بسم الله الرحمن الرحيم
السلام عليكم ورحمة الله وبركاته
اختي الفاضله ..
داخله ع الله ثم عليـــــــــــــــــك
مشكلتي بدأت من سنه مضت و الى اليوم و انا ع هذي المشكله
عزيزتي ..
انا بنت عمري حاليا 21 انخطبت و عمري 18 و كنت وقتها صغيره
و العام اللي راح عقدت قراني
بتقولين وين المشكله !!
الحين بقول ايش هي المشكله ..
قبل عقد القران اتفق ابو زوجي مع ابوي و ابو البنت الثانيه اللي راح تتزوج معي
ان زواجنا بيكون بعد 4 اشهر من عقد القران
وطبعا خلال خطوبتي منعوني من الدراسه قالوا ماعندنا بنات يدرسون
خلال الـ 4 اشهر فتحوا شركه و كلفتهم مبلغ و قالوا اصبروا علينا الين توقف الشركه ع رجولها
سألوهم متى راح يكون بإذن الله
قالوا شهر 5 ان شالله و راح يكون الفرح
و مرت الاشهر و لا حددوا يوم الفرح و فاجؤنا بخبر شرائهم لفيلا كلفتهم مليونين و نص
وقالوا لنا خلاص ان شالله شهر 8 او 10 راح يكون الفرح لان الفيلا كلفتنا مبلغ
و جا شهر 7 و هم ماحددوا يوم الفرح و جا شهر رمضان و صلحوا عزيمه كبيره
و حضرنا لها احنا و اهل سلفتي
و قالت لي ان شالله بيحددون و انا كنت مبسوطه ان اليوم الموعود جاء
وانتهت العزيمه .. ولم يتحدد العرس و قالت لنا ام الاولاد (( خطيبي و خطيب سلفتي ))
الزواج راح يكون في اخر ذي القعده او بيكون في شهر ذي الحجه ع نهايته
وهذا هو خلص ذي القعده و هم للحين مو ناويين يحددون
انا تعبت نفسيا و جسديا
صرت عصبيه و نفسيتي زفت و وزني نزل كثييييييييير
صرت هزيله و لا اتحمل احد ينخطب بعدي و يتزوج ع طول
اول ما يقولون لي فلانه انخطبت و زواجها بعد 3 اشهر اتضاااااااااااايق
ماحب الناس و لا احب الطلعات .. مابي اطلع ابددد
وان طلعت اطفش اهلي و اخليهم يرجعون ع طوول و اذا رحت عند احد طول وقتي ساكته
بتقولين اطلعي وشوفي الناس .. انا خلاص ما اتحمل احد و لا ابي اشوف احد
الحين بسافر بعد كم يوم
وانا متضاااااااايقه منهم و قلنا لهم بنسافر برى السعوديه
اذا فكرتوا تحددون يوم الفرح قولوا لنا بنرجع اهلي طفشوا من الانتظار
لانهم من النوع اللي يسافر بس اهل خطيبي ربطوهم و قلنا لهم بنسافر لان العرس تأخر
قالوا لنا مو حجه هذي
هم عادي يأخرون العرس و يسوون لهم شغلات و احنا ممنوع علينا
صرت عدائيه حيلااااااااااااااات و اتفه الاسباب تنرفزني
ايش اسوي مع نفسي ؟؟
ابي ارجع مثل اول رويانه و فيني خدود
ووجهي مشرق و شخصيتي حبوبه