السلام عليكم ورحمة الله وبركاته
شلونكم حبيباتي
انا عندي بنت عمرها ثلاث شهور
مااعرف شنو اكلها ليلحين مستمره على الحليب الصناعي وشوي طبيعي !!!!!!!!
وشعرها قشره . . . . انا ماحلقتها عشان مايصير شعرها خشن !!!!!
شنو تنصحوني اغذيها واي احسن كريم لجسمها وفيسها واحسن شامبو لشعرها
كاسره خاطري بنيتي مب ملقيتها بال كلش وابي اعتني فيها
شامبو جونسون خياس مو حلو احسه يزيد الوصاخه :-o
يارب اللي تساعدني وترد علي يفتح لها ابواب الرزق اللهم امين
وعليكم السلام ورحمه الله وبركاته
اول شي اختي بالنسبه للاكل ترا تو النااس معدتها ماراح تتحمل الاكل الحين بس رضاعه كافي عليها
بس فيه الاكل مخصص للشهر الرابع تلقينه في الجمعيات ممكن تبدين فيه بس وجبه وحده للين ماتدش السادس وتبدين معها بالوجباات
ومن الرابع ابدي ذوقيها الاكل يعني مب تعطينها وجبه كامله لا بس خليها تذوق الشوربه والعصير والبطاط المهروس والجزر وغيره عشان تتعود تاكل اي شي
وبالنسبه للقشره احسن شي تحلقينها دامها صغيره ومن تحلقينها خلاص ماراح ترد
واحسن شي لليهال كريمات وشامبو سيباميد وايد حلو
والله يخليها لج
ماشاءالله .. الله يخليها لك ..
بالنسبة للأكل .. توها بنتك صغيره على الأكل .. استمري على الارضاع الى ان تكمل 4 شهور .. بعدين تبدأين معها بأشياء خفيفه وجرعات بسيطة جداً .. بس علشان تتعود على الأكل .. اذا وصلت 6 شهور وقتها ابدأي اعطيها وجبات مناسبة لسنها ..
وبالنسبة لقشرة الرأس .. لا تحلقينها .. احس مو مناسب بنية وتصير قرعه .. !!
:-#
احسن حل لقشرة الرأس وانا جربتها لولدي هي :
اذا كنتي ناوية تروشينها مثلاً اليوم .. قبل ما تروشينها بساعه او ساعه ونص .. جيبي زيت جونسون الشفاف وادهني شعرها وكثري شوي .. وخلي الزيت بشعرها نص ساعه ..بعدها جيبي مشط تكون اسنانه صغيره شوي بس انتبهي لا يكون حاد .. !!! وابدأي مشطيها عكس منبت الشعر .. والله بتشوفين القشرة بالمشط .. بعدها روشيها بالشامبو المناسب لها .. ومشطيها بفرشة اطفال .. واستمري على هالطريقة .. وكلها فترة بسيطة ان شاءالله والقشرة مختفيه ..
انا جلست تقريباً شهر وانا اسويها لولدي .. والحمدلله .. كل شئ تمآم ..
جزاكم الله خير بس الشامبو سيباميد بعد مب حلو
الله يحفظها لك أختي سنفورة ..
أول شي بالنسبة لأكلها هي لسى صغيرة لدخلت في السادس أبدي أعطيها وجبات الحبوب .. وزبادي قليل الدسم أو خالي الدسم .. وأهم شي بالتدريج .. والعصيرات أعطيها عصير برتقال طازج مخفف بالماء 15مل فقط لأنها صغيرة تكفي مرة أو مرتين في اليوم
أما قشرة الرأس .. مثلك عانيت منها لما كانت في ولدي ولما كان عمره 5 شهور وديته طبيب جلدية وصفلي قال هذه القشرة تعتبر نوع من الأكزيما
ووصف لي رغوة للشعر والجسم اسمها " فيلابورجيني " مكتوب عليها رغوة للشعر والجسم خالية من البكتريا ...
وأنا على هالرغوة ليومك هذا ماغيرتها وعمره الآن سنة وعشرة أشهر
والحمدللة ماعاد عرفتها تشيل القشرة على طول بس خليك عليه واستخدميه وإن شاء الله بتلقي النتيجة اللي ترضيك
بنتك لسا صغيرة على الاكل وبعدين مافيه احلى من شامبو جونسون اجيال واحنا عليه وللقشرة حطي شوي زيت ومشطي شعرها على خفيف بس لاتطولين وانت بتمشطي علشان مايسير راسها احمر ووجود القشرة في هالسن طبيعي اغلب الاطفال كذا
المشاركة الأصلية كتبت بواسطة سنفوره الدوحه
السلام عليكم ورحمة الله وبركاته
شلونكم حبيباتي
انا عندي بنت عمرها ثلاث شهور
مااعرف شنو اكلها ليلحين مستمره على الحليب الصناعي وشوي طبيعي !!!!!!!!
عادي بعدها صغيره على الاكل
لين طعمتيها اربعة اشهر اكليها او تحبين مثل ما يقولون المستشفيات ستة اشهر
وشعرها قشره . . . . انا ماحلقتها عشان مايصير شعرها خشن !!!!!
في كريم يبيعونه في الصيدلية عن لقشور اللي تقولين عنها تحطين على راسها يوميا بعد السبوح
لمدة تقريبا اسبوع وبيروح عنها ان شاء الله
شنو تنصحوني اغذيها واي احسن كريم لجسمها وفيسها واحسن شامبو لشعرها
كريم جسم استخدمي كيو في كيدز وايد زين وتقدرين تستخدمينها حق ويها
اما الشامبو استخدمي سيباميد وايد حلوو ومايسوي الشعر جاف
شامبو جونسون خياس مو حلو احسه يزيد الوصاخه :-o
يارب اللي تساعدني وترد علي يفتح لها ابواب الرزق اللهم امين
كريم كيو ..؟؟؟
وين كيدز ؟؟؟؟؟
ويبيض .؟
الاخوات ما قصروا اختي الله يعطين الف عافية
بالنسبة للشامبو سيباميد منيح وكمان عنديك شامبو سويت زيل منيح ومتل ما قالوا الاخوات حطيلا زيت جونسون قبل الحمام بساعة ومشطيا بمشط اسنانو صغيرة بس بعناية تامة انتبهي على راسا وبعدين حمميا مرة على مرة كلو بيروح
رد مع اقتباس