منتديات عروس

منتديات عروس (http://forums.3roos.com/)
-   ركن العروس (http://forums.3roos.com/f15/)
-   -   كل مايخص المكالمات وقت الملكه + هدآيآ بالدآخل *_^ (نسخه للقراءه) (http://forums.3roos.com/3roos637982/)

احساس سعوديه 15/10/2011 08:38 PM

كل مايخص المكالمات وقت الملكه + هدآيآ بالدآخل *_^ (نسخه للقراءه)
 
السلام عليكم ورحمة الله وبركاته

http://im..com/2011-01-03/12940125031.png


المكالمات بين المتملكين
تجربه جميله
يشهد بجمالها كل المتزوجات
إحسآس رائع تعيشه كل متملكه
ذكرى تتلذذ فيها كل متزوجه
http://im..com/2011-01-03/12940136301.jpg
شعور يخليك فوق السحآب


http://im..com/2011-01-03/12940136302.jpg
يحسسك بحلاوة الدنيا

http://im..com/2011-01-03/12940113241.jpg
يتكون بينكم حب بلهفه بشوق بشغف



كل شي بالدنيا له جانبين
وهالتجربه على روعتها تحمل جانب صعب
من ناحية :
هالمرحله حرجه حساسه
المشاكل التافهه اللي تصير فترة الملكه
على تفاهتها ممكن يصير لها تأثير حآد على النفسيه
والإنفصال بها الفتره لاسمح الله فكره وارده ومتاحه اكثر من بعد الزواج
http://im..com/2011-01-03/12940126602.jpg

خوف الزوجه من فقدان الحب , الاهتمام , الولع
من ابسط تغير بزوجها تبدى الهواجس
وتشعر انها غير مرغوبه وماعادت تهمه مثل اول

وأيضاً نواحي كثيره


طبعآ كل متملكه بها الفتره ماتشبع من الحب الغزل
و تتمنى تأسر قلب زوجها وتوصل فيه مرحلة العشق


من الواقع اللي عشته
من تجارب اللي حولي
من الكتب اللي قريتها
من المقاطع اللي شفتها
من المحاضرات اللي سمعتها
من الدورات اللي حضرتها


( ..كان موضوعي ..)



كيف لازم تكونين ك(أنثى) لما تكلمينه أكيد هو يختلف عن صديقتك لما تكلمينها أو أخوك وأبوك



في شي مهم جداً لاتحقرينه الصوت الناعم الأنوثي

صوتك الشي اللي تقدرين تدخلين قلبه من خلاله

كثار رجال يحبون بنات ماشافوهم بس من نبرة الصوت

( الأذن تعشق قبل العين )

شي ظروري يكون صوتك معه ناعم واطي
تتكلمين بهدوء

تدرين إن نبرة الصوت تدل بشكل أو ثاني على ثقتك بنفسك


نبرة صوتك تفنني فيها عشان تشعللينه

حسب المواقف

بتعاندينه ~> بإستهبال طبعاً مش العناد الحقيقي الممقوت عند الرجل

خلي بنبرتك دلع وطفوله

بتسألينه أو بتبينين استغرابك ~> نبرتك تكون بريئه وطفوليه

قالك شعوره ~> نبرتك يكون فيها خجل وحيا وصوتك متقطع يروح ويجي من الحياhttp://www.blqees.com/vb/images/smil...ns/in_love.gif

طبعاً المواقف كثيره والخيارات كثيره انا هنا اوضحلك بس

ضحكتك أنتبهي تضحكين بصوت عالي (http://www.blqees.com/vb/images/smil...ationpoint.gif)

أذكر مره قريت قصه عن اعرابي غضب على زوجتك لأنهم كانوا بقافله وضحكت ضحكه شهقت بنهايتها ~> هذي الحركه تدووخ..

غضب عليها لأنه عارف تأثير ضحكة المرأه على الرجل

كثير ضحكات نحب نسمعها خصوصاً الضحكه الناعمه تخطف قلب الرجل

(ألفاظك)

لايسمع منك إلا كل لفظ جميل أبتعدي عن الألفاظ الذكوريه السوقيه (http://www.blqees.com/vb/images/smil...ationpoint.gif)

خلي ألفاظك راقيه تدل عليك بريئه وغير متكلفه ولاتروحين تقولين له كل لفظ جديد متداول بين المراهقين

انتبهي نقظة الألفاظ هذي مره مهمه لاتخلينه يسمع منك شي ممكن يسمعه من ربعه إنتي غير


هذا بإختصار يتعلق بأنوثتك معه ع التلفون والباقي أكثر





بعد ماتدخلون بعز العلاقه وتتعودون شوي على بعض


لما تتعودين على اهتمامه حبه شوقه ولهفته عليك


فجأه تخف
أو تنعدم


أنتي هنا تكتئبين ويضيق صدرك
وتبدين تهوجسين ليش ماعاد يحبني
ماعدت أعجبه
مل مني http://www.blqees.com/vb/images/smil...l-icons/no.gif
طفشته


فيه اقتباس مره مهم من كتاب الرجال من المريخ النساء من الزهره :



اقتباس:
الرجال مثل الاحزمة المطاطية !








اقتباس:





الاحزمة المطاطية هو تعبير مجازي مثالي لفهم دورة الحب عند الرجل ..ان هذة الدورة تقتضي الاقتراب ثم الانسحلب ثم الاقتراب مرة اخرى ..




معظم النساء يندهشن حين يدركن انه عنما يحب رجلاً امرأة فانه يحتاج دورياً الى ان ينسحب قبل ان يتمكن من الاقتراب ..والرجال يشعرون فطرياً بهذا الدافع الى الانسحاب ..انها ليست قراراً او اختياراً ..انه ليس خطؤه ولا خطئها ..انها فقط دورة طبيعية !






اذا لم يحصل الرجل على فرصة للأنسحاب ..وضلت المرأة متمسكة به ..فانه لن يشعر برغبة قوية في الاقتراب منها اكثر ..





من الضروري للنساء ان يفهمن انهن اذا اصررن على مودة مستمره ..و"جرين خلف " ازواجهن عندما يبتعدون , فأنه عندئذ سيحاول دائماً ان يهرب وينأى بنفسه ! ولن يجد ابداً فرصة لكي يشعر بشوقه المتقد للحب ..






يبدأ الرجال في الشعور بحاجتهم الى الاستقلال والحرية بعدما يشبعون حاجتهم الى الحب . وبصورة آلية عندما يبدأ هو في الانسحاب تبدأهي بالشعور بالذعر !. , ان مالا تدركه انه عندما ينسحب ويشبع حاجته الى الاستقلال سيشعر فجأة بالحاجة الى الحب والمشاعر المتدفقة مرة اخرى ..فالرجل يتعاقب آلياً بين مشاعر الحب ومشاعر الاستقلال ...وهذا ما يجب ان تدركه النساء جيداً .




















































اتوقع فهمتوا المقصد
هالمثال قد ذكرته من قبل لعضوه من عضوات المنتدى



الفراوله اللي تحبينها وتستلذين فيها
لما تاكلينها كل يوم
وممكن أكثر منن مره في اليوم بعد فتره نقول شهر أو أوقل
ايش بيصير فيك !


ماراح تملين منها ماراح يجيك وقت ماتبين فراوله أبداً مع إنك تحبينها
وماكرهتيها بس محتاجه تتركينها فتره عشان ترجعين لها بنفس النهم


بالظبط نفس الفكره مع الرجل


أعتبري نفسك فراولته
أنتبهي يشبع منك






بتكلم عن شغله من زمان ببالي كانت من الدوافع اللي دفعتني أسوي الموضوع


شي طبيعي إنك مسجله أو زائره لها المنتدى ومنتديات غيرها تقرين وتتعلمين كيف تتعاملين مع زوجك

أنا هنا بنصحك

لاتصدقين كل شي تقرينه !!

بذكرلك قصه صغيره حصلتلي

قريت مره عن رساله أرسلتها وحده لزوجها وتقول انها جننته وانه مره انبسط عليها

أنا أرسلتها لزوجي وندمت http://www.blqees.com/vb/images/smil...ons/shutup.gif

المسج جداُ عادي بس هو مو متوقعه مني ..

الفكره اللي بوصلها لك ..

لما تقريت عن تجربه او موقف

لاتروحين تطبقينه مع ابو الشباب

لاتنسين إن اللي كاتبه التجربه غير

غير عنك انتي وزوجها غير عن زوجك
علاقتها بزوجها من حيث عمق العلاقه غير عنك
بيئتها غير مجتمعها غير تقاليدها غير

حطي ببالك هالشيء مو تروحين تنبرشين وتقلدينها


وكثير نصائح بالمنتدى صراحه مالها سنعhttp://www.blqees.com/vb/images/smil...ationpoint.gif

واغلبها توجه الزوجه انو اهتمي بزوجك وعوديه عليك صبحيه ومسيه على صوتك وغرقيه مسجات

يعني ألصقي فيه
والمسكينه تروح تصدق وتطبق هالكلام وتنشب لزوجها لين يعيفها

ترى فيه نصائح كثيره عشوائيه وغير مدروسه لاتصدقين كل شي تقرينه

ولاتصدقين أي وحده تجيك تنصح

هي ايش عرفها بزوجك ايش عرفها فيك عشان تنصحك بتصرفات ممكن مايتقبلها زوجك
ولاتصدر منك ..

قريت عضوه تكتب تجربتها مع نصائح صديقتها كانت تنصحها حسب المزاج لما تكون متضايقه ومالها خلق تشيشها على زوجها لما تكون رايقه توصيها عليه

شفتوا كيف خلتها ضحية مزاجها !


وعلى كل حال لاتنسين إن الرجال يختلفون
كل واحد وله شخصيته وميوله لاتعممين
اللي يعجب زوج صديقتك مايعجب زوجك
والل يحبه زوج العضوه بالمنتدى عيب عند زوجك

نقطه ثانيه لاتقل أهميه
(http://www.blqees.com/vb/images/smil...icons/idea.gif)

انتي كـ أنثى رغبه فطريه فيك انك تحسين انك مرغوبه
محبوبه جميله

ودك إنك تخلينه يحس إنه ماخذ (لؤطه ) على قولتهم
ودك يعرف قيمتك وقدرك وإعجاب الناس فيك

لما تنمدحين أو يصير موقف تتمنين إن المسيو يسمعه أو يدري فيه عشان
كذا تروحين تنقلينله الموقف بحذافيره مع بعض بهارات وتهويل منك
وممكن تلجئين انك تسردين قصص خياليه ماحصلت

للشعوب اللي داخوا على جمالك
وللطوابير اللي جو يخطبونك


أحذرك يالحبيبيه

أنتي كذا تحطين من قيمتك قدام نفسك قبل قيمتك عنده ..http://www.blqees.com/vb/images/smil...estionmark.gif


انتي لما تتعرفين على وحده وتطيحلك مدح بعمرها وكلام الناس عنها واللي انبهروا فيها و....و.. الخ

وش بتحسينها !
طبعاً هالشي بينقص قيمتها بعينك ليش !
لأنها تهايط !
تتفشخر !
بتحسينها إنسانه مو واثقه بنفسها !

ولاليش تقولك هالمواقف !

بتقولين لي الرجل يختلف عن الأنثى و بيصدق كلامي والله مايضحكني غير هالكلام معتبرين الرجال غبي ومغفل

أنتبهي حبيبتي ترى الرجال ذكي ذكي ومن ذكاءه يتغابى ويمشيلك أرانبك


أدري ان المقصود تكبرين نفسك بعينه وتستثيرين غيرته عشان تتمتعين بجرعة حب

لاكن انتي بها الطريقه تشوهين صورتك وبس

غير عن إن الكذب مايجوز انتي نفسك بتحقرين ذاتك ..

مافيه مانع إنك تسوقين لنفسك مثل ماتقول الأستاذه ناعمهhttp://www.blqees.com/vb/images/smil...ons/icon26.gif

لاكن بشي حقيقي حاصلك وبدون تهويل وإفتعال شي ماحصل
ولاتقحمين السالفه إقحام عشان يفهم انك تبين تمدحين نفسك
مع مجرى السوالف الطبيعي ممكن تذكرين موقف ..

ولايصير همك بس تحكين له عن حالك وجمالك ودلالك ..
خلي معدل سوالفك بها الأمور طبيعي لاتكثرين ..


رآح أختم هالجزئيه بهديتين والهدايا الباقي أكثر http://www.blqees.com/vb/images/smil...s/msn-wink.gif




كتاب( الرجال من المريخ النساء من الزهره)


مهم مهم مهم اقريه كله ومهما مليتي أظغطي على نفسك وكملي












دورة NLP مفيده وقيمه جداً جداً بيفوتك كثير لو ماقريتيها


















أساسيات



بتكلم عن شغلات مهمه لازم تكون بأسلوبك معه تخليك قريبه من قلبه




الأحترام


احترميه راح تكبرين بعينه ويبادلك الأحترام هالشي ظروري جداً يمكن انتي بدون ماتحسين معدمه الاحترام بينك وبينه تراه شي أساسي اذا انفقد يصير فيه نقص كبير




الغموض




هالنقطه مهمه كثير ومتشعبه ويصعب شرحها بتكلم عنها بإختصار عنها وبعدين بفصل فيها


عشان اوضحلكم بظرب لكم أمثله:


كلمك وقالك أخبارك حبيبتي وين طلعتي اليوم !




تنطين تقولين : طلعنا المول انا واخواتي وبنات خالتي مع سواق خالتي وشرينا وحطينا ورجعنا الساعه الفلانيه وانبسطنا و...........الخ




بينما كان المفروض منك تقولين: طلعنا المول وبس ..


