منتديات عروس
  • 1
  • 2
  • 3

منتديات عروس (http://forums.3roos.com/)
-   ركن العناية بالشعر (http://forums.3roos.com/f6/)
-   -   تجربتي مع خلطات الشعر.. شئ لا يصدق (http://forums.3roos.com/3roos83058/)

sadlove 02/04/2004 04:53 PM

تجربتي مع خلطات الشعر.. شئ لا يصدق
 
:smile: السلام عليكم ورحمة الله وبركاته


اولا وقبل ان أبدأ...

احب اني اوجه كلمة شكر لكل من ساهم في هالمنتدى الرائع بداية من مدير المنتدى والمشرفات وانتهاء في العضوات.. جزاكم الله ألف خير وجعله في ميزان حسناتكم

أكيد بتستغربون وتقولون اش فيها هاي .. بتعطينا خطبه :D2

الصراحه من كثر ما انا فرحاااااااااااااااانه ما ادري شو اكتب او أقول واخاف اني ما اوفيكم حقكم وخاصة منتدانا الحبيب

انا كاي بنت احب اهتم بمظهري وخاصة شعري.. ليش شعري بالذات؟ لأنه وبكل صراحه ما ينشاف من كثر ما هو مقصف وميت بلا حياه وباهت.. وطبيعة شعري انه مجعد..وانا ما قصرت فيه من صبغات وتمليس وهاي لايت وازيدكم من الشعر بيت.. كان رافض يطول حتى بالمرة سنتين وهو على نفس الطول يعني بهدلته.. ألخ .. هذا غير تعليقات اي احد يشوفه.. هذا موب شعر هذا احسن تحلقينه عالصفر :confused: طبعا انا كل هذا خلاني افقد الامل انه يرجع مثل الاول وكرهت نفسي وكرهت شعري المسكين حتى انه اثر على حالتي النفسيه :pain:..لكن في يوم قلت أدور في منتدانا الحبيب وخلني احوس فيه يمكن احصلي كم خطلة ينفعونه طبعا انا ادور وانا فاقده الامل لكن قلت خلني اجرب وما بخسر شئ وانا بطبيعتي كسولة ما احب احط شي على شعري.. المهم

روحي يا بنت وهاتي ورقه وقلم وانقلي كم خلطة وخاصة اللي حق الشعر المقصف والخشن والباهت الخ.... سويت لنفسي جدول أسبوعي التزم فيه .. مرة بصل مرة ثوم مرت زيوت مرة مايونيز مرة اخلط كل هذا مع بعض طبعا ما سلمت من تعليقات اهل البيت من تاففهم من الريحه لكن على مين :cool2:.. استمريت 6 شهور.. نعم 6 شهور فقط وانا ما أفوت اسبوع الا ولازم شئ خلطة على شعري .......

اكيد مليتوا من ثرثرتي :D2.. خلاص خلاص ... هانت الحين تعالوا على النتيجه...

وبعد مرور 6 اشهر على خلطاتي وخربطاتي في شعري..

الحمدلله والشكر يارب.. طبعا ما تغيرت طبيعته اللي انخلقت فيها وهو انه مجعد لكن ملمسه خاصة بعد السشوار.. وااااااااااااو :up: والله يا بنات اني لما اسشوره يبان شكله انه ناعم طبيعي وماحد يشك انه طبيعته مجعد.. لمعه طول قوة ومتانه ملمسه ناااااااااااعم وطري ويتحرك معاي وين ما الف رقبتي والاطراف ما فيها تقصف من تحت .. وازيدكم من الشعر بيت.. نبتلي شعر جديد في راسي .. شعر صغير وشكله حلو.. وهذا موب بس كلامي. لكن كل اهل البيت يمدحونه وامي موب مصدقه انه هذا شعري وخواتي كل شوي يلعبون فيه :shy: وان شاء الله اذا استمريت على الخلطات اعتقد بيوصل لنص ظهري في 6 شهور

يا بنات لا تياسون .. انا اقول لكم من واقع تجربتي للخلطات انها نفعت جدا والنافع طبعا رب العالمين.. لا تيأسوووووووووون.. كل واحده حطت خلطة بالمنتدى راح ادعيلها بصلاتي .. الله يفرح قلوبكم مثل ما فرحتوني
:shy:

وللعلم وربي شاهد على كلامي ولو اني كذابه يارب اختفي.. انا مالي مصلحه من كل هذا وما راح استفيد غير دعواتكم..

