روابط قد تهمك :
فساتين العروس | تسريحات | تنظيم الاعراس | زخرفة | عالم حواء


صفحة 1 من 4 1234 الأخيرةالأخيرة
النتائج 1 إلى 15 من 48

الموضوع: مباشر من المطبخ النابلسي حياكم(الحلويات البارده جزء2)

  1. #1
    عروس ماسية
    تاريخ التسجيل
    18/10/2008
    الدولة
    فلسطينيه وافتخر من قلب الوطن الشامخ من غزة العزة اقول الموت لكل من اهان فلسطيني على وجه هذه الارض
    المشاركات
    10,629

    مباشر من المطبخ النابلسي حياكم(الحلويات البارده جزء2)

    مرحبا
    كيفكم حبيباتي
    انا مشتركه بالفيس بوك وفي مكان اسموه المطبخ النابلسي والاعضاء بيحطوه وجباتهم واكلهم وعزايمهممم
    طبعا ماشاء الله عامر
    فانا للامانه هيني بحكي انه منقول و ولا طبخه الي
    بس حبيت افرجيكم عابداعات الفلسطنين لما يمخمخوه هههههههههه


    انا بصراحه كنت حابه اكتب اسامي الاخوه اللي عاملين الحلويات بس عاودت اكتفيت باسم المطبخ النابلسي المصدر يعني

    ومش حكتب اسمي عليهم كمان احسن
    هذا طبعا الجزء التاني
    وهاي رابط الجزء الاول

    مباشر من المطبخ النابلسي حياكم(الحلويات جزء1)


    تمتعواااااااااااااااااااا ااا



    التحلايه
    هي عباره عن تلات طبقات
    الطبقه الاولى كاستين حليب واربع ملاعق سكر وملعقتين نشا وملعقه كاكاوو وتخلط المقادير جيدا و توضع على نار هادئه مع الاستمرار بالتحريك حتى يتماسك القوام ويوضع في البايركس يكون مصفوف بالبايركس البسكويت ثم يسكب الخليط فوق البسكويت ويترك جانبا
    يتم تحضير الطبقه التانيه وهي كاستين من الحليب اربع ملاعق سكر ملعقتين نشا واضافه نكهة انا بضيف ماء الزهر طبعا حسب الرغبه يمكن تضيفوا فنيلا او قرفه او مستكه الطعم اللي بتحبوا وتخلط المقادير جيدا وتوضع على نار هاديه مع الاستمرار بالتحريك حتي تتماسك ثم توضع فوق الطبقه الشوكولا طبعا بنكون صافين بسكويت فوق الشكولاته
    وتترك جانبا حتى يتم تحضير الجلي عندما يبرد الجلي يضاف اليه وهنا تكون تلات طبقات وتوضع بالتلاجه
    وانا بحب ازينها بحبات من الحلو






    شيز كيك بطعم البرتقال


    الطبقة الأولى : بسكوت مطحون و معجون مع زبدة

    الطبقة التانية : جبنة كيري أو مثلثات (أبو الولد) + علبة قشطة + 2 باكيت كريمة + 2 كوب حليب + 2 باكيت جلي بطعم البرتقال تخفق جميعها و توضع فوق البسكوت ثم توضع في الثلاجة حتى تبرد

    الطبقة التالتة : باكيت جلي بطعم البرتقال



    حلو التراميسو

    الطريقة

    بنحتاج باكيت من الليدي فنجر وعلبة صغيرة من جبنة الماسكاربوني او اذا لم توجد ممكن استعمال علبة صغيرة من جبنة فيلادلفيا وبنحتاج علبة كريمة سائلة 500مل و10 ملاعق كبيرة سكر و كوب من القهوة الامريكي بس تكون تقيلة او بتحضروا قهوة اسبرسو اولا نبدا بتحضير القهوة ولازم تكون باردة وممكن عملها من قبل بيوم وبنخليها بالتلاجة لحين الاستعمال ونقوم بخفق الجبنة مع نص كمية السكر ونخفق الكريما مع باقي كمية السكر وبعدين بنضيفهم على بعض وبنخلطهم بالمعلقة لحد ما يتجانسوا بعدين بنجيب صحن التقديم وبنصير نحط بسكوت الليدي فنجر بالقهوة من الجهتين لكن بسرعة لانه ما بدنا البسكوت يشرب كتير قهوة ويتفتت وبس نخلص اول طبقة من البسكوت بنحط طبقة من الكريما وبعدين كمان طبقة من الليدي فنجر بنفس الطريقة وفوقه طبقة كريما تانية وبنزين الوجه ببودرة الكاكاو والشوكولاته المبشورة وصحتين وعافية





