زيت لجميع انواع الشعر

هلا اختى...
الصراحه هالزيت معروف جدا...ومشهور لدى الهنود
وهذا بسبب مميزاته....ونتايجه المبهره...
بس تدرين...
ريحته ماتنطااااااق ابد..:(
بس اذا باحطه...
لازم اعتزل الكل....هههههههههههه
لين مااشوف النتايج...;)
وتسلمين اختى على هالمشاركه...

هلا اختي

ترى الريحه ما تطلع الا اذا

حطيتي منه وايد حطي

كميه مناسبه عشان ما

تطلع الريحه

مع انها ليست سيئه

اختك في الله سابرينا;) ;) :cool:

ههههههههههههههه
واللة الاسم يضحك تاتا :)
بس اذا هاذى مواصفاتة مو مهم الاسم واللة يعطيج الف عافية على المعلومة
بس من وين نجيبة وين يباع؟
وشكرا للجميع

والله اذا تبين احسن انواع الزيت وافضل الطرق للعناية بالشعر








اسألي الهنووود000ما تشوفين كل وحدة شعرها لين ركبتها(ما شاء لله)



وإلي احسن من جذيه انهم يعودون عيالهم وهم صغار على استخدام الزيوت


عشان جي لو يبت بنت000بترس شعرها زيت00لين ما يطول هههه



آسفة هذربت وايد معاكم ومشكورة من جديد

اي زيت تاتا معرووووووووووووووووووووووووووووووف
وفعلا له نتايج مبهره .. وبيني وبينكم .. اغلب الزيوت لها ريحه .. بس نستحمل اشوي .. كلها ساعتين تطوف وانتي ما تحسين فيها .. او تحطينه في الليل وتنامين .. عشان ينقع الشعر عدل .. والصبح تغسلين الشعر ويطلع زي الفل ;)


طيب اختي سابرينا .. انتي عندج خبرة في انواع الشعر وافضل العلاجات لها ؟؟ او يعني افضل الزيوت وكل زيت لشنو يستخدم ؟

طبعا من مايعرف زيت تاتا :D :D :D
والله الاسم يضحك
زمان باص المدرسة كنا نسميه تاتا :D :D
عموما الزيت سمعت يقولون انه زين بس بصراحة ما جبته انا استعمل زيت باراشوت او فاتيكا
بس اشوفني كانه نفسي حابه تغير ترا وانا اختكم التغيير مطلوب بعد
بس اعتقد اني راح استخدم لمدة اسبوعين زيت اللوز لانه مفيد للشعر
وعموما اختي النور اذا تريدي تعرفي عن فوائد الزيوت انا حاضرة انتي بس قولي لي اي زيت تحبي تسالي عنه وانا اقول لك
حاضرين للطيبين ;)

زيت تاتا ... ذكرتوني بما مضى :cool:

بس جد هالزيت ممتاز وله نتايج أكثر من باهره

بس الاستمرارية مطلوبة ... على الأقل مره بالأسبوع !

وفي زيت ثاني اسمه .. دابر أملا .. هذا ريحته :s

بس نتايجه ولا أروع ... الصراحة يرد الروح للشعر الميت :D

وملحوظه صغيرة ... عليكم بالزيوت الهندية ترى ما في زيوت أفضل منها ;)

مثل : تاتا، بارشوت (زيت جوز الهند )، دابر أملا .........الخ ;)

مشكورة والله شهد ما قصرتي حبيبتي :)

انا ابي زيت ينعم الشعر .. لان نوع شعري (compenation ) يعني مزدوج .. دهني الفروة و باجي الشعر جاف .. فابي زيت يغذي الشعر لييييييييما الاطراف .. وابي زيت يطول الشعر .. و عندي قشرة الشعر للاسف :( هالقشرة تخلي الشعره ضعيفه وبسرعه تسقط ... ما بقى شي ما قلته في شعري :( سكراب سكراب :( الي عندها وصفات ممكن تحل لي هالمشاكل تقولي جزاكم الله الف خير .. تدرون الحين صيف .. موسم ( تكاثر ) و حفلات الاعراس بدت تهل علينا :D ونبي نطلع بابهي صورة .. مثل شعور هالبنات الي حطونهم في دعايات الشامبو :D