ولا تنسوا قبل ما تحطون اي خلطة تسمون بالرحمن

فرحاااااااااااااااااااااانه :smile:

يلا عن اذنكم بروح ادلع في شعري :D2

الوردة الحزينه 02/04/2004 05:09 PM

:clap:

الف مبروك اختي علي نجاح تجربتج

وعسا يطول شعرك اكثر ويغلظ ويصير من احلي الشعور:shy:

انا بالظبط مثل حالتج كان شعري قبل 4 سنين طويل لين تحت ظهري وغليظ

بس ادمر بعد الرجيم الي سويته واكثر بعد ما حملت وسقطت ... والنفسيه الزفت...

لكن انا ما حاولت مثلج اصلح من الموضوع اهملته ونادر ما احط زيت لاني امل بسرعه واريد النتيجه بسرعه

الظاهر طولت عليج اسمحيلي :pain:

بس ادا ما عليج امر ياليت تخبريني عن الخلطات ومقاديرهم وفتره حطهم ومتي بدات تبان النتيجه ؟

وانشاالله علي الله وعليج اطبق واستفيد

وسلمتي
:smile:

Dubai 2 02/04/2004 06:04 PM

السلام عليكم ورحمة الله وبركاته




مشكوره على هاي خلطات :clap:

فراشة زرقاء 02/04/2004 09:57 PM

أعتقد أن تزييت الشعر دائما يؤدي لنتجة على الأقل مرة في الأسبوع مع المساج لفروة الرأس .. صحيح الواحدة مننا تمل بس هم الكوافير ياخذ ثمن كل شئ يعمله لشعرك .. من تجربتي كان شعري يتساقط كثير وبه نوع من القشرة الدهنية لا يزول ..عملت علاج شعر لدى أفضل صالون لدينا كل أسبوع جلسة كانوا يضعون لي نوع من الزيوت الخاصة الدافئة ثم يعملون لي مساج لعشر أو 15 دفيقة بعدها يضعون الروب لمدة نصف ساعة ثم يغسلونة جيدا.. أنا لما تعبت منهم قمت بنفسي أخلط كذا نوع من الزيت خروع، زيتون، لوز، سمسم، نارجيل وغيرها من الخلطات التي تطول الشعر وغيرها واسخنها شوي ثم أضعها براسي وأبتدي أعمل مساج لراسي لوحدي ثم أغطيه بالكاب نصف ساعة بعدها أحضر علبة روب وصفار بيضة واحدة أخلطهم ثم أضعهم في فروة الرأس ,اخليهم نصف ساعة أو ساعة بعدها أغسل شعري بشامبوا ويلابو البرتقالي لعلاج الشعر التالف وبعد أن أشطف الشعر جيدا أضع كريم التغذية ويلابو ورائحته مرة حلوة يجعلك تحسين بالإنتعاش يعني سرقت الطريقة من الكوافير وأضفت لها من عندي عشان تقليص مصاريف بس .. عموما إذا ما تحبي تستخدمي ويلابو أستخدمي جونسون بيبي شامبو لأنه آمن بالبابونج اللي عنده قشرة وباللوز للعناية الفائقة . ودمتم إن شاء الله تستفيدوا:o

om mshmsh 03/04/2004 12:33 AM

ما شاء الله عليك ويااااارب يطوول زياده وتنبسطي
انا ان شاء الله بجرب طريقتك اختي فراشه زرقاء
بس انتي تغسلين شعرك من الزيت ولا تحطين الزبادي مع الصفار فوقه ؟؟