    بودنج الشوكلاتة بالبسكوت
    ...عبارة عن طبقة بسكوت ومهلبية شوكلاتة (كل كاسة حليب بدها ملعقة كبيرة نشاء والسكر حسب الرغبة
    لكل كاسة حليب ملعقة كبيرة كاكاو تقريبا ...
    الصوص جاهز من السوق بس ممكن تعمليه بالبيت عبارة عن فنجان ماء مع فنجان سكر وملعقة نسكافيه منغليهم على النار حتى يتكاثفوا
    )وزينتها بصوص الشوكلاتة وحطيتها بالثلاجة





    Strawberry Ceesecake

    الكرست جبتا جاهزة الحجم العادي
    المكونات:1 1/2 علب جبنة فيلادلفيا 2 بيضات1/2 كوب سكر ملعقة صغيرة فانيلا نخلط جميع المكونات بالمضرب الكهربائي و نضعها فوق الكرست ونضعها في الفرن على درجة حرارة 350 لمدة 30-45 دقيقة انا زينتا بفراولة طبيعية و فراولة معلبة او اي فواكة بترغبوها





    سلطة الفواكة مع الكريما


    فوكة مقطعة حسب الرغبة
    الكريما :
    زلال بيضتين تم خفقهم لمدة خمس دقائق وبعد هيك ضفنا تلات ملاعق سكر بودرة وبكيت بيكنج باودر وملعقة عصير ليمون واستمرينا بالخفق لمدة عشر دقائق تانية وهيك بتكون جهزت الكريما
    التزيين شوكولاته سائل وفستق حلب...ي مطحون



    كيكة الشمواه

    اول طبقة أي كيك جاهز بتصفوا بصحن بايركستاني طبقة بتعملوا علبتين كريم كراميل وبتخلوها عالناروعدين بتحطوا بخلاط بسكوت وعلبتين قشطة صغار ودريم ويب وشوية حليب ومعلقة نسكافية كبييييرة وبتخلطوهم بالخلاط وبعدين بتخلطوهم مع الكريم كراميل وبتحطوا كل الخليط فوق الكيك الجاهز وبس يبرد بتطلعو من التلاجة بترشو عليه كاكاو




    موكا موس كيك
    الطريقه هنا
    نحضر كوبين حليب نضيف لهم خمس ملاعق سكر وملعقتين نسكافيه مدوبين ب مي ساخنهوسكر حسب الرغبه ثم نضيف تلات ملاعق كبيره كاسترد على الخليط
    نتركه على الغاز على نار متوسطه حتى يصبح قوامه كثيف
    ثم نحضر 2 با...كيت دريم ويب وننص كوب حليب ونخفقهم حتى تصبح كريميه
    ندوب تلات ملاعق جيلاتين ب ماء ساخن
    ننتظر حتى تبرد المكونات وتصبح درجة حرارتها تساوي درجة حرارة الغرفه
    نخلط كل المكونات (الكاسترد والكريما والجيلاتين في طبق)
    نحضر طبق اخر ونمد قطع الكيك عليه
    ثم نصب الخليط السابق فوق الكيك ونض المقدار في التلاجه حتى يبرد
    ويزين بالكراميل



    كيكة النسكافيه والقرفه البارد

    ..الطريقه كيكه عاديه
    ومقادير : 3 بيضات ومعلقة فانيلا كبيره, وكاسه وربع سكر وكاسة حليب سائل 3/4كاسة زيت وكاسه وثلاث ارباع طحين ومعلقه باكينج باودر كبيره
    بتختارو صينيه للخبز ما تكون كبيره ولا صغيره كتير
    الحشوه : معلقه سكر ومعلقه نسكافيه ومعلقه قرفه ومعلقه ك...اكاو ... طبعا كلهم بمعلقة كبيره تبعت الاكل
    الطريقه:
    بتحطي طبقه من الكيكه تكون حجم الطبقه متل الي بالصوره يعني 1 سم وبتخبزيها بالفرن لمدة ربع ساعه وبتحمري وجها 3 دقايق بالزبط وبعدين بترشي من الحشوه ألي جهزتيها
    وبترجعي تحطي من خليط الكيك مره تانيه وبتخبزيها 10 دقايق وكمان تكون الطبقه رقيقه وبعدين حمري وجها 3 دقايق وأرجعي حطي من الحشوه رشي منها على الطبقه التانيه
    وضلي اعملي هيك لحتي يصير 4 طبقات كيك و 3 طبقات حشوه نسكافيه وكاكاو وقرفه وسكر ... واخر طبقه تكون الكيك
    بعدين اخر طبقه خليها نص ساعه بالفرن.... والطبقه الاولى ربع ساعه بس التانيه والتالته 10 دقايق وكل طبقه لازم يتحمر وجها 3 دقايق
    بالنسبه للكريمه ألي على الوجه هي عباره عن علبة حليب مكثف محلى وعلبة جبنه كيري مربعات يعني 6 مربعات بتخلطوهم بالخلاط وبتحطوهم على وجه الكيك بعد ما يتستوي ... وبتحطوها بالتلاجه وصحتين



