روابط قد تهمك :
فساتين العروس | تسريحات | تنظيم الاعراس | زخرفة | عالم حواء


صفحة 1 من 2 12 الأخيرةالأخيرة
النتائج 1 إلى 15 من 22

الموضوع: كل مايخص المكالمات وقت الملكه + هدآيآ بالدآخل *_^ (نسخه للقراءه)

  1. #1
    عروس مبدعة الصورة الرمزية احساس سعوديه
    تاريخ التسجيل
    11/02/2011
    الدولة
    الرياض
    المشاركات
    763

    كل مايخص المكالمات وقت الملكه + هدآيآ بالدآخل *_^ (نسخه للقراءه)

    السلام عليكم ورحمة الله وبركاته




    المكالمات بين المتملكين
    تجربه جميله
    يشهد بجمالها كل المتزوجات
    إحسآس رائع تعيشه كل متملكه
    ذكرى تتلذذ فيها كل متزوجه

    شعور يخليك فوق السحآب



    يحسسك بحلاوة الدنيا


    يتكون بينكم حب بلهفه بشوق بشغف



    كل شي بالدنيا له جانبين
    وهالتجربه على روعتها تحمل جانب صعب
    من ناحية :
    هالمرحله حرجه حساسه
    المشاكل التافهه اللي تصير فترة الملكه
    على تفاهتها ممكن يصير لها تأثير حآد على النفسيه
    والإنفصال بها الفتره لاسمح الله فكره وارده ومتاحه اكثر من بعد الزواج


    خوف الزوجه من فقدان الحب , الاهتمام , الولع
    من ابسط تغير بزوجها تبدى الهواجس
    وتشعر انها غير مرغوبه وماعادت تهمه مثل اول

    وأيضاً نواحي كثيره


    طبعآ كل متملكه بها الفتره ماتشبع من الحب الغزل
    و تتمنى تأسر قلب زوجها وتوصل فيه مرحلة العشق


    من الواقع اللي عشته
    من تجارب اللي حولي
    من الكتب اللي قريتها
    من المقاطع اللي شفتها
    من المحاضرات اللي سمعتها
    من الدورات اللي حضرتها


    ( ..كان موضوعي ..)



    كيف لازم تكونين ك(أنثى) لما تكلمينه أكيد هو يختلف عن صديقتك لما تكلمينها أو أخوك وأبوك



    في شي مهم جداً لاتحقرينه الصوت الناعم الأنوثي

    صوتك الشي اللي تقدرين تدخلين قلبه من خلاله

    كثار رجال يحبون بنات ماشافوهم بس من نبرة الصوت

    ( الأذن تعشق قبل العين )

    شي ظروري يكون صوتك معه ناعم واطي
    تتكلمين بهدوء

    تدرين إن نبرة الصوت تدل بشكل أو ثاني على ثقتك بنفسك


    نبرة صوتك تفنني فيها عشان تشعللينه

    حسب المواقف

    بتعاندينه ~> بإستهبال طبعاً مش العناد الحقيقي الممقوت عند الرجل

    خلي بنبرتك دلع وطفوله

    بتسألينه أو بتبينين استغرابك ~> نبرتك تكون بريئه وطفوليه

    قالك شعوره ~> نبرتك يكون فيها خجل وحيا وصوتك متقطع يروح ويجي من الحيا

    طبعاً المواقف كثيره والخيارات كثيره انا هنا اوضحلك بس

    ضحكتك أنتبهي تضحكين بصوت عالي ()

    أذكر مره قريت قصه عن اعرابي غضب على زوجتك لأنهم كانوا بقافله وضحكت ضحكه شهقت بنهايتها ~> هذي الحركه تدووخ..

    غضب عليها لأنه عارف تأثير ضحكة المرأه على الرجل

    كثير ضحكات نحب نسمعها خصوصاً الضحكه الناعمه تخطف قلب الرجل

    (ألفاظك)

    لايسمع منك إلا كل لفظ جميل أبتعدي عن الألفاظ الذكوريه السوقيه ()

    خلي ألفاظك راقيه تدل عليك بريئه وغير متكلفه ولاتروحين تقولين له كل لفظ جديد متداول بين المراهقين

    انتبهي نقظة الألفاظ هذي مره مهمه لاتخلينه يسمع منك شي ممكن يسمعه من ربعه إنتي غير


    هذا بإختصار يتعلق بأنوثتك معه ع التلفون والباقي أكثر





    بعد ماتدخلون بعز العلاقه وتتعودون شوي على بعض


    لما تتعودين على اهتمامه حبه شوقه ولهفته عليك


    فجأه تخف
    أو تنعدم


    أنتي هنا تكتئبين ويضيق صدرك
    وتبدين تهوجسين ليش ماعاد يحبني
    ماعدت أعجبه
    مل مني
    طفشته


    فيه اقتباس مره مهم من كتاب الرجال من المريخ النساء من الزهره :



    اقتباس:
    الرجال مثل الاحزمة المطاطية !








    اقتباس:





    الاحزمة المطاطية هو تعبير مجازي مثالي لفهم دورة الحب عند الرجل ..ان هذة الدورة تقتضي الاقتراب ثم الانسحلب ثم الاقتراب مرة اخرى ..




    معظم النساء يندهشن حين يدركن انه عنما يحب رجلاً امرأة فانه يحتاج دورياً الى ان ينسحب قبل ان يتمكن من الاقتراب ..والرجال يشعرون فطرياً بهذا الدافع الى الانسحاب ..انها ليست قراراً او اختياراً ..انه ليس خطؤه ولا خطئها ..انها فقط دورة طبيعية !






    اذا لم يحصل الرجل على فرصة للأنسحاب ..وضلت المرأة متمسكة به ..فانه لن يشعر برغبة قوية في الاقتراب منها اكثر ..





    من الضروري للنساء ان يفهمن انهن اذا اصررن على مودة مستمره ..و"جرين خلف " ازواجهن عندما يبتعدون , فأنه عندئذ سيحاول دائماً ان يهرب وينأى بنفسه ! ولن يجد ابداً فرصة لكي يشعر بشوقه المتقد للحب ..






    يبدأ الرجال في الشعور بحاجتهم الى الاستقلال والحرية بعدما يشبعون حاجتهم الى الحب . وبصورة آلية عندما يبدأ هو في الانسحاب تبدأهي بالشعور بالذعر !. , ان مالا تدركه انه عندما ينسحب ويشبع حاجته الى الاستقلال سيشعر فجأة بالحاجة الى الحب والمشاعر المتدفقة مرة اخرى ..فالرجل يتعاقب آلياً بين مشاعر الحب ومشاعر الاستقلال ...وهذا ما يجب ان تدركه النساء جيداً .




















































    اتوقع فهمتوا المقصد
    هالمثال قد ذكرته من قبل لعضوه من عضوات المنتدى



    الفراوله اللي تحبينها وتستلذين فيها
    لما تاكلينها كل يوم
    وممكن أكثر منن مره في اليوم بعد فتره نقول شهر أو أوقل
    ايش بيصير فيك !