يـاسـمـيـنـا 03/04/2004 02:12 AM

السلام عليكم ورحمة الله وبركاته

والله اعتقد كلمه شكر قليله بكل من ساهم بهاالمنتدى الى اكثر من رائع

جزاهم الله كل خير :clap:

وانا الحين جالسه اجرب خلطه البتول الطاهره انشاء الله تجيب نتيجه :eek2:

واتدلع بشعرى مثلك:D2

لولــي 03/04/2004 02:34 AM

:clap::clap::clap:

أم حميد 03/04/2004 02:36 AM

اختي sadlove ممكن اتقوليلنا عن الخلطات الي سويتيها ؟؟؟؟ والجدول الي حطيتيه لعمرج ؟؟؟

ما عليج امر ....

الف مبروك على النتيجة الحلوة لشعرج .... وعقبال الجميع

sadlove 03/04/2004 01:01 PM

السلام عليكم ورحمة الله وبركاته


مشكورات حبيباتي والله يفرح قلوبكن يارب

راح احط لكم الخلطات بالتفصيل ومعظمها انا نقلته من المنتدى وان شاء الله ياربي تحصلون نتيجه .. لكن لا تنسون اهم شئ الصبر.. ترى مافي شي يبان من يوم وليله .........

انا واعوذ بالله من كلمة انا كنت كل أسبوع ااحط خلطة

أسبوع احط خلطة البصل والاسبوع اللي وراه احط اي خلطة منعمه او تطري الشعر الناشف وهكذا.......

لكن خلطة البصل كنت ملتزمة فيها.. واختار يوم معين ما اغيره يعني اذا السبت اذن التزم فيه.. وهي كالتالي.. بصله صغيرة+حبتين (فصين) ثوم+زيت خروع مع زيت جوز الهند اللي في علبه خضرا واخلطهم في الخلاط واحطهم على شعري 3 ساعات واركز على الفروة واغسله بالشامبو واحط فاشكول بالثوم ربع ساعه لزيادة التطرية وعشان ريحة الثوم بس طبعا تحملوا الريحه ترى ما تروح بسرعه.. واغسله ثم ادهن شعري بزيت اللوز او أي نوع كريم مطري وبس....

الاسبوع اللي وراه احط اي خلطة مطريه للشعر الناشف الجاف وبحطلكم 3 خلطات

مثلا: * موزة+زيت لوز لوحدهم او اضيف معاهم زبادي وملعقه فاشكول وعسل وصفار بيضه وملعقة مايونيز


* اذا كنت مستعجلة ومالي خلق ... احط مايونيز بس

* صفار بيضه طبعا حسب طول الشعر+ أي زيت ارتاحله مثلا لوز زيت زيتون خروع او اخلطهم مع بعض

كل هاللخلطات اتركها 3 ساعات على شعري واغسله بالشامبو واحط بلسم عادي اذا مستعجلة او فاشكول اذا عندي وقت.. واغسله وادهن شعري بكريم مطري .. وخلطات تطرية الشعر الجاف ماليه المنتدى يعني موب لازم تاخذون اللي انا كاتبتنه لأني حتى انا كنت انوع ما بين الخلطات بس اغلبها مثل ما خبرتكم هي للشعر الجاف.. بأمكانكم تشوفون اللي يناسبكم انتوا......... وسلامتكم

:up: ادعولي اتزوج :o

سوود العيوون 03/04/2004 01:27 PM

مبروك ياقمرررررر:clap::clap::clap::clap:
عقبال شعري وشعور بناتي امين يارب

:shy::shy::shy::shy::shy:


الساعة الآن +3: 03:31 PM.
  • 1
  • 2
  • 3


جميع المواضيع و المشاركات تعبر عن رأي أصحابها فقط, و لا تمثل بالضرورة رأي موقع عروس.
جميع الحقوق محفوظة لموقع و منتديات عروس © 2001 - 2015


Search Engine Optimization by vBSEO ©2011, Crawlability, Inc.

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 100 101 102 103 104 105 106 107 108 109 110 111 112 113 114 115 116 117 118 119 120 121 122 123 124 125 126 127 128 129 130 131 132 133 134 135 136 137 138 139 140 141