مسا الخير يا اهل الخير
بنات بليز عندي لكم طلب
يوم زواجي بعد يومين وما اعرف كيف احتفل مع زوجي
لان ابغيه يكون يوم مميز لانه اول يوم زواج يعني اول سنة تمر علينا
ما ابغي هدية عادية ابغيها تكون مفاجاة حلوة ما ينساها طول العمر
بليز بسرعه ردو علي
مسا الخير يا اهل الخير
بنات بليز عندي لكم طلب
يوم زواجي بعد يومين وما اعرف كيف احتفل مع زوجي
لان ابغيه يكون يوم مميز لانه اول يوم زواج يعني اول سنة تمر علينا
ما ابغي هدية عادية ابغيها تكون مفاجاة حلوة ما ينساها طول العمر
بليز بسرعه ردو علي
هلا أختي Miss-Shj
مبروك عليكم مرور السنه الأولى من الزواج.. إن شالله كانت أيام ولا أسعد
أنا بقولك شو سويت في يوم زواجي..
طلبت من زوجي إنا نروح أنا وهو نتصور في أستيديو كم صورة وطبعنا على الصورة التاريخ طبعاعشان تكون لنا ذكرى من كل عام وطبعا كنت لابسة فستان بسيط أهداني إياه من فترة بسيطة عشان ألبسه في خطوبة بنت عمه..
وبعد ما خلصنا تصوير رحنا اتعشينا
وفي هذي الأثناء اللي طلعنا من البيت كنت موصية حميتي ترتب لي الغرفة بالشكل التالي:
تنثر بتلات الورد الجوري على الأرض على شكل ممر يؤدي لطريقين.. الأول للحمام (عزكم الله) وكنت تارسة الحوض بالماي وناثرة عليه الورد الأبيض مال دعاية جبنة بوك مع شوية ورود ثانية.. وحاطة بالحوض قارورة داخلها رساله، ما أذكر بالضبط شو كان المضمون بس كان تعبير مني بالشكر له على أحلى سنه قضيناها مع بعض.. وكنت مطفية النور وموزعه الشموع في الحمام..
أما الممر الثاني فكان يؤدي للسرير وهناك كنت محطية له مجموعة هدايا مع باقة ورد يمكن ما كانت الهدايا مميزة لكن كان هو محتاجنها ذاك الوقت.. وبعد كانت الأنوار مطفية والشموع هي اللي منورة..
والموقف الحلو اللي صار يومها إني شفت 3 ممرات بدال الممرين، ولما دخلت أشوف الممر الثالث وين رايح؟؟ شفت باقة ورد كبيييييييييرة أطول مني عليها كرت مكتوب فيه (زوجتي الحبيبة.. كل عام واحنا بخير) :shy:
هذي كانت فكرتي.. أتمنى تكون عجبتج.. وأنا متأكدة البناتت ما راح يقصرون
نسيت أقولج بعد إني كنت طابعه أوراق معلقتنها على الجدار كل ورقة كاتبه فيها موقف من المواقف الحلوة اللي مرينا فيها طول الفترة الماضية..
ومعلقة كم صورة من أيام الخطوبة .... والملجه.... والعرس .. وأيام العسل
صدقيني حلوة الفكرة.. حتى هو طلب مني بعدين نطلع كل الألبومات ونشوفها مع بعض مع تعليق كل واحد على الثاني2
مشكورة اختي ام عبد الملك
على ها الافكار الحلوه
واتمنى من باقي البنات يفيدونا بافكارهم
:shy::shy:
ياقلبي ..حرام تخصيص يوم من ايام السنه بشئ معين حتي لو كان عباده لله
لنا عيدين شرعها الله
لا تزيدون علي شرعه تعالي مالم ولن يرضاه بارك الله فيكم