:055:
اسعد الله اوقاتكم
اليوم عملت كيكة شوكولا اخدتها من علبة كاكاو هيرشيز وطلعة بتجنن.
المقادير بالصورة;;;
٢كوب سكر،
١ وثلاث ارباع كوب طحين،
ثلاث ارباع كوب كاكاو هيرشي،
١ ونص معلقة صغيرة بيكنغ باودر،
١ ونص معلقة صغيرة بيكنغ صودا،
١ معلقة صغيرة ملح،
٢ بيض،
١ كوب حليب،
نص كوب زيت نباتي،
٢ معلقة صغيرة فانيلا،
١ كوب ماء مغلي لا تستغربو هاد سر الطعم.
اول شي بنحمي الفرن على ٣٥٠ فهرنهايت وبنجهز القوالب انا عملتها في قالبين وسط.بندهنهم زبدة ورشة طحين وبنخليهم ع جنب.
بنخط كل المقادير مع بعض ما عدا الماء المغلي لحد ما يصير الخليط متجانس بعدين بنزيد الماء وبنخلط بالمعلقة وراح يكون الخليط سائل شوي.
بنصب الخليط في القوالب وبنخبزهم لمدة ٣٠ الى ٣٥ دقيقة.
وهون لما طلعوا من الفرن بنتركهم يبردو عشان نزينهم.عملت فروستنغ الشوكولا وطلعت اطيب من الجاهزة .
فيكي تاكليها متل ما هي كتييير طيبة وفيكي تزينيها بالفروستينغ متل ما انا عملت رح اخليكم مع الصور وطريقة الفروستينغ بنزلها في الأخير.
استمتعو انا عارفة الصور عذاب بس منشان تجربوها وازا عجبتكم قيموني يا حلوين.
هلأ الفروستينج مقاديروا ...اصبع زبدة سايحة
ثلثين كوب كاكاو
٢ كوب سكر بودرة
ثلث كوب حليب
١ معلقة صغيرة فانيلا
نخلط الكاكاو جيداً مع الزبدة حتى يصبح خليط متجانس.
ثم السكر والحليب والفانيلا ونخلط جيداً.
وهيك صار عندك اطيب كريمة شوكولا بالعالم.
وخلص اعملوها وخبروني شو بصير اوكي.
F::adore::adore::adore::adore: