ركن العناية بالشعر ركن يختص بالعناية بالشعر القصات الصبغات التسريحات.

تجربتى فى تطويل شعرى و ايه الى استفدت منه ( نصائح خاصة)

01/04/2011, 06:03 PM

السلام عليكم

واحشتونى اوى و اسفة بجد على التقصير فى ركن العناية بالشعر بس بصراحة بلومكم انكم مش بتشجعونى اكتب و اقولكم تجرابى للشعر اية



انا عايزة اقولكم اخر اخبار انا شعرى دلوقتى بيقع للاسف جامد بقالة سنة تقريبا غالبا بسبب اكتئاب حاد خصوصا من بعد ما خلصت جامعة و عاملى اكتئاب اخر حاجة و طبعا شعرى خف جدا جدا من قدام و ابتدى يطلعلى كمان شعر ابيض( غالبا وراثة من خالتى ) ناقصة اصلها :thumbs_down::thumbs_down: و انا ماشية حاليا مع دكتور الجلدية على كذا حاجة بس ادعولى تجيب نتيجة علشان العلاج بياخد وقت طويل و انا حالتى النفسية فى الضياع بجد و كمان علشان اقدر ارجعلكم بتقرير مفصل بالمنتجات و اسعارها و رائى فيها و الى فادنى فعلا و اية الى لا لكل واحدة يهمها موضوع التساقط او الشعر الابيض بس دى اخر اخبارى لان فى كذا حد سالئنى لانى اختفيت فترة طويلة )



النهاردة هحكلكم شوية عن تجربتى فى تطويل الشعر و اية الى عاملتة و استخدامتة و اية الى استفدت منة فعلا و اية الى حاسة كان غلط او مش استفدت منة يعنى عشان يبقى زى Guide كدة للبنات الى عايزة تطول شعرها

القصة بقى:

- اولا انا نوع شعرى حلو يعنى ناعم اوى و كثافتة متوسطة يعنى مش خفيف ابدا و لا يعتبر تقيل اوى يعنى الفتلة نفسها ناعمة و سمكاها متوسط بس عندى عدد شعر كتير فا فى الاخر المنظر كويس كثيف اوك

- انا كنت طول عمرى بحب الشعر الاقصير لكذا سبب بصراحة اولا شكلوا حلو عليا اوى تانى حاجة اريح لانى كمان كنت بلعب رياضة لسنين فى فرق و كدة فا شعرى بغسلة كل يوم و عايزة يبقى قصير علشان عملى اكثر و اريح و اخيرا لانى كنت حاسة ان الشعر الطويل دى بتاع الشغلات بس و فضلت كدة بى لحد مثلا 22 و نصف لما قررت اطولة

- الى خالنى بقى اطولة كذا حاجة اولا كنت بشوف بنات فى الحقيقة او المجلات او التلفيزون شعرهم حلو و طويل و ابتديت احس بصراحة ان الشعر الطويل مغرى اكثر بكتير عن القصير و بيحسسك انك بنت اوى بجد و حاجة تانية انى عمرى ما كان شعرى طويل فا قولت لية احكم على حاجة عمرى ما جربتها و كمان بصراحة كنت مستخسرة ان فتلت شعرى حلوة اوى و يبقى شعرى قصير فا قررت انى اطولة

- الوقت دى كنت بتصفح منتديات كتير اوى و كنت بعمل خلطات و كدة بس ستيل كنت حاسة انى متلخبطة و مش عارفة اعمل زى برنامج محدد امشى علية و ابقى ضمنة النتايج و بس بعد كدة عرفت ان دينا الجارم بتدى كورسات فى نادى الصيد عن الشعر و البشرة و كدة و كنت متحمسة اوى اصلا لانى كان نفسى القى كورسات زى دى و مش كنت ليقا ابدا المهم للاسف مش قدرت اكمل كور البشرة لان المعاد دخل مع الجامعة فا كملت بس الشعر المهم استفدت جدا جدا منها بجد و كنت مبسوطة اوى منها و عرفت عن منتاجاتها و جربت كذا حاجة و عجبونى جدا

- الخطة بتاعتى لتطويل شعرى كانت كالاتى :

1- استخدام فيتامين للشعر بنتوجار
2- استخدام حبوب زيت كبد الحوت
3- استخدام يومى للليسيون بتاع دينا الجارم مع عمل مساج لفروة الراس
4- استخدام خلطة زيت عافية و الفلفل الحار 2-3 فى الاسبوع لتحفيز نمو الشعر
5- استخدام خلطة زيت الخروع+ سمسم او لوز او ذرة لتحفيز نمو الشعر برضوا
6- استخدام حنة كل اسبوع او كل اسبوعين
7- عمل خلطات و مساكات منعمة للشعر بشكل منتظم ( زبدة+ عسل) او ( بيض + زيت زيتون +عسل ) او ( نخاع دينا الجارم + زيت امازنج بلس بتاع دينا الجارم برضو)
8- تسريح الشعر يوميا فى الاتجاة العكسى لتنشيطالدورة الدموية
9- عدم قص الشعر نهائى ممكن اطراف كل سنة و شويىة ( لانى محافظة على شعرى من البداية )
10- تجنب استخدام سشوار او فير نهائى فى الفترة دى

بس تقريبا كدة


الحاجات بقى الصح الى عاملتها فعلا:

- استخدام ليسيون يومىى بخلاصة الاعشاب مع عمل مساج لفروة الراس يمنع سقوط الشعر و القشرة و المساج يحرك الدورة الدموية علشان توصل لبصيلات الشعر بالاكل

- قلب الشعر و تسريحة لمدة 5 دقائق يوميا لنفس الغرض برضوا

- الحفاظ على شعرى من مسكات تنعيم و ترطيب

- تجنب استخدام سشوار نهائى

- عدم قص الشعر

- برضوا استخدام الحنة كل اسبوع ساعدكتير شعرى مفسة انة يبقى اقوى و مش يتكسر بسهولة

- و خلطات تحفيز نمو الشعر برضوا ( بس الى انا شايفة دلوقتى ان عدد استخدامها كان يقل شوية يعنى مسكمم 2 فى الاسبوع بس



الحاجات بقى الغلط الى عاملتها فعلا:

- انى استخدمت بنتوجار لمدة سنتين تقريبا لانى كنت مقتنعة انة هيساعدنى ( و انا دى بعد كدة عرفت من دكتور جلدية معروف اوى فى امريكا ان اصلا انتى مش محتاجة تاخدى فيتامين للشعر الى لو فعلا عندك نقص حاجة معينة فعلا لاكن لو انتى كويس يعنى بالتحالييل طلع مش عندك نقص فى حاجة و بتاخدى دى كدة عامل زى لما تجيبى ابجوزة مثلا و تفضلى تضغطى على الزورار على طول يمكن تولع اكتر فاهمتونى يعنى الشعر لى ليمت بيطول بى و مش ممكن ابدا علشان تسرعى نمو الشعر انك تاخدى فيتامين للشعر علشان يسرعة زيادة الموضوع مش بيمشى كدة فاهمتونى)


بس كدة شوية نصايح بقى

1- اولا لازم تبداى على نظيف يعنى شعرك يبقى كويس اصلا مش عندك قشرة مثلا مش عندك تساقط و مش عندك تقصيف و جفاف و تطولى انا عايزة اطول شعرى ( هتعزبى نفسك و خلاص و مش هينفع اصلا ) لازم تفهموا ان فى اولويات يعنى الشعر الصحى الناعم الخالى من القشرة و التساقط و التقصيف يجى الاول و بعد كدة بقى نشوف هنطولة هنقصرة دى اولوية تانية

2- مش تستخدمى فيتامين للشعر خالص بجد غير لو عندك نقص فى حاجة فعلا و حتى لو عندك نقص ممكن اى فيتامين عادى للجسم عموما يعوضها يعنى مش تتخدعى بجد بفكرة انك ممكن تسرعى من نمو شعرك انك تاخدى فيتامين اكثر او لمدة اطول مش هيحصل بجد صدقنى انا اعدت سنيت بخدوا

3- الموضوع دى محتاج صبر طويل اخر حاجة انا شعرى وصل تقريبا لحد اخر ظهرى فى 3 سنين 3 سنين انا اول لما بدائت كنت فاكرة انى لو عملت كل البرنامج بتاعى دى و انتظمت فعلا هيطول فى 6 شهور مثلا مكنتش فاكرة ان الموضوع هيطول اوى كدة

4- الزمى نفسك بجدول معين اعملى على الموبيل على الكمبيوتر اى حاجة المهم تتابعى انتى عملتى الى المفروض تعملى و لا لا و ياريت تشيلوا كل المرايات الى فى البيت و مش كل شوية تبصى شعرى طول شوية لا مش طول كدة لانك غالبا هتتجنى

5- مش تصدقى بجد اى هبل من استخدمى دا و شعرك هيطول فى اسبوع شهر حتى 3 شعور لحد اخر ظهرك بجد الناس دى عايزة الحرق بجد متقلقيش لسة مخترعوش حاجة تطول الشعر فى شهر ولا 3 شهور و لو اخترعوا انا اول واحدة هاجى اقولكم غير كدة بجد والله والله مفيش حاجة هتطول شعرك كل دى فى وقت اد كدة

6- لازم تكونى واقعية و تعرفى فى الاخر ان الموضوع للاسف موضوع وقت يعنى

7- احسن طولى شعرك و انتى صغيرة يعنى اول العشرينات كد قبل ما تجوزى و يظهر عندك مشاكل بقى سقوط و قشرة و مش ينفع تاخدى دى علشان الحمل و الرضاعة و الكلام الى مش ظريف دى

8- اهم اهم حاجة بجد انك تحافظى على شعرك انة مش يوبظ علشان مش تضطرى تقصى لانك لو قصتى كل شهر او كل 3 شهور هيطول برضوا بس انشاء الله على بعد الحرب العالمية الثالثة كدة يعنى بجد الى قال كدة عمرة ما جرب يطول شعرة اصلا علشان كدة انا قولت من الاول لازم تبداى على نظيف روحى قصى شعرك و اهتمى بى علشان مش يبقى جاف او يتساقط و بعد كدة ابداى طولى و اهتمى بى طول المشوار دى علشان مش تقصية و انسى بجد السشوار و الفير لو انتى فعلا عايزة شعرك يبقى حلو

9- الشعر الطويل على اد ما هو جميل على اد ما هو متعب بشكل غير طبيعى و دى حاجة لازم تحطيها فى اعتبارك هل انتى من النوع المهمل و مش منتظمة على العناية المستمرة بى و بتزهقى بسرعة مش عندك صبر لوة انتى من النوع دى احسن مش تطولى شعرك الشعر الطويل متعب فى غسلة و الاهتمام بى صعب علشان يبقى شكلة كويس

10- لو انتى فتلة شعرك خشنة و شعرك كثيف اوى لازم تعرفى كويس ان الموضوع هيكون متعب اوى بالنسبة ليكى اكتر من واحدة فتلتها ناعمة

11- مش تستخدمى غير مشط خشب بتاع ذا بودى شوب حلو اوى ولازم تستخدمى البلسم الى بيفضل جوة الشعر و مش تسرحى شعرك و هو مبلول و لو عايزة فرشاة انا شايفة بصراحة احسن فرشاة الى هى بتاعت البيبيهات دى انا عارفة انها صغيرة اوى و ممكن مش تسرح كويس بس دى احسن حاجة


بس خلاص


و لو عجبكم موضوعى قيمونى









لا احلل نقل موضوعى باى شكل من الاشكال بدون اذن منى اولا ثم ذكر اسمى و منتدى عروس



من مواضيعي


اخر مواضيعى يارب تعجبكم

انهاردة روحت لدكتور جلدية و صورتلك علاجى كلة
http://forums.3roos.com/3roos503593/

كريم طبيعيى و امن لتفتيح المناطق الحساسة و اندر ارمز من دكتور جلدية بالصور و السعر
http://forums.3roos.com/3roos507644/




01/04/2011, 06:52 PM
ماشاء الله

مشكوره على النصائح
:thumbs_up:
;)
:L:



من مواضيعي

01/04/2011, 06:59 PM
ثانكس على النصائح الروعة.....:thumbs_up:



من مواضيعي

01/04/2011, 07:23 PM
ماشاء الله الله يعطيك العافية



من مواضيعي

01/04/2011, 10:43 PM



من مواضيعي

02/04/2011, 12:24 AM
مشكوووووووووووووووووووووووووورة



من مواضيعي

صورة عيون القطة الرمزية
02/04/2011, 03:53 AM



من مواضيعي

صورة curly_girly الرمزية
02/04/2011, 04:01 AM
بجد مواضيعك كلها حلوه مووووت و انا اكتر حدد بستفيد منو انتى و كنت عايزه تكتبيلنا العلاج ال dr قايلك عليه من تساقط و هوا عنوانه فين ؟؟؟؟



من مواضيعي

صورة curly_girly الرمزية
02/04/2011, 04:04 AM
انا الحمدلله شعرى طويل و ناعم بس مش قادره اقولك تساقط ازاى فا ممكن تدينى جدول امشى عليه عشان حاسه بقيت تايهه و بعمل shopping 4 hair cosmetics بالهبل فا بقيت تايهه احط ايه و لا اعمل ايه و ميرسى



من مواضيعي

02/04/2011, 12:51 PM
ربنا يشفيكي يا قمر ويعفي عنك



من مواضيعي


« الكيراتين كل ماتودين معرفته مع الاخصائيه منال الفوزان بالفيديوووو | بتعضين أصابعك ندم .. يا ليتني قرأت موضوعك من زمان يا ليت »

يتصفح الموضوع حالياً: 1 (0 من الأعضاء و 1 من الزوار)
 
أدوات الموضوع ابحث بهذا الموضوع
ابحث بهذا الموضوع:

بحث متقدم


مواضيع مشابهة
الموضوع المنتدى
تجربتى و مقارنة بين الانواع المختلفة لكبسولات فيتامين E و نصائح خاصة جدا ركن العناية بالبشرة والجسم
نصائح للاخت الملتزمة نصائح خاصة باللباس قضايا دينية
نصائح خاصة بالزفاف ركن العروس
رحلة عنائى مع شعرى .. من شعر تااالف .. لشعر كلة حيوية .. تجربتى بالصووور ركن العناية بالشعر

الساعة الآن +3: 03:25 AM.

 اتصل بنا - اعلن معنا - سياسة الخصوصية

Search Engine Optimization by vBSEO ©2011, Crawlability, Inc.

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 100 101 102 103 104 105 106 107 108 109 110 111 112 113 114 115 116 117 118 119 120 121 122 123 124 125 126 127 128 129 130 131 132 133 134 135 136 137 138 139 140 141