الموجوده ف الحيطه والشيزلونج لكنه اعتمد على وضع الأثاث

    بطريقة غير تقليديه علشان يوجد مساحة























    ...

    هنا الأضاءة واللألوان عملت مساحة كويسة واستغل كمان المساحة

    تحت الشباك بقاعده ظريقة وخزانات كمان























    ...

    هنا الغرفة غريبة شوية يمكن لأنها غامقة اوووى

    بس الواضح من الغرفة ان الجدار اللى ورا الدولاب كله نافذه كبيرة بالطول

    لكن مع ذلك وضع الدولاب عادي جداً وساب مساحة وراه

    واستغل المكان جمب الدولاب ووضع باقى قطعة غرفة النوم
























    ...


    غرفة رقيقة بس حساها زحمة شوية يمكن لتباين الألوان فيها

    بمعني ان جدار خلف السرير قسمه 3 مشجر على الجانبين وفي النص سادة

    وشغل السادة كمان بلوحات .. لكن الواضح انه استغل الأماكن للخزانات

    والأضاءة كمان صناعية وطبيعيه
























    ...


    دى غرفه فاتحه شوية برضه هنلاحظ انه يمكن كدّس كل القطع جمب بعض

    ونحس بمساحه الغرفة هنا من اللألوان الفاتحه ورقة الأكسسوارات
























    ...


    دي يمكن تحسوا انها غريبة شوية او قديمة

    يعني صعب تكون موجوده ف غرفه مودرن دلوقتي

    بس فكرة برضه لأستغلال المساحة

    لكن على فكرة الغرفة دي شبهها بالظبط ابن خالتي عاملها ف بيته

    وهو مهندس ديكور بالمناسبة

    بس بصراحة مش عجبتني على الواقع




























    غرفة الأطفال


    غرفة الأطفال اتكلمنا عليها بالتفصيل قبل كده

    لكن بصراحة وانا بدّور تاني لقيت حاجات جديدة وحسيت بالتقصير

    ف الموضوع اللى فات فكان لازم اذكرها هنا

    كمان غرفة الأطفال احياناً بتوقعنا ف مشكلة لما تكون الشقة صغيرة

    مثلاً غرفتين وريسبشن بس ...

    والمشكلة دي انا فكرت فيها رغم ان الشقة مش موجوده لسه

    لكن انا حبّاها تكون اتنين وريسبشن و ف نفس الوقت اعمل ايه

    غرفه معيشة ؟ طيب انا لازملي غرفه كمان مش بس علشان الأطفال

    لكن لأنى ف محافظة بعيد عن اهلى فلازم يكون عندي غرفه اضافيه

    اللى بيسموها غرفه الضيوف ... وانا بقى جبتلكم الحل

    يمكن هتقولوا مفيش استقلال للطفل وكده لكن متنسوش ان دي حلول عمليه

    للبيوت الصغيرة وبعدين لما ربنا يفرجها ابقوا هاتوا بيت كبير

    و قبل ما اقولكوا الحل هخليه ف الآخر ونشوف نماذج لغرف صغيرة



    دي غرفة نونو خالص بس كل حاجة فيها فاتحه علشان المساحة

    وكمان إضاءة الشباك عاملة فرق

























    ...


    دي برضه نونو اوي

    يعني لو عندك ركن طويل ممكن تقفليه حتى لو مش بالطوب ويتعمل زي كده

    يعني حاجة تحسسهم بالخصوصية والأستقلال







    ...


    شوفوا هنا الخزاين فوق السرير والشباك والألوان الفاتحه

    والأهم الغرفة منظمة ومرتبة ازاى
























    ...

    دي بقى غرفة ظريفة جداً بس عملية موت

    يعني لو عندك 3 اطفال واوضة ازاى تنيميهم








    ...


    زيها بس اتنين وكمان دولاب وخزانة ومكتب كمبيوتر اى خدمة










    ...


    دي بشكل مختلف بس اللى عجبني هنا ان الغرفة كلها على جدار واحد

    يعني استغل مساحة الجدار بالطول وعمل غرفة متكاملة ولفردين كمان






















    ...


    هنا حاجة زيها بس لفرد واحد وملاحظين طبعاً ضيق المساحة قد ايه

    بس بجد جميلة اوى























    ...