تسكتين لاتتسمعينه تفاصيل هو مايحتاجها الرجل عموماً يكره التفاصيل ..




مثال ثاني :




تجين تقولين له ابوي قالي انه شافك وكقالي انكم تفاهمتوا وانا قلتله كذا وكذا وامي قالتله كذا ..........الخ




بينما لو هو من نفسه قالك:


أنا أمس صادفت ابوك بالمكان الفلاني وتفاهمنا على الشي الفلاني ..




تقولين : ايه ادري وبس




طبعاً هذي أمثله بسيطه ولا الموضوع أكبر من كذا




الخجل :


الخجل أو الحياء شي فطري عند كل انثى وكل مازاد ظاف لها كثير ..حطي حدود حمراء لجرائتك معه ترى اكثر الرجال إذا مو كلهم يحبون البنت الخجوله اللي تحسسهم برجولتهم وتثيرهمhttp://www.blqees.com/vb/images/smil...ns/in_love.gif .. مو تقولين بصير جريئه معه وادوخه وش بيفيدني الخجل اقولك ( ماوجد الحياء في شيء إلا زانه)




التقديروالمدح


مدخل مهم لقلب الرجل خصوصاً للبنات اللي ازواجهم خجولين او مش جريئين معهم عاطفياً


كل المستشارين والاطباء النفسيين والكتب تجمع على اهمية المدح والتقدير عند الرجل


امدحيه بطريقه حلوه مو شرط المدح يكون لشخصه مباشر إذا تستحين مثلاُ قالك ميوله او هوايته او رايه .. قوليله انا معجبه بالناس اللي يفكرون بها الطريقه شي حلو ....الخ


كوني مرحه


الرجال يحب البنت الفرفوشه المرحه اللي كلها حيويه وتفائل http://www.blqees.com/vb/images/smil...cupidarrow.gifانتي نفسك ماتميلين للشخص المرح البشوش اللي يحسسك ان الحياه حلوه .. خلك معه فرفوشه وخفيفة دم بس بحدود


مو يعني اذا شفتيه يضحك تعلقين نكت وتهرجين عنده لأن التهريج والقاء النكت صفه ذكوريه


تجنبي تسردين مشاكلك له ومئآسيك .. هو مايبي انسانه مليانه حزن وحولها مشاكل


هالشي ينكده , يبي إنسانه متفائله تحسسه إن الحياه حلوه http://www.blqees.com/vb/images/smil...ons/icon26.gif





هذا اللي يحضرني اللحين واكيد فيه شغلات ثانيه







يتبع,,,<<<<<<<>>>>>>>





























































احساس سعوديه 15/10/2011 08:39 PM

كل وحده فينا تفرح بوصال زوجها
وتبغى تكون على طول على باله
ماتشبع من مسجاته وغزله
وتتمنى طول اليوم تسمع صوته

شي حلو جداً لاكن لاتبينين له قد ايش انتي متلهفه عليه

ليش!

لأنه ببساطه الرجال يكره المرأه المتلهفه عليه

هنا بتكلم عن شي اعتبره سر من اسراريhttp://www.blqees.com/vb/images/smil...s/msn-wink.gif

بسميه لعبة المشاعر

أنتي تحبينه تموتين فيه تعشقينهhttp://www.blqees.com/vb/images/smil...ons/icon26.gif

بس لاتعطينه المشاعر هذي كلها على طبق من ذهب ..

أكيد الرجال مثلنا وأكثر يفرحون بالكلمه الحلوه ويفرحون لما يعرفون انهم محبوبين

لاكنهم يختلفون عننا انهم يحبون كل صعب فيه امثله كثيره اذكر قريت مثال اعجبني
الرجل الصياد ليش يروح ينام برى بيته ويتحمل صعوبة العيش في البراري عشان يصيد غزاله
تهرب منه وتتعبه وبالنهايه يعلقها ببيته ويعتز فيها بينما بإمكانه ببساطه يروح يشتري غزاله بدون مايكلف نفسه !
خلينا من الرجل انتي لما تمشين وقدامك شجرة توت وفيه توت جنبك ع الأرض بتاخذين التوت المرمي ع الأرض ولا بتقطفين التوت المعلق بالشجره !

إن شاء الله فهمتوا المقصد ..


لما تجيبين لوح شوكليت لطفل صغير وتحطينه قدامه وتقولين له انه لك
لاكن ماراح تاكله إلا لما تصير ولد كويس وتتصرف زين وتسمع كلامي
وكل ماشفت تقدم فيك بعطيك قطعه !
بتلاحظين على الطفل انو يتغير عشان قطعة الشوكليت هذي
وانه نفذ اوامرك وظغط على نفسه عشان بس يرضيك
وكل ماعطيتيه قطعه زااااااااااد نهمه وحبه للشوكليت اكثرhttp://www.blqees.com/vb/images/smil...ons/icon26.gif

بينما لو عطيتيه لوح الشوكليت كله ماراح يكون عزيز ونفيس عنده مثل الطريقه اللي قبل
ممكن بعد يمل منه ويستصغره


هذا مجرد تشبيه


زوجك لما يعرف انك تحبينه وتموتين فيه ومعجبه فيه وله بقلبك غلا
وتقدمين له هالمشاعر كلها بكل وجه وشكل بالتصريح المباشر او الأهتمام المبالغ
غير لما تكبحين هالمشاعر .. وتعطين إشارات صغيره انها موجوده بقوه
وتقدمينها له بصوره مشوقه يشوبها الغموض بيستخف
يدري انك تحبينه لاكن مو قادر ياخذ هالحب كله كل يوم ياخذ منه جرعه
يتلذذ فيها ويحس بحلاوتها اكثر من انك تغرقينه حب × حب

بسردلك مواقف بسيطه عن الإهتمام مثلاُ بين مخطوبين ثنين خلينا نسميهم غموض و جواد :
جواد يكلم غموض وهو يسوق السياره: إيه حبيبتي ايش صار على موضوع موعد الزواج !

لحظة صمت ..............
جواد: غموض حبي وينك شفيك سكتي !
غموض بضيق واضح: احسني متوتره ومو مرتاحه ولاني قادره اكلمك
جواد بإستغراب : ليش ياقلبي !
غموض: لأنك تكلمني وتسوق
جواد:عادي ياقلبي مومشكله مافيه خوف ان شاء الله
غموض : شلون مافيه خوف الواحد مايقدر يركز على شغلتين بوقت واحد اللحين سكر وخلك بالسياقه ولما توصل كلمني OK


كان للموقف اثر كبير بقلب جواد غموض نادراً ماتوصي جواد على نفسه وتهتم فيه وبأحواله .. هالموقف على بساطته حسس جواد ان غموض تخاف عليه تهتم فيه تغليه ..
لاكن ماتبين له .. جاه شعور مو طبيعي مسك جواله وارسلها : أحببببببببببببببببببببببببك

لو غموض صبح ومساء تسأل عن وعن صحته ومغرقته اهتمام ممكن يشك انها تتصنع لاكن هالموقف بين لجواد قد ايش بقلب فموض حب وحرص عليه لاكنه دفين وهو حاب يطلعه ويستزيد منه

****
بقولكم موقف إنسانه ذكيه عاطفياً شلون جننت زوجها طبعاً هالأنسانه ماقد قالت لزوجها احبك وتدري هو قد ايش ميت ويسمعها ف خلتها سلاح بين يدينها

كان زوجها يسولف معها يقولها :اتمنى ماتخجلين مني اول ليله بزواجنا وتسولفين معي

قالتله : انت متفائل كثير ماراح ينكسر الخجل من اول ليله
قالها : انا كم لي اكلمك حرام عليك باقي تستحين مني
قالتله : فيه شي كل مازاد زاد حياي منك
قالها: أيش
قالت بعناد ودلع : مآرآح أقول
طبعاً الرجال راح فيها على دلعها وعنادها الطفولي وقعد يحايلها قلبي حياتي عمري قولي
وهي بدلع يذوب الصخر : لأ لأ
قالها : طيب مساعده !
قالتله : هو شي ماكان موجود بداية مكالماتنا لما انوجد صرت مرره استحي منك وكل ماله يزييد
قالها :امممم شي بالاسلوب
قالتله: ماله علاقه بالأسلوب
قالها : إحساس!
قالتله : قربت
قالها بصوت واطي : حبي لك !
قالتله :العكس
سكت شوي وقعد يكلم نفسه بصوت مسموع كيف العكس !
قالها: بصوت وااااااطي ومتردد : حبك لي !!
قالتله: بالظبط !

لاتسألون عن حالة الرجال بعدها عرفتوا الطفل لمايضحك لاشعوري من الفرحه صار يضحك ويقول تنحت ابيك اللحين ابييييييييك ماني عارف وش اقول ..

تتوقعون لو البنت قالتله احبك بيكون لها اثر وردة فعل زي هالجمله البسيطه !
شوفوا شلون نشفت ريقه عشان يعرف

حتى اهتمامك ممكن توصلينه بطريقه ثانيه ..
لاتغرقينه كلام حب وغزل
خلي شعارك(http://www.blqees.com/vb/images/smil...icons/idea.gif) : لذة الحب بالشي القليلhttp://www.blqees.com/vb/images/smil...ons/icon26.gif

خليه يتشفق على كلمه حلوه منك لاتستهلكينها عشان ماتفقد قيمتها
صيري كلك شي نفيس عنده لاتصيرين متواجده وين ماحط عينه معه بالجوال معه بالمسن معه بالبلاك بيري ..
لأ أنتي لك حضورك ووقتك وطلتك ..




http://im..com/2011-01-04/12941025642.jpg

لما يتصل عليك وتبدى نبضات قلبك تزيد وبطنك يعورك http://www.blqees.com/vb/images/smil...ns/nosweat.gif~> أحب هالشعورhttp://www.blqees.com/vb/images/smil...ons/icon26.gif
ودك لو المكالمه تستمر لوجه الفجر
ودك انك تسمعين صوته وبس وتكرهين اللحظه اللي بيسكر فيها


بتكلم هنا عن مدة المكالمات وعددها

طبعاً هو شي نسبي يختلف من وحده لثانيه ماأقدر أفرض عدد

لاكن عن نفسي لاحظت من تجربتي واللي حولي

ان الشي إذا زاد عن حده انقلب ضده

كثرة المكالمات صحيح انها بتخليكم كلوز من بعض اكثر لاكنها ممكن تزيد الميانه اللي تسبب مشاكل

غير عن كذا راح يتعود صوتك ماراح يكون عنده ذاك الشي الجميل اللي يتلهف عليه ويتحمس يسمعه بيشبع منه ~> هذا إذا تبغينه لصوتك اثر مدووخ عليه http://www.blqees.com/vb/images/smil...s/msn-wink.gif

عن نفسي احب المكالمات تصير مره بالأسبوع يكون عندي وعنده شي نحكي فيه معدل حلو .. ويخلينا ننتظر الويك آند عشان بس نكلم بعض http://www.blqees.com/vb/images/smil...ons/icon26.gif

مدة المكالمات بعد شي نسبي اعرف ناس لعز الضحى يسولفون
واعرف ناس بالدقايق ..
وترى مدة المكالمه مو مقياس حب وحده من البنات تقول ماياخذ معي إلا 10 دقايق شكيت إنه مايحبني ! http://www.blqees.com/vb/images/smil...s/blushing.gif .. قلتلها لاتحكمين غلط زوجك خجول ومش متعود مو يعني ماطول معك مايحبك هذا مو مقياس

حلو بالمكالمه تكونين انتي اللي تنهينها صدقيني بتخلينه متلهف ع المكالمه الجايه ومايشبع منك http://www.blqees.com/vb/images/smil...cupidarrow.gif

برجع اتكلم عن الأسلوب والصوت والدلع

انا محمله مقاطع يوتيوب لبنات يعرضون مكياجهم لاحظت اغلبهم اصواتهم ناعمه لاكن صوت عن صوت يفرق بحسب الأسلوب وحده تجيك 200 كلمه بالدقيقه وصوتها عالي وحركات يدها كثيره وتعابير وجهها تتغير كل ثانيهhttp://www.blqees.com/vb/images/smil...ons/shutup.gif

ووحده تجيك بين كل كلمه وكلمه تسكت لوهله ونظرة عيونها وحركات شفايفها وهي تتكلم وتعابير وجهها تقوووطر انوثه http://www.blqees.com/vb/images/smil...ons/icon26.gifhttp://www.blqees.com/vb/images/smil...ns/in_love.gif

اكتشفت ان الصوت مو كل شي اسلوبك يظيف لصوتك بعد او صوتك مجرد اضافه لأسلوبك


نقطه ثانيه المفروض انها تابعه للنقظه اللي قبلها

تعلقك بـ المسيو لايزيد عن حده

~> اللي دفعني اكتب هالنقطه بعض البنات يصير زوجها محور حياتها وتهلك نفسها هم عشانه
كثار بنات يوصل معهم التعلق العاطفي درجه لاتطاق حتى زوجها يمل منها لدرجة الوحده تفز من عز النوم تشوف جى منه مسج أو لأ

لاتخلينه مصدر ارتوائك العاطفي الوحيد عندك امك وابوك واخوانك اللي بتتركينهم بعد شهور فرصه تتقربين منهم وتعطينهم الحب وتاخذينه منهم http://www.blqees.com/vb/images/smil...ons/icon26.gif

لاتظغطين عليه ولاتخنقينيه

ادري انك تحتاجينه وتبينه وتفقدين وصاله استقلي عنه عاطفياً شوي عشان ترتاحين

لأنك إذا تعلقتي فيه بتتعبين

أشغلي نفسك بـ اللي يفيدك ولايصير همك هو ليش ماأرسل ليش مادق !








اهتمي بنفسك وتحضيرات زواجك


http://im..com/2011-01-04/12941103272.jpg
تعلمي الطبخ وتفنني فيه


تعلمي التنظيف والترتيب
~> دربي نفسك عشان تتعودين وتخففين على نفسك هم التأقلم بعدين وتكونين متحمله المسؤليه اللي بتواجهك ,


بالمختصر انشغلي عنه ولاتحاصرينه وتتعلقين فيه واشغلي نفسك باللي يفيدك












هذي جزئية اليوم بالنسبه لهدايا اليوم http://www.blqees.com/vb/images/smil...s/msn-wink.gifhttp://www.blqees.com/vb/images/smil...ons/icon26.gif


كتاب (فترة الخطوبه)لطيف جداًhttp://www.blqees.com/vb/images/smil...cupidarrow.gif
فترة الخطوبه.doc

دورة |كيف تكسبين محبوبك| جميله جداًhttp://www.blqees.com/vb/images/smil...ons/icon26.gif
keef_taksabeen_ma7boobk_..rtf






اقري كلام ناعمه الهاشمي هنا بيفيدك :


اقتباس:
ليتك تحافظين على هدوءك وصمتك ليتك تحافظين على رقتك، وغموض مشاعرك، وأن تتجاوبي معه بحذر، لا لشيء، إلا ليدوم الحب، فالمرأةوالانسان بشكل عام، عندما يشعر بحب الأخر، يبتهج، ثم يسقط الحدود ثم يتمادى، ممايجعله يخرج كل ما في جعبته من مشاعر، او افكار، وهذا يفسد الرومانسية، عليك أن تحتفظي بتلك المسافة الجميلة، التي تجعل الحب يمتد ويستمر طويلا، حافظي على رقتك،وطيبة قلبك معه، وعلى خصوصيتك، وجمالك واناقتك امامه، لكن ..... تخلصي من اعداءالحب ( العصبية والثرثرة) ...!!!
أنصح النساء دائما بأن لا تتباسط كثيرا مع الزوج وأن تحمي حدودها من تطفله، وأن تقيم حدودا واضحة بينها وبينه، لكي لا تسقط الميانة حافظي عليها وعلى حدودك الفاصلة، لا تسمحي لنفسك باختراق كل خصوصياته أتركي له بعض الخصوصية لكي يستحي منك فلا يجاهر أمامك بعيوبه فتخسريه،

كذلك أنت لا تتمادي في أخذ راحتك أمامه، احتفظي بخصوصياتك، وداري عيوبك عنه قدر المستطاع لا أقصد أن تكوني كالمرأة الحديدية لكن على أقل تقدير حاولي أن تكوني دائما في أجمل وأفضل حال


















نجي للهديه http://www.blqees.com/vb/images/smil...icons/idea.gifhttp://www.blqees.com/vb/images/smil...ons/icon26.gif


برنامج بدون احراج عن فترة الملكه( http://www.blqees.com/vb/images/smil...ationpoint.gif) شاهدي جميع الأجزاء
http://www.youtube.com/watch?v=0re28...eature=related


الدكتور طارق الحبيب بين الخطبة والزواج (http://www.blqees.com/vb/images/smil...ationpoint.gif)شاهدي جميع الأجزاء
http://www.youtube.com/watch?v=R8Eo2...eature=related



















رآح أتكلم عن صورتك الحلوه اللي ترسمينها قدامه



فيه بنات يشوهون أنفسهم بغرض تحلي صورتها بعينه وماتعرف إنه العكس



بقولكم كيف !


*لما تسولفين معاه عن تصرف طلع من شخص او طبع احد .. انتي عارفه هالتصرف سيء وتقولين له ان قصد هالشخص كذا وكذا .. وإن نيته كذا وكذا .. وانك لازم تنتبه منه
او انك ماترتاحين لفلانه او علانه او تكرهين فلان وفلانه تعتقدين انه بيقول عنك نبيهه وذكيه وحذره ومايمشي عليها شي

هالشي غلط ×

غير عن إنك أخذتي أثم وأغتبتي وتعرفين حكم الغيبه الله يغفرلنا ويجنبنا اياها
شوهتي صورتك من غير قصد في عيونه
المفروض تطلعين قدام زوجك البريئه اللي تحسن الظن بالناس ولاتدخل في نياتهم
لاتسوين نفسك فاهمه نية فلانه او علانه .. لاتغتابين احد معه واحسني الظن بالناس على طول
ولو كان فيه شخص تخافين على نفسك وزوجك منه ممكن تبيني ضيقتك بطريقه غير مباشره

قريت رد لعضوه بالمنتدى تقول انها كانت تقول لزوجها انها تكره فلانه وعلانه وو... تبي مسانده زوجها اللحين زوجها يفكرها الشرانيه اللي تبغض الناس مع انها تقول انا طيبه وقلبي ابيض .. لاكنها حطت بعقل زوجها صوره غلط


*لما يمدحك ويشيد بجمالك وتقولين له من باب تسول مزيد من المدح لآآتبآآلغ معقوله أنا كذا !! انت مطيرني فوق !
أو تجينه تقولين شكلي مو عاجبني اليومhttp://www.blqees.com/vb/images/smil...l-icons/no.gif~> وشكلك بيرفكت بس تبينه يقولك بالعكس حبيبتي شكلك حلو ...ألخ
او تقولين وزني , شعري, طولي موعاجبني عشان يطبطب عليك ويقولك حبيبتي انتي تهبلين وش حلوك http://www.blqees.com/vb/images/smil...icons/bleh.gif

هذا غلط ×

بقولكم موقف صديقتي متزوجه بسمله عليها جميييله لاكن كان بينها وبين زوجها ظروف صعبه كانت مغصوبه عليها ومو متقبلته بداية زواجهم المهم ماعلينا بعد ماتلطفت الاجواء
جاها زوجها وهي توها صاحيه من النوم بتروح المطبخ كان يتأملها قالتله : أيش تطالع مو وقتك شكلي حوسه~> صديقتي هذي تووحفه http://www.blqees.com/vb/images/smil...icons/bleh.gif
قال: مايحتاج تترتبين جمال رباني ~> وكان صادق 100% ماشاء الله
تدرون ايش قالتله !!

