يلا كل طفل لزم يلعب بمزاج ( لعب اطفال مصر )

تمام يا انوسة دايما افكارك حلوة جدا فعلا اللعب مهمة
بس ماقدرش اوعدك اصور لعب ميرو لما اجيب لها لعب جديدة اصل ميرو من النوع اللى بيحافظ على لعبة جدا ههههههههههههه يعنى كل حاجة سليمة بس لوحدها الراس فى حتة والايد وكدة ومكعبتها فى كل مكان ربنا يسهل لما اجيب لعب جديدة هصورها
بس فعلا انا عايزة اعرف اية اللعب المناسبة لسنها اجبلهال الحاجات اللى بتقول كلمها وفيها صور وكدة بتاعة حيوانات ونباتات ولا الحاجات اللى بتحتاج تفكير زى التركيب والفك كدة هى عندها زى سجادة كدة فيها اشكال وبتعمل اصوات انا بقول على اللى بتنطق كلمات عشان تنطقها هى كمان
قوليلنا خبرتك يا انوس انتى والبنات

يا انوس يا جامد ايوة كده
هصورلكو ان شاء الله اللعب اللى عند سما
اصلها كلها بحالها هيا مش بتحب اللعب خالص و مش بتقرب جنبهم

نورتى يا كاتو وربنا يخليلك ميرو وتعيشى وتكسر يا ستى :worn_out:

انا عارفه السجاده اللى بتقولى عليها انا جبتها لنانو برضو وكويسه بس مش حسه انها ممكن تلعب بيها فتره ممكن شويه وخلاص

هى دلوقتى ميرو ونانو ماشيين فى سنتين بيتهئلى ان لعب اللى فيها تركيب وحركه وحاجات يعملوها بى ايدهم احسن من اللى فيها مجرد زراير واصوات
بس برضو هى كويسه انهم يعرفو اسماء الحيوانات واصواتهم بس هتتكسر بسهوله مش هتستحملهم مش كدا برضو

انا بقالى فتره عماله افكر اجبلها ايه مش عارفه فكرت فالعلبه اللى فيها فتحات اشكال هندسيه وتدخل الشكل مكان الفتحه بتعتها بس مش عارفه كويسه ليها وله هتزهق منها

وبرضو فى عربيه كدا ممكن تركب عليها وتمشى بيها فالبيت لانها صغيره مش عارفه حلوه ديه وله ايه

وكمان فى كوره كبيره كدا وليها حتتين الطفل بيقعد عليها والطفل يمسك من ايدها كدا ويتنطط مش عارفه ديه هتفهمها وله لا اصلا

يلا بقى همتكم معانا عوزين ندلع العيال :thumbs_up: وربنا معانا ويدينا ونجبلهم كل حاجه حلوه :confused:

*DONY*;15070700:
يا انوس يا جامد ايوة كده
هصورلكو ان شاء الله اللعب اللى عند سما
اصلها كلها بحالها هيا مش بتحب اللعب خالص و مش بتقرب جنبهم

نورتى يا دونى يلا بقى متكسليش فتحته عشان خاطرك اهوه ;)

وصحيح بابا نانو جبلها سبوره صغننه كدا اللى بتكتب وتمسح ديه نانو فرحت بيها بس تلعب بيها شويه وتسيبها بس عوزه حد يقعد معاها وهى تقعد جمبها
وهوريكم صوره ليها من النت لانى نسيتها عند ماما

وعلى فكره ديه العربيه اللى بتكلم عنها ولعبه الاشكال قولولى رايكم انهى احسن

اناناس موضوع جميييييل اوووووى
بصى انا جبت لعبه الاشكال دى هى كانت عربيه بتمشى وبتعمل اصوات ومنها فيها الاشكال دى بس جودى مستوعبتش لسه تدخل انهى شكل فى انهى فتحه انابقولها وهى تدخل وشلتلها العربيه دى علشان حسيت انها لسه شويه عقبال ما تعرفها بالنسبه بقى للعربيه اللى انتى حطاها دى انا دى اللى نفسى اجبها لجودى لانها بتشبط فى اى سكوتر او عجله بتبقى عايزه تركب بس باباها بيقولى هى قاعده شهرين بس هنا قالى نجبهلهاهناك احسن بس بجد كل ما اشوفها تشبط ببقى عايزه اروح اشتريها
متعرفوش بقى اسعار العربيه دى ايه واماكن البيع بتاعتها

حلو اوي وانا كان فعلا نفسي في الموضوع ده من زمان


بصوا دول كانوا جايين هدية ليها علي فترات يعني، منهم العربية اللي بتقولوا عليها






الاولانية دي بطة بتنور وبتعمل موسيقات مختلفة لما عجلها يمشي وجناحها بيتحرك بردو لما بتمشي بيلف كده، وبيركب فيها عصاية واخرها السمكة دي زي مقبص ليها ومفروض تبقي للسن بتاع البيبي لما بيتعلم المشي عشان يتبسط وتحفزه وتبقي مساعدة ليه بردو


والعربية دي حلوة اوي اوي ومغرية كده هههههه وفيه عربية تانية جاتلها بردو بس اقل من دي في المستوي شوية هابقي اصور كله بالتفصيل بقي ان شاء الله واحطه هنا

كالعاده موضوع تحفه جدا الى الامام يا انوسه يا جامد انا نفسي فعلا اجيب لجومانا لعب هى دلوقتى عندها سنه و8 شهور قوليلى بقى ايه اللى يناسبها واروح فين انا كانت عاجبنى عروسه بتطلع اصوات تضحك وتبكى وكده ايه رائيك تنفعها ولا كبريت عليها اصلها بقالها فترة بتعلب بعروسه عندها بتشلها وتبوسها وبتنيمها وتقولها هوووووو هههههه

انوس اللعب اللى بتقولى عليهم حلوين وبالذات الاشكال الهندسية انا عارفها حلوة لكن البلونة اللى بتنط وكدة اعتقد انها عايزة طفل اكبر شوية عشان يعرف يتحكم ومش يقع كل شوية


كتكوتة اللعب حلوة انا عندى زى البطة بس على فرخة وبتبيض بيضة انا هصورلكم اللعب بس مش فى علبهم عشان طبعا العلب اترمت من زمان هصور اللى حالتهم حلوة ههههههههههه

انا كمان فكرت فى العربية الصغيرة وكمان هجيب ليها مرجية احطها فى غرفتها مساختها كبيرة وتعلب براحتها فيها والعجلة باباها قالى هيجبلها واحدة حلوة وهو جاى من الامارات الشهر الجاى

شو ها الموضوع الرائـــــــــع

وهو بس لاطفال مصر مافي لاطفالنا

عموما الالعاب جدا مفيده

وان شاءالله الكل يستفيد

quiet girl;15070823:
اناناس موضوع جميييييل اوووووى
بصى انا جبت لعبه الاشكال دى هى كانت عربيه بتمشى وبتعمل اصوات ومنها فيها الاشكال دى بس جودى مستوعبتش لسه تدخل انهى شكل فى انهى فتحه انابقولها وهى تدخل وشلتلها العربيه دى علشان حسيت انها لسه شويه عقبال ما تعرفها بالنسبه بقى للعربيه اللى انتى حطاها دى انا دى اللى نفسى اجبها لجودى لانها بتشبط فى اى سكوتر او عجله بتبقى عايزه تركب بس باباها بيقولى هى قاعده شهرين بس هنا قالى نجبهلهاهناك احسن بس بجد كل ما اشوفها تشبط ببقى عايزه اروح اشتريها
متعرفوش بقى اسعار العربيه دى ايه واماكن البيع بتاعتها

بيتهيالى يا دعاء العربيات دى بتبقى فى حدود 60 او 80 مرة شوفتها بس برقول برضه لسه بدرى شويه على ما اجيبها

CuTie KaTkOoTa;15070951:
حلو اوي وانا كان فعلا نفسي في الموضوع ده من زمان


بصوا دول كانوا جايين هدية ليها علي فترات يعني، منهم العربية اللي بتقولوا عليها






الاولانية دي بطة بتنور وبتعمل موسيقات مختلفة لما عجلها يمشي وجناحها بيتحرك بردو لما بتمشي بيلف كده، وبيركب فيها عصاية واخرها السمكة دي زي مقبص ليها ومفروض تبقي للسن بتاع البيبي لما بيتعلم المشي عشان يتبسط وتحفزه وتبقي مساعدة ليه بردو


والعربية دي حلوة اوي اوي ومغرية كده هههههه وفيه عربية تانية جاتلها بردو بس اقل من دي في المستوي شوية هابقي اصور كله بالتفصيل بقي ان شاء الله واحطه هنا

حلوة اوى البطه يا ايمى انا شوفتها قبل كده و قولت لما سما تمشى ان شاء الله اجيبهالها

و العربيه جودى بتعرف تلعب بيها ولا لا؟
بيتهيالى بيركبو عليها و يزقوا نفسهم كده برجليهم

ميرفى50;15071921:
كالعاده موضوع تحفه جدا الى الامام يا انوسه يا جامد انا نفسي فعلا اجيب لجومانا لعب هى دلوقتى عندها سنه و8 شهور قوليلى بقى ايه اللى يناسبها واروح فين انا كانت عاجبنى عروسه بتطلع اصوات تضحك وتبكى وكده ايه رائيك تنفعها ولا كبريت عليها اصلها بقالها فترة بتعلب بعروسه عندها بتشلها وتبوسها وبتنيمها وتقولها هوووووو هههههه