    ماراح تملين منها ماراح يجيك وقت ماتبين فراوله أبداً مع إنك تحبينها
    وماكرهتيها بس محتاجه تتركينها فتره عشان ترجعين لها بنفس النهم


    بالظبط نفس الفكره مع الرجل


    أعتبري نفسك فراولته
    أنتبهي يشبع منك






    بتكلم عن شغله من زمان ببالي كانت من الدوافع اللي دفعتني أسوي الموضوع

    عزيزتي المتملكه

    شي طبيعي إنك مسجله أو زائره لها المنتدى ومنتديات غيرها تقرين وتتعلمين كيف تتعاملين مع زوجك

    أنا هنا بنصحك

    لاتصدقين كل شي تقرينه !!

    بذكرلك قصه صغيره حصلتلي

    قريت مره عن رساله أرسلتها وحده لزوجها وتقول انها جننته وانه مره انبسط عليها

    أنا أرسلتها لزوجي وندمت

    المسج جداُ عادي بس هو مو متوقعه مني ..

    الفكره اللي بوصلها لك ..

    لما تقريت عن تجربه او موقف

    لاتروحين تطبقينه مع ابو الشباب

    لاتنسين إن اللي كاتبه التجربه غير

    غير عنك انتي وزوجها غير عن زوجك
    علاقتها بزوجها من حيث عمق العلاقه غير عنك
    بيئتها غير مجتمعها غير تقاليدها غير

    حطي ببالك هالشيء مو تروحين تنبرشين وتقلدينها


    وكثير نصائح بالمنتدى صراحه مالها سنع

    واغلبها توجه الزوجه انو اهتمي بزوجك وعوديه عليك صبحيه ومسيه على صوتك وغرقيه مسجات

    يعني ألصقي فيه
    والمسكينه تروح تصدق وتطبق هالكلام وتنشب لزوجها لين يعيفها

    ترى فيه نصائح كثيره عشوائيه وغير مدروسه لاتصدقين كل شي تقرينه

    ولاتصدقين أي وحده تجيك تنصح

    هي ايش عرفها بزوجك ايش عرفها فيك عشان تنصحك بتصرفات ممكن مايتقبلها زوجك
    ولاتصدر منك ..

    قريت عضوه تكتب تجربتها مع نصائح صديقتها كانت تنصحها حسب المزاج لما تكون متضايقه ومالها خلق تشيشها على زوجها لما تكون رايقه توصيها عليه

    شفتوا كيف خلتها ضحية مزاجها !


    وعلى كل حال لاتنسين إن الرجال يختلفون
    كل واحد وله شخصيته وميوله لاتعممين
    اللي يعجب زوج صديقتك مايعجب زوجك
    والل يحبه زوج العضوه بالمنتدى عيب عند زوجك

    نقطه ثانيه لاتقل أهميه
    ()

    انتي كـ أنثى رغبه فطريه فيك انك تحسين انك مرغوبه
    محبوبه جميله

    ودك إنك تخلينه يحس إنه ماخذ (لؤطه ) على قولتهم
    ودك يعرف قيمتك وقدرك وإعجاب الناس فيك

    لما تنمدحين أو يصير موقف تتمنين إن المسيو يسمعه أو يدري فيه عشان
    كذا تروحين تنقلينله الموقف بحذافيره مع بعض بهارات وتهويل منك
    وممكن تلجئين انك تسردين قصص خياليه ماحصلت

    للشعوب اللي داخوا على جمالك
    وللطوابير اللي جو يخطبونك


    أحذرك يالحبيبيه

    أنتي كذا تحطين من قيمتك قدام نفسك قبل قيمتك عنده ..


    انتي لما تتعرفين على وحده وتطيحلك مدح بعمرها وكلام الناس عنها واللي انبهروا فيها و....و.. الخ

    وش بتحسينها !
    طبعاً هالشي بينقص قيمتها بعينك ليش !
    لأنها تهايط !
    تتفشخر !
    بتحسينها إنسانه مو واثقه بنفسها !

    ولاليش تقولك هالمواقف !

    بتقولين لي الرجل يختلف عن الأنثى و بيصدق كلامي والله مايضحكني غير هالكلام معتبرين الرجال غبي ومغفل

    أنتبهي حبيبتي ترى الرجال ذكي ذكي ومن ذكاءه يتغابى ويمشيلك أرانبك


    أدري ان المقصود تكبرين نفسك بعينه وتستثيرين غيرته عشان تتمتعين بجرعة حب

    لاكن انتي بها الطريقه تشوهين صورتك وبس

    غير عن إن الكذب مايجوز انتي نفسك بتحقرين ذاتك ..

    مافيه مانع إنك تسوقين لنفسك مثل ماتقول الأستاذه ناعمه

    لاكن بشي حقيقي حاصلك وبدون تهويل وإفتعال شي ماحصل
    ولاتقحمين السالفه إقحام عشان يفهم انك تبين تمدحين نفسك
    مع مجرى السوالف الطبيعي ممكن تذكرين موقف ..

    ولايصير همك بس تحكين له عن حالك وجمالك ودلالك ..
    خلي معدل سوالفك بها الأمور طبيعي لاتكثرين ..


    رآح أختم هالجزئيه بهديتين والهدايا الباقي أكثر




    كتاب( الرجال من المريخ النساء من الزهره)


    مهم مهم مهم اقريه كله ومهما مليتي أظغطي على نفسك وكملي












    دورة NLP مفيده وقيمه جداً جداً بيفوتك كثير لو ماقريتيها


















    أساسيات



    بتكلم عن شغلات مهمه لازم تكون بأسلوبك معه تخليك قريبه من قلبه




    الأحترام


    احترميه راح تكبرين بعينه ويبادلك الأحترام هالشي ظروري جداً يمكن انتي بدون ماتحسين معدمه الاحترام بينك وبينه تراه شي أساسي اذا انفقد يصير فيه نقص كبير




    الغموض




    هالنقطه مهمه كثير ومتشعبه ويصعب شرحها بتكلم عنها بإختصار عنها وبعدين بفصل فيها


    عشان اوضحلكم بظرب لكم أمثله:


    كلمك وقالك أخبارك حبيبتي وين طلعتي اليوم !




    تنطين تقولين : طلعنا المول انا واخواتي وبنات خالتي مع سواق خالتي وشرينا وحطينا ورجعنا الساعه الفلانيه وانبسطنا و...........الخ




    بينما كان المفروض منك تقولين: طلعنا المول وبس ..


    تسكتين لاتتسمعينه تفاصيل هو مايحتاجها الرجل عموماً يكره التفاصيل ..




    مثال ثاني :




    تجين تقولين له ابوي قالي انه شافك وكقالي انكم تفاهمتوا وانا قلتله كذا وكذا وامي قالتله كذا ..........الخ




    بينما لو هو من نفسه قالك:


    أنا أمس صادفت ابوك بالمكان الفلاني وتفاهمنا على الشي الفلاني ..




    تقولين : ايه ادري وبس




    طبعاً هذي أمثله بسيطه ولا الموضوع أكبر من كذا




    الخجل :


    الخجل أو الحياء شي فطري عند كل انثى وكل مازاد ظاف لها كثير ..حطي حدود حمراء لجرائتك معه ترى اكثر الرجال إذا مو كلهم يحبون البنت الخجوله اللي تحسسهم برجولتهم وتثيرهم .. مو تقولين بصير جريئه معه وادوخه وش بيفيدني الخجل اقولك ( ماوجد الحياء في شيء إلا زانه)




    التقديروالمدح


    مدخل مهم لقلب الرجل خصوصاً للبنات اللي ازواجهم خجولين او مش جريئين معهم عاطفياً


    كل المستشارين والاطباء النفسيين والكتب تجمع على اهمية المدح والتقدير عند الرجل


    امدحيه بطريقه حلوه مو شرط المدح يكون لشخصه مباشر إذا تستحين مثلاُ قالك ميوله او هوايته او رايه .. قوليله انا معجبه بالناس اللي يفكرون بها الطريقه شي حلو ....الخ


    كوني مرحه


    الرجال يحب البنت الفرفوشه المرحه اللي كلها حيويه وتفائل انتي نفسك ماتميلين للشخص المرح البشوش اللي يحسسك ان الحياه حلوه .. خلك معه فرفوشه وخفيفة دم بس بحدود


    مو يعني اذا شفتيه يضحك تعلقين نكت وتهرجين عنده لأن التهريج والقاء النكت صفه ذكوريه


    تجنبي تسردين مشاكلك له ومئآسيك .. هو مايبي انسانه مليانه حزن وحولها مشاكل


    هالشي ينكده , يبي إنسانه متفائله تحسسه إن الحياه حلوه





    هذا اللي يحضرني اللحين واكيد فيه شغلات ثانيه







    يتبع,,,<<<<<<<>>>>>>>





























































  2. #2
    عروس مبدعة الصورة الرمزية احساس سعوديه
    تاريخ التسجيل
    11/02/2011
    الدولة
    الرياض
    المشاركات
    763
    كل وحده فينا تفرح بوصال زوجها
    وتبغى تكون على طول على باله
    ماتشبع من مسجاته وغزله
    وتتمنى طول اليوم تسمع صوته

    شي حلو جداً لاكن لاتبينين له قد ايش انتي متلهفه عليه

    ليش!

    لأنه ببساطه الرجال يكره المرأه المتلهفه عليه

    هنا بتكلم عن شي اعتبره سر من اسراري

    بسميه لعبة المشاعر

    أنتي تحبينه تموتين فيه تعشقينه

    بس لاتعطينه المشاعر هذي كلها على طبق من ذهب ..

    أكيد الرجال مثلنا وأكثر يفرحون بالكلمه الحلوه ويفرحون لما يعرفون انهم محبوبين

    لاكنهم يختلفون عننا انهم يحبون كل صعب فيه امثله كثيره اذكر قريت مثال اعجبني
    الرجل الصياد ليش يروح ينام برى بيته ويتحمل صعوبة العيش في البراري عشان يصيد غزاله
    تهرب منه وتتعبه وبالنهايه يعلقها ببيته ويعتز فيها بينما بإمكانه ببساطه يروح يشتري غزاله بدون مايكلف نفسه !
    خلينا من الرجل انتي لما تمشين وقدامك شجرة توت وفيه توت جنبك ع الأرض بتاخذين التوت المرمي ع الأرض ولا بتقطفين التوت المعلق بالشجره !

    إن شاء الله فهمتوا المقصد ..

    اضربلك مثال :

    لما تجيبين لوح شوكليت لطفل صغير وتحطينه قدامه وتقولين له انه لك
    لاكن ماراح تاكله إلا لما تصير ولد كويس وتتصرف زين وتسمع كلامي
    وكل ماشفت تقدم فيك بعطيك قطعه !
    بتلاحظين على الطفل انو يتغير عشان قطعة الشوكليت هذي
    وانه نفذ اوامرك وظغط على نفسه عشان بس يرضيك
    وكل ماعطيتيه قطعه زااااااااااد نهمه وحبه للشوكليت اكثر

    بينما لو عطيتيه لوح الشوكليت كله ماراح يكون عزيز ونفيس عنده مثل الطريقه اللي قبل
    ممكن بعد يمل منه ويستصغره


    هذا مجرد تشبيه


    زوجك لما يعرف انك تحبينه وتموتين فيه ومعجبه فيه وله بقلبك غلا
    وتقدمين له هالمشاعر كلها بكل وجه وشكل بالتصريح المباشر او الأهتمام المبالغ
    غير لما تكبحين هالمشاعر .. وتعطين إشارات صغيره انها موجوده بقوه
    وتقدمينها له بصوره مشوقه يشوبها الغموض بيستخف
    يدري انك تحبينه لاكن مو قادر ياخذ هالحب كله كل يوم ياخذ منه جرعه
    يتلذذ فيها ويحس بحلاوتها اكثر من انك تغرقينه حب × حب

    بسردلك مواقف بسيطه عن الإهتمام مثلاُ بين مخطوبين ثنين خلينا نسميهم غموض و جواد :
    جواد يكلم غموض وهو يسوق السياره: إيه حبيبتي ايش صار على موضوع موعد الزواج !

    لحظة صمت ..............
    جواد: غموض حبي وينك شفيك سكتي !
    غموض بضيق واضح: احسني متوتره ومو مرتاحه ولاني قادره اكلمك
    جواد بإستغراب : ليش ياقلبي !
    غموض: لأنك تكلمني وتسوق
    جواد:عادي ياقلبي مومشكله مافيه خوف ان شاء الله
    غموض : شلون مافيه خوف الواحد مايقدر يركز على شغلتين بوقت واحد اللحين سكر وخلك بالسياقه ولما توصل كلمني OK


    كان للموقف اثر كبير بقلب جواد غموض نادراً ماتوصي جواد على نفسه وتهتم فيه وبأحواله .. هالموقف على بساطته حسس جواد ان غموض تخاف عليه تهتم فيه تغليه ..
    لاكن ماتبين له .. جاه شعور مو طبيعي مسك جواله وارسلها : أحببببببببببببببببببببببب بك

    لو غموض صبح ومساء تسأل عن وعن صحته ومغرقته اهتمام ممكن يشك انها تتصنع لاكن هالموقف بين لجواد قد ايش بقلب فموض حب وحرص عليه لاكنه دفين وهو حاب يطلعه ويستزيد منه

    ****
    بقولكم موقف إنسانه ذكيه عاطفياً شلون جننت زوجها طبعاً هالأنسانه ماقد قالت لزوجها احبك وتدري هو قد ايش ميت ويسمعها ف خلتها سلاح بين يدينها

