أريد أفكاركم يا بنات .. بسوي عزيمة لأهل زوجي ..

[أنستازيا]

مراااااااااحب يا حلويييييين ..

الخميس الياي ان شاء الله ناوين نسوي عزيمة مب رسمية لأهل زوجي ..

هي بدون سبب بس تقدرون تقولون عشان يشوفون شقتنا الجديدة ..

من سكناها ما زارونا ..

فحابة اني أسوي شي مميز وبسيط في نفس الوقت ..

عشان ما يحسون بالرسمية .. يعني مثلا مابنسوي ذبيحة عالعشا ..

أريد خفايف بس تشبع .. لأنهم هم تقريبا أربع عوايل ..

مع العلم اني ماعندي خدامة ..

فأريد تقترحون علي أطباق للعشا ممكن اجهزها من وقت ..

ويكون باقيلها شي بسيط يعني مثلا تدخيلة فرن آخر شي ..

طبعا السويتات بسويها قبله بيوم ..

مفكرة أسوي رنجينا و شو تقترحون بعد ؟؟

وأريد أفكار حلوة للتقديم ومبتكرة ..

وشو العصاير اللي ممكن أقدمها وشو الطريقة الحلوة لتقديمها ؟؟ ..

يعني مثلا يوم سوت أخت زوجي عزيمة كانت مقدمة عصاير فرش ..

وكل نوع كاساته متماثلة وفيه منها القصير والطويل وألوان مختلفة ..

فكان شكله وايد حلو .. لكن أريد فكرة ثانية ..

مع العلم انهم من النوع اللي يدقق وايد ويعلق وايد ..

فحابة أرفع راس زوجي .. فشو تقترحون علي .. :cool2:

عندكم اسبوع .. :smile: أنتظر آراءكم الحلوة ..

[حـــمـــده]

السلام عليكم ورحمة الله وبركاته




مـــرحـــبــا أخــتـــي



شــو رايــج تـــأخــذيــن لــفــة صــغـــيــرة عــلــــى هــــذا




الــرابــط ,,,,,,,,

وشــوفــي رابــط الـمــشـروبـات فـيـه عــصـائــر حـــلــوة


واذا كــان فــي خـاطــرج شــيء مــعـــيــن ,,,,,اطـلــبيـه



وفـالـج طـــّيــب,,,,

[أنستازيا]

تسلمين مشرفتنا الغالية عالمرور ..
وبصراحة الرابط شكله بيفيدني وايد ..
مع اني بس طليت عليه طلة سريعة ..
لكن أكيد بيلسله يلسة عشان أسجل ملاحظاتي ..
وأنتظر باقي الآراء .. وتجاربكم في هالحالات .. :smile:

[أنستازيا]

وين آراءكم يا بنات ؟؟ اكيد مشغولين بالويك إند ..
يلا بنتظر .. بليز لا تتأخرون علي .. :cool2:

[العيمية]

بسم الله الرحمن الرحيم

شلونج اختي

لاتحتارين بالعشا

انا توني مسوية عشاء حق اصدقاء زوجي

سوي شوربة مثل العدس او الفطر اوالهليون . واذا ما عندك وقت استخدمي شوربة ماجي الفطر او الهليون ترى روووعة زرجي يحبها وايد جربيها عجيبة

و سوي سلطة فتوش او تبولة او سلطة يونانية

وانا سويت لزانيا ومعكرونة بشاميل وفيتوشيني
وطريقة صلصة البشاميل اخذتها من الموقع وايد حلوة للي فيها جبن

وسويت سندويتش البريوش حطيت داخله التونة مخلوطة مع المايونيز والماسترد وليمون ومع خس وطماط وفلفل بارد وجبن سلايس على السنوديش من داخل وطلعت عجيبة الكل عجبته وقال روعة


وفطاير معجنات صغار اذا تحبين بالجبن والزعتر والبيتزا


وتقدرين تقلين بطاط شبس وحلقات بصل وفي انواع منهم بدون قلي تحطيها بالفرن جربتها بتطلع عجيبة وتقرمش وخفيفة


وبعد تقدرين تسوين سندويتشات صغار تنباع جاهزة وتحطين فيها اي شي تبين جبن وطماط / لحم مفروم وخيار / مرتديلا


و سوي حلو تشيز كيك او اي شي


بالعافية

[لولــي]