 |  |
 |  |
 |  |
| |||||||
| التسجيل | التذاكر | مركز رفع الملفات | المدوّنات | صالة الألعاب | قائمة الأعضاء | البحث | مواضيع اليوم | تعليم الأقسام كمقروءة |
ركن العطور/ركن متخصص في الجديد في عالم العطور./ياعطر الورد وانفاسه..(هدايا) |
 |
| | LinkBack | أدوات الموضوع | ابحث بهذا الموضوع |
26/05/2012, 12:39 AM
| #1 |
| عروس ركن أفكار وخبرات    |  ياعطر الورد وانفاسه..(هدايا)  بسم الله الرحمن الرحيم.. اخباركم عسولات.. بما اني من عشاق العطور.. فحبيت انزل موضوع عن العطور بس كسلانه انزل الصور...  عموما اليوم موضوعي شوي غير عن باقي المواضيع بما اني ساكنه بالغربة .. وعندي اصدقاء من مختلف الجنسيات ب لندن... وكثير يكون بينا عزومات وزيارات.. فدايما اتردد ايش اخذ لهم ... ادور على شي مش تقليدي.. هنا اكثر الهدايا عباره عن ورد وشوكليت.. بس انا ابي هديتي تكون مميزه   فحسيت انه اجيب عطور عربيه وبخور افضل هديه.. اولا لان ب لندن غالي جدا.. يعني يكون السعر 4 مرات دبل... ومو اي شي تلقين يعني ممكن بس تحصلين عطور الحرمين والعربيه بس غالي واااااااااااايد... وثانيا معظهم يحبون العطور العربيه.. فحسيت هذي احسن هديه تكون لذكرى...  فالحين كل ما ارجع الامارات اعرف ايش اجيب هدايا... وهم يكون ارخص لي ...  اولا مخلط من الشايع روعه بمعنى الكلمه.. سعره ما يتعدى ال15 ريال.. وانا من عشاق هالمخلط.. ودايما اروح محل الشايع وما ألقى من كثر الطلب عليه... ولما جبته لندن معاي للهدايا.. الكل انجن عليه وصاروا يطلبون مني دايما.. فكل ما ارجع الامارات يقولون ممكن تجيبين لنا هالمخلط ...  الصوره الثانيه لمخلط الفراش.. وجبت معاي كميه بعد .. وسعر مخلط الفراش اظن 27 ريال..  مخلط الفراش من الرصاصي.. ريحته بارده.. اظن ب30 ريال  طبعا البخور اهم شي.. لان يحبون البخور وايد.. وخاصه يستخدمونه بيوم الجمعه.. فجيراني وصديقاتي يقولون بليز جيبي لنا بخور وحتى صديقاتي اللي بصفي .. يتخبلون على البخور.. ويقولون يا سلام ذكرتينا بريحه دول الخليج  بخور جبل علي من الرصاصي.. اللي صار لنا فتره طويله ما نستغنى عن هالبخور.. لان روعه وهم سعره 30 ريال..ويظل معاج فتره طويله... وانا وجيراني كل يوم نتحدى من يحط بخور  بما انه ساكنين بشقة .. فروايح توصل بسرعه.. فلما اكون خارجه وارجع البيت اقول هي اليوم جارتي بخرت البيت ببخوري  وهاي الصوره لعود مع العطر.. الريحة تثبت لما نبخر وخاصه لما ترشي معطر الفراش ... وسعره اظن 45 ريال...  بخور الامارات روعه.. والسعر بلاش .. شريت ب15 ريال.. ويظل معاج فتره..  بخور الجوهره ما اذكر بكم شريت.. بس انا خذت لي نفسي ولصديقتي المقربة ب لندن...  بدي لوشن... عطيت حق صديقاتي الانجليزيات.. وعجبهم وااايد...   وهذا من سيد جنيد عبارة عن لوشن جامد.. خذت لصديقتي الانجليزيه..وحبت شكل وقالت شكله نفس استايل الفكتوري  هنا صوره لمخلط للعباية و الشيلة.. والسعر اظن 30 ريال.. جبت منهم كميه.. لان عجبتهم الريحه..  دهن العود الصفوة من الرصاصي.. ما اذكر السعر.. وجبت لصديقاتي اللي كانوا عايشين بالخليج والحين انتقلوا للندن.. جبت لهم هالعود.. لان ريحته ثقيلة وتعجبهم هالروايح الخنية..  عطر مركز زهرة.. روعه... والسعر 30 ريال.. ما اتذكر عدل بكم   وهالعطر جبت لصديقتي كانت ساكنه بالامارات والحين ساكنه ب لندن.. وهي تحب الروايح الثقيلة..   عطر من الحرمين ما اتذكر السعر   عطر من الرصاصي.. وما اتذكر سعره  عطر 4 وردات جبت هدية لمعلمتي بالكليه.. وهي انجليزيه.. وتحب العطور وايد..  عود المسك ما اتذكر السعر الريحه هادية وحلوة.. وهالعطرين جبت لصديقتي مره جابت لي ورق عنب لبيتنا.. فخذت لها هالعطرين.. وهي دايما تطلب من مخلط العرايس من سويس اربيان..  واخيرا هنا صوره لمخلطات عباره عن تولة.. جبت للبنات اللي اصلي معاهم في الكلية .. بس للحين ما عطيتهم بعطيهم بأخر يوم   اتمنى عجبكم موضوعي.. واتمنى تدعون لي بالذرية الصالحه.. ونرجع لبلادنا بالسلامه.. واذا استاهل التقييم واخيرا : انتي غير محلله في النقل وصدقوني لو لقيته منشور باي منتدى ثاني ما راح اسكت .. بأمكاني اشترك بنفس المنتدى واشتكي عليها.. الموضوع خلص لعروس   |
| | |
 |
|
26/05/2012, 12:45 AM
| #2 |
| عروس مجلس بنات عروس الثقافي و ركن سماء الإبداع  | .. ماشاء الله موضوع يدل على ذوقك وكرم أصلك عليكم بألف عافية الله يرزقك الذرية الصالحة البارة ويرجعكم بالسلامة وتستاهلين التقييم |
| |
|
26/05/2012, 12:52 AM
| #3 |
| عروس متميزة | ماشاء الله ام بدر الله يعطيك العافيه ويرزقك يارب بالذرية الصالحة .. |
| |
|
26/05/2012, 12:59 AM
| #4 |
| عروس متميزة  | موضوع رائع وخصوصا انه برائحة العطور والبخور الله يجعل حياتك كلها بخور بعطور ويرزقك الذريه الصالحه السليمه الباره وجاري التققيم بس لمن ادخخل من اللاب لان التاب متعب بالتقييم. |
| |
|
26/05/2012, 01:20 AM
| #5 | ||||||||||||||||||
| عروس ركن أفكار وخبرات |
فديت روحج يالغاليه على الرد الحلو.. وربي يسعدج يوفج وشكرا على التقييم | ||||||||||||||||||
| |
|
26/05/2012, 01:21 AM
| #6 | ||||||||||||||||||
| عروس ركن أفكار وخبرات |
تسلمين يا ام فصولي... واللهم اميييييييييييييييين والله يرزقج قريب بنونو حلو وعسول | ||||||||||||||||||
| |
|
26/05/2012, 01:22 AM
| #7 | ||||||||||||||||||
| عروس ركن أفكار وخبرات |
حبيبتي قلبي يا عروسه.. ما قصرتي... نورتي الصفحه | ||||||||||||||||||
| |
|
26/05/2012, 02:20 AM
| #8 |
| عروس متميزة  | ماشالله الله يديم المحبه في قلوبكم يارب وذوقك في العطور يهبل الله يرزقك الذريه ولايجعلك من المحرومين ويوفقك ويوفق زوجك في الدراسه دانة بقلبه كانت هنا دانه بقلبه كانت هنا |
| |
|
26/05/2012, 02:30 AM
| #9 |
| عروس متميزة  | ما شاء الله كل شي عرضتيه حلووو وذوووق وحلووو أنج تهدين صفه وااايد طيبه وتقرب بينج وبين معارفج تستاهلين التقييم مشرفتنا ...~ |
| |
|
26/05/2012, 02:42 AM
| #10 | ||||||||||||||||||
| عروس ركن أفكار وخبرات |
امين يارب.. تسلمين دانه حبيبتي قلبي... والله يوفق ويرزق الجميع | ||||||||||||||||||
| |
|
| يتصفح الموضوع حالياً: 1 (0 من الأعضاء و 1 من الزوار) | |
| أدوات الموضوع | ابحث بهذا الموضوع |
| |
مواضيع مشابهة | ||||
| الموضوع | الكاتب | المنتدى | الردود | آخر مشاركة |
| شوفوا معاي هدايا أخوي لخطيبي في خطوبتنا,,مكمل للجزء الأول من هدايا اخوي لي ...تفضلواا | عروس ليبيا | ركن العطور | 104 | 12/06/2011 03:08 PM |
| الورد لاهل الورد ....وين اللي يحب الورد .. تعال خذ لك ورده....{ ورود من حديقه منزلي } | ... شذى الغربه ... | ركن التصوير الفوتوغرافي والصور | 71 | 26/02/2011 05:45 AM |
| ساعات بيكون الورد الصناعى يعمل احلى هدايا تعالوا نشوف؟ | ورده قست عليها الايادى | أفكار وخبرات | 39 | 21/05/2009 11:31 PM |
| لو بغيت أكتب لك شعور القلب واحساسه ! حروف الكون ماتكفي ياعطر الورد وانفاسه | ام مهير. | الهواتف النقالة | 9 | 05/05/2005 12:43 AM |
7Likes