    كان زوجها يسولف معها يقولها :اتمنى ماتخجلين مني اول ليله بزواجنا وتسولفين معي

    قالتله : انت متفائل كثير ماراح ينكسر الخجل من اول ليله
    قالها : انا كم لي اكلمك حرام عليك باقي تستحين مني
    قالتله : فيه شي كل مازاد زاد حياي منك
    قالها: أيش
    قالت بعناد ودلع : مآرآح أقول
    طبعاً الرجال راح فيها على دلعها وعنادها الطفولي وقعد يحايلها قلبي حياتي عمري قولي
    وهي بدلع يذوب الصخر : لأ لأ
    قالها : طيب مساعده !
    قالتله : هو شي ماكان موجود بداية مكالماتنا لما انوجد صرت مرره استحي منك وكل ماله يزييد
    قالها :امممم شي بالاسلوب
    قالتله: ماله علاقه بالأسلوب
    قالها : إحساس!
    قالتله : قربت
    قالها بصوت واطي : حبي لك !
    قالتله :العكس
    سكت شوي وقعد يكلم نفسه بصوت مسموع كيف العكس !
    قالها: بصوت وااااااطي ومتردد : حبك لي !!
    قالتله: بالظبط !

    لاتسألون عن حالة الرجال بعدها عرفتوا الطفل لمايضحك لاشعوري من الفرحه صار يضحك ويقول تنحت ابيك اللحين ابييييييييك ماني عارف وش اقول ..

    تتوقعون لو البنت قالتله احبك بيكون لها اثر وردة فعل زي هالجمله البسيطه !
    شوفوا شلون نشفت ريقه عشان يعرف

    حتى اهتمامك ممكن توصلينه بطريقه ثانيه ..
    لاتغرقينه كلام حب وغزل
    خلي شعارك() : لذة الحب بالشي القليل

    خليه يتشفق على كلمه حلوه منك لاتستهلكينها عشان ماتفقد قيمتها
    صيري كلك شي نفيس عنده لاتصيرين متواجده وين ماحط عينه معه بالجوال معه بالمسن معه بالبلاك بيري ..
    لأ أنتي لك حضورك ووقتك وطلتك ..






    لما يتصل عليك وتبدى نبضات قلبك تزيد وبطنك يعورك ~> أحب هالشعور
    ودك لو المكالمه تستمر لوجه الفجر
    ودك انك تسمعين صوته وبس وتكرهين اللحظه اللي بيسكر فيها


    بتكلم هنا عن مدة المكالمات وعددها

    طبعاً هو شي نسبي يختلف من وحده لثانيه ماأقدر أفرض عدد

    لاكن عن نفسي لاحظت من تجربتي واللي حولي

    ان الشي إذا زاد عن حده انقلب ضده

    كثرة المكالمات صحيح انها بتخليكم كلوز من بعض اكثر لاكنها ممكن تزيد الميانه اللي تسبب مشاكل

    غير عن كذا راح يتعود صوتك ماراح يكون عنده ذاك الشي الجميل اللي يتلهف عليه ويتحمس يسمعه بيشبع منه ~> هذا إذا تبغينه لصوتك اثر مدووخ عليه

    عن نفسي احب المكالمات تصير مره بالأسبوع يكون عندي وعنده شي نحكي فيه معدل حلو .. ويخلينا ننتظر الويك آند عشان بس نكلم بعض

    مدة المكالمات بعد شي نسبي اعرف ناس لعز الضحى يسولفون
    واعرف ناس بالدقايق ..
    وترى مدة المكالمه مو مقياس حب وحده من البنات تقول ماياخذ معي إلا 10 دقايق شكيت إنه مايحبني ! .. قلتلها لاتحكمين غلط زوجك خجول ومش متعود مو يعني ماطول معك مايحبك هذا مو مقياس

    حلو بالمكالمه تكونين انتي اللي تنهينها صدقيني بتخلينه متلهف ع المكالمه الجايه ومايشبع منك

    برجع اتكلم عن الأسلوب والصوت والدلع

    انا محمله مقاطع يوتيوب لبنات يعرضون مكياجهم لاحظت اغلبهم اصواتهم ناعمه لاكن صوت عن صوت يفرق بحسب الأسلوب وحده تجيك 200 كلمه بالدقيقه وصوتها عالي وحركات يدها كثيره وتعابير وجهها تتغير كل ثانيه

    ووحده تجيك بين كل كلمه وكلمه تسكت لوهله ونظرة عيونها وحركات شفايفها وهي تتكلم وتعابير وجهها تقوووطر انوثه

    اكتشفت ان الصوت مو كل شي اسلوبك يظيف لصوتك بعد او صوتك مجرد اضافه لأسلوبك


    نقطه ثانيه المفروض انها تابعه للنقظه اللي قبلها

    تعلقك بـ المسيو لايزيد عن حده

    ~> اللي دفعني اكتب هالنقطه بعض البنات يصير زوجها محور حياتها وتهلك نفسها هم عشانه
    كثار بنات يوصل معهم التعلق العاطفي درجه لاتطاق حتى زوجها يمل منها لدرجة الوحده تفز من عز النوم تشوف جى منه مسج أو لأ

    لاتخلينه مصدر ارتوائك العاطفي الوحيد عندك امك وابوك واخوانك اللي بتتركينهم بعد شهور فرصه تتقربين منهم وتعطينهم الحب وتاخذينه منهم

    لاتظغطين عليه ولاتخنقينيه

    ادري انك تحتاجينه وتبينه وتفقدين وصاله استقلي عنه عاطفياً شوي عشان ترتاحين

    لأنك إذا تعلقتي فيه بتتعبين

    أشغلي نفسك بـ اللي يفيدك ولايصير همك هو ليش ماأرسل ليش مادق !







    اهتمي بنفسك وتحضيرات زواجك



    تعلمي الطبخ وتفنني فيه


    تعلمي التنظيف والترتيب
    ~> دربي نفسك عشان تتعودين وتخففين على نفسك هم التأقلم بعدين وتكونين متحمله المسؤليه اللي بتواجهك ,


    بالمختصر انشغلي عنه ولاتحاصرينه وتتعلقين فيه واشغلي نفسك باللي يفيدك











    هذي جزئية اليوم بالنسبه لهدايا اليوم


    كتاب (فترة الخطوبه)لطيف جداً
    فترة الخطوبه.doc

    دورة |كيف تكسبين محبوبك| جميله جداً
    keef_taksabeen_ma7boobk_..rtf





    اقتباس مهم

    اقري كلام ناعمه الهاشمي هنا بيفيدك :


