بسم الله الرحمن الرحيم
حبيت انزلكم روايتي الرومانسية الي كتبتها في7شهور
وعشت مع السبع الابطال وحبيتهم وحبيت قصصهم..
وحبيت انقلكم هي لعل وعسى تنال على اعجابكم ..
وانا والله ترددت انزلها علمآ باني كتبتها من سنتين ولكن بعض الغاليات طلبوها مني ولعيونهم نزلتها ولعيون منتدى عروس
واذا شفت تفاعلكم راح اكمل وانزلكم المره الجاية جزئين
الله الله بالردود الزينه ..
اتركم مع الرواية
مهما جرى.. فأنت قدري وأنت الهوى
الجزء الاول..........
حلقت الطائرة في الافق وفي داخلها قلب لم ينبض الا للحب,,رجل وسيم يجلس بجانب النافذة وعيناة تملأها الحب..ويداة تمسك بصورة فتاتة او معشوقتةالتي أنتزعت حياتة من عالم الانحراف واللامبالاة الى عالم النجاح…..نعم فبعد أن وقع في حبها قرر ان يغير حياته لاجلها ولاجل أن يتزوجها ..فبدأت رحلة النجاح وسافر لكي يعود وفي يدية وثيقة النجاح..ويتقدم ليطلبها ورأسة مرفوع ولن يخذله ماضية.. ولن ترفض اي فتاة شاب عالمة يزهر بالنجاح..
أغرق في النظر الى الصورة التي في يدية بعمق ..شعرها البني الغجري وبياض بشرتها وعيناها العسليتان التي تخفي في داخلها سحر الحياة وفمها ووجههة الذي كالقمر في تدويرة..
بدأ يحدث نفسة"أنها ملاك وسوف أشتاق لها ولكن أنا لم أسافر ولم أبتعد الا لكي أعود وأحصل على قلبها وتصبح ملك لي الى الابد…"تنهد بعمق,,
(وش فيك) جاءة صوت صديقة الذي يجلس الى جانبة<فهد>
ولا شي"أجابة بسرعة"وأغمض عينية وطار بخيالة اليها..
++++++++++++++++++++++++++++++++++++
في تمام الساعة6 صباحآ..
الام الحنونة وهي في مطبخها وتعد الفطور لأبناءها.. دخل "نبيل""صباح الخير لاغلى أم بالدنيا"وسلم على راسها
مريم:صباح النور ياولدي..وقعد على الطاولة الي عليها فطور متكامل..قالها " والله ياأمي تعبتي نفسك..كان خليتي الشغالة..
مريم:لاياحبيبي لاتعب ولالاشيء
دخل سيف وطولة هو الي لفت امة وجاء وسلم على راسها ويدها"صباح الخير يالغاليةوأبتسمت من قلبها"صباح النور(عاد هذا الغالي الكبير سيف
سيف :كيف حالك يايمة مريم:الحمد الله
سيف :يمة وين الوالد ماشفتة؟ مريم:أية طلع قال عندة شغل
جابت الشاهي وجلست قدام سيف الي بجنبة نبيل وصبتلهم.
دخلت غزل وهي تركض وبيدها دفتر كبيروالشنطة وبيدها الثانية العباية..سلمت على راس امها ..وقفت عند الطاولة:والله تأخرت(وشالت كأسة الشاهي وقطعة شابورة)..وطالعت في نبيل:نبيل ها توديني للجامعة
نبيل:لاوالله أنت عارفة أن حازم بيمرني نروح الشركة مع بعض وماني موديك ومعاي الرجال..
غزل مقهورة:أنت مافيك خير"وطالعت في سيف":ها سيف توديني؟
سيف وهو يحط كاسة الشاهي الي بيدةويقوم:أية تجهزي أصلآ أنا دوامي بالمستشفى 8 ومداني اوصلك واوح ومايفوتني شيء
غزل فرحانة:الله يخليك لية ياأخوي..أنت عارف أن السواق ماجاء من أجازتة..
دخلت غرام وهم عند الباب:وين رايحين أنا بجي معاكم لان محاظرتي تبدأ8
سيف وهو داير ظهرة ورايح بتجاة الباب: يالله تجهزي أنا بالسيارة
سلمت على راس امها واخذت كاسة الشاهي والشابورة وطلعت
نبيل وقف وبيدة جوالة:يالله هذا جوالي يدق شكلة حازم..يالله يالغالية في أمان الله
مريم:الله يحفظك ياوليدي..وخرج
وجلست مريم على الطاولة بعد ماكل عيالها راحو شربت الشاهي..
وطلت فاتن من الصالة..وأنتبهتلها مريم:تعالي يافاتن مافي أحد كلهم طلعو
دخلت فاتن بأبتسامة وسلمت على رأس خالتها:صباح الخير
مريم بفرحة:صباح النور..هاه تجهزتي مستعدة
فاتن وهي تجلس على الطاولة: أية الحمد الله,ووالله ياخالة الروضة من أول يوم متروسة تقولين صار لدوام شهر..وماتشوفين أحد قاعد كلنا حايسين..
