السلام عليكم صبايا
آخر مرة أنا وخطيبي أكلنا سينابون بالقرفة والشوكليت وكان لذييييييذ
قالي ليش ماتسويلي مثله :I:
طبعا انا قلت اعرف من قالك انا ماعرف اصلا سهله طريقته :worn_out:
قال والله ؟ بس خلاص لازم تسويلي :hysterical:
هي طبعا طريقتها سهلة من ناحية فكرتها في اللف والتقطيع بس اذكر اني سويتها مرة وطلعت العجينه يابسه هههه
المهم عندي ملف للطبخ اجمع من كل مكان وحصلت طريقة سينابون سهلة وقلت بجربها
( للأمانة مقادير العجينة أخذتها من موقع فليكر أما الحشوة فبدعت فيها على طريقتي لأنه الأغلبيه عندنا ما يحبوا القرفة )
فسويتها بالجبن والشوكليت ..
ماتتصورا تفاجأت من طعمها الحلو والذيذ العجينه هشه هشه
أنا عاد ماصدقت وارسل لخطيبي تعال تذوق السينابون.. وماشالله أكل منها ثلاث حبات قالي ياسلااااااام والله إبداع وانا كان فعلا يهمني رأيه :adore:
المهم اعرف طولت عليكم بقصة سندريلا الحزينة هههه وصلنا للمقادير وللطريقة :biggrin:
العجينه :
سهلة ومتوفرة وماتاخذ وقت ابدا ..!!!
والله حتى مستغربة معقولة بس كذا وتطلع العجينه لذيذة ؟؟!!
قلت يلا بجرب هالكمية وان ضبطت المرة الجاية بسويها دبل
وعشان كذا ماصورت الطريقة بس النتيجة قلت لازم اصورها
وهذي مقاديرها :
2 كوب طحين
4 ملاعق كبيرة حليب بودرة
نص كوب زيت
ملعقة كبيرة خميرة فورية
ملعقة كبيرة باكينج باودر
نص كوب سكر
ماء للعجن تقريبا 3\4 كوب
نخلط كل المكونات وآخر شي نضيف الماي ونعجن لحد ماتصير رخوه ونخليها ترتاح 10 دقائق بس
وبـ هالوقت نكون جهزنا الحشوة الي تعجبك وانا هذي حشوتي:
ملعقتين زبدة للدهن
جبن أي نوع عادي
تذوبي شوكلاته وتخلطيها مع سكر (أنا استخدم الشوكولا الخام الساده)
بعد 10 دقائق نجيب العجينه ونفردها بشكل مستطيل
ندهنا بشوية زبدة وفوقها الجبن
وبعدين الشوكلاته المذوبة ونحطها عليها
ونلفها من جهة الطول (عشان العرض يكون أقل)
وبعدين نقطعها انا استخدمت قطاعة البيتزا عشان ماتنكمش العجينه
وصفيها بصينة مدهونة بزيت ومرشوش عليها شوية طحين عشان ماتلصق
وندخلها الفرن نحمرها من تحت وبعدين من فوق
تخيلوا انه الشوكلاه ذابت وطلعت من فوق وسوت ديكور حلو
يممممي :thumbs_up:
يعني وفرت علي تزيين السينابون
وان حبيتي تقدري تضيفي الحليب المركز
وهذي صورته
يلا كل وحده تاخذ حبه وتقول رايها ؟