    اقتباس:
    ليتك تحافظين على هدوءك وصمتك ليتك تحافظين على رقتك، وغموض مشاعرك، وأن تتجاوبي معه بحذر، لا لشيء، إلا ليدوم الحب، فالمرأةوالانسان بشكل عام، عندما يشعر بحب الأخر، يبتهج، ثم يسقط الحدود ثم يتمادى، ممايجعله يخرج كل ما في جعبته من مشاعر، او افكار، وهذا يفسد الرومانسية، عليك أن تحتفظي بتلك المسافة الجميلة، التي تجعل الحب يمتد ويستمر طويلا، حافظي على رقتك،وطيبة قلبك معه، وعلى خصوصيتك، وجمالك واناقتك امامه، لكن ..... تخلصي من اعداءالحب ( العصبية والثرثرة) ...!!!
    أنصح النساء دائما بأن لا تتباسط كثيرا مع الزوج وأن تحمي حدودها من تطفله، وأن تقيم حدودا واضحة بينها وبينه، لكي لا تسقط الميانة حافظي عليها وعلى حدودك الفاصلة، لا تسمحي لنفسك باختراق كل خصوصياته أتركي له بعض الخصوصية لكي يستحي منك فلا يجاهر أمامك بعيوبه فتخسريه،

    كذلك أنت لا تتمادي في أخذ راحتك أمامه، احتفظي بخصوصياتك، وداري عيوبك عنه قدر المستطاع لا أقصد أن تكوني كالمرأة الحديدية لكن على أقل تقدير حاولي أن تكوني دائما في أجمل وأفضل حال


















    نجي للهديه


    برنامج بدون احراج عن فترة الملكه( ) شاهدي جميع الأجزاء
    http://www.youtube.com/watch?v=0re28...eature=related


    الدكتور طارق الحبيب بين الخطبة والزواج ()شاهدي جميع الأجزاء
    http://www.youtube.com/watch?v=R8Eo2...eature=related


















    رآح أتكلم عن صورتك الحلوه اللي ترسمينها قدامه



    فيه بنات يشوهون أنفسهم بغرض تحلي صورتها بعينه وماتعرف إنه العكس



    بقولكم كيف !


    *لما تسولفين معاه عن تصرف طلع من شخص او طبع احد .. انتي عارفه هالتصرف سيء وتقولين له ان قصد هالشخص كذا وكذا .. وإن نيته كذا وكذا .. وانك لازم تنتبه منه
    او انك ماترتاحين لفلانه او علانه او تكرهين فلان وفلانه تعتقدين انه بيقول عنك نبيهه وذكيه وحذره ومايمشي عليها شي

    هالشي غلط ×

    غير عن إنك أخذتي أثم وأغتبتي وتعرفين حكم الغيبه الله يغفرلنا ويجنبنا اياها
    شوهتي صورتك من غير قصد في عيونه
    المفروض تطلعين قدام زوجك البريئه اللي تحسن الظن بالناس ولاتدخل في نياتهم
    لاتسوين نفسك فاهمه نية فلانه او علانه .. لاتغتابين احد معه واحسني الظن بالناس على طول
    ولو كان فيه شخص تخافين على نفسك وزوجك منه ممكن تبيني ضيقتك بطريقه غير مباشره

    قريت رد لعضوه بالمنتدى تقول انها كانت تقول لزوجها انها تكره فلانه وعلانه وو... تبي مسانده زوجها اللحين زوجها يفكرها الشرانيه اللي تبغض الناس مع انها تقول انا طيبه وقلبي ابيض .. لاكنها حطت بعقل زوجها صوره غلط


    *لما يمدحك ويشيد بجمالك وتقولين له من باب تسول مزيد من المدح لآآتبآآلغ معقوله أنا كذا !! انت مطيرني فوق !
    أو تجينه تقولين شكلي مو عاجبني اليوم~> وشكلك بيرفكت بس تبينه يقولك بالعكس حبيبتي شكلك حلو ...ألخ
    او تقولين وزني , شعري, طولي موعاجبني عشان يطبطب عليك ويقولك حبيبتي انتي تهبلين وش حلوك

    هذا غلط ×

    بقولكم موقف صديقتي متزوجه بسمله عليها جميييله لاكن كان بينها وبين زوجها ظروف صعبه كانت مغصوبه عليها ومو متقبلته بداية زواجهم المهم ماعلينا بعد ماتلطفت الاجواء
    جاها زوجها وهي توها صاحيه من النوم بتروح المطبخ كان يتأملها قالتله : أيش تطالع مو وقتك شكلي حوسه~> صديقتي هذي تووحفه
    قال: مايحتاج تترتبين جمال رباني ~> وكان صادق 100% ماشاء الله
    تدرون ايش قالتله !!

    وهي كانت تدري انها حلوه وكانت تبي تسمع مدحه ميت على التغزل منه

    قالتله: اقوول اسكت بس لا أصدق اللحين

    يوم قالتلي ودي أذبحها

    تقول ندممممممممممممت ندم مو صاحي
    وزوجها ماتوقع كلامها تفاجئ
    كانت تقولي السالفه تقولي زوجي
    موحاس بجمالي عاد بعد هالسالفه مالومه

    بعد هالموقف نرجع لمحور حديثنا

    عن شكلك
    شوفي مهما كنتي تشوفين نفسك بشعه ~> ومافيه بنت بالعالم بشعه

    لاتبينين هالشي قدام زوجك أي ملاحظات قوليها لصديقتك امك جدتك خالتك اي أحد

    لاكن زوجك لأ بلييييز

    ثقة المرأه تستهوي الرجال ,

    عارفه إن الرجال احياناً يعلقون على زوجاتهم تعليقات مالها داعي من ناحية الشكل عشان يختبر ثقتها يشوفها بتتحطم ولا ماراح تبالي وبتظل مبسوطه ولاعليها فيه ..
    وطبعاُ الواثقه هي اللي تعجبهم

    كم بيت مر عليك الزواج احلى بمليوون مره من الزوجه !
    ومع كذا يعشق زوجته ومو شايف غيرها ..

    انا عندي بنات خالي 2 وحده آيه من الجمال بس سبحان الله مافيه ثقه اللي حولها يحبطونها
    وبنت خالتي الثانيه مافيها من مقومات الجمال الكثير ..
    كنت بزواج وكانت بنت خالتي الحلوه ترقص ولاأحد ملتفت لها لأن نظرة عيونها مشتته ولاهي مبتسمه ورجل ورى ورجل قدام الثقه عندها زيرو

    دخلت وحده لفتت نظر الجميع انا كنت بعيده مانتبهت يوم قربت عرفت انها بنت خالي الثانيه
    ماشاء الله ايش نظره ثابته ايش ثقه ووقفه وابتسامه ورقصت وانخطبت بعدها كم مره ماشاء الله تبارك الرحمن

    المغزى الثقه لاتقل أهميه عن الجمال أصلاً قبل الجمال بعد

    لايشوف زوجك منك غير الثقه الثقه وبس


    *لما تكونون بلحظة رومانسيه وزوجك بقمة حبه وداخلين جو .. تحسين ودك أحد يطبطب عليك وتشكين له
    عن معاملة أهلك ابوك كيف سوى اخوك ظلمك امك خالتك عمتك ..........الخ على اساس بتقربينه منك

    هذا غلط ×

    بها الطريقه ماراح يأمن لك ولايثق فيك
    إذا الناس اللي من دمك ولحمك تسبينهم وتذمينهم الناس اللي ربوك وعشتي من خيرهم وهو زوجك اللي توه دخل بحياتك راح يتوقع يجي اليوم اللي تذمينه فيه لأنك ناكرة عشره

    لاكن لو حفظتي جميل أهلك وبلعتي عيوبهم وذكرتيهم بكل خير عنده
    بتكبرين بعينه بشكل ماتتخيلينه
    راح يحبك ويحب محيطك معك ..