وهي كانت تدري انها حلوه وكانت تبي تسمع مدحه ميت على التغزل منه

قالتله: اقوول اسكت بس لا أصدق اللحين

http://www.blqees.com/vb/images/smil...ons/icon28.gif يوم قالتلي ودي أذبحها

تقول ندممممممممممممت ندم مو صاحي
وزوجها ماتوقع كلامها تفاجئ http://www.blqees.com/vb/images/smil...detective2.gif
كانت تقولي السالفه تقولي زوجي
موحاس بجمالي عاد بعد هالسالفه مالومهhttp://www.blqees.com/vb/images/smil...ons/smoke1.gif

بعد هالموقف نرجع لمحور حديثنا

عن شكلك
شوفي مهما كنتي تشوفين نفسك بشعه ~> ومافيه بنت بالعالم بشعه

لاتبينين هالشي قدام زوجك أي ملاحظات قوليها لصديقتك امك جدتك خالتك اي أحد http://www.blqees.com/vb/images/smil...icons/bleh.gif

لاكن زوجك لأ بلييييز

ثقة المرأه تستهوي الرجال ,http://www.blqees.com/vb/images/smil...ons/icon26.gif

عارفه إن الرجال احياناً يعلقون على زوجاتهم تعليقات مالها داعي من ناحية الشكل عشان يختبر ثقتها يشوفها بتتحطم ولا ماراح تبالي وبتظل مبسوطه ولاعليها فيه ..
وطبعاُ الواثقه هي اللي تعجبهم

كم بيت مر عليك الزواج احلى بمليوون مره من الزوجه !
ومع كذا يعشق زوجته ومو شايف غيرها ..

انا عندي بنات خالي 2 وحده آيه من الجمال بس سبحان الله مافيه ثقه اللي حولها يحبطونها
وبنت خالتي الثانيه مافيها من مقومات الجمال الكثير ..
كنت بزواج وكانت بنت خالتي الحلوه ترقص ولاأحد ملتفت لها لأن نظرة عيونها مشتته ولاهي مبتسمه ورجل ورى ورجل قدام الثقه عندها زيرو

دخلت وحده لفتت نظر الجميع انا كنت بعيده مانتبهت يوم قربت عرفت انها بنت خالي الثانيه
ماشاء الله ايش نظره ثابته ايش ثقه ووقفه وابتسامه ورقصت وانخطبت بعدها كم مره ماشاء الله تبارك الرحمن

المغزى الثقه لاتقل أهميه عن الجمال أصلاً قبل الجمال بعد

لايشوف زوجك منك غير الثقه الثقه وبس


*لما تكونون بلحظة رومانسيه وزوجك بقمة حبه وداخلين جو .. تحسين ودك أحد يطبطب عليك وتشكين له
عن معاملة أهلك ابوك كيف سوى اخوك ظلمك امك خالتك عمتك ..........الخ على اساس بتقربينه منك

هذا غلط ×

بها الطريقه ماراح يأمن لك ولايثق فيك
إذا الناس اللي من دمك ولحمك تسبينهم وتذمينهم الناس اللي ربوك وعشتي من خيرهم وهو زوجك اللي توه دخل بحياتك راح يتوقع يجي اليوم اللي تذمينه فيه لأنك ناكرة عشره

لاكن لو حفظتي جميل أهلك وبلعتي عيوبهم وذكرتيهم بكل خير عنده
بتكبرين بعينه بشكل ماتتخيلينه
راح يحبك ويحب محيطك معك ..http://www.blqees.com/vb/images/smil...ons/icon26.gif





رآح أتطرق لكلام الـ6 بين المتملكين

لاحظت البنات يفتعلون حركات مالها داعي بالمكالمات عشان يشتهيها زوجاه ويحسسها انها مرغوبه ( أنا نايمه على بطني , أنا أعض شفتي ...الخ ) ~> والله عيب http://www.blqees.com/vb/images/smil...ons/icon28.gif


طيب ليش تسوين كذا !
تبين تحسينانك مرغوبه ولذيذه ومشتهاه و...........الخ
صرآحه ماأدري عن أسباب البنات الله واعلم إذا شي ثاني ..

زوجك يمكن ينبسط على تلميحاتك ويدخل معك جو وتقلب المكالمه 6 فون
بس بعدين ايش بيفكر لما تروح السكره وتجي الفكره !
ايش عرفها هالسوالف ليش تعمدت تفتحها معي ! ~> بنات الرجل الشرقي بها الزمن توقعو منه اي شي .. ولاتلومونه هالوقت يخوف ..

وبعدين ياحلوه لما يشتهيك هالمسكين وباقي على الزواج شهوووور وانتي بقمة دلعك وتلميحاتك !
وين يودي شهوته !!

للحرام لاسمح الله ..!!
ولآ للعاده السريه ....!
~> النآر المستعره
وانتي خلصيه منها بعد الزواج ياشاطره بعد ماتوصل للإدمان

~> حسيت أسلوبي تهزيء لاتلوموني من اللي اشوفه والله http://www.blqees.com/vb/images/smil...ons/icon28.gif

حبيبتي لما تتكلمين معاه بهالمواضيع وتسهبين فيها ماراح يحلاله غيرها ولاراح يفتح غيرها
وممكن يتصور وضع العلاقه بينكم كيف بتكون وينصدم بعد الزواج بشي ثاني ,

اعرف وحده من البنات تقول كنت اصدق حكي المنتديات وخرابيطهم واطبق حركات الدلع مع زوجي وندممممممممممممممت
تقول شاب عشريني !
وحيد!
تثيره زوجته !!
http://www.blqees.com/vb/images/smil...l-icons/no.gif
تقول حسيتني اجرمت فيه ..

شوفي حبيبتي حلو الإعتدال

لاتفتعلين حركات وشغلات ماصارت عشان تغرينه
هالسوالف بتجي من حالها ريحي راسك http://www.blqees.com/vb/images/smil...icons/bleh.gif
وإذا جت لاتعطينه جوه بقوه ولابتندمين
أنا مااقول هالكلام حرام هذا شي طبيعي بينكم
بس لاتسرفين فيه انتي وياه كثرته بتظركم
وممكن انتي مع الوقت على كثر مايحكي فيها
تحسين انك مجرد جسد بس
ويغيب الكلام العاطفي والحب

وبالنسبه للبنات اللي يزوزونهم أزواجهم
فيه شغلات طبيعيه تحصل بين المتملكين
على كل حال كوني حذره ياما سمعنا قصص
عرآيس يلبسون الأبيض وهم مش بنآت

صديقتي زوجها يزورها
تقول كنت اعطيه بس بحدود أجننه
بقولكم طريقتها وسوري ع الكلام الجريء
تقول طلبني مره أبوسه
قلتله اوكي عطيه بوسه خفيييييييييفه سريعه
وعضيت شفته عشان ينجن ..
تقول استخف http://www.blqees.com/vb/images/smil...s/msn-wink.gif
وتقول كنت امنع نفسي كثير عنه واتغلى
تمنعي وتدلعي عليه وعاندي
وتشوفين إذا ماخلى الزواج بكره http://www.blqees.com/vb/images/smil...icons/bleh.gif




راح اتكلم هنا عن الوصال

من المبادر أنتي ولاهو !

من الاكثر انتي ولا هو !