    دي حلوة بس غريبة شوية

    يعني ممكن لو قفلها تحت دولاب احسن وجمبه مكتب دراسة كان يبقى احلى






















    ...


    دي برضه غريبة نوعاً ما يعني وحده كده ف بعضها بس اهي حل عملي برضه








    ...


    ندخل بقى على الحل بتاعي يعني مش بتاعي اوى بس انا ان شاء الله ناوية اعمله


    ده حل بسيط وسهل وبشوفه كتير

    كنبة عريضه وف نفس الوقت تمشي سرير وممكن جمبها دولاب صغير

    مع ركنة نونو تبقى غرفه مكتمله بس طبعاً تبقى الألوان متقاربه























    ...


    بصوا بقى التلات غرف دول شبه بعض إلى حد كبير

    دي غرفه برضه متكاملة ولو عايزين نخليها على جدار واحد نصغّر حجم الدولاب

    لأنى شايفه كبير اوى ونلغي الدرجين اللى جمب السرير ويكون الدولاب جمبه

    وبكده نوفر مساحة كبير شاغلها الدولاب الكبيييير ده




















    ...

    دي بقى اللى انا نفسي اعمل زيها حتى الواناتها حلوة اوى

    بس ممكن بدل السرير صغير ده يكون اطول شوية وبرضه بمخدات نونو كده

    كأنه كنبة وبدل الأدراج اللى ف الجمب دي نعمل درج طويل للتعليق

    ونكبّر الدرج اللى تحت خالص ده ونحط فيه مرتبة يبقى سرير كمان

    ونعمل بقى جمبها كنبة او فوتيه كده شيك لو المكان نونو او ركنة نونو برضه

    ايه رأيكم J
























    ...


    هنا فكرة مشابهه بس لجدار اطول وبرضه شيك اوى وكأنها ركنة مودرن











  4. #4
    مشرفة سابقة الصورة الرمزية * كلاسيك *
    تاريخ التسجيل
    27/11/2008
    الدولة
    وردة مستخبيه ف قلب حبيبي
    المشاركات
    8,573
    المطبخ


    كتير مننا دلوقتي من اهم العناصر اللى بهتم بيها في اختيار الشقة

    وده لأننا بنقضي فيه وقت كبير من النهار

    ويمكن احنا ف بيوت اهالينا او البيوت القديمة اد ايه المطبخ

    كان مساحته صغيرة وقد ايه مزعج

    ومن اهم وسائل معالجة الموضوع ده اننا نخلي لون الأرضيات

    بنفس لون المطبخ وده يدينا اتساع ف المكان

    وكمان نظافه المكان من اهم العوامل اللى تحسسنا ان المطبخ واسع نوعاً ما

    لأن اى كركبة ممكن تزحم المكان وممكن كمان نحط على الجدار اى منزل طبيعي

    او رسمة شباك جواه منظر طبيعي يدي بعد او نفتحه على الصالة ... نشوف



    معظم المطابخ اللى هنشوفها طويلة زي ده

    هنا نشوف الألوانات متناسقة ومعظمه متقفل وكل الأجهزة بيلت إن








    ...


    شوفوا هنا كل حاجة مرتبة ازاى ومش راصص اى حاجة بره خالص

    اد ايه نضيف ومرتب








    ...



    هنا نفس الموضوع بالأضاءة والألوان الفاتحه اوى وكمان استغلال الجدران

    ف ارفف للحاجات المستخدمة دايماً









    ...


    هنا نموذج كمان للمطبخ الطويل









    ...



    هنا مطبخ مربع وبرضه متناسق ومتقفل بشكل جميل










    ...


    هنا رخم انه غامق لكن برضه عمل الأرضيه بنفس اللون

    رغم انه ضيق لكن شيك بصراحة










    ...


    هنا بقى شوية افكار تحفة للتخزين جوه المطبخ نفسه

    وكلها بجد افكار عبقرية وانا هاسيبكم مع الصور تستمتعوا بيها من غير رخامتي



    [IMG]http://forums.3roos.com/uploaded1/299988_01255618746.jpg[/IMG]












































































































































    الحمام


    رغم ان الحمام من الأماكن برضه المتخصصة يعني لهدف معين

    لكن كلنا بنحب ان حمامنا يبقى واااااااسع حتى ولو على حساب اى غرفه تانية






    نظرة من فوق لحمام صغير عجبتني اوي الصورة دي

    فيها كل العناصر بانيو وحمام ومغسل وكمان خزانات لمستلزمات الحمام









    ...


