مرحبـــــا ...خوآآتي ..
اليوم ومن اسبوع قررت انزل لكم تجربتي مع هالفاونديشين طبعا
اتمنى اني اقدم لكم موضوع تاخذوا منها تجربتي للفائدة .. << كانها رسمية الاخت :037:
نبدا ... {بسم الله ..}
مده التجربة : اسبوع للامانة
الخطة : تغيير نوع الفاونديشين( كريم الاساس ) + البودرة
السبب : ملل بشرتي لكريم الاساس الي استخدمه وانا مليت :094:
الخطة 2 : نويت على ماركة معينة وهي بوبي بروان :D والحمدلله توفقت بروحة لدبي دار الحي لوجود الماركة هناك وللاسف لسة ما وصلت وما نعرف متى بتوصل مسقط العامرة :rolleyes:
بس اكيد المسافة ما بعيدة ... واخترت ان اليوم الي بروح فيه دبي مول باذن الله اول مكان اروح له هو محل بوبي بروان ( شحلاته :032:) ليش .. بخبركم ليش ..؟؟
السبب 2 : لاني ناوية امر على محلات معينة وخص الملابس وتعرفون تجربي هذا وتحطي هذا يعني بتمضي ساعه واكثر يعني ساعتين هه ملابس تقريبا ..وطبعا محلات احيانا ما مكتوبة باللستة والله اعلم من وين تتطلع :02: وقت كافي صح للتجربة :rolleyes:
التجربة : دخلنا المحل وكنت يا دوب حاطة الاي لاينر وبودر وروج .. قلت لها بليز اريد اجرب هالفاونديشين الي اسمه skin foundation قالت تم .. << طبعا انا عاملة بحث في موقعهم وبعدها قريت رفيوز واطمئنت:ok: .. واخترته
- يناسب كل انواع البشرة
- خفيف وما يدهن من التجارب الي قريتهم
- مده ثباته وانه يبقى لفترة طويلة
- ناعم للبشرة
طبعا .. حطت لي بيسهم الحلو وبعدين كريم العيون الي قريت عنه انه الاكثر مبيعا وبعدين خطوات الكونسيلر واكيد تعرفوها وبعدها الي عجبني جابت فاونديشين ستيك درجيت ودهنت فيهم على طول قلت لها
انا : ليش .. انا اريد النوع الي خبرتك عنه :-o
الخبيرة:014: : لا تخافي انا حطيت عشان اعرف درجة بشرتك بالضبط والي يناسبك وما اغلط !!
انا:009: : اول مرة اعرف قالت احنا نستعملهم لتحديد الدرجات وهي الانسب لنا .. وبصراحة الدرجة طلعت بعد التجربة هي على كلامها بالضبط .. الحمدلله !!
عشان ما تملوا من جرجرتي ...اخليكم من مقتفطات صوري للفاونديشين
كريم الاساس اسمه : skin foundation spf 15
الدرجة الانسب لبشرتي هي ..
الي عجبني انه بمضخة نقدر نتحكم بالكمية ..
( تحذير: اذا اهملتيه ممكن ولانه سائل جدا يطلع او يتسرب فاحتذري وقت السفر مثلا )
هو سائل جدا يعني كلينك اثقل منه شوي وهذا مثل الماي وهذا طلبي
يعني الي عيوبها كثار لازم تستخدم قبله شي ( الاخت الحور 2010 بموضوعها تكلمت عن تجربتها الله يجزيها خير وذكرت هالمعلومة وكلامها صح )
بس انا : احبــ الفونديشين الخفيف وعيوبي ولله الحمد ما كثيرة وما توضح فهذا ناسبني وما احط شي قبله ,,,
{ طريقة مكياجي اليومية }
- بعد تنظيف الوجه وبكل اداوته المخصصة لنوع البشرة
- احط نقاط بسطية جدا من البيس واوزعها توزيع تمام اربت شوي بيدي
- اترك البيس لمدة 5 دقايق او اكثر ( احاول اشغل نفسي بشي ثاني )
باسفنجة ماكــ الحلووة هذه . ابدا اوزع توزيع متساو لكريم الاساس ..
وبعدها اوزعها على الوجه بعد ما اتاكد اني وزعت صح اطبطب بالاسفنجة تربيت خفيف
على كامل الوجه
تعالوا شوي : لما وزعته على كامل بشرتي وبنفس الطريقة تقريبا جابت يدها وبدات تربت ترتيب بسيط على وجه بخفة جدا سئلتها ..
انا : ليش ؟
الخبيرة : لان اليد والجلد بالخصوص تمتص اي زايد حتى كريم الاساس الخفيف ..
وفعلا انا اعرف ان الجلد يمتص وممكن نستخدم ايايدنا فصرت اعتمدها اكثر في الاستخدام..
وبتكون الحين متهئية لشو ................. للبودرة
فاصل ......}}