يمكن تشوفونها اسئله غريبه
لاكنها شي مهم
انا استفدت من عضوه هنا كانت توصي بالثقل يمكن تعرفونها ياعمري ابيك
كانت توصي بشكل لحوح ان المرأه تثقل على الرجل وتتركه هو اللي يلاحقها
وقريت تجارب عضوات كثيرات
تغيرت حياتهم لأنهم وقفو ملاحقه ورى الرجل بطلو كل عاداتهم من اتصالات والتصاق
وتسول عاطفه وجو رومانسي وشافو التغيير للأفضل في حال ازواجهم

انتي لما تلاحقينه بمسجاتك بكل وقت يفتح الجوال يلقى مسج منك
كل ليله موعود مع صوتك ويمكن اكثر من مره باليوم ..

بتلقين منه الحب المعتاد لاكن ماراح تلقين منه الولع والشوق وماراح تخلقين حول نفسك هاله تخلي قلبه يخفق لاتذكرك .. ويتنهد إذا شاف مسج بجواله منك .. ويتحمس ويصير عنده العيد إذا كلمك ..

الرجال يحب يلاحق البنت..
اكثر من ان البنت تلاحقه ..

خليه هو اللي يذكرك ويراسلك

http://www.mlfnt.com/lives2/12943643791.gif

وانتي بين فتره وفتره ارسليله مسج لاترخصين مسجاتك عنده ولاتكثرينها ,,
خليك البعيده القريبه اذا راسلك لقاك موجوده ..
عير كذا لاتكثرين مسجات .. بكل وقت خلي لها وقع مميز عنده
وحتى صوتك خليه يشتاق ويتشفق يسمعه





نصيحه صغيره بس قيمه جداً جداً جداً

http://www.mlfnt.com/lives2/12943640701.jpg
وانتي تكلمينه حطي ببالك إنك إنسانه مميزه
مثيره للحب أنسانه مايقدر الواحد غير يحبها
ذكيه لماحه رقيقه جميله ..
هالشي حسيتي أو ماحسيتي بينعكس عليه






الحب قبل الزواج الشيخ محمد حسان



الحب والخطوبه الدكتور جاسم المطوع









يآحلوه http://www.blqees.com/vb/images/smil...cupidarrow.gif
إذا زوجك يحبك ويموت فيك ومغرقك حب ومو شايف غيرك..

وودك تحكين لصديقاتك عن هالحب اللي انتي تعيشينه أياً كان غرضك : تتفيشرين قدامهم !
يشآركونك فرحتك ! تبينين لهم قد ايش زوجك رائع ورومانسي ! اللي هو ,

احذرررررررررررررررررك

مهما كانت غلاة اللي بتنصحينها وثقتك فيها ولو عارفه إن عينها بارده وتحبك وتتمنالك الخير !
محد يعطي عين عن قصد ونفوس البشر ضعيفه اكيد بتتمنى اللي يحصلك يحصل معها ماراح تكتفي بالفرجه لك وبس بتتخيل لو انها مكانك وبتحسدك من غير قصد ,

بحكيلكم قصة أخت صديقتي ياعيني عليها

كانت دايم تقول ايش يحصل معها أول بأول لصديقتها المتملكه مثلها على اساس كلهم متملكات ,
وكانت تحس بضيقه كل ماسولفت لها وبعد فتره كرررررررررررررررهت زوجها وانفصلوا ..
وبعد مااخذت اثر من صديقتها خفت حالتها الحمدلله بس باقي منفصلين http://www.blqees.com/vb/images/smil...cons/sad_1.gif


مهما كانت اللي قدامك متزوجه متملكه لاتفكرينها مكتفيه شعور وتحكين لها نفوس البشر ضعييفه .. ديري بالك ..


وبالنسبه لزوجك خذي هالنصيحه :


خلي كل شي بينكم طي الكتمان ..
أصحك تقولين له إنك تشاورتي مع أحد بشي يخصكم أو سألتي احد عن شي يخصه ~> أتكلم عن العلاقه مش المعلومات الخاصه ..

اذكر وحده بالمنتدى زوجها مايثق فيها زل لسانها معه وقالتله انها شاورت اخته عن خلاف بينهم او كلام قاله بعدها ماعاد يثق فيها ويقولها لأ انتي بتروحين تسألين وتشاورين ~> صار متحفظ ~> ماألومه http://www.blqees.com/vb/images/smil...busted_red.gif

لما تعطينه الثقه 100% اللي بينكم ماراح يطلع لأحد وحتى المسجات .. راح يحس بالأمان ويعطي كل ماعنده

عندي امثله كثيره على كلامي لاكن اعذروني لضيق الوقت ماراح انزلها لأن عندي شغلات كثيره ببالي بنزلها اليوم





يقول سبحآنّه :


{ وكَيْفَ تَصْبِرُ عَلَى مَا لَمْ تُحِطْ بِهِ خُبْراً}

زوجك
ذكر وانتي انثى
يختلف عن اخوك و ابوك وزوج اختك وزوج خالتك
اهله غير اهلك
بيئته غير بيئتك
عالمه رجالي وعالمك نسائي
اهتمامه يختلف عن اهتمامك
تفكيره بعيد عن تفكيرك
حاجاته ماتتشابه مع حاجاتك
احتياجه العاطفي مو مثل احتياجك
اسلوبه مو مثل اسلوبك
~> مليتوا صح http://www.blqees.com/vb/images/smil...icons/bleh.gif

المهم ياحبايبي لاحظتوا ان الأختلافات كثيره ومالها حصر


طيب ايش الحل ! وكيف التعامل مع الإختلافات هذي كلها !!



أستكشفي شخصيته
تفحصيها ودققي فيها
فترة الملكه فتره جداً مهمه
تعتبر بر الأمان بالنسبه للزواج
لاتخلينها عاطفيه 100%
أستفيدي لحياتك المستقبليه من خلالها
(المرأه الذكيه تجيد اقتناص الفرص)
هذي فرصتك تعرفين عنه لو قليل
لأنك مهما حرصتي ماراح تفهمينه مزبوط إلا مع العشره
لاكن تقدرين تتفادين مشاكل كثيره
وتريحين نفسك كثير
وتخلينه يعجب بإنسانه فاهمته وعارفه احتياجاته

حاولي تحللين شخصيته بأي طريقه مثلاً
بالعيد حطلي مع الهديه كرت كاتبلي فيه
طبعاً انبسطت ع المكتوب لاكن اللي انبسطت فيه اكثر إن بين إيديني سلاح http://www.blqees.com/vb/images/smil...s/msn-wink.gif

نطيت سيدا ع كتاب تحليل الشخصيه من خط اليد وفصفصت شخصيته من كل حرف ومن كل شخطة قلم وأستفدت كثييييييييييير

