ركن العناية بالبشرة والجسم ركن متخصص لمناقشة جميع الامور الصحية و العناية بالبشره والجسم .

Like Tree5Likes

عيدنا احلي:(¨`•.•´¨) السكرب السحري لكامل الجسم من تأليفي وتصويري تفضلوا ! (¨`•.•´¨)

21/08/2011, 01:32 AM

ازيكم يا أحلي بنات في الدنيا

عاملين أيه....وحشتوني اوووي F:



بقالي كتير مش نزلت مواضيع في الركن الحلو ده ;)

وحبيت اني ارجعلكوا بحاجه مفيده ومضمونه وعن تجربه شخصيه وان شاء الله تستفيدوا منها وتدعولي دعوات حلوه في هذه الايام المفترجه







موضوع النهارده هو عن

( السكرب المفضل عندي )
من تأليفي واخراجي
وسميته بالسحري لانه فعلا تأثيره علي الجسم أشبه بالسحر والعجب .....



وهنتكلم عن


( مكوناته و طريقه تحضيره + فوايده + طريقه أستخدامه ) وعن كل شئ ان شاء الله










اولا


نبدأ

المكونات وطريقه التحضير





ملح الحليب يوكو سبا ( غني عن التعريف طبعا ) .

أرز مطحون ( مش ناعم اووي ) .

ملح الطعام ( العادي ) .






زيت لوز حلو ( زجاجه كامله ) .

بيبي أويل من جونسون ( رائحه اللافندر ) .

جلسرين طبي .

زيت زيتون .







جليسوليد .
فازلين .
جيل بيبي جونسون .





طريقه التحضير
( انا حبيت أفرجكوا علي طريقه التحضير وهي في وعاء كبير حتي تكون الصور واضحه )



نضع في الصحن ( الوعاء ) الأرز المطحون
ونضع عليه 2 معلقه كبيره من ملح الطعام





ونضيف ملح الحليب ( العبوه كامله )











ونقلبهم جميعا مع بعض جيدا ( حتي يختلط الأرز مع ملح الحليب مع ملح الطعام )






ونضع عليهم





معلقه كبيره من
جلسوليد الاحمر ( معشوق الجماهير ) .
فازلين .
جيل بيبي جونسون .

( نسيت أصور الخطوه دي ) :o




ثم نضيف عليهم الجلسرين .
علبه زيت اللوز كامله .
5 ملاعق كبيره زيت زيتون .



وأخيرا البيبي أويل 1/2 العلبه ( او علي حسب رغبتك في قوه الريحه وتركيزها )







ونقوم بالخلط الجيد جدا حتي تتماسك جميع المكونات



حتي يصبح لدينا هذا الشكل








ونقوم بتعبئه الخليط في برطمان زجاجي ( مُحكم الغلق )
ووضعه في ( الحمام ) أعزكم الله
ليكون سهل الاستخدام







وبذلك نكون أنتهينا من طريقه التحضير



السكرب يحتوي علي ثلاث اقسام
قسم التقشير ( الملح والأرز المطحون وملح الحليب ) .
قسم التفتيح ( زيت اللوز الحلو والجلسرين وزيت الزيتون ) .
قسم الترطيب ( الفازلين والبيبي جونسون والبيبي أويل و جليسوليد ) .





وطبعا كل واحده وعلي حسب الكميه اللي هي هتحتاجها
البرطمان ده 1 كيلو جرام


فكل واحده وعلي حسب كميتها المفضله





فوائد السكرب


❀ ملح الحليب ❀
معروف طبعا بأنه بيفتح لون البشره وبيقضي علي الاماكن الغامقه ( الابط والمنطقه الحساسه والركب والاكوع ) .




❀ الأرز المطحون ❀
يعمل علي شد البشره وتفتيحها وتنعيمها .



❀ ملح الطعام ❀
لتعقيم الجسم والتخلص من أي ميكروبات او بكتريا بالجسم .