ههههههههههههههه عسل والله
على فكرة العرايس ملهاش سن يعنى حتى الكبار بيحبو يلعبو بيهم مكبرتش عليها ولا حاجه

.★شـــااانيل★.;15072401:
شو ها الموضوع الرائـــــــــع

وهو بس لاطفال مصر مافي لاطفالنا

عموما الالعاب جدا مفيده

وان شاءالله الكل يستفيد

لا طبعا يا حبيبتى تقدرى تشاركى معانا و تصورى لعب اطفالك الموضوع لكل الامهات




انا كان نفسى انزل اللعب بس للاسف الكاميرا مش معايا دلوقتى واحده واخداها منى
لما تيجى بالسلامه هبقى اصور مع ان اللعب مش كتير لسه مبداتش اشترى قد كده

بس دول صور كانت موجوده عندى ع اللاب

دى المرجيحه بابا جايبهالها هى شكلها مش عاطفى بس انا حبيت اجيب مرجيحه متينه عشان تكمل معاها فترة طويله مش اجيب البلاستيك و سنه و ارميها



ودى عروسه بتغنى هندى و تمشى و تنور


ودا كلب بيجر ولاده وراه و يهوهو هبقى اصورلكو صورته برا العلبه


وللاسف بقى مش بتلعب باى لعبه فيهم بتخاف جدا من المرجيحه مش بترضى حتى تقعد عليها و تفضل ماسكه فيا كانى هرميها

و نفس الوضع بالنسبه لاى لعبه بتعمل صوت بتخاف منها
عشان كده مش مشجعانة اشتريلها لعب

سيمو المرجيحة حلوة مش المهم فعلا الشكل المهم انها تفضل معاهم وقت اطول وتستحملهم لاغاية 5 سنين مثلا هى يمكن خايفة منها حاليا بس بعد كدة هتاخد عليها ومش هتقوم منها

لعب ميرو السليم منهم :)
عروستين بيغنوا



عروسة فلة



بطوط بيطلع صوت بط ولا كتكوت مش عارفة بس ميرو بتحبة جدا



دة حوت وبيتحط فية مية وبيطلعها من نوق وفى كورة صغيرة تحطيها على المية بس حلوة وبيهز ديلة



فرخة وبتبيض بيضة وبتكاكى ههههههههههههه



دة بيمشى ويغنى



كور ميرو

موضوع جميل اوى اوى يا انوس

تايا عندها نفس الميوزكال كاربت دي بإختلاف طبعا الحركات الى عليها

وبتحب اوى تلعب ب لعبه السرير الى بتفضل تلف وتعمل صوت بتبقي عايزة تلف وراهم و تلحقهم عشان تمسك واحده ومبتعرفش

وعندها الحجات بقي الى بتعمل اصوات زى الشخاليل والاكسليفون والحجات الصغيره دى

عندها المرجيخه الى بتتعلق ف السقف الصور بقي اما اروح البيت احسن انا عند ماما دلوأتى

((K~A~T~O));15072297:

كتكوتة اللعب حلوة انا عندى زى البطة بس على فرخة وبتبيض بيضة انا هصورلكم اللعب بس مش فى علبهم عشان طبعا العلب اترمت من زمان هصور اللى حالتهم حلوة ههههههههههه

انا كمان فكرت فى العربية الصغيرة وكمان هجيب ليها مرجية احطها فى غرفتها مساختها كبيرة وتعلب براحتها فيها والعجلة باباها قالى هيجبلها واحدة حلوة وهو جاى من الامارات الشهر الجاى

حلوة اوي اللعب با ايمي بجد لذاذ جدا ومختلفين عن بعض كتير، انا بقي العروسة اللي جت هدية لجودي والدبدوب مخبياهم منها ههههههه عشان يفضلوا سلام قلبي مش مطاوعني لن العروسة تحفة بجد شكلها ولبسها وكنت اول مرة اشوف الشكل ده يومها وحتي صحابي كانوا عايزين ياخدوها، هي شبه بتوع ميرو كده

*DONY*;15073222:
حلوة اوى البطه يا ايمى انا شوفتها قبل كده و قولت لما سما تمشى ان شاء الله اجيبهالها

و العربيه جودى بتعرف تلعب بيها ولا لا؟
بيتهيالى بيركبو عليها و يزقوا نفسهم كده برجليهم