ممكن حبيبتي تكتبين الاسم بالانجليزي..... زيت تاتا ........
وشكرررررررررررررررررررررررررررررا مقدما :D
وسؤال هل تغير زيت الشعر كل اسبوعين مثلا ما يضر الشعر ولا يسبب تساقط بسبب التغير المستمر ........:)

اها النور تريدي زيت ينعم الشعر (x) (x)
خليني اتذكر شوي من خلطاتي شو سويت

امممممممممممممممممممممم
ايوه تذكرت شو رايك انا اعطيك مثل ما تقولي جدول او برنامج مدته شهرين ok
نبدا بسم الله
يالله

[mover]برنامج للشعر الحلو من شهودة الحلوة[/mover]

انت شعرك من النوع المزدوج مثل ما قلت اول شيء تسوينه انك تقصيه اطرافه الجافة يعني موكثير تحشينه حش لا فقط مقدار ما تحسي ان الاطراف المتقصفة زالت
الخطوة الثانية تروحي السوق عند العطارين او حتى المحلات اللي تبيع الزيوت الخاصة بالشعر وتشتري الزيوت التالية :
زيت باراشوت ( نارجيل علبته زرقاء بلاستيك ) + زيت اللوز ( علبة زجاج ) + زيت الحلبة ( علبة زجاج هذا اكثر شيء تلاقينه عند العطارين ) + زيت الثوم ( ايضا عند العطارين )
بعد ما اشتريتي هذه الزيوت انا ماراح اقولك اخلطيهم لا انا سبق وقلت لك اعطي نفسك مهلة شهرين انتي قصيتي شعرك ( المفترض يعني) اكتبي في الروزنامة التاريخ اللي قصيتي شعرك فيه علشان ما تنسينه وحاولي انك ما تنسين لغاية وين قصيتي شعرك علشان تشوفي مقدار الفرق وعموما لا تتعجلي النتائج ok
الخطوة الثالثة : تشتري سدر ( اكيد تعرفينه ) واذا ما سمعتي عنه ايضا تلاقينه عند العطارين ) السدر راح بديل عن الشامبو وانسي الشامبوهات خلال هذه الفترة الخطوة الرابعة : انا اقول لك من واقع تجربتي اني احط الزيت على شعري ليلة وانام فيه وانتي على راحتك تريدي تنامي فيه ولا انك تحطيه اول النهار مثلا الصبح وتغسيليه المغرب او العصر على راحتك ، المهم نبدا بزيت باراشوت مثلا غسلي شعرك مرتين بالأسبوع الإثنين والجمعه ( لكن اذا كنت متزوجة تصرفي انا مالي شغل :D ) انزين نرجع للموضوع تبدا بالتناوب
مثال : الاثنين زيت باراشوت ، الجمعه زيت الثوم ، الاثنين اللي بعدها زيت اللوز ، الجمعه زيت الحلبة ، ترجعي مرة ثانية الاثنين زيت بارشوت ..........وهكذا اتمنى انك فهمتيني يعني تتناوبي في استخدام الزيوت نجي لغسل الشعر : طبعا قبل لا تدخلين الحمام تاخذين شوية سدر وتحطينه في ( ملة ) وعاء وتخلطينه مع شوية ماي وتخفقينه شوي راح تلاحظي يطلع رغوة وتاخذي شوي من الشامبو اللي تستخدميه بس ها بدون بلسم وشوي مو كثير ملعقة صغيرة وتخلطينه معاه
وبعدين تاخذي بيضة او 2 حسب طول وكثافة شعرك وتخلطين معاه زيت اللوز او الزيتون وتخفقينه وتاخذين العدة معاك الى الحمام ( الخلطات اللي سويتيها )
لحين انت في الحمام : تغسلين شعرك عادي بالسدر مثله مثل الشامبو وبعد ما تخلصين منه حاولي ان تخلصي شعرك من الماي اللي يقطر يعني يكون مبلول بس ما يقطر ماي ( فاهمه على ) وتاخذين خلطة البيض والزيت وتحطينها بشعرك وتغطين شعرك بقبعة بلاستيك او كيس نايلون وتنتظري 15 د او اكثر على راحتك وغسلي جسمك سواء بليفة او صابونة على راحتك
وشطفي شعرك بعدها
هذه طريقتي اللي ابتكرتها بعد تجارب عديدة
وعلى فكرة انا سمعت عن الكثيرا بس الى الان ما استعملتها اذا عندك استعداد تستعمليها البنات في الممنتى عندهم معلومات وافية اكثر

