صدور دجاج مقطعه - - حبتين طماطم مقشر ومقطع
بصلتين كبار شوي مع شوي زنجبيل طازج - زبده حاولى 4 ملاعق ط راح نقسمهم ع مراحل - 6 او7 حبات كاجو-م ص سكر- ملعقه كاتشب- ملعقه معجون طماطم
نص كوب كريمه طبخ- البهارات( م ص كاري - م ص فلفل احمر بودره- م ص كزبره مطحونه- ملعقه طعام ك جارم ماسلا اساسي بالوصفه - م ص كمون بودره - م ص كمون حب او شومر)
ملح حسب الرغبه - ماء دافئ تقريبا كوب
لتتبيل الدجاج:ملعقتين ص روب- ملح وفلفل حسب الرغيه - م ص كزبره - م ص جارم ماسلا- م ص كاري
ملعقتين ط زنجبيل مهروس- ملعقيتن ط ثوم مهروس
تحطي ع الدجاج مقادير التتبيله وتخليه لمده نص ساعه
تحطين شويه زيت وبعدها تحطي الكمون الحب وعليه البصل والزنجبيل وتخلينه يتحمس شوي بعدها اتضيفي الكاجو الطماطم
وتخليه شوي لحد ما يذبل ترفعيه من ع نار وتخلطينه بالخلاط
تقلين الدجاج لحد مايتحمر
ترفعين الدجاج وتخلينه ع جنب لحين بدايه الزبده تاخذي ملعقتين زبده وتحطي عليها كل البهارات تشمي ريحتها شوي
ترجعي خليط البصل والطماطم الي خلطناهم بالخلاط واتضيفيهم على البهارات والزبده واتضيفي لهم الماء تخليه يغلي شوي
بعدها ترجعي الدجاج عليه واتضيفي عليهم الملح والكاتشب والسكر ومعجون الطماطم وتقريبا 5 دقائق قبل لا يجهز بتحطي الكريمه وبقيه الزبده
وخلص بيكون جاهز
أرز بالشبث
أرز - الشبث - ماء - ملح حسب الرغبة
تسلقين العيش بطريقه المعتاده مع ملح وزيت قبل لا يستوي العيش بشويه اتضيفي الشبث
ميني تارت لحم
كريمة الطبخ - فلفل حلو ( أحمر - أصفر - أخضر - برتقالي ) - تارت جاهز - بهارات حلو - ثوم بوردة - اكليل الجبل - كزبرة بوردة
نحمر لحم وفلفل
نضيف كريمة وبهارات
نحشو خليط لحم في تارت
كرات بالبطاطس بالتونه
بطاطا مسلوق ومهروس ع حسب استخدمت حبتين بطاطا كبار - علبه تونه - بصل
بقدونس - ملعقه فلفل احمر مجروش- فلفل احمر حار وملح حسب الرغبه - عصير ليمون
ربع ملعقه ص كمون - ربع م ص ثوم بودره - ربع م ص بهار كاري
اول شي بتحمسين البصل مع شويه زيت بس يذبل اتضيفي عليه البقدونس والكاري والثوم بودره وخلاص تحطيه ع جنب يبرد شوي
طبعا سلقتي البطاط وقشرتيه وانهرس بتحطي عليه البصل مع البقدونس والملح والفلفل والليمون والتونه
وتخلطي بحيث كل المكونات تتجانس مع بعض
تشكليها اصابع بعدها راح تمر بثلاث مراحل
الطحين - البيض- البقسماط وبالترتيب تحطي الاصابع اول شي بطحين حاجه بسيطه بس تتغلف
بعدها البيض طبعا البيض بتضيفي له شويه ملح وفلفل اسود اخر شي البقسماط بس تتغلف
تحطيها بالثلاجه نصف ساعه
بعدها تقليها بزيت غزيروحار
ميني تارت بالكاسترد والفراولة
المقادير
كوب حليب - سكر - كاسترد بودرة - فراولة - فانيليا - ميني تارت جاهز - شيرة
كاسترد على حليب وسكر حسب الرغبه
يطبخ بعد مايسمك الخليط نحطه على التارت بس يدفى ندخله الثلاجه يبرد بالكامل
نحطه الكاسترد على التارت بس يدفى ندخله الثلاجه يبرد بالكامل ونزيين بالفراولة والشيرة
واخيرا عصير برتقال بالنعناع
برتقال - نعناع طازج - سكر - ثلج - ماء
نخلط كل مقادير في خلاط
هذا شكل السفرة
هذي مشاركتي بسيطة في هذا قسم اكثر من رائع :kissses: