مرحبا يا احلى صبايا امبارح اجت عندي صاحبتي وعلمتني طريقة التشيز كيك على اصولها وبطريقة سهلة وغير مكلفة خلينا نروح للمقادير والطريقة.
المقادير;2بكيت كريم تشيز حجم 8 اونص
2 بيض
نصف كوب سكر وفانيلا
طبعاً هدول مقادير خليط الجبن وملاحظة مهمة لازم تكون الجبنة بدرجة حرارة الغرفة.
مقادير طبقة البسكوت بكيت بسكوت و تلت كوب زبدة.
نطحن البسكوت ناعم ونعجنة بالزبدة ثم نفرده بالصينية مع تغطية الجوانب ونضعه بالفريزر .
هلأ بنخلط الجبنة مع البيض والسكر والفانيلا لحتى يصير عنا خليط ناعم بدون كتل منشان هيك حكتلكم طلعوا الجبنة قبل بوقت انا خليتها طول اليل برا التلاجة .
بنطلع صينية البسكوت من الفريزر وبنصب خليط الجبن عليها ثم نخبزها في فرن محمى مسبقاً على 350 لمدة 35 دقيقة ثم نخرجها من الفرن ونتركها تبرد تماماً ثم نضع اي نوع صوص بتحبيه عليها وعلى التلاجة لمدة لا تقل عن 5 الى 7 ساعات.
انا عملت بلوبيري صوص وانتو حطوا اي نوع بتفضلوه .
وصحة وعوافي على قلوبكم واي سؤال انا جاهزة بليييز لا تنسو التقييم.
على فكرة انا عملتها بصينية صغيرة ازا بتحبوا فيكم تعملو الدبل.