كيف ينام طفلي متواصل-تجاربكم يا امهات

اللي يرضع طبيعي أغلبهم يسوون هالحركه لو عطيتيه صناعي ممكن يطول
الطبيعي بسرعه ينهضم ويجلس جوعان
وكل ماكبر يفهم أن السالفه حنان وعشان يكون جنب امه
حاولي قبل ماينام تسبحينه وتأكلينه يعني شبعيه أكل مو حليب
وممكن اذا جلس بالليل يبغى يرضع شربيه ماي وحاولي تنومينه بدون رضاعه يعني طقطقي على ظهره
أو مسحي على راسه لين يرجع ينام يمكن ينفع

الله يعينك
دا اصعب شي النوووووم المتقطع

انا مع ام حور..
االله يعينك انا كنت مثك منزعجه من
نفس الموضوع
بس ولدي يرضع صناعي ويصحى بين 3 او 4 ساعات
تحملي شوي يكمل سنه وتخف رضاعته..
والله يخليه لك..

الله يكون بعونك..الرضاعه الطبيعيه ماتشبع الطفل كثييير..وعلى قولتك كل ساعه يقوم يبغى يرضع
قبل لاينااام اكليه زبادي ورز او موزه..وسيريلاك او من اكلكم شي يملي معدته
او حاولي تدخلي الرضاعه الصناعيه بيكون الحليب اثقل
بنتي ماصرات تنااام متواااصل ماشاءالله ...الا لمن بطلت الرضاااعه مع انها صناااعي كانت تقوم كل 3 ساعات تقريبا

مما عندي فككره

هلو عرايس ممكن سؤال اي نوع زبادي انطي ويصير انطي زبادي وعمر ابني سبعه اشهر
واللع يعنيك اني ابني يكعدبالليل ومجنني واني موظفه يعني الصبح اصحى مااشوف كدامي

ههههههههه انا ولدي مثل الحالة عودته على المرضعة و لما صار خمس شهور بروحه صار يرفضها و لما احطها في بوزه يزوّع روحه
و الصبح اذا اروح الدوام مسكين يشرب حليب في سرنج مال الدواء ما يبي مرضعة

و الحين انا مثل حالتج و اشتغل و الصبح بالغصب اقوم... بس مثل ما قالو البنات حاولي تشبعينه.. انا قمت اسوي اليه سيرلاك قبل ما ينام و صار يقعد كل ساعة و نص او ساعتين

بس قعدة فليل مالها مفرررر لازم بيقعد لانه يجوع

اي استحملي خيو وان شاء الله بس هالفتره بس يصير سنة يكون أفضل نومهم - ولا تقصرين عليه ابدا بالحليب الطبيعي اعرفي شي طبيعي كل ساعة ونص بالليل يقعد هذا طبيعي لأنه عطشان