ركن العناية بالشعر ركن يختص بالعناية بالشعر القصات الصبغات التسريحات.

Like Tree1Likes
  • 1 Post By sky colour

قالتلي بطلي تعملي شعرك بالبيبي ليس كل يوم عشان هيتبهدل .. وانا مكنتش عاملة حاجة :D

09/04/2016, 05:52 AM

السلام عليكم ورحمة الله وبركاته
ازيكوا يا بنات عاملين إيه
هحكيلكوا قصة حياة شعري
شعري كان طويل ناعم كثيف قوي ... عارفين شعر البنات ف اعلانات الشامبو?? هو ده بالظبط
طبعا انا بطلت اهتم بشعرى

شعري جه عليه فترة بقى متقصف وهايش

والأحلى من كده اني مكنتش مهتمة اطلاقا
مقضياها مذاكرة ومش لاقية وقت أبص ف المراية
و قلت أكيد التقصف
هيقف مع نفسه و كبرت دماغي لغاية ما بدأت أدرك المصيبة
شعري بقى جااااااااااااااااااااااااااااف جدااااااااااااااااااااا


اتصدمت بقى و حسيت أخيرا بالمصيبة اللي انا فيها
شعري بقيت بزعل لما أشوفه و جت عليا فترة بقيت بعيط قبل ما انام
أصل عارفة لما تبقي متعودة على ان شعرك تحفة وجميل و ان مهما حصل هيفضل كده وفجأة تلاقيه اتبهدل بهدلة السنين كده !

التقصف مستمر و بششششششششششششششدة ومش راضي يقل أبدا بالعكس بيزيد

وبعدين بقى فى واحدة صاحبة ماما هى تبقى كوافيرة
كتبتلي على كذا حاجة منهم كبسولات بانتوجار
و سيرم كده اسمه bioblas
طبعا من كتر قصص الرعب اللي قريتها عن بانتوجار وانه بيزود شعر الجسم مرضتش أخده الصراحة لأني اصلا كنت ماشية على كورس كده عشان أقلل بيه شعر الجسم ومش ناقصة كل حاجة تبوظ

جبت السيرم و ده كان عبارة عن علبة كبيرة فيها 12 امبولة كده و المفروض تستخدمي واحدة كل يوم او كل يومين
حطيت منه بالليل وصحيت الصبح و بسرح شعري وانا متوقعة ألاقي بلاوي كالعادة بس ملقتش حاجة, تقريبا ده حاجة سحرية بتوقف التساقط ف يوم واحد

المهم كملت 12 يوم كنت كل يوم أحط أمبولة و كان التساقط وقف

بس طبعا كلنا عارفين اني لما بطلتها شعري رجع يقع تاني و الأمور كانت مش لذيذة خالص

رجعت أفكر ف بانتوجار بس برضه مكنتش عايزة أخده وأضيع اللي عملته

بدأت أفقد الأمل وقلت خلاص بقى عوضي على الله

********************

طبعا كل الكلام اللي فات ده ملوش أي تلاتين لازمة و انتوا كنتوا بتضيعوا وقت وانتوا بتقروه
ندخل ف المفيد

بدأت أغير شوية حاجات خلت حالة شعري الحمد لله الحمد لله الحمد لله الحمد لله اتعدل جدااااااااااااااااا

اللي خلاني أكتب الموضوع ان خالتي امبارح بتقولي انتي على طول بتعمل شعرك بالبيبي ليس ليه ده ممكن بعد كده شعرك يتدمر منها خالص
طبعا انتوا عارفين اني ولا كنت عاملة بالبيبي ليس ولا سيشوار ولا أي حاجة
هو شوية اهتمام بس وقلت لازم أفيدكوا معايا
ركزوا معايا بقى الموضوع بسيط جدااااااااا ومش محتاجة لا خلطات ولا أي عك من ده

أولا: انسي الماية السخنة وانتي بتغسلي شعرك ... انسيها تمااااااااااااما يعني, انا اللي بهدل شعري اكتر واكتر اني كنت بحب استحمى بماية سخنة جدا خصوصا ف الشتا ده و كنت بغسل شعري بيها و اخليه ف الماية دي وقت طويل وده خلاه يقع كتير اوي اوي اوي و بقى ضعيف جدا وجاف و هايش ومتقصف وفيه كل العبر

الأحسن بكتير انك تلمي شعرك و بعد ما تخلصي الدش بتاعك عادي تطلعي برة البانيو و تقلبي راسك كده عند الدش و تبدأي تغسلي شعرك بماية ساقعة, أو على الأقل ماية فاترة لا هي سخنة اوي ولا ساقعة اوي وده هيحسن من حالة شعرك جداااا

ثانيا: بلاش الشامبوهات الرخيصة و اللي بتبقى ف جركن كبييييييييير دي , ما تسترخصيش ف شعرك هاتي حاجات نضيفة
من أحسن الأنواع اللي استخدمتها شامبو كلير
اللي استخدمته كان الرجالي لقيت اخويا جايبه و كان الشامبو بتاعي خلص و اخدت ده بس عجبني اوي اوي اوي اوي
بيحسسك بانتعاش رهيب ف الفروة وبينضف فعلا على عكس شامبوهات تانية كتير , والحلو انه بيشيل القشرة تماما

في نوع تاني بحبه و سعره حلو اوي وهو سباركل
الحلو ف سباركل انه مش بينشف الشعر خالص و الأحلى ان ريحته تحححححححححححفة وبتلزق ف شعرك بالأيام
ثالثا: حاولي تكتري من أكل البيض البيض مفيد لشعرك عشان فيه كمية بروتين محترمة وشعرك عشان يبقى قوي وطويل محتاج بروتين, بس متزوديش عشان الكوليسترول, يعني بيضتين أو 3 ف الأسبوع حلوين أوي
رابعا : بدلي فرشتك بمشط خشب سنانه واسعة, في فُرش كده بتقطع الشعر خصوصا الشعر الضعيف فحاولي تجيبي مشط خشب أحسن
خامسا: سرحي شعرك من تحت لفوق, ابدأي بالأطراف وسلكيها بالراحة بعدين اطلعي لفوق لغاية ما توصلي للفروة

سادسا: غسل شعرك يبقى مرتين فقد ف الأسبوع ف الشتا, متكريش عن كده خاااااااالص, و لو بتاخدي شاور كل يوم حطي شاور كاب ومتغسليش شعرك


سابعا: لو شعرك كان مبتهدل أوي وأطرافه رايحة ف داهية قصيه, ومتخافيش ان شاء الله هيطول تاني بس على نضافة اوي, انا كنت خايفة من حكاية القص ومكنش هاين عليا أقص شعري كده خالص, بس اتشجعت وقصيته و مبسوطة اوي اني عملت كده عشان حالة شعري بقت أحسن بكتير والأطراف الحمد لله بقت كويسة جداااااااااااااااااااا

ثاااااامنا بقى : في بتاع كده انا اشتريته, تقريبا أحسن حاجة استخدمتها لشعري طول حياتي .... تححححححححححححفة ف كل حاجة, عبارة عن زيت و سيرم و سبراي ف بعضهم, حتحسيه زي زيت خفييييييييييف اوي
اسمه ليندو لو تسمعوا عنه
ده عنده قدرة يغنيكي عن كل الوصفات والخلطات والعك ده كله
حقيقي بحبه جدا جدا مع اني لسه جايباه ف اقل من شهر, بس حقيقي ياريت ناخد دقيقة ندعي فيها للي اخترعه
أولا بيطري الشعر جدااااااااااااااااااااااااااااااااااااا و الهيشان اختفى تمااااااااااااااااااااااااااما
هتحسي بنعومة رهيبة ف شعرك, و التساقط الحمد لله بقى قليل اووووووووووووووووووووووووووي من ساعت ما قصيت شعري وبقيت بستخدم الزيت ده
أحلى حاجة بقى ان ريحته حلوة جداااااااااااااا انا شخصيا حبيتها اوي
ده تحطي منه على شعرك كل يوم الصبح وبالليل, ومتخافيش شعرك مش هيدهنن ولا حاجة بالعكس هيبقى شكله تحفة
رشتين منه على ايديكي امسحي بيهم شعرك و رشي كده على الجبهة ف الحتت اللي قالل فيها الشعر
و كمان اعملي مساج لراسك بيه
صدقيني هاتيه و هيعجبك جدااااااااااااااااا انا عندي استعداد استخدمه للأبد

تاسعا: كل يوم قبل ما تنامي اقلبي شعرك لقدام ييجي 5 دقايق كده وانتي بتعملي ماساج لشعرك, اسمها inversion method والحكاية دي تقدر تطول الشعر بسرعة
متعمليش الموضوع ده لو ضغطك واطي, و يتعمل اسبوع واحد كل شهر, يعني تعالي أول اسبوع من كل شهر كده تعملي الحركة دي كل يوم
والحوامل بلاش برضه
الحركة دي بتنشط الدورة الدموية ف الشعر جدا و بيتخليه يتغذى ويبقى أقوى وأحسن