❀ زيت اللوز الحلو ❀
بيفتح لون البشره ويساعد علي التخلص من آثار الحبوب وما شابه ذلك .


❀ زيت الزيتون ❀
للترطيب والتنعيم والتفتيح .


❀ الجلسرين ❀
بيعطي نعومه ولمعه للجسم فظيعه .


❀ البيبي أويل ❀
للتعطير والترطيب والنعومه الخياليه والرائحه الجميله المنعشه ويساعد علي الاسترخاء .


❀ كريم جليسوليد ❀
بيفتح البشره ويرطبها ترطيب عميق .


❀ الفازلين وجيل جونسون ❀
للترطيب المكثف لبشره أجمل .






طريقه الاستخدام


قبل ما تآخدي الشاور الحلو
افتحي الماء علي الساخن ( أقرب درجه تحمل لكي ) وأتركيها مفتوحه 15دقيقه تقريبا واخرجي من( الحمام ) :o


وبعد ال 15 دقيقه هيكون الحمام كله بخار ( وهو ده المطلوب )
لان البخار يعمل علي فتح المسامات المغلقه والتخلص من الحبوب وآثارها .




وبعد ذلك نأتي بالسكرب وندهن به الجسم كاملا ( حتي المنطقه الحساسه وكله كله )
ونتركه 5 دقائق

وبواسطه الليفه العاديه أو بتاعت الشاور ( بلاش المغربيه هتبقي قاسيه علي الجسم )


أنا بستخدم دي





نبتدي بفرك الجسم منطقه منطقه ( والفرك يا ريت مش يكون جامد اوي ولا قاسي علشان مش يلهب البشره ويجرحها وخاصه صاحبات البشره الحساسه ) ;)


ونفرك الجسم جيدا ونركز علي الاماكن الغامقه اللي عندنا ( كل واحده وعلي حسب جسمها بقي )

وبعد الانتهاء من الفرك نغسل مكان السكرب بماء دافئ ( لا ساخن ولا بارد )
وبعده ماء عادي او ساقع لغلق المسام المفتوحه :thumbs_up:


وطبعا بقي هتكونوا ناهيتوا الشاور بتاعكوا ( قصدي في غسل الشعر وكده )


وهتخرجي من الحمام
ونغنيلك يا خارجه من باب الحمام وكل خد عليه خوخه....خوووخه...خوووووخه



وترشي جسمك بماء الورد ( ماء الورد بتشد البشره اوي وبتوردها بشكل عجيب )






وترطبي جسمك بزيت اللوز الحلو وبعده بيبي جونسون اللافندر

وبكده هيكون جسمك رائحته عذآآآآآآب والله
وهتستمر الريحه في جسمك 3 أيام



والنتيجه
جسم رائع وصافي + لون متوحد + نعومه تفوق الخيال + رائحه تجنن اللي حواليكي + بياض ناصع موُرد + التخلص من الاماكن الغامقه اللي بالجسم .







مده الاستخدام

يستخدم من مره الي مرتين أسبوعيا ....أو كل 10 أيام
بنفس الطريقه السابقه
ويستخدم لجميع أماكن الجسم
..
للمناطق الحساسه
للأبط
الركب والاكواع
ما بين الفخدين
للأرجل
للأيادي
وكل مكان غامق او به آثار حبوب وغيره ..


ما عدا الوجه ( خلًوا بالكم )


والنتيجه هتبان من أول استخدام والله





النتيجه الخاصه بيا

أول شئ لاحظت عليه التغير هي يدي
والله يا بنات أصبحت بيضاء من غير سواد في مفاصل الاصابع ونعومه ولمعان ملفت للنظر .

كان عندي آثر لحبايه واحده أعلي الصدر لاقيتها اختفت بسرعه اوي .


المنطقه الحساسه
لونها فتح حوالي درجتين وأصبحت ناعمه ومترطبه علي طول .