    تشيز كيك

    باكيت بسكوت مطحون ناعم بضيفي عليه تقريبا 4 ملاعق زبده لحتى يتماسك ورشة قرفه بنخلطو سوا وبينفردو بقالب التشيز كيك
    بنجيب 3 بيضات بنفصل البياض عن الصفار بنخفق البياض مع رشة ملح لحتى يصير متل الكريما بنضيف عليها3/4الكاسه سكر بودره بالتدريج مع الاستمرار بالخفق
    بنجيب 12 حبة كيري وبنضيفهم على خلطة البياض بالتدريج
    بنضيف حوالي 3/4علبة لبنه ام النص كيلو يعني تقريبا 400غ بالتريج واحنا لسا نخلط
    بزبديه تانيه بنحط صفار ال 3بيضات بنضيف عليهم نقطة خل وبرش ليمونه كامله وعصير ليمون(حسب الرغبة ) ومعلقه صغيره فانيليا ونخفقهم شوي بالشوكه

    نضيف خليط الصفار على خليط البياض
    نضيف عليهم ظرف كريما بودره ونحركهم
    نضيف 2 ملعقة دقيق حسب تماسك الخليط

    نسكب الخليط فوق البسكوت
    بنحط القال بالفرن على حراره متوسطه لمدة 25 دقيقه او حتى يجمد الخليط وبصير لون الاطراف دهبي خفيف
    تترك حتى تبرد توضع بالثلاجه عند التقديم بنحط عالوجه حشوة الفراوله الجاهزه البلو بري



    حلى
    طبقة بسكوت شاي مغطس بنسكافيه وكريم كراميل بنعمل كاسة حليب لكل باكيت كريم كراميل وبس يغلي بنحط علبة قشطة وبنصبه فوق البسكوت وبنرجع نحط طبقة بسكوت مغطسة بالنسكافيه وبنعمل كاسترد وبنحط عليه كاكاو بودرة وشوية نسكافيه طبعا وهو بارد يعني قبل مانغلي الكاسترد وبنصب الطبقة هاي كمان فوق البسكوت وبعدين بنرش عليه كاكاو عالوجه وبنزين مربعات جوز هند وبالاخر بنحط شراب الشوكلاته هيرشي وصحتييييييييييييييييييييي ن





    كيكة التوفي


    طريقة كيكية التوفي هي :
    المقادير:2 كوب حليب بودرة 5 بيضات 1\2 ملعقة باكينج بودر1 كوب سكر ناعم 1\2 كأس زيت أو سمن نباتي


    طريقة العمل :1- حمصي الحليب في طنجرة على النار إلا أن يصبح لونه بني فاتح 2- نضع البيض والباكينج بودر وقليل من الفانيلا والسمن والسكر في الخلاط ونخلطهم جيدا 3- نضع الخليط فوق الحليب المحمص ونخلطه جيدا 4- ندهن صينية بقليل من الزيت ونوزع الخليط عليها وندخلها الفرن طريقة التوفي هي عبارة عن علبة قشطة و1\2 كأس سكر ناعم نضع مقدار السكر على النا ونحركه حتى يذوب تماما ويصبح لونه ذهبي اللون ثم نضع علبه القشطة ونقلب بسرعة حتى لايتكتل الخليط ثم نرفعه عن النار وبعد أن نخرج الكيكة من الفرن نقوم بوضع التوفي على وجهها ونتركها تبرد قليلا ثم نضعها في الثلاجة وبالهنا والشفا


    Cheese Cake

    المقادير

    طبعاً المقادير يمكن زيادتها حسب حجم القالب علبة سويسرول أمريكانا بالنكهة التي تناسب لون الجيليه الذي تودين عمل التشيز كيك به

    لطبقة التشيز : 1 ظرف كريمة دريم ويب + 1/2 كوب حليب + 1 ظرف جيلو + 8 قطع جبن مثلثات كريمي

    طبقة الجيلو الاولى: جيلي الفريز + كمية من الفريز الطازج أو المجمد مقطع ومطحون طبقة الجيلو الاخيرة سادة


    الطريقة
    تحتاجين لقالب الكيك ذو الحلقة القابلة للفك والتركيب بعد تركيب الحلقة طبعاً تصف حلقات السويسرول المقطع بسماكة لا تتجاوز السنتمتر الواحد حول المحيط الداخلي لحلقة القالب وعلى القاعدة بحيث ترص بشكل جيد ليمنع قدر الامكان تسرب طبقة التشيز خاصة في القاعدة
    أما الجوانب فمن المهم أن يبقى شكلها مرتباً ثم تصب طبقة التشيز كيك بعد خلط مكوناتها بالخلاط حتى تصبح ذات قوام سميك وليس سائلاً كالماء وتوضع في البراد حتى تجمد تماماًبعد ذلك توضع الطبقة الثانية وهي عبارة عن الجيلو مع حبات الفريز المقطعة والمطحونة بحيث تعطي قوام خاص للجيلو وعلى وجه هذه الطبقة تصف شرائح من الفريز بحيث تشف عنها الطبقة الاخيرة من الجيلو السادة

    الطبقة الاخيرة جيلو سادة
    طبعاً تحتاج إلى وقت لتبريد كل طبقة ومن ثم صب الطبقة التالية وعند التقديم بإمكانك ازالة الحلقة من القالب وتكون الكيك متماسكة والسويسرول بشكل تاج في الاعلى وقد تلون بلون الجيلو في الاسفل
    يمكن عملها بجيلو لون اصفر وبدل استخدام الفريز يستخدم الموز بشكل شرائح طويلة سميكة توضع فوق طبقة التشيز كيك بشكل زهرة ويصب فوقها طبقة جيلو اصفر سادة ولكن طبعاً لا تنسي ان تكون طبقة التشيز ايضاً من نفس نوع الجيلو ولونه ليكون التدرج اللوني متناسقا



    حلو بارد
    عى فكرة طريقتو بسيطة جدا
    عبارة عن خمس كاسات حليب سائل مع كاسة سكر بينحطوعلى النار ليغلو بتزيدي عليهم خمس معالق كبار نشا بتكونو مدووبينهم بشوية مي باردة وبتزيدو خمس معالق كاكاو وواستمروا بالتحريك لحد مايتكثف ويابتفردوا بص...ينية عليها بسكويت أو بتحطوا بكاسات متل هاي وبترشوا عليهم شوية بسكوت مكسر وبتحطوها بالثلاجة لحد مايبرد بعدين بتحطوا صوص شوكلا واي كريمة عندكم وبتجيبو شوكلا جالكسي فلوت العيدان وبتزينو فيها وصحة وهناااا




    تورتة الجيلي بالكسترد

    هاي طريقتها
    4 باكيتات جلو فراوله و 5 كاسات مي بتحطهم على النار لحد ما يغلو وبعدين بتطفو عنها وبتخلوها تبرد وبعدين بصحن التقديم بتحطو ثلث مقدار الجلو يعني تقريبا مغرفتين ونص وبتحطو بالتلاجه يجمد
    لما تجمد الطبقه الاولى بتحطو فوقها تفاح ويكون مقطع بشكل حلو قبل ما تحطو التفاح اعصرو عليه عصرة ليمون عشان ما يسود
    بهاي الاثناء كمية الجلو المتبقيه الي بالطنجره بتكون جمدت بتشغلو عليها النار دقيقتين عشان تذوب بس بشرط بدون تحريك لأنو رح يتكسر الجلو ويصير شكلو مو حلو
    لما تسيح ألي بالطنجره بتحطو الطبقه التانيه وبتكون ثلث الكميه كمان وبتخلوها تجمد وبعد ما تجمد بالتلاجه بتحطو فوقها طبقة بسكويت شاي
    وبعدين بتحطو اخر طبقه ضلت بالطنجره ..طبعا بتكون جمدت بتحطوها على النار دقيقتين من دون ما تحركو وبتحطو اخر طبقه وبتخلوها تجمد
    الكسترد : هو عباره عن 3 كاسات حليب سائل بارده ومحليه حسب الرغبه
    و5 ملاعق كسترد كبيره ... بتاخدو شوي من مقدار الحليب السائل وبتحلو الكسترد فيهم منيح عشان ما يتكتل معكم وبترجعو بتضيفو لباقي الحليب وبتحطو عالنار لحد ما يجمد معكم ويصير كثيف متل المهلبيه
    وبترفعو عن النار عشان يبرد وبعد ما يبرد بتحطو فوق الجلو وبتخلوها بالتلاجه 3 إلا 4 ساعات
    ولما تجمد كلها مع بعض بتاخدو الصحن وبتمرقو فوق النار لمدة ثواني بس عشان يقلب معكم الصحن متل هيك
    واقلبو بصحن اكبر


    كريم الشوكولاتة و البسكويت

    طحنت بسكويت "دايجستيف" و بسّيته بقليل من الزيت البارد في البايركسومن ثم خلطت علبة قشطة و ظرف دريم ويب (كريمة بودرة) و ملعقة كبيرة كاكاو و ملعقتين سكر و ملعقة آيس كريم شوكولاتة و خفقتهم بقليل من الحليب السائل و من ثم وضعتهم فوق البسكويت و زينته بقطع الشوكولاتة و "السيراب" وهو سائل الشوكولاتة الذي يباع في السوبرماركت




    بسكوت
    بكيت واحد كريما
    و 2 زبادي لبن شمينت... See More
    وسكر تقريبا 4 ملاعق كبار او خسب الرغبة
    وفستق عبيد
    choclate syrub
    الطريقة
    يرتب البسكوت في جاط التقديم
    نجهز الكريما و نضيف اللبن والسكر ويخفق جيدا
    نضع طبقة من الخليط فوق البسكوت في الجاط (نصف الكمية)و
    ونرتب طبقة اخرى من البسكوت فوق طبقة الخليط
    وتبرد ب الثلاجة
    عند التقديم تزين ب الفستق (العبيد)و chpclate syrub
    وصحتين وعافية


    حلوى تيرمسيو

    2 علبة قشطة
    1 كريمة بيضاء مخفوقه مع حليب
    جبنة كيري 8 قطع
    علبة اناناس
    بسكويت اصابع طويل (بالبيض من موجود عند البرازيلي)
    سكر ناعم 3 ملاعق كبيرة
    الطريقة::البسكويت يغطس في ماء الاناناس ثم يقع على الدوائر في القالب
    نضع الكريمة السكر والجبنة والقشطة والحليب و نخفقهم ثم نقطع الاناناس و نعمل اكثر من طبقة و تزبن بقطع الاناناس على الوجه



    Best tiramisu (eggless) تيراميسو
    تعلّمتها من صاحبتي من شي 17 سنة, عملت فيها شوي تعديل و ماشية عليها من وقتها

    2 كيس (36gm) دريم ويب
    2 علب (170gm) قشطة (مثل نستله)
    1/2 كوب مسحوق السكر
    1 كوب (240ml) او جبنة كريم (250gm) الجبن مسكربون
    1 ملعقة صغيرة من مستخرج الفانيليا
    1 / 4 كوب حليب
    36 بسكويت ladyfingers (Savoiardi)
    1 1/2 كوب من الماء الساخن
    2 ملاعق طعام قهوة فورية نسكافيه
    1 ملعقة طعام مسحوق الكاكاو
    1 ملعقة طعام سكر
    مسحوق الكاكاو غير المحلى ، للوجه

    باستعمال خلاط كهربائي ، على سرعة عالية ، اخفقي: دريم ويب ، القشطة ، الجبن ، الفانيليا ,الحليب ومسحوق السكر ، حتى يصبح سلس وكثيف.
    امزجي الماء الساخن مع النسكافيه والكاكاو والسكر. تصب في طبق واسع عميق. اسمحوا يبرد.
    نغطّس البسكويت (من الجهة الغير مغطاة بالسكر) في مزيج القهوة بسرعة فقط حتى منتصف مركز البسكويت. نرتب طبقة في صحن مربع 13 13xبوصة. نصبّ نصف خليط الكريمة على البسكويت. نكررنفس الخطوات مرة أخرى: نرتب طبقة أخرى من البسكويت. ثمّ النصف الآخر من الكريمة. نسوّي السطح.
    نغطي الطبق بغلاف بلاستيكي ، ونضع في الثلاجة لمدة 6 ساعات أو بين عشية وضحاها.
    قبل التقديم نرشّ بالمصفاة الكاكاو غير المحلى على كامل الوجه


    حلى الأوريو
    طريقه كتير سهله لحلو سهل وجديد
    المكونات:1 كوب دقيق,1م ص بيكنغ باودر,ربع م ص بايكربونات,رشة ملح,3 بيضات,3 ارباع كوب سكر,ربع كوب زيت ذره,3 ارباع كوب زبادي او ساور كريم,1 م ص فانيلا,1 علبه حليب مكثف محلى,بسكوت اوريو مشكل او اي شكل اوريو موجود ع...ندك. كريمة سائله للخفق او دريم ويب باودر.
    الطريقه: نخلط المكونات الجافه مع بعض في وعاء, وفي وعاء الخلاط نخفق البيض والسكر والفانيلا حتى يصبح له رغوه ونضيف الزبادي وزيت الذره ونضيف الخليط الجاف على السائل. نخبز في جاط بايركس حتى ينضج. بعد ان نرفعه من الفرن نرش رشه خفيفه من الحليب المكثف المحلى ونضع طبقه من الاوريو(ممكن تكسير القطعه الى 2 او 4 قطع او تركها كما هي) ونضع رشنة ثانيه فوق البسكوت من الحليب المحلى. نخفق الكريما ونزين بها. ونزين الوجه بالاوريو.


    بسكوت ونسكافيه

    الطريقة :- أولا: نغلي ربع كاسة حليب مع باكيت كريم كراميل
    ثانيا :- نخلط علبة قشطة مع 4 حبات جبنة كيري مع ملعقة كاكاو كبيرة وملعقة نسكافية صغيرة وملعقة فانيلا صغيرة نضيف اليهم الكريم كراميل المغلي ثم نضعهم بالثلاجة لمدة ربع ساعه .
    ثالثا: ن...غطس البسكوت بالنسكافية ونرتبة بالطبق ثم نضيف طبقة كريمة بعد ان تكون جمدت وطبقة اخرى بسكوت ثم كريما ونزين الوجة بالاناناس أو الكروكان حسب الرغبة وصحتين وهنا



    المقادير.. 2 باكيت بسكويت شاي علبة كبيرة حليب محلى مكثف 2 كأس ماء 3 ملاعق نشا علبة أناناس شرائح علبة قشطة الطريقة: بنرص البسكويت بالصنية وبعدين بنسقيه بماء الأناناس وبنحط بطنجرة على النار علبة الحليب وبنرجع بنعبيها مرتين مي وبعدين بنضيف النشا وبنحركهم ليختلطوا وبنضل نقلب ع نار هادية لحد مايجمد الخليط عندي بعدين بنصبه فوق البسكويت وبنحطه بالثلاجة ليجمد شوي الوجه وبعدين بنطلعه من الثلاجة وبندهن وجه بعلبة قشطة وبنرص قطع الأناناس على الوجه وبنرجعه على الثلاجة وصحة وعافية


    تاررررررررت


    لكمية تكفى خمسة أشخاص.
    مدة التحضير: نصف ساعة.
    مدة الطهو: ربع ساعة.

    مقادير العجين:
    نصف كيلو من الدقيق.
    ربع كيلو من الزبدة.
    ثلاث بيضات.
    رشة من الملح.
    ربع كيلو من السكر.

    مقادير الحشو:
    صفار ثلاث بيضات.
    ثلاث ملاعق كبيرة من الدقيق.
    كوب وربع من اللبن.
    نصف ملعقة صغيرة من الفانيليا.
    فاكهة منوعة بحسب الرغبة.
    كوب من السكر.
    نصف كوب من مربى المشمش أو أى نوع آخر من المربى.
    ملعقة كبيرة من الماء أو عصير البرتقال.
    قليل من الكريمة المخفوقة للتزيين.

    الطريقة:
    يوضع الدقيق فوق مسطح ويحفر في وسطه وتوضع في الحفرة قطع الزبدة والسكر والبيض والملح.
    يخلط الكل باطراف الأصابع حتى تتشكل عجينة متماسكة ويرق العجين على مسطح مرشوش بالدقيق ويقطع إلى قطع صغيرة تمد داخل قوالب صغيرة ويضغط عليها بالأصابع.
    تنظف أطراف القوالب من العجين الزائد.
    توخز كل قطعة عجين بشوكة تترك في الثلاجة مدة نصف ساعة.
    تخبز في فرن ساخن مدة عشر دقائق ترفع وتترك حتى تبرد.
    يخفق البيض مع السكر حتى يتكثف المزيج ويضاف إليه تدريجيا الدقيق والفانيليا ويصب اللبن.
    يوضع الكل على نار خفيفة ويقلب باستمرار حتى تغلظ الكريمة وتقطع الفاكهة إلى شرائح وتسخن المربى قليلا ويضاف إليها البرتقال أو الماء ويقلب معها.
    تدهن كل قطعة عجين بالمربى ويصب فوقها قليل من الكريمة وتزين بنوع من الفاكهة ويدهن السطح بمزيج المربى وتزين التورتة بالكريمة المخفوقة وتقدم.




    كيكة النسكافيه الباردة

    الطريقة كتير سهلة منعمل نسكافيه بلاك عادي ومنجيب بسكوت مربعات سادة ومندوبهم بالنسكافيه ومنعمل طبقتين بصينية,,بعدين منجهز كريما دريم ويب ومنضيف عليها شوية نسكافيه عشان النكهة ومنحط طبقة منها فوق البسكوت,,بعدين طبقتين تانيات بسكوت وكريمة,,وللتزيين ممكن تجيبو كيس الكراميل كتير زاكي فوقهم,,وممكن كمان (كروكان) الي هوي سكر محروق بس منكسره لما يجمد وصحتين وعافية




    كريم كراميل التوست

    هاى تحلاية منى وهيا اختراعى بس كتييييير طيبة جربوها وقولولى رايكم

    المكونات : توست , كريم كراميل , كريم شانتيه , كاكاو


    الطريقة : اول شى بتخلطى الكريمة بالمى او الحليب


    تانى شى بضيفى كاكاو عليها وبتخلطيه ليصير لونها بنى


    بعدين بتكونى مجهزة حليب كل علبة و كريم كراميل بدها نص ليتر حليب اول ما يغلى بتحطىى الكريم كراميل وبتخليه يغلى غلوة وبطفى عليه