واتمنى اني اكون قدرت افيدك زين وخبريني بالنتائج
وكل المشاكل اللي تعانيها بتروح تدرين ليش لان زيت النارجيل يغلظالشعر واكبر مثال عندك الهنود + زيت اللوز يطول الشعر وينعمه وعلى فكرة انا جربت اني كل ليلة استخدم زيت اللوز على حواجبي ومنابت الشعر يعني عند الجبين والله انه نبت شعري وحواجبي صارت غليظة وكثيفة + السدر يطهر فروة الراس ويقتل الجراثيم والبكتيريا والفطريات اللي تنشا نتيجة العرق حتى القشرة تروحها لان هو بطبيعته جاف بس انتي راح تستخدمي خلطة البيض وطالما ان شعرك دهني من فوق لا تحطين وايد على الفروة وكثري على الطراف علشان ما يصير جاف
اما زيت الحلبة انا استعملته وشفته وايد زين عموما اذا ما حصتي ززيت الحلبة ممكن انك تستعيضي عنه بزيت ثاني مثل بصل او الخروح او الجرجير على راحتك
اما زيت الثوم يطول الشعر وينبته
ارجو انك تستفيدي من البرنامج لان ايدي تعبت وانا اكتب

وخبريني علد على النتايج اللي راح تشوفيها

بس خلي بالك ان الشيء اللي يناسبك يمكن ما يناسب غيرك واذا شفتي انه ما ناسبك انسي الموضوع ;) لا لا امزح قولي لي اذا ما ناسبك علشان اعطيك وصفة ثانية
ملاحظة يمكن راح تلاحظي ان شعرك يبدا يتساقط في البداية فهذا الشعر الضعيف بس لا تخافي استمري
واتمنى لك التوفيق

السلام عليكم اخواتي مشكورين على الردود واسفه اذا تاخرت:
nana33sa:
بالنسبه لسؤالك ممكن تلاقينه في الصيدليه قولي للبياع عطني زيت تاتا نيهار [ هذا اسمه بالكامل] وهو زيت جوز الهند.

شوق الامارات:
مشكوره اختي شوق الامارات كلامك عسل. ;)

اختي النور:
الصراحه عندي خبره في الشعر الجاف والشعر العادي وللالسف ما عندي خبره في الشعر الدهني ولكن يجب عمل حمام بخار للشعر الدهني اما الجاف يمكن استعمال زيت دابر املا او تاتا وفي غيرها اما العادي يمكن زيت اللوز اما القشره استعملي شامبو هد اند شولدرس
ما عرفت اكتبه بس هو عن جد مفيد وفي فتره قصيره تزول القشره ولكن فيه عيبين انه امريكي ونحن نبي نقاطع البضائع الامريكيه والثاني
انك اذا توقفتي عن استعماله تعود القشره من جديد. وعسى ان اكون قد افدتك.
شهد78:
مشكوره على الرد ويمكن تفيدي النور اكثر مني.
حور:
مشكوره اختي على المعلومات كل ما قلتي صحيح وزيدينا كمان وكمان.
عروسه للابد:
اسمه بالانجليزي tata nihar وهو لا يسبب تساقط الشعر بل يزيده طولا ويجعله سهل التسليك والتسريح.
وشكرا على الردود مرة ثانيه.
اختكم سابرينا(l) (l) (l)

مشكورة شهوده على البرنامج :D بس باين عليه متعب .. وصراحه كل شي ممكن اسويه الا البيض لانه مصيبة .. مره حطيته في شعري ما طلع منه :(

بس انشالله بجرب البرنامج واعطيج النتايج .. ومشكورة وايد ما قصرتي .. تعبتج معاي :)


اختي سابرينا مشكورة على الافاده .. انا فعلا استخدم حمام الزيت .. واستخدم دابر املا من سنين .. ويعني ماشي حاله معاي .. اما بالنسبة لهيد اند شولدير .. جربته وما ناسبي .. ومشكورة على الاهتمام عزيزتي :)

زيت ممتاز جداً