مريم:الله يعينك ويساعدك يابنتي...
فاتن:آمين أجمعين..وشربت شوية شاهي...:الله الله تسلم يدك على الشاهي الزين..
مريم:الله يسلمك ..ناسبك؟ فاتن:أية والله....دام الغالية سوتة أكيد بيناسبني
مريم:تسلمين فاتن:الله يسلمك
مريم :السواق حق الروضة متعاقدة معاه مو صح؟
فاتن:أية صحيح مريم:طيب لية ماجاك
فاتن:هو يمر كل المعلمات والاطفال..عشان كذا يأخذ وقت...
مريم:الله يعينك فاتن وهي تقوم:أمين يالله هذي زميلتي دقت معناته السواق برة
..وقامت وسلمت على راس خالتها...:.في أمان الله
مريم:الله يحفظك
وهي بتجاة الباب سمعت خالتها "فاتن....فاتن
التفت:هلا خالتي
مريم: نسيتي لؤي ووائل ماخذيتيهم
ابتسمت فاتن: أفا أنا أنساهم...بيروحون بس ماراح أتعبهم وأخذهم من اليوم لأن التسجيل يبدأ الأسبوع الجاي..يعني أخذهم الاسبوع الجاي أن شاءالله
مريم:أها أنشاءالله
فاتن:يالله توصين شيء يالغالية مريم:أبي سلامتك
فاتن :الله يخليك يالله مع السلامة مريم:مع السلامة
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,,,,,,,,,,,,,,,,,,,,,,,,
الساعة السابعة تمامآ.....
في الصالة الي فوق وعلى الكنبة وقدام التلفزون..كانت لابسة بيجامتها الوردية وحاطه رجل على رجل وتقلب في القنوات بملل....طلعت مع الدرج أمها وطالعتها بنظرات أستغراب:حلا أنت قاعدة....روحي صحي أخوك وأختك غلا
حلا وهي طفشانة:طيب
ودخلت الام غرفتها وقامت حلا بتجاة الممر الي فية غرفتها وغرفت أختها وأنصدمت بوجهها أختها غلا وطالعت بشعرها الباين علية أنه ماتمشط وهي تفرك بعيونها وتتمطط وشالت عيونها وطالعت بالساعة الي على الجدار وأنصدمت:واو الساعة 7 ...حلا لية ماصحيتيني...؟أيش الانانية هذي...يعني ماعندك جامعة ماتفكرين بغيرك...راحت وماتركتها ترد.....وركض على غرفتها..أخذت شور سريع وبدلت ملابسها ولبست تنورة جينز وبلوزة سكري وبياقة كانت قمة في الفخامةوأخذت دفتر المحاظرات..وجري نزلت مع الدرج ولقت أمها بالمطبخ وسلمت عليها..وأخذتلها كوب كوفي ودايركت خرجت وطلعت مع سواقها على الجامعة...
نزلت حلا:يمة مالقيت حازم بغرفتة ..شكلة طلع
الام:أية صح تذكرت أمس قالي أنة بيروح بدري وأنت دارية أنة يمر على ولد عمتك مريم نبيل وياخذة معاه لشركة أبوك .. وقالي أنهم يفطرون هناك
حلا..:طيب وأبوي وينة
الام:خرج من بدري يقول اليوم عندهم أجتماع خاص للموظفين الجدد بالشركة
حلا:الله يعين الام:آمين
دخلت غلا وتدور بعيونها على كرسي فاضي وشافت يد مرفوعه تأشرلها بمعنى هنا وهي غرام وصلت وغرام بدأت:صباح الخير غلا:صباح النور
غرام:تأخرتي مرة غلا:راحت علي نومة
غرام:حتى أنا صحيت متأخر..دأيم بداية الدراسة كسل وبعدين نتعود
غلا:الله يعين غرام:أيوة الله
وهم في البريك وماشين ويسولفون عن الاجازة وكيف قضوها قابلو نهال وهي بنت عم غلا وبنت خال غرام......غرام وغلا:السلام عليكم
نهال:وعليكم السلام كيفكم صبايا
غرام وغلا:تمام الحمد الله كيفك أنت نهال: الحمد الله نسهل على نفسنا ونقول اخر سنة بس الله يعين ويسهل عاد انتو الله يعينكم باقيلكم سنتين
غرام:الله يسهل ويعين الكل :أمين
نهال بدلع: والدنيا هنا حر وقرف مع بداية الدراسة
غرام : اكيد حنا بشهر 10 يعني عز الحر
نهال:الله يعدي هذي السنة على خير الكل آمين
نهال:ايوة عاد خلونا نتقابل..تعالو مو عشاني عشان جدتكم قولو نسلم عليها ياأخي عشان أبوي
غرام وغلا:هههههههه أيوة أن شاءالله بأقرب فرصة..
<<<<<<<<<<<<<<<<<<<<<<<<<<<<<<<<<<<<<<
الساعة2 بالظهر
دخلت فاتن البيت متعبة لقيت خالتها جالسة بالصالة وتشرب قهوة وقدام التلفزون..سلمت عليها..قالت مريم:يالله حياتي بدلي لبسك وتعال أشربي معاي قهوة..
وعلى فكرة ترى في مارس جيبتة خصيصآ لك..
ضحكت فاتن بهدوء:هههه...الله يسعدك ياخالة تسلمين الحين أروح أبدل وأجي أشرب معاك....الا وين غرام وغزل....
الخالة مريم :ردو من الجامعة تعبانات وعلى طول نامو
فاتن: الله يعين الخالة:آمين
وطلعت وبدلت ملابسها ولبست ونزلت
وجلست على الكنبة جنب خالتها وناولتها خالتها فنجان القهوة وشربت وعطتها المارس وقعدت تاكل وشوي سمعو نحنحة من عند الباب
مريم :شكلة هذا واحد من العيال قومي حبيبتي عفية عليك لغرفتك
فاتن وهي تقوم:يالله أنا طالعة وطلعت تركض
مريم:أدخل
ودخل سيف وسلم على راس امة وكان شكلة مرة تعبان وجلس جنب أمة
....طلعت فاتن فوق والبيت فوق مقسوم جزئين جزء بقوس وفية غرفة فاتن بحمامها وغرفة غرام وغرفة غزل ...
والجزء الثاني غرفة نبيل وغرفة " وائل ولؤي" وغرفة للجلوس..وبينهم صالة فيها التلفزون...وفوق جناحين على اليمين جناح أبوهم وأموهم.. وعلى اليسار جناح سيف..
جات بتدخل غرفتها لكن راحت ودخلت غرفة "وليد ووأئل"ولقيتهم نايمين"يالله وشكثر تموت بالاطفال وتموت بتربيتهم ودخلت روضة أطفال عشان هذا السبب وعشانها تفهمهم ويفهمونها...
لقيتهم نايمين وجات جنب وأئل الي عمرة6 سنوات وسلمت على راسة وجلست تمسح على راسة وأبتسامتها مالية وجهها..
وقامت وجلست عند لؤي االي تموت فية وبهدوءة عمرة4سنوات ونص مسحت على راسة وباستة وجلست تناظر فية ..تذكرت ولدها محمد ه..الي سمتة على أسم أبوها الله يرحمة..نزلت دموعها غصب عنها..تذكرت يوم كانت تلعبة..يالله كان حبها الوحيد..عاشت معاه ونسيت كل همومها.. وبلحظة أختفى من بين يديها.. كأنه حلم أنتسى بس بقيت ذكرى حلوة مع ذالك لاأنذكرت تبكيها..تذكرت كيف يوم كانت تلبسة الشورت البيج والبلوزة البيضة بياقة ونص كم..ولبستة الشنطة ..وأبوة عند الباب:يالله فاتن تأخرنا
فاتن بصوت عالي عشان يسمعها: طيب الحين محمد يجيك
وحطت على خدة بوسة وقامت وطلعت الصالة ولقيت ابوة عند الباب وماسك بيدة شنطة السفر.. حطها بالارض وجاء لعندها وعطاها بوسة على راسها: فأمان الله يالغالية كلها يومين ونرجع وأنا ماقررت أخذ حبيبك محمد الا عشان عندك درووس مهمة وعشان يغير جو..
فاتن:الله يحفظكم بس لاتطولون علية
فايز وهو ماسك ولدة مع يدة ورايح بتجاة الباب:أن شاءالله
وقعدت تناظر محمد وهو معطيها ظهرة ولابس الشنطة شكلة يجنن وهو صغير جنب "فايز زوجها..ضحكت بهدوء يازينة..التفت محمد لها وساب يد أبوة وجاء ركض عند أمة وهي جلست على ركبها عشان تصير بمستواه وحظنها وقالها بأذنها: ماما أزيب لت معي مالس
ضحكت فاتن من كل قلبها: أيوة حبيبي ..باسها على خدها ..وراح يركض مع أبوة
وبعدها بكت............تذكرت كيف وصلها بعدها بيوم خبر وفاتهم بحادث سيارة..بكت من كل قلبها على فقدانها حبيبها محمد ولدها
.. وهي ماحست بنفسها "وجلست تبكي ومسحت دموعها"..
وتذكرت كيف رجعت لبيت خالتها الي حظنها يتيمة والحين يحظنها يتيمة وأرملة..صار لهذا الكلام سنة وهي تحاول تنسى لكن هيهات لهذي الامور أن تنتسى وحتى وان كان القلب كالصخر فالموت ليس بالامر السهل الذي يسهل نسيانة......
وقامت ومسحت دموعها "خافت أنها تصحي الاولاد..خرجت من غرفتهم وراحت لغرفتها ......ونامت