بسم اللـه الرحمن الرحيم
والسلام عليكم ورحمة اللـه وبركـاته.
موضوعي هـذا هو الأول والأخير في حالتي.
مـ احب اكتب مشاكلي ومـااحب ابين جروحي
كنت بكتب مشكلتي بعضويتي لأن مـ عندي شي اخاف منه بس عندي شي اخاف عليه
اخاف بنتي حبيبتي بكره تكبر وتعرف معاناة مـامتها وتبقى حزينه ومجروحه طول عمرهـا..
اخواتي اعرفكم كلكــم و انتوا بعد تعرفوني
احترمكم و استخرت قبل اكتب مأسآتي لأني صرت اندم على كل خطوه اخذها في حياتي
حتى الحين اكتب وانا خايفه
خايفه من الردود اللي حقراهـا وخايفه منكم
بصراحـه نفسيتي ماحقول تعبــانه لآ ...
انـا عديت مرحلة التعب نفسيتي انــا متحطمـــه احس بألم فضيع
وغربـه مـالهـا آخرررر
وربي اكتب وعيوني كلها دموع ومو قادره ابكي عارفات ليش؟؟؟
لأن بنتي وولدي هنا معايه
ياترى بأيه حرد عليهم
وعلى فكره هما مو شي جديد يشوفوا مامتهم تبكي
لكن انا الحين احس مـاصار عندي قدره ع الكتمان مثل قبل
لأني وربي منهاااااره
كثر الصبر هدني
موضوعي طووووويل
لكن اتمنى من اللي تبدأ في قراءتــه تحتسب اجرها عند اللـه عشان مـ تندم على اي دقيقه
قضتهـا فيه
تزوجت وانا صغيررره وهذي بداية مأسآتي
وصرت ماما وانا بعد صغيره
زواجي كان مختلف مـ حسيت فيه بأي فرحه
كل اللي عشته خوف ودموع
كنت متمسكه ببيت اهلي وإذا جو زاروني وراحوا اقول ابغى اروح معاكم انا اخـاف واجلس ابكــــي
كانت امي تهديني وتقول خلاص بكره نجيك بس خليك هنا
وربي اسوأ ذكرى
بدأت اتأقلم مع حياتي بـ الكذب
اكذب على نفسي واقول اني بخير وعايشه
عمري مـ حسيت الحميميه اللي بتتكلم عنهـا الناس
حكون صريحه معاكم انا قبل كم سنه في ناس ظلموني وعملوا ليه سحر
حياتي بعدهـا انقلبت
صح انا مـ كنت مرتاحه من اول مـ تزوجت
لكن هالسحر دمـــــــرنــــــــــــــ ــــي دمـــرني وربي اكتب وانا اصيــح
عشت وانا شبه ميته
وانقطعت عن العالم تقريباً خمس سنين كانت امي تأكلني وتروشني
وكل شي واولادي كانوا عند اختي
ايام لو احكيكم عن يومين من مرارتهـا وربي لتبكوا
معاناه مو بس انا عانيتهـا
امي وابويه واخواني كلهـم عانوا معايه
اول رجوع لي كان حضور صلاة تراويح في المسجد وهذا المنتدى
ايوه هـذا المنتدى هو اول علاقه لي بالعالم الخارجي
رجعت لقيت الناس تغيرت كثير
وكلمة مصدومـه مـ تعبر عن حالي ووضعي
لقيت الكذب في كل مكان و في اي شي
والغدر واللف والدوران
رغم اني انسانه صريحه وطيبه وصــادقه مع الله قبل اكون صادقه مع الناس
مشاكلي كثيررر ومـ كتبت هالكلام الا لأني ابغى حلول
مع زوجي مو مرتاحه وربي من يوم ماتزوجته لحد الحين مو مرتاحه
رغم انه طيب معايه ويعشقني لحد الجنون
لكن انـا العكس تمامـاً
وقت الفراش انـا بس ابكي وهو مستمتع لأبعد حد واكتفي بكذا
في حياتي اليوميه احس اني عـايشه بحلم
لآ انا ع الأرض ولآ على البحر
كأن رياح تلعب فيني
احس الدنيا حلم فـاهميني ؟؟
في علاقتي بالناس اول مايعرفوني يحبوني بشكل مو طبيعي و قد مـ اكون صادقه معاهم يكونوا
يستنزفوني واذا عرفوا عني كل شي تخــلوا
بعد مـ اكون تعودت عليهم وحبيتهم
وحتى هنا في المنتدى
اعترف اني محتاجه حنان
محتاجه شي ناقصني مـ لقيته في حياتي
و اعترف إن عندي وحولي صديقات يتمنوا يولعوا اصابعهم شموع بس عشان ارضى او ابتسم
لكن !!!
انــا
انـا مين ابغى ومين احتاج
الألم مـ يعرفه إلا اللي عاشه
انا إذا احد حط يده على رآسي ادوخ
إذا احد قال لي كلمه حلوه مـ اقدر ارفع عيـني عارفات ليه؟؟ لأني فـااااقده وبكتفي بكذا
اشياء كثير مـ اقدر اقولهـا على العام
الناس اخاف منهم وارتبك ومـااقدر اواجههم
اخــااااف منهم اخــاف اخــاااف
سبب كتابتي لمشكلتي لأني ممكن اخسر المكان اللي حبيته من قلبي وهو حلقة تحفيظ القرآن
كرررهتهــا كره و كرهت المسجد وكرهت كل النـاس وكل شي يربطني فيهم
جوالي مقفلته اكثر الوقت والتليفون مـ ارد عليه و النوم مجـافيني والأرق والتفكير
هدوا صحتي
بالنسبه لصحتي عندي ورم وـشلته ورجع الحين
عندي ورم آآآآه بس مااحد يعرف الا ناس قليل
حتى اولادي مـ يعرفوا وحتى وحده صديقتي مـ قدرت اقول لهـا لأنها حتنهار لو عرفت
والله اولادي اخاف عليهم من الهوا الطاير كيف اصدمهم بصحتي
وفوق هـذا مـ احس بنعمة وجودهم في حياتي
كثير ناس تتمنى الحياه والبيت والوضع اللي انا عايشته
لكن انا يـ اخواتي بس ابككككككي وربي الألم اكبر من الكتابه ومن البوح
الكلام بداخلي بحـر
وحرسل الموضوع بدون ارجع له
لكني اشهد اللـه على كلامي اني صادقه في كل حرف
ومـاخفي كان اعظم
اشياء مـ قدرت اقولها لأنها بجد تجرح لكن الوضع العام مـ يسمح اقولها
حياتي معـانـاه في معاناه من يوم تزوجت وبعدهـا السحر اللي خلص على كل معنى حلو
للحياه بداخلي
احتاج جنــــه تنسيني كل الام هالدنيـا.....