السلام عليكم ورحمة الله وبركاته
كل سنه وانتم بالف خير وصحه ورمضان كريم وربنا يتقبل منا ومنكم صالح الاعمال
فانوسي حبيبي
حبيت اشارك معاكم بمائدتى الرمضانيه لهذا العام اليكم مائدتى المتواضعه
المنيو بتاعنا كان عباره عن
الطبق الرئيسي : طاجن بطاطس باللحمه وارز (رزه ورزه)
المقبلات : سلطه باذنجان
العصير : سموذى لبن جوز الهند بالمنجا
الشوربه : شوربة البطاطس
الحلويات : كنافه بالكريمه والفاكهه
نبتدى بسم الله بالعصير
مكوناته علبة لبن جوز هند + مانجه + مكعبات ثلج + تحليه بعسل او سكر حسب الحاجه
نخلط كل المكونات بالخلاط
ثانيا : المقبلات سلطة الباذنجان
المقادير مكعبات باذنجان مقليه + طماطم مقطعه متبله بالملح والفلفل والليمون وثوم وكميتة حسب الرغبه + وعيش محمص
الطريقه نقلى الثوم وبعد كدا نضيف الطماطم خمس دقائق وبعدها نضيف الباذنجان ومنسبوش كتير بردو نقدمه فى طبق التقديم مع العيش المحمص
الشكل النهائى
الطبق الثالث الشوربه شوربة البطاطس
مقاديرها عدد 2 بطاطس متوسطه وعود كرفس وجزره مقطعه وبصله وفصين ثوم متوسطه وكوب لبن وكوب من المرقه
الطريقه نسلقه مقدار الخضار مع المرقه وبعدها نضيف اللبن ولما ينضجوا تضرب فى الخلاط
ملحوظه لو حسيناها تقيله نخففها بمرقه او لبن
وفى تكه كمان عملتلها طشه زى بتاعت الملوخيه خلت طعمها حلو اوى