    هنا حمام ضيق بس غريب مفتوح على غرفتين



    [IMG]http://forums.3roos.com/uploaded1/299988_11255619417.jpg[/IMG]


    ...


    هنا الوان فاتحه برضه عملت شياكة واتساع










    ...


    هنا حمام صغير وعمل بانيو بزجاج شفاف وده اللى ف واجهة الصورة










    ...


    حمام مرتب بالوان هادية اوي وشايفين التنظيم منعكس ف المراية









    ...


    نفس الحكاية ولو نلاحظ ان الإضاءة هنا ليها عامل كبير ف كل الصور اللى فاتت

    للحمامات رغم ان دي حاجة مهملة جداً عندنا









    ...


    نفس النموذج هنا ف كل الصور دي






























    ودي فكرة حلوة اوى لو الحمام ضيق اوي











  5. #5
    مشرفة سابقة الصورة الرمزية * كلاسيك *
    تاريخ التسجيل
    27/11/2008
    الدولة
    وردة مستخبيه ف قلب حبيبي
    المشاركات
    8,573




    افكار متنوعة للزوايا الضيقة ف أى منزل



    للأحذية قطعة سيلكون سهله الطي لأى مكان





    ..

    او اكياس للأحذية زي دي




    ..


    او تعليقات زي دول ف اى مكان









    .....


    مخدات و زى ما قولنا فوق مش مش هنكتر منها



    فوق صدفة بطريقة جديدة زي دي





    ..


    او فوق ترابيزة نونو او على الأرض كمان لوحدها من غير حاجة





    ..


    او زي كده





    .....


    او فكرة زي كده تحفة بجد وبفكر اعملها






    .....


    او حوض زرع زي ده لو حتى ف البلكونة





    .....


    او استغلال ركن تحت الشباك مهمل جداً زي كده





    .....


    لركن تحت السلم ملوش لازمة





    .....


    ترابيزة ف ركن كده





    ..


    او كده مكتبة بنفس الفكرة





    ..


    او كده للتلفزيون والراديو






    .....


    أرفف للحائط















    .....


    قطعة زي كده ممكن تتحط ف اى مكان او جوه دولاب رفيع مش سميك





    .....


    مكتب بركن زي ده





    ....


    مكتبات او دوالايب زي دي


































    ..

    حاجة زي كده لطيفة جداً

    جديدة اوى شكلها روش اوى وكمان لمت حاجات كتير

    واستخدامها كمان للأكسسوارات بجد ركن شكله شيك اوى







    .....


    ترابيزة زي دي برضه تلم حاجات كتير وفيها ارفف وادراج كمان








    بكده الموضوع خلص

    بس انا كنت عايزة اقولكم مش بمعنى اننا نستغل اركان وزوايا المنزل اننا نزحم الدنيا

    البيت الصغير لازم يكون بسيط ومش زحمة ودلوقتي افتكر كلنا ممكن نعمل كده



    بعتذر لو كتابتي على الصور شوهتها لكن مينفعش اقعد اسبوع بجهز موضوع

    ويتنقل على الجاهز وكمان بعتذر لأصحاب الصور لكن اكيد ده للأفادة

    ويارب الموضوع يعجبكم J















  6. #6
    عروس ماسية الصورة الرمزية مهاا والحلا لهاا
    تاريخ التسجيل
    07/09/2007
    الدولة
    ..~ تحت ضوء القمر ، فـ/نور الصبآح يخجلني ....~
    المشاركات
    6,828
    يعطيج العافيه موضوع متعوب عليه





    .