    رآح أتطرق لكلام الـ6 بين المتملكين

    لاحظت البنات يفتعلون حركات مالها داعي بالمكالمات عشان يشتهيها زوجاه ويحسسها انها مرغوبه ( أنا نايمه على بطني , أنا أعض شفتي ...الخ ) ~> والله عيب


    طيب ليش تسوين كذا !
    تبين تحسينانك مرغوبه ولذيذه ومشتهاه و...........الخ
    صرآحه ماأدري عن أسباب البنات الله واعلم إذا شي ثاني ..

    زوجك يمكن ينبسط على تلميحاتك ويدخل معك جو وتقلب المكالمه 6 فون
    بس بعدين ايش بيفكر لما تروح السكره وتجي الفكره !
    ايش عرفها هالسوالف ليش تعمدت تفتحها معي ! ~> بنات الرجل الشرقي بها الزمن توقعو منه اي شي .. ولاتلومونه هالوقت يخوف ..

    وبعدين ياحلوه لما يشتهيك هالمسكين وباقي على الزواج شهوووور وانتي بقمة دلعك وتلميحاتك !
    وين يودي شهوته !!

    للحرام لاسمح الله ..!!
    ولآ للعاده السريه ....!
    ~> النآر المستعره
    وانتي خلصيه منها بعد الزواج ياشاطره بعد ماتوصل للإدمان

    ~> حسيت أسلوبي تهزيء لاتلوموني من اللي اشوفه والله

    حبيبتي لما تتكلمين معاه بهالمواضيع وتسهبين فيها ماراح يحلاله غيرها ولاراح يفتح غيرها
    وممكن يتصور وضع العلاقه بينكم كيف بتكون وينصدم بعد الزواج بشي ثاني ,

    اعرف وحده من البنات تقول كنت اصدق حكي المنتديات وخرابيطهم واطبق حركات الدلع مع زوجي وندممممممممممممممت
    تقول شاب عشريني !
    وحيد!
    تثيره زوجته !!

    تقول حسيتني اجرمت فيه ..

    شوفي حبيبتي حلو الإعتدال

    لاتفتعلين حركات وشغلات ماصارت عشان تغرينه
    هالسوالف بتجي من حالها ريحي راسك
    وإذا جت لاتعطينه جوه بقوه ولابتندمين
    أنا مااقول هالكلام حرام هذا شي طبيعي بينكم
    بس لاتسرفين فيه انتي وياه كثرته بتظركم
    وممكن انتي مع الوقت على كثر مايحكي فيها
    تحسين انك مجرد جسد بس
    ويغيب الكلام العاطفي والحب

    وبالنسبه للبنات اللي يزوزونهم أزواجهم
    فيه شغلات طبيعيه تحصل بين المتملكين
    على كل حال كوني حذره ياما سمعنا قصص
    عرآيس يلبسون الأبيض وهم مش بنآت

    صديقتي زوجها يزورها
    تقول كنت اعطيه بس بحدود أجننه
    بقولكم طريقتها وسوري ع الكلام الجريء
    تقول طلبني مره أبوسه
    قلتله اوكي عطيه بوسه خفيييييييييفه سريعه
    وعضيت شفته عشان ينجن ..
    تقول استخف
    وتقول كنت امنع نفسي كثير عنه واتغلى
    تمنعي وتدلعي عليه وعاندي
    وتشوفين إذا ماخلى الزواج بكره




    راح اتكلم هنا عن الوصال

    من المبادر أنتي ولاهو !

    من الاكثر انتي ولا هو !

    يمكن تشوفونها اسئله غريبه
    لاكنها شي مهم
    انا استفدت من عضوه هنا كانت توصي بالثقل يمكن تعرفونها ياعمري ابيك
    كانت توصي بشكل لحوح ان المرأه تثقل على الرجل وتتركه هو اللي يلاحقها
    وقريت تجارب عضوات كثيرات
    تغيرت حياتهم لأنهم وقفو ملاحقه ورى الرجل بطلو كل عاداتهم من اتصالات والتصاق
    وتسول عاطفه وجو رومانسي وشافو التغيير للأفضل في حال ازواجهم

    انتي لما تلاحقينه بمسجاتك بكل وقت يفتح الجوال يلقى مسج منك
    كل ليله موعود مع صوتك ويمكن اكثر من مره باليوم ..

    بتلقين منه الحب المعتاد لاكن ماراح تلقين منه الولع والشوق وماراح تخلقين حول نفسك هاله تخلي قلبه يخفق لاتذكرك .. ويتنهد إذا شاف مسج بجواله منك .. ويتحمس ويصير عنده العيد إذا كلمك ..

    الرجال يحب يلاحق البنت..
    اكثر من ان البنت تلاحقه ..

    خليه هو اللي يذكرك ويراسلك



    وانتي بين فتره وفتره ارسليله مسج لاترخصين مسجاتك عنده ولاتكثرينها ,,
    خليك البعيده القريبه اذا راسلك لقاك موجوده ..
    عير كذا لاتكثرين مسجات .. بكل وقت خلي لها وقع مميز عنده
    وحتى صوتك خليه يشتاق ويتشفق يسمعه





    نصيحه صغيره بس قيمه جداً جداً جداً


    وانتي تكلمينه حطي ببالك إنك إنسانه مميزه
    مثيره للحب أنسانه مايقدر الواحد غير يحبها
    ذكيه لماحه رقيقه جميله ..
    هالشي حسيتي أو ماحسيتي بينعكس عليه





    هدايا اليوم


    الحب قبل الزواج الشيخ محمد حسان



    الحب والخطوبه الدكتور جاسم المطوع








    يآحلوه
    إذا زوجك يحبك ويموت فيك ومغرقك حب ومو شايف غيرك..