حتى بالشوفه حاولت اقرى لغة جسده

وطبعاً مافيه افيد من معرفة الأنماط
وكتاب الرجال من المريخ النساء من الزهره

حتى لونه المفضل حاولي تعرفينه ~> لاكن مش بطريقه اوشو لونك المفضل ! ~> ابو السماجه ! http://www.blqees.com/vb/images/smil...icons/bleh.gif اطفال انتم

أرائه كلامه وجهات نظره كلها تكشفلك اوراقه
انتي بس دققي http://www.blqees.com/vb/images/smil...icons/idea.gif







لما تمر عليك ايام تكونين فيه بقمة الحب انتي وياه
وملتصقين ببعض على طول و معطين بعض كل اللي عندكم

انسحبي شوي http://www.blqees.com/vb/images/smil...s/msn-wink.gif

لأنك لو مانسحبتي هو بينسحب
لأن مثل ماقتبست بأول صفحه إنو الرجال بيتخذ دورته الطبيعيه
لأنه يحتاج للإستقلال بعد مااخذ جرعه تكفيه وتشبعه فتره

انتي من حالك اتركيله فتره يشتقل انسحبي شوي

عشان يرجع للشي الغالي الثمين عنده بشوق ..http://www.blqees.com/vb/images/smil...ons/icon26.gif

ما أقصد بالإنسحاب إنك تطنشينه فجأه !
هذا جفا .. بيحس بصد .,

يعني مثلاُ يومين مع بعض مكالمات ومسجات وغرقانين حب ابعدي شوي فتره انشغلي
وارجعي بشوق ,

هالشي بيجدد الحب بينكم ويزيده وبيغليك بعيونه

**

|بعطي نصيحه صغيره لبنات كثار محتارات|

كثار يقولون كيف اثقل عليه ! ويقلبون المسئله تطنيش

اقولك ياحبيبتي امثل طريقه
متى مابغاك لقاك مو جوده ~> بس مو على طول طبعاً

وغير كذا انتي بعيده ~> لاكن تذكرينه من وقت لوقت بمسج



في ختآم موضوعي

بعطيك 3 جمل ممكن تغير حالك 180%
وبتريحك كثير بإذن الله
حطيها بين عيونك
وصدقوني كل اللي كتبته بالموضوع مايجي ربع أهمية اللي بكتبه

(1)
من تعلق بغير الله أدبه الله
(2)
من كانت الدنيا همّه ، فرّق الله عليه أمره ، وجعل فقره بين عينيه ، ولم يأته من الدنيا إلا ما كُتب له
(3)
( إذا أحب الله تعالى العبد، نادى جبريل، إن الله تعالى يحب فلاناً، فأحببه، فيحبه جبريل، فينادي في أهل السماء : إن الله يحب فلاناً فأحبوه، فيحبه أهل السماء، ثم يوضع له القبول في الأرض )




إذا تعلقتي بزوجك وخليتيه اكبر همك وصار همك بالدنيا رضآه
تحملي ذل مخلوق !

إذا حبيتي ربك قبل عبده وملئتي قلبك حب ويقين فيه سبحآنه
ماراح يهمك من الدنيا شي ولاراح تحتاجين مخلوق ومعاك الخالق
وحتى زوجك بيحبك بإذن الله ,
إذا خليتي رضا ربك همك وصدقتي مع ذاتك
أهنيك ع الحياه اللي رآح تعيشينها http://www.blqees.com/vb/images/smil...ons/icon26.gif

تم والحمدلله








الهدايا الختاميه بتكون كثيره طبعاًhttp://www.blqees.com/vb/images/smil...s/msn-wink.gif



كتاب إهداء لـ(بنت الجامعه)
مفيد مره يابنات فيه جزء يتكلم عن الثقافه الجنسيه بإطار أدبي محترم
أغلب البنات ياخذون معلوماتهم من النت بطريقه خطأ تشوه مفاهيم وتخدش الحياء

تحفة العروس ومتعة النفوس :

كتاب بوصلة الشخصيه :



برنامج تحليل الشخصية عن طريق خط اليد :




كتاب هدية كل عروس :










وهذي بعض المقاطع المفيده جمعتها عضوه معي بمنتدى ثآني الله يجزآها خير


الحُب مستشآر خليفه المحرزي



توتر العلاآقه العآطفيه





زوآج الفتآة غير المؤهله .. إطمئني


إختلاف الحب بين الرجل والمرأة طارق الحبيب





كيف نقدم الحب ؟ طارق الحبيب






التلقائية في مشاعر الحُب
















سنه اولى زواج




كيف نحتوي خلافاتنا الأسرية



















منقوووووووول للأماااااااااااااانه
لاتنسوووون التقييييييييييييمــ اذا اعجبكم:)....

Σ7ƧΛƧ 15/10/2011 09:07 PM

رووووووووووووووووووووعه

احساس سعوديه 15/10/2011 09:32 PM

مروووووركـ اسعدني.....

احساس سعوديه 15/10/2011 10:06 PM

بجد زعلتووووني:'(
مافي الا وحدهـ بس اللي ردت على الموضوع...
وينكم صباااااايا....

munerah.a 16/10/2011 03:14 AM

السلام عليكم
بصرااحة أختي (إحساس سعوديه) كلامك دررررر ما شا الله تبارك الله
كتبتِ فأبدعتِ
أحس أني استفدت من كلامك مررررره
الله يجزاك خير ويوفقك في الدنيا والآخرة...

احساس سعوديه 16/10/2011 05:13 AM

يسلمووووو ياقلبي عالمرووور والكلام اللي يثلج الصدر

وصال الطائف 16/10/2011 05:23 AM

الله يعطيك العافيه
بالرغم اني ما قرات كل الي نقلتيه
بس المراءه الحاذقه من العشره
تعرف كيف تتعامل مع زوجهااا

مشكلتي دلوعة 16/10/2011 08:20 AM

ماشاء الله كلامك رووووعة والموضوع قيم بصراحة يستحق التقييم ...
وتم لعيونك ياعسل التقييم ...
جلست ادقق على الموضوع وكل نقطة بتمعن شديد <<في شغلات كثير حصلت لها هنا مفهوم ومعاني على
اسئلة او اشياء انا عملتها وماكنت متاكدة اذا صح او غلط ...بس بالاخير الحمد لله طلع كل شي لة بالاخير
نتائج حلوة مستقبلا ..

عروس78 16/10/2011 10:43 AM

تسلميين اختي

يعطييج العافية


الساعة الآن +3: 07:45 PM.

هذا المنتدى يستخدم منتجات بلص
جميع المواضيع و المشاركات تعبر عن رأي أصحابها فقط, و لا تمثل بالضرورة رأي موقع عروس.
جميع الحقوق محفوظة لموقع و منتديات عروس © 2001 - 2014


Search Engine Optimization by vBSEO ©2011, Crawlability, Inc.

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 100 101 102 103 104 105 106 107 108 109 110 111 112 113 114 115 116 117 118 119 120 121 122 123 124 125 126 127 128 129 130 131 132 133 134 135 136 137 138 139 140 141