علي فكرة المرجيحة شكلها حلو اوي لعلمك بقي ومش وحشة زي ما بتقولي وكان فعلا عملية ما شاء الله
اه العربية فعلا بتزق برجليها وبتبقي مسخرة مع انها بتقعد عليها وهي مش فاهمة ان دي عربية ولا ان دي مفروض تبقي كده ، والتانية اعلي بقي شوية فمش بتعرف تطول الارض ولا تتحرك بيها
بس مش بتقعد عليهم كتير بردو

((K~A~T~O));15073391:

دة حوت وبيتحط فية مية وبيطلعها من نوق وفى كورة صغيرة تحطيها على المية بس حلوة وبيهز ديلة

انا عايزة ده يا ايمي كان منين ده وبكام عجباني اوي فكرتها

والله موضوع حلو جدا ربنا يجازيكي خير

حلو اوىىىىىى الموضوع ده ولعب ولادكو جميله ما شاء الله
لعب ميزو لما كان في سن ولادكو طبعا مافيهاش اي حاجه سليمه هههههههههههههههههههه

ودلوقتي هو بيحب اوي يلعب بالعربيات لو جبت له كل يوم عربيه مش هيزهق ههههههههههههه



وعاوزة اعرف ايه العاب الذكاء اللي مناسبه لسنه مع انه تقريبا اكبر واحد هنا ف الموضوع ههههههههههههههه

هذي اخر العاب بناتي

وطبعا نحب ننمي غريزه الامومه عند بناتنا بمثل ها الالعاب والله يصلحهم لنا ويبلغنا فيهم عرايس ...























وطبعا معظم العابهم القديمه قطيتها
وما شريت وااايد
لانه على اخر السنه ها نتقل لبيتي الجديد ان شاءالله وحابه ان تكون كل العابهم جديده وها اشتريها من تويز ار اص باذن الله
وربي يعطينا طوله العمر وانزلها لكم

CuTie KaTkOoTa;15076586:
حلوة اوي اللعب با ايمي بجد لذاذ جدا ومختلفين عن بعض كتير، انا بقي العروسة اللي جت هدية لجودي والدبدوب مخبياهم منها ههههههه عشان يفضلوا سلام قلبي مش مطاوعني لن العروسة تحفة بجد شكلها ولبسها وكنت اول مرة اشوف الشكل ده يومها وحتي صحابي كانوا عايزين ياخدوها، هي شبه بتوع ميرو كده


علي فكرة المرجيحة شكلها حلو اوي لعلمك بقي ومش وحشة زي ما بتقولي وكان فعلا عملية ما شاء الله
اه العربية فعلا بتزق برجليها وبتبقي مسخرة مع انها بتقعد عليها وهي مش فاهمة ان دي عربية ولا ان دي مفروض تبقي كده ، والتانية اعلي بقي شوية فمش بتعرف تطول الارض ولا تتحرك بيها
بس مش بتقعد عليهم كتير بردو
انا عايزة ده يا ايمي كان منين ده وبكام عجباني اوي فكرتها

:lol::lol::lol:
اية يا ايمى عاينة العروسة لية كدة ولا كدة مسيرها هتبوظ انا بطمننك يعنى عروسة ميرو لبست وقلعت هدومها بتاع 50 مرة اميرة بهدلتها انا فعلا فى الاول استخسرتها تبوظ قولت هتكون حلوة فى اوضتها وكدة بس قولت انا هفضل عايناهم لامتى وكان قلبى بيتقطع وهى نازلة فيهم ضرب وبهدلة :lol::lol:

اللعبة من المنصورة يا ايمى من محل اطفال اسمة بيانو بيانو وكانت ب 75 وفعلا فكرتها حلوة بس اميرة كانت بتصمم تشرب المية اللى طالعة من الحوت :hysterical:

.★شـــااانيل★.;15079859:
هذي اخر العاب بناتي

وطبعا نحب ننمي غريزه الامومه عند بناتنا بمثل ها الالعاب والله يصلحهم لنا ويبلغنا فيهم عرايس ...
وطبعا معظم العابهم القديمه قطيتها
وما شريت وااايد
لانه على اخر السنه ها نتقل لبيتي الجديد ان شاءالله وحابه ان تكون كل العابهم جديده وها اشتريها من تويز ار اص باذن الله
وربي يعطينا طوله العمر وانزلها لكم

ما شاء الله العرايس حلوة جدا ومحل تويز ار اص فعلا عندوا لعب حلوة ولكل الاعمار جبت من عندوا لما كنت فى الامارات لميرو وكنت عايزة اجبلها عروسة من بيبى حبيبى الدمية اللى بتتحرك زى البيى وكدة زى عرايس بنوتاتك بس قولت لسة صغيرة ومش هتفهم بس ان شاء الله هجيبهالهم :adore:

شانيل : العرايس شكلها جميل اوى انتا عايزة اجيب زيها عشان العب انا بيها:lol::lol: