السلام عليكم ورحمة الله وبركاااته .. شلون الغاليات ؟
بنات مثل ماتعرفون مااانزل موضوع الا اكون مجربته او اختي المغامرة مجربته
لان ماشاء الله هي كثير تغامر .. فغالبا نجرب عليها اولااااا
اختي من فترة ماشاء الله سوت حناء لشعرها وكانت تريد يكون لونه اشقر
فخلطت عدة مكونات وبفضل الله طلع لها اللون اللي حااابته وكان شعرها فيه شقار حلوو وواضح
مع العلم هي شعرها اسود ..
نجي للمقادير :: هي شعرها قصير اللي شعرها طويل تزيد الكمية
المهم اخذت ماااء كافي لعجن الحنا وخلت معه بابونج وقرنفل واعواد قرفة ( دارسين )
وشوي قشور رمان مطحونة .. وخلتهم على النار يغلون لمدة خمس دقائق
بعدين اخذت حناء تكفي شعرها والحناء وهي بودرة خلطت معها اربع ملاعق كبار كركم الاكل
وكان الكركم واضح مع الحنا واخذت الماء اللي غلته من قبل وصفته وعجنت فيه الحناااء
وخلتها تتخمر اربع ساعات وقبل لاتحطها على شعرها ضافت لها ملعقة روب وعصير ليمونة وملعقة زيت ذرة عافية
وخلتها على الشعر ست ساعات ..
وغسلتها بماء فقط وثاني يوم خلت حمام زيت وغسلت بشامبو ..
اتمنى تعجبكم الوصفة