    بعدين بتجيبى التوست وبتصيرى تغتيه بالكريم كراميل وهو سخن وتحطى بالصينية ليصير صف


    بتقومى تحطى طبقة كريمة وترجعى تانى تغتى التوست وترصى وبعدين كريمة بعدين بدخليه البراد لمدة 4 ساعات وبس يطلع بتحطى على وجه السكر المحروق الى مع الكريم كراميل وصحتين



    الكيكة اسمها كيكة الفصول الأربعة

    المكونات :
    كيك جاهز ( أمريكانا أو أي كيك سادة بدون أي نكهة ) ( علبة تقريبا ) .
    أربع علب كريم كراميل
    حليب
    علبة قشطة
    2 باكيت بسكويت سادة
    نسكافيه
    كاكاو




    الطريقة :
    نقوم بطحن البسكويت .
    نحضر قالب الكيك اللي يفتح من تحت ونفتفت فيه كمية الكيك السادة .
    نحل شوية نسكافيه في ماء مع شوية حليب ونسقي فيه الكيك .
    نضع نصف كمية البسكويت فوق الكيك وكمان بنسقيه بشوية نسكافيه .
    على النار نضع الحليب لعمل علبتين كريم كراميل .
    في الخلاط نضع علبة القشطة وملعقة النسكافيه وبقية البسكويت المطحون وكمية الكريم الكراميل الساخنة ونخلط بالخلاط .
    نصب الخليط في القالب فوق طبقة البسكويت والكيك .
    نضعه في الثلاجة لفترة بسيطة تقريبا 20 دقيقة .
    لعمل العلبتين الباقيتين من الكريم الكراميل نضع الحليب على النار ونضع الكريم كراميل حتى الغليان ثم نضيف معلقتين كاكاو .( ممكن بدون كاكاو وبتطلع لونها أصفر عادي )
    نصب الكريم الكراميل في القالب ونضعها في التلاجة .وهيك صارت أربع طبقات عشان هيك اسمها الفور سيزنز ( الفصول الأربعة )
    يمكن تزينها بالكراميل .
    ان شالله تكون عجبتكم و صحتين وعافية



    الحلى

    الطبقة الأولى:بسكويت شاي يرص في صينية بايركس مقاس وسط.

    الطبقة الثانية:ضعي في قدر على النار 2حليب صافيو بنكهة الشوكولاتة او اي نوع حليب بالشوكولاتة+2ملعقة كبيرة نشا+فنجان قهوة سكر+فانيليا يحرك حتى يثخن قوامه يصب فوق البسكويت ويترك في الفريزر 5دقايق.

    الطبقة الثالثة:ضعي في الخلاط واحد قشطة+2ظرف دريم ويب+كاسة شاي صغيرة حليب سائل بارد+سكر+فانيليا توضع على الطبقة الثانية ويزين الوجه بخطوط عشوائية بالهيرشي ويترك يبرد في الثلاجة.







  2. #2
    عروس ركن التربية و الطفل الصورة الرمزية سندريلا الكون
    تاريخ التسجيل
    24/10/2008
    الدولة
    باريس نجد
    المشاركات
    5,712
    روووووووووووووووووعه ام محمد
    كل الوصفا تجنن اشتهيتهم كلهم

    يعطيك الف عافيه

  3. #3
    عروس ماسية
    تاريخ التسجيل
    18/10/2008
    الدولة
    فلسطينيه وافتخر من قلب الوطن الشامخ من غزة العزة اقول الموت لكل من اهان فلسطيني على وجه هذه الارض
    المشاركات
    10,629
    تسلمي عالطله يا قمررررررررررررررررر

  4. #4
    مشرفة سابقة
    تاريخ التسجيل
    01/03/2005
    الدولة
    قلوبهم وطني عسى ربي يحفظهم
    المشاركات
    7,256
    رووووعه ماشاء الله كل طبق يقول الزين والحلو عندي تستاهلين احلى تقيم وشكرا على الدعوه وبنتظار الجزء الثالث

  5. #5
    مشرفة سابقة الصورة الرمزية kitty_kity
    تاريخ التسجيل
    09/06/2008
    الدولة
    مصر
    المشاركات
    4,821
    ماشاء الله روعه تسلم ايديكم يارب
    تم التقييم طبعا

  6. #6
    مشرفة سابقة الصورة الرمزية عيشوش
    تاريخ التسجيل
    15/12/2007
    الدولة
    الجزائر بلد العزة والكرامة
    المشاركات
    8,822
    رووووووووووووووعة
    ما شاء الله
    لكن للاسف الصفحة تعلق عندي
    الوصفات رائعة جدا وحدها مشهة
    لو منك تعملوا كل هالوصفات في ملف بي دي اف وتكون مثل الكتاب الالكتروني
    عشان يحملوها البنات وتكون مرجع

  7. #7
    عروس ماسية
    تاريخ التسجيل
    18/10/2008
    الدولة
    فلسطينيه وافتخر من قلب الوطن الشامخ من غزة العزة اقول الموت لكل من اهان فلسطيني على وجه هذه الارض
    المشاركات
    10,629
    تسلمولي حبيباتي
    عيشوش
    والله ما بعرف اعملوه كتاب مضغوط!!!!!!

