ركن المكياج ركن متخصص في آخر صيحات التجميل من المكياج .

Like Tree6Likes

صورة M!$$_BLinG الرمزية

كيفية وضع الفاونديشن بالخطوات ( خطواتي ) + مع بعض النصائح

27/01/2012, 03:01 PM



السلام عليكم و رحمة الله و بركاته

حبيت اليوم اطرح لكم طريقتي المتبعة في استخدام الفاونديشن









طريقتي جدا بسيطه و سهله و اهم شي اني مرتاحه لها و حبيت افيدكم بطريقتي يمكن تفيد البعض و يمكن تكون مشابه لخطوات البعض.









-- اسمحولي بعض الفرش مب نظاف لاني مستعملتنهم امس :o--

اول شي بتكلم عن بشرتي - انا بشرتي ( كانت ) دهنية والحين تحولت ل جافه في مناطق و مختلطه في مناطق اخرى !! خصوصا الانف الحين عندي هو بس لي يكون دهني قبل كانت ال T zone يعني الجبين والذقن والانف
البشره لي تكون دهنيه او جافه او مختلطه لها نفس الخطوات باختلاف بسيط
البشرة الدهنيه نستعمل لها بيس يحد من الافرازات الدهنيه ونركزه على المناطق لي تدهن اكثر شي و كريم مرطب خال من الدهون











البشره الجافه نستعمل لها كريم مرطب
البشره المختلطه نستعمل لها كريم مرطب خالي من الدهون + بيس او كريم يقلل من الافرازات وبعد نحطه عالمناطق لي تدهن و تلمع اكثر شي

ليش نستعمل مرطب للبشره الدهنيه ؟
بغض النظر عن نوعية البشره فهي تحتاج لنسبه معينه من الترطيب و الكريم المرطب ينعش البشره و يكون لج عازل خفيف عن المواد لي بتحطينها على بشرتج + يسهل عملية توزيع الفاونديشن ويمنع التخطيط خصوصا عند استعمال فرشاة الفاونديشن

======
الفرش
FOUNDATION + POWDER BRUSHES

انواع الفرش لي انا استعملها للفاونديشن والبودره بتكلم عنهم - قبل ما ابدأ عشان تاخذون فكره عنهم شوي

فرشاة 187 من ماك

















فرشاة فاونديشن للتغطيه المثاليه و تعطيج افكت ال AIR BRUSH لان الفوانديشن يتوزع بس على الشعيرات البيضا. الطبطبه هي طريقة استعمال الفرشاه هاي - مثاليه بس مب حق اللوك السريع لانها تاخذ وقت منج عشان تحصلين الفنشينق المطلوب

- - - -

فرشاة 191 من ماك

















لتوريع الفاوديش والوصول للمناطق الصغيره مثل حوالين الانف و فوق الحواجب

- - - -

فرشاة سيقما F82

















روووووعه لتوزيع و دمج الفاونيشن على البشره انا وايد احبها توزع الفاونيشن بكل سهوله ونعومه

- - - -

فرشاة 190 من ماك

















- - - -

غنية عن التعريف هالفرشاه هي الفرشاه الكلاسيكيه لتوزيع الفاونيشن و تقريبا كل ماركات الفرش يسوون الشكل هذا

==========================

كونسيلر









الاغلب يسخدم الكونسيلر لانه لمسه مهمه للمكياج نحتاجه للاماكن لي تحتاج تغطيه اثقل شوي مثل لتغطية علامات الحروق او الحبوب او مناطق لونها مختلف عن سائر الويه

كيف تختارين الكوونسيلر المناسب لج
البشره الدهينه تحتاج كونسيلر ثقيل شوي غالبا يكون جل او كريمي او بقوام متماسك ثقيل اكثر واللون نفس درجة الفاونيشن للويه و درجة بسيطه افتح لتحت العيون وفوق وحوالين الحواجب