  7. #7
    مشرفة سابقة الصورة الرمزية * كلاسيك *
    تاريخ التسجيل
    27/11/2008
    الدولة
    وردة مستخبيه ف قلب حبيبي
    المشاركات
    8,573
    تسلمي يا قمر


    منورة

  8. #8
    مشرفة سابقة الصورة الرمزية على خطى الحبيب
    تاريخ التسجيل
    04/02/2008
    الدولة
    ^^وحانت البداية... ^^
    المشاركات
    8,275
    (y)

    (y)

    :15:

    موضوع هايل يا يارا

    يجد ربنا يكرمك ويوفقك

  9. #9
    مشرفة سابقة الصورة الرمزية * كلاسيك *
    تاريخ التسجيل
    27/11/2008
    الدولة
    وردة مستخبيه ف قلب حبيبي
    المشاركات
    8,573
    تسلميلي يا حبيبتي

    نورتيني يا لولتي

  10. #10
    مشرفة سابقة الصورة الرمزية ღ همٌس آلروح ღ
    تاريخ التسجيل
    25/02/2005
    الدولة
    ليتك تحلو والحياةُ مريرتُ وليتك ترضى والانام غضابُ و ليت الذي بيني وبينك عامرآ وبيني وبين العالمين خرابُ .. .إن صح منك الود فالكل هينآ وكل الذي فوق التراب ترابُ ‏♥‏♥‏♥ مرافقة حبيبك ‏♥بالجنه يااارب‏♥ صلى الله على محمد‏
    المشاركات
    5,586
    يعطيك العافيه
    موضوع نآآآيس

  11. #11
    مشرفة سابقة الصورة الرمزية * كلاسيك *
    تاريخ التسجيل
    27/11/2008
    الدولة
    وردة مستخبيه ف قلب حبيبي
    المشاركات
    8,573
    تسلمي يا قمر

    نورتيني

  12. #12
    عروس ماسية
    تاريخ التسجيل
    22/01/2007
    الدولة
    مصر
    المشاركات
    3,251
    حلو اوى تسلم ايدك

  13. #13
    مشرفة سابقة الصورة الرمزية * كلاسيك *
    تاريخ التسجيل
    27/11/2008
    الدولة
    وردة مستخبيه ف قلب حبيبي
    المشاركات
    8,573
    تسلميلي يا ميرو يا قمر

  14. #14
    عروس ماسية
    تاريخ التسجيل
    28/07/2008
    الدولة
    ღأم الدنيامصر&معشوقتي مكة ღ
    المشاركات
    7,706
    ياسلام عليكي ياكوكو ماشاءالله مواضيعك كلها بتفيد
    تسلمي ياعسل

  15. #15
    مشرفة سابقة الصورة الرمزية ^ السفيرة^
    تاريخ التسجيل
    03/10/2004
    الدولة
    قل لن يصيبنا الا ما كتب الله لنا
    المشاركات
    12,888
    يعطيك العافية على المجهود


    تسلمييين ياقمر

صفحة 1 من 20 1234567891011 ... الأخيرةالأخيرة

المواضيع المتشابهه

  1. عايزة تفرشي غرفة معيشة مودرن بطريقة حلوة ؟ كلاسيك هتوريكم :)
    بواسطة * كلاسيك * في المنتدى الديكور و الأعمال اليدوية
    مشاركات: 375
    آخر مشاركة: 07/12/2011, 08:30 PM
  2. مساحة غرفة اطفاللك صغيرة...تعالي هنا..وقولي رايك
    بواسطة نغم الخلود في المنتدى الديكور و الأعمال اليدوية
    مشاركات: 106
    آخر مشاركة: 01/02/2011, 10:25 AM
  3. لو غرف العيال صغيرة !!!!هذا هو الحل.......
    بواسطة تويكس 2 في المنتدى الديكور و الأعمال اليدوية
    مشاركات: 68
    آخر مشاركة: 17/12/2009, 09:05 PM
  4. اي غرفة من دول كانت بتاعتك وانتي صغيرة؟؟؟ههههههه
    بواسطة هنودة المسلمة في المنتدى الديكور و الأعمال اليدوية
    مشاركات: 11
    آخر مشاركة: 23/06/2009, 04:03 PM
  5. بنات عندي مشكلة في نظركم صغيرة بس عندي مررررررة صعبة
    بواسطة جدة ياهواء الولهان في المنتدى قضايا وحلول
    مشاركات: 8
    آخر مشاركة: 25/05/2009, 04:31 PM

الكلمات الدلالية لهذا الموضوع