  8. #8
    عروس رائعة
    تاريخ التسجيل
    16/09/2004
    الدولة
    السعوديه -جده
    المشاركات
    1,095
    روووووووووووووووووعه

  9. #9
    عروس ماسية
    تاريخ التسجيل
    18/10/2008
    الدولة
    فلسطينيه وافتخر من قلب الوطن الشامخ من غزة العزة اقول الموت لكل من اهان فلسطيني على وجه هذه الارض
    المشاركات
    10,629
    منوريييييييين

  10. #10
    عروس ماسية
    تاريخ التسجيل
    18/10/2008
    الدولة
    فلسطينيه وافتخر من قلب الوطن الشامخ من غزة العزة اقول الموت لكل من اهان فلسطيني على وجه هذه الارض
    المشاركات
    10,629
    يتصفح الموضوع حالياً: 5 (4 من الأعضاء و 1 من الزوار) ‏ḆŌ₦ỈŤầầ ĚĽЗ§ẩŁŁ, ‏ام احمد2003, ‏om majed, ‏(Sweet & Sour)

  11. #11
    عروس ركن العناية بالبشرة والجسم وركن العطور والعناية بالشعر الصورة الرمزية Sweet N Sour
    تاريخ التسجيل
    03/08/2009
    الدولة
    في حفظ الله و رعايته
    المشاركات
    23,289
    الله الله و بونتا الختييييييييييييييرة:thumbs_up ::thumbs_up::thumbs_up:

    من جد هذه هي الحلويات،،حبيت البودينغ و الحلى الاول و تشيز كيك البرتقال.

    تسلم ايديكي الحلوة عالموضوع،،بس ميزانك معاندني:o


  12. #12
    عروس ماسية
    تاريخ التسجيل
    18/10/2008
    الدولة
    فلسطينيه وافتخر من قلب الوطن الشامخ من غزة العزة اقول الموت لكل من اهان فلسطيني على وجه هذه الارض
    المشاركات
    10,629
    شكرا لك حبيبتي
    بس انا مو ختياره ههههههههههههه
    تنوريني والله دائمااااااااااااا

  13. #13
    عروس ماسية
    تاريخ التسجيل
    04/07/2004
    الدولة
    الأم العين ارات
    المشاركات
    18,754
    تسلم ايدج اختي ويعطيح العافيه ..........

  14. #14
    عروس ذهبية
    تاريخ التسجيل
    09/11/2008
    الدولة
    الاحساء
    المشاركات
    2,746
    ماشاءالله الاطباااق بالتجنن
    اكيد في اجزاء ثااانيه انا في انتظارهاا
    وتسلم الاياااادي اللي سوتهاا بصراحه مبدعااات

  15. #15
    عروس ماسية
    تاريخ التسجيل
    18/10/2008
    الدولة
    فلسطينيه وافتخر من قلب الوطن الشامخ من غزة العزة اقول الموت لكل من اهان فلسطيني على وجه هذه الارض
    المشاركات
    10,629
    منورين
    حبيباتي
    روح اكيد اجزاء حتشمل
    الكيك
    المعجنات
    الاكلات
    الصواني
    كتير اشياء كمان ههههههههههه

صفحة 1 من 4 1234 الأخيرةالأخيرة

المواضيع المتشابهه

  1. مباشر من المطبخ النابلسي حياكم(الحلويات جزء1)
    بواسطة LA ßØήїŦÂĂ ŊăĐǿó في المنتدى الحلويات
    مشاركات: 77
    آخر مشاركة: 03/03/2011, 08:13 PM
  2. طريقة عمل الغريبه من المطبخ النابلسي
    بواسطة شمس العز في المنتدى الحلويات
    مشاركات: 14
    آخر مشاركة: 15/10/2009, 12:27 AM
  3. الخبيرات في المطبخ حياكم
    بواسطة أحلام صغيرة في المنتدى المطبخ و المائدة
    مشاركات: 16
    آخر مشاركة: 05/02/2008, 08:44 AM
  4. فساتين خطوبة جزء2
    بواسطة jolie في المنتدى ركن العروس
    مشاركات: 11
    آخر مشاركة: 23/05/2007, 02:08 AM
  5. من جديد..مسابقة ركن المطبخ والمائدة..(أفضل طبق رئيسي)..حياكم الله..
    بواسطة همسه الشوق في المنتدى الاطباق الرئيسية
    مشاركات: 94
    آخر مشاركة: 14/04/2007, 06:09 AM