❤❤.¸¸.• كيكة الفروت بالخطوات المصورة من مطبخي •._.❤❤
انتظرو تحميل الصور لانه 30 صورة ...
السلام عليكم ...
كان يا ماكان من اسبوعين تقريباً سويت كيكة فرووت ... لزوجي للشغل ... بمناسبة عيد ميلاده وكل سنة وهو سالم ...
وطبعا اني كلش ماليي بالحلويات واحترقت الكيكة ورجعت سويت كيكة ثانية خخخخ ... كنت مصممة اني اسويها لانه قلت بسويها مابغي افشل روحي واروح اشتري من برا خخخخ ...
وطبعا صورت جميع الخطوات بس للاسف الكيكة المحترقة ما صورتها بس استفدت منها لانه احترقت من تحت واتفتفت فسويتها كيك ببارسل... بنزلها ليكم لاحقاً ....
حياكم لطريقتي لعمل كيكة الفروت ....
المقادير :
2 باكيت كيكة بتي كروكر فانيلا
كوب طحين عادي علشان تتماسك الكيكة
كريمة : ( دريم ويب - قشطة - جيم كيري - حليب سائل )
كاستر للحشوة من الداخل ...
فواكه حسب الرغبة للتزين
جيلاتين لمسح الفواكه علشان ما يتغير لونها ...
وممكن استبدال الجيلاتين بجلي الليمون ....
الطريقة بالصوووووور :
اول شي ناخذ الصنيية ونمسحها بالدهن والطحين
علشان ما تلزق الكيكة .. ولزقت واحترقت !!
وسويتها من جديد وغلف الصينية بالالمنيوم وضبطت ....
نخلط البيض والدهن و روح التوت
وبعدين نضيف طحين كيك بتي كروكر والطحين العادي
هذا شكل الكيك بالخلاط ...
نصب الكيك بالقالب والباقي خليت فيه ملونات لكب كيك ...
الباقي من الكيك لكب كيك ...
هذا شكل الكيك بالفرن وهو ينتفخ ...
الكيك كيك ضبط ع الاخر ...
بس الكيكة الاخيرة لزقت واحترقت من تحت
وصارت لينه وتنتفت مافي امل منها خالص
بس استفدت منها شلت تحت وسويت قالب كيك ببارسل ...
هذا الكب كيك مضبوط ... للاسف ماصورت الكيكة المحروقة
لانه عصبت خخخخ
هذي الكريمة
(4 ضرف دريم ويب - جبن كيري حسب الرغبة - 2 قشطة - حليب سائل )
يمممممممممممممممي ....
وهذي الكيكة الثانية سويتها بعد ما غلفت القالب المنيوم وضبطت
ومن يوم ورايح دايمن بغلف القالب علشان ما اخسر الكيكة كالمعتاد
بعد ما تبرد شوي اشيلها وبتنشال بكل سهوله
نقطعها بالنص ... ونصب ماء الفواكه المعلبه يتشرب الكيكة ...
نصب الكستر بالنصف و نرجع القطعتين فوق بعض .....
احس الكيكة عملاقة هع !
( هذا خلل سويته اتمنى اضبطها اكثر بالمرة الجاية )
وهذي الكريمة مسحناها فوق الكيكة ...
بعدها ندخلها الثلاجة تجمد حوالي نص ساعه او اقل ...
( بهالوقت غسال المواعين ههههه )
هذي الفواكه لتزين الكيكة
( فراوله - اناناس- كيوي - خوخ معلب -
مانجو معلب ماعجبني ولا خليته )
بعد ما نخلص من صف الفواكه نخلي مكسرات :
جوز مبشور اخذته من حلويات الجزيرة ... بدينار ...
عججججججججججججيبة حدها .. للحين مو متخيله انه اني اللي سويتها
هع هع !!
الكارتون اخذته من المخبز و قاعدة الكيكة موجودة في كل سوبر ماركت .. بس كانت عندي من قبل ...
وهذي معجنات مع الكيكة :
زعتر - بيتزا - كرات الجبن
للاسف كرات الجبن فهيت بغسال المواعين واحترق شوي فوق ...
وهذي البيتزا حقتي ... يمممممي ...
ملاحظات للكيكة :
الكيكة قال زوجي عجيبة وقدرها بجيد جداً
بس احسها واجد عملاقة احس لما قطعوها معاناه !
يعني المخابز تكون لازقه عدل ..! هل اضغط عليها لو شلون ؟ علشان ما تكون عملاقة جدي تلزق القطعتين مع بعضهم ! فهمتون قصدي ؟؟
وانتظر تعليقاتكم