    وودك تحكين لصديقاتك عن هالحب اللي انتي تعيشينه أياً كان غرضك : تتفيشرين قدامهم !
    يشآركونك فرحتك ! تبينين لهم قد ايش زوجك رائع ورومانسي ! اللي هو ,

    احذرررررررررررررررررك

    مهما كانت غلاة اللي بتنصحينها وثقتك فيها ولو عارفه إن عينها بارده وتحبك وتتمنالك الخير !
    محد يعطي عين عن قصد ونفوس البشر ضعيفه اكيد بتتمنى اللي يحصلك يحصل معها ماراح تكتفي بالفرجه لك وبس بتتخيل لو انها مكانك وبتحسدك من غير قصد ,

    بحكيلكم قصة أخت صديقتي ياعيني عليها

    كانت دايم تقول ايش يحصل معها أول بأول لصديقتها المتملكه مثلها على اساس كلهم متملكات ,
    وكانت تحس بضيقه كل ماسولفت لها وبعد فتره كرررررررررررررررهت زوجها وانفصلوا ..
    وبعد مااخذت اثر من صديقتها خفت حالتها الحمدلله بس باقي منفصلين


    مهما كانت اللي قدامك متزوجه متملكه لاتفكرينها مكتفيه شعور وتحكين لها نفوس البشر ضعييفه .. ديري بالك ..


    وبالنسبه لزوجك خذي هالنصيحه :


    خلي كل شي بينكم طي الكتمان ..
    أصحك تقولين له إنك تشاورتي مع أحد بشي يخصكم أو سألتي احد عن شي يخصه ~> أتكلم عن العلاقه مش المعلومات الخاصه ..

    اذكر وحده بالمنتدى زوجها مايثق فيها زل لسانها معه وقالتله انها شاورت اخته عن خلاف بينهم او كلام قاله بعدها ماعاد يثق فيها ويقولها لأ انتي بتروحين تسألين وتشاورين ~> صار متحفظ ~> ماألومه

    لما تعطينه الثقه 100% اللي بينكم ماراح يطلع لأحد وحتى المسجات .. راح يحس بالأمان ويعطي كل ماعنده

    عندي امثله كثيره على كلامي لاكن اعذروني لضيق الوقت ماراح انزلها لأن عندي شغلات كثيره ببالي بنزلها اليوم






    يقول سبحآنّه :


    { وكَيْفَ تَصْبِرُ عَلَى مَا لَمْ تُحِطْ بِهِ خُبْراً}

    زوجك
    ذكر وانتي انثى
    يختلف عن اخوك و ابوك وزوج اختك وزوج خالتك
    اهله غير اهلك
    بيئته غير بيئتك
    عالمه رجالي وعالمك نسائي
    اهتمامه يختلف عن اهتمامك
    تفكيره بعيد عن تفكيرك
    حاجاته ماتتشابه مع حاجاتك
    احتياجه العاطفي مو مثل احتياجك
    اسلوبه مو مثل اسلوبك
    ~> مليتوا صح

    المهم ياحبايبي لاحظتوا ان الأختلافات كثيره ومالها حصر


    طيب ايش الحل ! وكيف التعامل مع الإختلافات هذي كلها !!



    أستكشفي شخصيته
    تفحصيها ودققي فيها
    فترة الملكه فتره جداً مهمه
    تعتبر بر الأمان بالنسبه للزواج
    لاتخلينها عاطفيه 100%
    أستفيدي لحياتك المستقبليه من خلالها
    (المرأه الذكيه تجيد اقتناص الفرص)
    هذي فرصتك تعرفين عنه لو قليل
    لأنك مهما حرصتي ماراح تفهمينه مزبوط إلا مع العشره
    لاكن تقدرين تتفادين مشاكل كثيره
    وتريحين نفسك كثير
    وتخلينه يعجب بإنسانه فاهمته وعارفه احتياجاته

    حاولي تحللين شخصيته بأي طريقه مثلاً
    بالعيد حطلي مع الهديه كرت كاتبلي فيه
    طبعاً انبسطت ع المكتوب لاكن اللي انبسطت فيه اكثر إن بين إيديني سلاح

    نطيت سيدا ع كتاب تحليل الشخصيه من خط اليد وفصفصت شخصيته من كل حرف ومن كل شخطة قلم وأستفدت كثييييييييييير

    حتى بالشوفه حاولت اقرى لغة جسده

    وطبعاً مافيه افيد من معرفة الأنماط
    وكتاب الرجال من المريخ النساء من الزهره

    حتى لونه المفضل حاولي تعرفينه ~> لاكن مش بطريقه اوشو لونك المفضل ! ~> ابو السماجه ! اطفال انتم

    أرائه كلامه وجهات نظره كلها تكشفلك اوراقه
    انتي بس دققي






    لما تمر عليك ايام تكونين فيه بقمة الحب انتي وياه
    وملتصقين ببعض على طول و معطين بعض كل اللي عندكم

    انسحبي شوي

    لأنك لو مانسحبتي هو بينسحب
    لأن مثل ماقتبست بأول صفحه إنو الرجال بيتخذ دورته الطبيعيه
    لأنه يحتاج للإستقلال بعد مااخذ جرعه تكفيه وتشبعه فتره

    انتي من حالك اتركيله فتره يشتقل انسحبي شوي

    عشان يرجع للشي الغالي الثمين عنده بشوق ..

    ما أقصد بالإنسحاب إنك تطنشينه فجأه !
    هذا جفا .. بيحس بصد .,

    يعني مثلاُ يومين مع بعض مكالمات ومسجات وغرقانين حب ابعدي شوي فتره انشغلي
    وارجعي بشوق ,

    هالشي بيجدد الحب بينكم ويزيده وبيغليك بعيونه

    **

    |بعطي نصيحه صغيره لبنات كثار محتارات|

    كثار يقولون كيف اثقل عليه ! ويقلبون المسئله تطنيش

    اقولك ياحبيبتي امثل طريقه
    متى مابغاك لقاك مو جوده ~> بس مو على طول طبعاً

    وغير كذا انتي بعيده ~> لاكن تذكرينه من وقت لوقت بمسج




    في ختآم موضوعي

    بعطيك 3 جمل ممكن تغير حالك 180%
    وبتريحك كثير بإذن الله
    حطيها بين عيونك
    وصدقوني كل اللي كتبته بالموضوع مايجي ربع أهمية اللي بكتبه

    (1)
    من تعلق بغير الله أدبه الله
    (2)
    من كانت الدنيا همّه ، فرّق الله عليه أمره ، وجعل فقره بين عينيه ، ولم يأته من الدنيا إلا ما كُتب له
    (3)
    ( إذا أحب الله تعالى العبد، نادى جبريل، إن الله تعالى يحب فلاناً، فأحببه، فيحبه جبريل، فينادي في أهل السماء : إن الله يحب فلاناً فأحبوه، فيحبه أهل السماء، ثم يوضع له القبول في الأرض )




    إذا تعلقتي بزوجك وخليتيه اكبر همك وصار همك بالدنيا رضآه
    تحملي ذل مخلوق !

