حيرانه مع مدخل الشقه الضيق شسوي

[محبوبه الحبووبه]

قوه:shy:
شاخباركم
ان شاء الله طيبيي

ببدا على طول
المدخل حق شقتنا
ضيييييييق يدوب ينمر فيه:o
هو ضيييق وطويل :s2 وماادري احس بكتمه اذا جيت اطلع او ادخل
شلون اخليه يشرح الصدر وباي لون اصبغه

فهمتو على شرحي؟؟:smile:
يعني على عرض الباب ممر طوويييل يودينا للمطبخ وباب ثاني يودي للموزع(للغرفه والحمام والمجلس)ماادري فهمتو ولا لا
احس بضيقه لضيق الشقه بس الحمد لله على كل حال في كل حال



وسلمتم لاختكم

[jumana]

هلا اختي

انا اعتقد كل ما يكون لون الجدار فاتح فا راح تحسين براحة مثلا ممكن انج تصبغينة يا لون بنفسجي فاتح او اصفر فاتح جدا و حاولي تحطين مراية على الجدار بس ما يكون له اي برواز جربي ..

[KiM]

ما شاء الله

أختنا jumana

كفت ووفت

[ام النور]

مثل ما قالو الاخوات لون فاتح + مرايا بدون براويز+ اضواء قويه يصير واسع وما تحسين بضيق ابد




ام النور

[jumana]

KiM هلا اختي
:shy:
لالالالا عاد شو قلت انا بس ؟ انا اتلعوز اذا حد مدح فيني تراني اصدق عموما هذا بعض مما عندكم يا الغالية وتسلمين

[لولــي]

لون فاتح + مرايا بدون براويز+ اضواء قويه يصير واسع

[KiM]

jumana

أنتي كدا

وتستاهلين لأن كلامك حلو

وتواضعك أحلى


تحياتي

[مرمر]

تصدقين محبوبه ...عندي نفس مشكلتج

و كنت جايه اكتب موضوع و اسال البنات ...و كانت في بالي فكره المرايا ...و كنت ابي اشاور البنات بس طاعت عيني على موضوعج و شفت ان الكل ينصح بالمرايا


يعني خلاص اقتنعت من ردود البنات و بتوكل ان شاء الله


بس سؤال ..انا فكرت في مرايا ايكيا الي تكون مربعات متوسطه يجون مع بعض يعني كيف ارتبهم


اكون شكل مستطيل في نص الممر ...يعني اخلي المربعات متراصه ...او اني ابعد بينهم مسافات صغيره ...و ما اكون مستطيل متساوي يعني اخلي مثلا سطر اطول من الثاني ...يعني يوم احط
المرايات ما ابدا السطرين من نفس المكان يعني اخلي واحد اقصر من الثاني و بالاحير العكس الي طان اطول يصير اقصر ...ما ادري فهمتوا و لا دوختكم

الي فهمت تقول لي


سؤال ثاني ...اسمحيلي محبوبه اسنخدمت موضوعج لاسالتي .. لاني ما حبيت اكرر الموضوع اوكي تسمحين لي ...ادري اكيد بتسمحين لي :smile:

السؤال الثاني
عندي جدار بالصاله مافيه غير تلفزيون على طاوله صغيره يعني التلفزيون و القاعده مالته ..و على اليمين حطيت شجره ... و بالنص معلقه ساعه على الجدار ....و الجدار كبير ...قيكلع شكله فاااااااااااااااااااااااا ااضي
و ما اعرف شو احط فيه

فانا فكرت و فكرت و فكرت ....عندي براويز صعيره ذهبيه يعني تقدرون تقولون 13x18 .. و كنت ابيهم لشي ثاني و غيرت راي فقلت بستغلهم

الحين شو رايكم اذا حطيت فيهم ماظر طبيعيه و علقتهم بجنب بعض بس في مسافات متساويه صغيره بينهم في نص الحدار و جذي بيتكون سطر من اللوح الصعيره ...و عدد البراويز الي عندي تقريبا 9 ...اتمنى اني اكون قدرت اشرح و تفهمون عليه

هل الفكره زينه و لا ما تنفع و لا مب حلوه ...


انتظركم لا تخجلوني

[أنستازيا]

فهمت عليج مرمر حلوة الفكرة ..

بس يمكن البنات كان قصدهم المرايات الطويلة ..

عشان تعكس وتبين الوسع ..

اللي اتيج على طول الشخص ..

بيت اخو ريلي جيه ممرهم ضيق ..

بس حلو يشرح النفس ..

لانه لونه برتقالي محروق ..

مثل لون المحارة الي في دعاية أصبغ جوتن ..

ومن السقف منزلين سلاسل ورد متداخلة في بعضها ..

فتلفت النظر على طول .. كنج في أدغال ..

عجبتني صراحة ..

وآخر الممر ستارة صغيرة على الموزع

اللي فيها كركش من الأطراف وملمومة للجنبين ..

[مرمر]

يعني تقصدين المرايا الطويله ...بس تتركب بالعرض ؟؟؟

[أنستازيا]

لا بالطول ..

عند دخلة الباب .. عشان ما يبين الجدار من الجنبين ..

مادري انا جيه أتخيل .. أحلى ..

:smile:

[محبوبه الحبووبه]

jumana
KiM
ام النور
حصــــه

اشكركم من كل قلبي
بحاول اسوي اللي قلتولي عليه
مرمر خذي راحتك
أنستازيا
ممكن توضحين شلون شكلالورد اللي متداخل في بعضه؟

وقصدكم ان المرايا كانها منظر كبييير؟
ولا تكون عرضها من الباب الى نهاية الممر و طولها نص متر؟

انتظركم

[الـحورالعين]

الله موضوع يجنن