عاشرا: كل يوم قبل ما تنامي وبعد ما تحطي ليندو لفي شعرك كحكة اللي هي من فوق دي أو ال high bun
هتصحي الصبح تلاقي شعرك سايح , أسهل من الطقية بكتير ومش محتاجة غير بنسة واحدة
وطريقتها انك تقلبي شعرك كله لقدام و تسرحيه كويس وبعدين تلفيه كحكة وانتي لسه قالباه و تمسكيها ببنسة

*****************
الكلام اللي انا كتبته ده بعث شعري للحياة بعد الموت




من مواضيعي



صورة إينـانا الرمزية
10/04/2016, 04:52 PM

يعطيك العافيه علي الموضوع التفصيلي المميز ..
الف شكر وبافعل الشعر بس تهتمي بيه ترجع له حيويته وصحته



من مواضيعي

تابعيني ع الانستغرآم inanna_beauty


14/04/2016, 06:45 PM

يعطيك العافيه علي الموضوع التفصيلي المميز ..
الف شكر وبافعل الشعر بس تهتمي بيه ترجع له حيويته وصحته
اه طبعا الشعر لما نهتم بيه ترجع له صحته
شكرا على ردك ياقمر ربنا يباركلك



من مواضيعي

صورة زهرة الاوركيد 22 الرمزية
09/05/2016, 06:21 AM
ماشاء الله حبيت تجربتك ياعسل ان المشكله التقصف من قدام ذا الي ينرزفني مرررررره واتفشل قدام صاحباتي ههههههه بس خليها على الله



من مواضيعي

لـيـتـنـا كــالــطـيـور..!! نُــحــلِــقْ .. ............................لـيـتـنـا كــالــطـيـور..!! نُــحــلِــقْ .. وَ نــرتــفْــع .. نُـــغــادِر .. وَ نُــسافــرْ..! مـــن الــمَـنـفــىَ إلــى الــوطــنْ ..! و مــنَ الــوطــنْ إلــى كــل مــكـآن نــعـشـقـه .. ! نـسْتـوطِـنْ الـأمَــاكـن الــجَـمـيِـلـة ..بِــدون أوْراق إقــامَــة ..! و يــحــقُ لـنـا الــتِـرحَــال ...و الــتِـجــوال بِـدون جَــواز سَـفـر..!! لـيـتـنـا كـالـطـيـور .. كـلـمـا ضـاقـت عـلـيـنـا ..نـحـلـق فـي الـسـمـآء..!!

صورة زهرة الاوركيد 22 الرمزية
09/05/2016, 06:23 AM
تم تقييمك ممتاز



من مواضيعي

لـيـتـنـا كــالــطـيـور..!! نُــحــلِــقْ .. ............................لـيـتـنـا كــالــطـيـور..!! نُــحــلِــقْ .. وَ نــرتــفْــع .. نُـــغــادِر .. وَ نُــسافــرْ..! مـــن الــمَـنـفــىَ إلــى الــوطــنْ ..! و مــنَ الــوطــنْ إلــى كــل مــكـآن نــعـشـقـه .. ! نـسْتـوطِـنْ الـأمَــاكـن الــجَـمـيِـلـة ..بِــدون أوْراق إقــامَــة ..! و يــحــقُ لـنـا الــتِـرحَــال ...و الــتِـجــوال بِـدون جَــواز سَـفـر..!! لـيـتـنـا كـالـطـيـور .. كـلـمـا ضـاقـت عـلـيـنـا ..نـحـلـق فـي الـسـمـآء..!!


« طريقتي في عنايتي بشعري | مكونات في منزلك لكثافة شعر الرأس والحاجب »

يتصفح الموضوع حالياً: 1 (0 من الأعضاء و 1 من الزوار)
 
أدوات الموضوع ابحث بهذا الموضوع
ابحث بهذا الموضوع:

بحث متقدم


مواضيع مشابهة
الموضوع المنتدى
شعرك طووويل؟؟ عندك حفلة و محتارة اي تسريحة تعملي؟؟ عندي لكم طيريقة تطير العقل القصات و الصبغات و التسريحات
الموضوع: حاجة شغلت بالي وانا اصغيرة الشؤون الأسرية و الإجتماعية و أخبار الأعضاء و مناسباتهم
اهلي يبونه وانا رافضتنه عشان شكله شو الحل؟؟ قضايا وحلول
شو الدارج اكثر شي عشان العيد قرب..وانا... استفسارات الأزياء

الساعة الآن +3: 11:42 AM.

 اتصل بنا - اعلن معنا - سياسة الخصوصية

Search Engine Optimization by vBSEO ©2011, Crawlability, Inc.

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 100 101 102 103 104 105 106 107 108 109 110 111 112 113 114 115 116 117 118 119 120 121 122 123 124 125 126 127 128 129 130 131 132 133 134 135 136 137 138 139 140 141