    إذا حبيتي ربك قبل عبده وملئتي قلبك حب ويقين فيه سبحآنه
    ماراح يهمك من الدنيا شي ولاراح تحتاجين مخلوق ومعاك الخالق
    وحتى زوجك بيحبك بإذن الله ,
    إذا خليتي رضا ربك همك وصدقتي مع ذاتك
    أهنيك ع الحياه اللي رآح تعيشينها

    تم والحمدلله







    الهدايا الختاميه بتكون كثيره طبعاً



    كتاب إهداء لـ(بنت الجامعه)
    مفيد مره يابنات فيه جزء يتكلم عن الثقافه الجنسيه بإطار أدبي محترم
    أغلب البنات ياخذون معلوماتهم من النت بطريقه خطأ تشوه مفاهيم وتخدش الحياء

    تحفة العروس ومتعة النفوس :

    كتاب بوصلة الشخصيه :



    برنامج تحليل الشخصية عن طريق خط اليد :




    كتاب هدية كل عروس :






    مجموعة مسجآت تنفع للمسيو




    وهذي بعض المقاطع المفيده جمعتها عضوه معي بمنتدى ثآني الله يجزآها خير


    الحُب مستشآر خليفه المحرزي



    توتر العلاآقه العآطفيه





    زوآج الفتآة غير المؤهله .. إطمئني


    إختلاف الحب بين الرجل والمرأة طارق الحبيب





    كيف نقدم الحب ؟ طارق الحبيب






    التلقائية في مشاعر الحُب












    محاضرآت رائعه




    سنه اولى زواج




    كيف نحتوي خلافاتنا الأسرية


















    منقوووووووول للأماااااااااااااانه
    لاتنسوووون التقييييييييييييمــ اذا اعجبكم....

  3. #3
    عروس ماسية الصورة الرمزية Σ7ƧΛƧ
    تاريخ التسجيل
    18/04/2011
    الدولة
    لايغرك ضحك من أكثر أمزاح يمكن انه لأختلى بنفسه يمووت نووح!!
    المشاركات
    3,677
    رووووووووووووووووووووعه

  4. #4
    عروس مبدعة الصورة الرمزية احساس سعوديه
    تاريخ التسجيل
    11/02/2011
    الدولة
    الرياض
    المشاركات
    763
    مروووووركـ اسعدني.....

  5. #5
    عروس مبدعة الصورة الرمزية احساس سعوديه
    تاريخ التسجيل
    11/02/2011
    الدولة
    الرياض
    المشاركات
    763
    بجد زعلتووووني
    مافي الا وحدهـ بس اللي ردت على الموضوع...
    وينكم صباااااايا....

  6. #6
    عروس مشاركة
    تاريخ التسجيل
    16/10/2011
    الدولة
    الرياض
    المشاركات
    58
    السلام عليكم
    بصرااحة أختي (إحساس سعوديه) كلامك دررررر ما شا الله تبارك الله
    كتبتِ فأبدعتِ
    أحس أني استفدت من كلامك مررررره
    الله يجزاك خير ويوفقك في الدنيا والآخرة...

  7. #7
    عروس مبدعة الصورة الرمزية احساس سعوديه
    تاريخ التسجيل
    11/02/2011
    الدولة
    الرياض
    المشاركات
    763
    يسلمووووو ياقلبي عالمرووور والكلام اللي يثلج الصدر

  8. #8
    مشرفة سابقة الصورة الرمزية وصال الطائف
    تاريخ التسجيل
    05/03/2011
    الدولة
    السعوديه
    المشاركات
    10,720
    الله يعطيك العافيه
    بالرغم اني ما قرات كل الي نقلتيه
    بس المراءه الحاذقه من العشره
    تعرف كيف تتعامل مع زوجهااا

  9. #9
    مشرفة سابقة الصورة الرمزية مشكلتي دلوعة
    تاريخ التسجيل
    05/10/2010
    الدولة
    لو تحطم لك أمل ..اعرف أن الله[يحبـّـك ]وابتسم ..لا تقول الحظ عمره ما كمل..قول أنا حاولت والله ما قسم..
    المشاركات
    4,518
    ماشاء الله كلامك رووووعة والموضوع قيم بصراحة يستحق التقييم ...
    وتم لعيونك ياعسل التقييم ...
    جلست ادقق على الموضوع وكل نقطة بتمعن شديد <<في شغلات كثير حصلت لها هنا مفهوم ومعاني على
    اسئلة او اشياء انا عملتها وماكنت متاكدة اذا صح او غلط ...بس بالاخير الحمد لله طلع كل شي لة بالاخير
    نتائج حلوة مستقبلا ..

  10. #10
    عروس رائعة
    تاريخ التسجيل
    05/12/2010
    الدولة
    قلب حبيبي
    المشاركات
    1,173
    تسلميين اختي

    يعطييج العافية

  11. #11
    عروس نشيطة الصورة الرمزية حالة فرح
    تاريخ التسجيل
    07/07/2011
    الدولة
    البحرين
    المشاركات
    120
    موضوع مميييييييييز :L:

  12. #12
    عروس مبدعة
    تاريخ التسجيل
    22/02/2011
    الدولة
    في قلبه
    المشاركات
    510
    روووعة استفدت منه كثير وياارب يستفيدون الباقين
    احلى تقييم لعيوونك

  13. #13
    عروس مبدعة الصورة الرمزية احساس سعوديه
    تاريخ التسجيل
    11/02/2011
    الدولة
    الرياض
    المشاركات
    763
    مروووووركم بجد اسعدني...

  14. #14
    مشرفة سابقة
    تاريخ التسجيل
    03/05/2008
    الدولة
    يا خسارة الخمس سنوات
    المشاركات
    53,944
    موضوع مُفيد

    تسلمي يا قمر

  15. #15
    عروس مبدعة الصورة الرمزية احساس سعوديه
    تاريخ التسجيل
    11/02/2011
    الدولة
    الرياض
    المشاركات
    763
    يسلمو ياقلبي مروركـ بجد اسعدني

صفحة 1 من 2 12 الأخيرةالأخيرة

المواضيع المتشابهه

  1. هدآيآ تخرج
    بواسطة ع ـزف منفرد في المنتدى استفسارات أفكار و خبرات
    مشاركات: 4
    آخر مشاركة: 21/03/2011, 08:49 AM
  2. مجله الشقائق للقراءه روعه
    بواسطة لينا2008 في المنتدى قضايا دينية
    مشاركات: 0
    آخر مشاركة: 17/01/2011, 03:05 PM
  3. أشغآل يدوية و هدآيآ ( الجزء الثآني )
    بواسطة مريم آل محمد في المنتدى ركن الأعمال اليدويه
    مشاركات: 13
    آخر مشاركة: 06/01/2009, 03:14 PM
  4. رســــــــــــــاااائل000 للقراءه فقط بدون رد(+_+)
    بواسطة طلة الخير في المنتدى الهواتف النقالة
    مشاركات: 15
    آخر مشاركة: 20/10/2008, 06:27 AM
  5. اشغآل يدوية و هدآيآ
    بواسطة مريم آل محمد في المنتدى مجلس بنات عروس الثقافي
    مشاركات: 18
    آخر مشاركة: 10/07/2008, 12:28 AM