الاكواع والركب
فتحوا بس بنسبه أقل من يدي ومن المنطقه الحساسه بس مع الاستمرار ان شاء الله متأكده انها هتفتح أكتر .

ولاحظت شئ آخر
اني لما بعمل السكرب ده وبخرج من الشاور وأرش ماء الورد علي الصدر
لاحظت ان لون ( .....) الصدر :o أفتح وبقي وردي والله !!!




وانا بقالي حوالي شهرين ونص مواظبه عليه
بستخدمه بدل الشاور جيل ( الكيماوي ) :badly:
والحمد لله مرتاحه عليه أوووي ومبسوطه من نتيجته .





الموضوع انتهي يا بنوتاتي آسفه لو طوًلت عليكوا
بس حبيت أقولكوا علي كل كبيره وصغيره والموضوع يكون واضح وسهل عليكوا .



واتمني السكرب يعجبكوا وتجربوه وتدعولي .


والموضوع مجهود شخصي جدا ومن تنسيقي وترتيبي
وأسمح بالنقل للأفاده بس مع ذكر المصدر ( 3roos + sweeeet g!rl )

ومش تنسوني من الدعوات الحلوه في الليالي المفترجه
ولو أعجبكم قيموني :o




وأنا ان شاء الله جاهزه لأي استفسار ؟!





:032: وموفقين جميعا ان شاء الله :032:





لكم مني خالص حبي وأحترامي



من مواضيعي



صورة انت كيفك الرمزية
21/08/2011, 02:09 AM
وااااااااااااااو رووووووعه طريقتك..
تسلم يدك مشكوووووووووورة



من مواضيعي

صورة shygirl.87 الرمزية
21/08/2011, 02:45 AM
مررره اعجبتني بجربها

مشكوره حبيبتي



من مواضيعي

21/08/2011, 02:47 AM
يعطيك العافيه حبوبه



من مواضيعي

صورة قمرالزمان. الرمزية
21/08/2011, 02:51 AM
تسلمي
موضوعك يجنن
وشرح كثير واضح
الله يوفقك يارب




من مواضيعي

صورة jooji الرمزية
21/08/2011, 02:53 AM
سكرب خياال والطريقه رووعه



ننتظر جديدك




من مواضيعي

21/08/2011, 05:56 AM
مشكووووره قلبي

شكل السكراب يشهي للاستخدام

ان شاءالله اجربه لاني من تزوجت اسمريت مدري ليش
لي عشرشهورمتزوجه يااااارب ينفع معاي 



من مواضيعي

21/08/2011, 06:18 AM
مره روعه السكراب

خزنته في المفضله



من مواضيعي

صورة AL-7alema الرمزية
21/08/2011, 06:45 AM
شكرا ع المجهود

وان شاءالله نجربه
عاد يبي له مليون غرض عشان نسوي




من مواضيعي

صورة بنوتة نايس الرمزية
21/08/2011, 06:58 AM
مشكورة ياعمري



من مواضيعي


« عنايتك بأقدامك صور لمنتجات عنايتي + نصائح جمالية | حمامي اليوم »

يتصفح الموضوع حالياً: 1 (0 من الأعضاء و 1 من الزوار)
 
أدوات الموضوع


مواضيع مشابهة
الموضوع المنتدى
ماسكي السحري لنضارة الجسم ركن العناية بالبشرة والجسم
شد لكامل الجسم استفسارات الأزياء
كيكة الدارسين او السينامين من تأليفي وتصويري الحلويات
مسج جديد من تأليفي ::: بمناسبة سقوط المطر في بوظبي ::: تفضلوا الهواتف النقالة

الساعة الآن +3: 03:08 PM.

 اتصل بنا - اعلن معنا - سياسة الخصوصية

Search Engine Optimization by vBSEO ©2011, Crawlability, Inc.

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 100 101 102 103 104 105 106 107 108 109 110 111 112 113 114 115 116 117 118 119 120 121 122 123 124 125 126 127 128 129 130 131 132 133 134 135 136 137 138 139 140 141