الكونسيلر لاخفاء الهالات السودا يكون مايل للمشمشي او لون السالمون او برتقالي









يوزع اللون هذا بعد الفاونديشن ويدمج بعدين نحط الكونسيلر العادي واخيرا نحط بودرة لتثبيت الكونسيلر

===

فرش الكونسيلر
CONCEALER BRUSHES

ماك 224

















من احلى الفرش لوزيع ودمج الكونسيلر رهيبه جدا ( نركز الكونسيلر عالبقعه و بعدين نموه الاطرف عشان ما يبين عندنا نقطه ثقيله وواضحه منه )

- - - -

فرشاة سيقما P86

















روعه للكونسيلر و لتوزيع الكونسيلر عن الانف طرفها المحدب يساعد على هالشي

==========================

فرش البودرة
POWDER BRUSHES

فرشاة ماك 136

















احب استعملها للبودره المنرلايز او البودره المضغوطه ( احس بيغمى عليه من شكل الفرش :-# )









- - - -

فرشاة ماك 134

















احب اوزع بها الفنشنق باودر البيضا الحره او البودره المضغوطه

==========================

بودرة
شي اساسي للمكياج وتعتبر الخطوه النهائيه للفاونديشن والكونسيلر لها عدة انواع نختار البودره على حسب طبعا
بلمعه او بدون مضغوطه او حرة









وما ننسى البودره الشفافه هي دايما تكون بيضا بس يوم نوزعها عالويه مالها اي لون تنحط اخر شي فالمكياج لانها تثبت كل شي عالويه و تعطيج ملمس مخملي بدون لمعه

MAC TRANSPARANT FINISHING POWDER

















==========

الفاونديشن









اختيار الدرجه والتركيبه والنوع مهم جدا لان اذا ختي شي ما يناسبج ابدا ما بينفعج

البشره الدهنيه يناسبها فاونيشن بتغطيه مات يعني بدون لمعه

البشره الجافه تحتاج لفاونديشن فيه نسبة ترطيب

البشره المختلطه يناسبها الفاونديشن اللي نستخدمه للبشره الدهنيه

اختيار الفاونديشن ما يتم عن طريق ترشيح شخص لج الاختيار يكون منج انتي تجربين المنتج فالمحل بعد ما تخبرين الخبيره عن نوع بشرتج وشو نوع التغطيه لي تبغينها ما ننسى الفاونديشن لي يبين نفس لون الرقبه هو لي يناسبج لا افتح ولا اغمق ما نجرب عاليد هالحركه وايد غلط لان شي بنات يدهم اغمق من ويهم وشي العكس

تغطية الفاونيشن
خفيفه متوسطه ثقيله
نحط هالاشيا فالاعتبار
اذا بشرتج فيها عيوب ما بيناسبها الفاونديشن الخفيف
اذا البشره خالية من العيوب ممكن حتى تستغنين عن الفاونديشن وتكتفين بالبودره فقط

================


الحين بكتب لكم خطواتي لي اتبعها
اول شي نبدأ ببشره نظيفه و ما ننسى يد نظيفه بعد
ليش ؟ ممكن نوزع وندمج الفاونديشن باليد وانا احب هالخطوه و بعد احب الفرشاه لكن لاحظت اني يوم اوزع الفاونديشن بيدي يندمج بطريقة وايد احلى و حرارة اليد تساعد على الدمج و بيكون الفاونيشن متكافئ عالويه

------

اول شي انا اسويه هو اوزع بيس مات من YSL عالمنطقه لي تدهن عندي فقط
انا اوزعه باطراف صبوعي










مرطب خالي من الدهون انا احط هذا مرات او بيس سيشيدو لان بشرتي لو انها مختلطه في اماكن وايد جافه

















الفاونديشن
الحين اوزع من الفاونديشن على ويهي و ادمجه بفرشاه الفاونديشن وما ننسى الرقبه بعد









الحين باي فرشاه لفرش الكونسيلر اوزع على علامات الحبوب وادمج الاطراف انا احب احط كونسيلر بعد حوالين الانف

الحين انا استعمل بودرتي المفضله MINERALIZE SKIN FINISH NATURAL MEDIUM + MEDIUM
DEEP احب اخلط الدرجتين جيه ويهي تبين فيه نظاره مب لون فونديشن باهت









( هني تحطين البلشر لو حابه او البرونز او الكونتور )

ننهي ب البودره البيضا








اخر خطوة ارش على ويهي الفكس+










-----------------------------------------------------

هاي هي طريقتي :L: ان شاء الله اكون افدتكم

الموضوع حصري لمنتدى عروس ولا احلل نقله



من مواضيعي

صورة أم كرومي الرمزية
27/01/2012, 03:02 PM
ماشاء الله طريقة رائعة

ويشرفني اول وحدة ترد على الموضوع

تستاهلين احلى تقييم



من مواضيعي








أعوذك بكلمات الله التامات من شر ما خلق
اللهم بارك لي في ذريتي واحفظه من كل شر وسوء
اللهم احفظه من عين نظرت اليه ولم تذكرك
27/01/2012, 03:44 PM
شرحك روووعه ماشاء الله يسلمووو .



من مواضيعي

صورة DR_ Amani Alyafie الرمزية
27/01/2012, 04:48 PM
شرح ولا أروع

استفدت منك كثيرو خصوصا على الفرش

تسلمين



من مواضيعي

صورة انكو الرمزية
27/01/2012, 04:50 PM
الله يجزاس خير يا خيتي شرح رائع وطريقة اروع

الله لايحرمنا منس ويخليس لعين ترجيس

تقبلي مروري يالغلا



من مواضيعي

صورة دلوعة!!! الرمزية
27/01/2012, 05:01 PM
شكراااااااااا يا عسل .. على المعلومات المفيييده



من مواضيعي

صورة الحاضره .. الغائبه الرمزية
27/01/2012, 11:19 PM
موضوع جدا رااائع ومفيد ..

وتقريبا نفس طريقتي .. هالطريقه استخدمها للمناسبات او طلعاتي مع صديقاتي .. بس للصباح استخدم مرطب وكونسيلر جارنييه كفايه لان بشرتي صارت جااافه من الشتاء الحين هنا ف كندا والفاونديشن يتقشر وربشه وكذي ومااستعمله الصبح ..

ان شاء الله البنات يستفيدوا من الموضوع ..

يسلمووو ..



من مواضيعي

28/01/2012, 12:33 AM
يعطيج الف عافيه يارب موضوع جدا مفيد للي مايعرفون الطريقه الصحيحه لوضع الفاندويشن



من مواضيعي

صورة سيده نفسي الرمزية
28/01/2012, 12:38 AM
ما شاء الله مس بلنق..
يعطيج العافية



من مواضيعي

صورة ام رهود الرمزية
28/01/2012, 12:50 AM
يسلمووووووووووووو يالغلا



من مواضيعي


« قلم الكونتور | كحل ما يسيح »

يتصفح الموضوع حالياً: 2 (0 من الأعضاء و 2 من الزوار)
 
أدوات الموضوع


مواضيع مشابهة
الموضوع المنتدى
كيفية خياطة وسائد للكرسي (بالخطوات المصورة) ركن الأعمال اليدويه
تعلم كيفية عمل تسريحة معينة بالخطوات استفسارات العناية بالشعر
* بالخطوات المصورة * كيفية تطبيق الكيرلي الناعم ** ركن العناية بالشعر
كيفية الرسم على الاظافر بالخطوات والصور ركن العناية بالبشرة والجسم

الساعة الآن +3: 04:40 AM.

 اتصل بنا - اعلن معنا - سياسة الخصوصية

Search Engine Optimization by vBSEO ©2011, Crawlability, Inc.

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 100 101 102 103 104 105 106 107 108 109 110 111 112 113 114 115 116 117 118 119 120 121 122 123 124 125 126 127 128 129 130 131 132 133 134 135 136 137 138 139 140 141