ركن العروس ركن مختص بكل مستلزمات العروس المسلمة .

16/09/2003, 06:48 PM

السلام عليكم ورحمة الله وبركاته

بنات لا تنسون محل يامال الشام في دبي ( القصيص) صراحه الحلويات عنده عجيبه و اسعارهم مناسبه و عندهم بعد الكيك الصراحه شئ .... و المحل اللي قالت عنه الاخت بطبوطه في مركز وافي (Godiva ) عندهم تشكيلات حلوه و في بعد محل في الشارجه وراء شاره الوحده بس ما اذكر اسمه بعد عنده اشياء حلو





من مواضيعي



صورة ماسة الرمزية
17/09/2003, 05:18 PM
[[ALIGN=RIGHT]COLOR=chocolate]و أنا أعرف وحده كويتية تسوي حلويات لذيذة و هي في دبي في جميرا

بس ما ترتب الصينية بشكل حلو
[/COLOR]



من مواضيعي

صورة عروس دبي الرمزية
17/09/2003, 06:36 PM
شكرا عزيزتي بنت الفجيرة وماسة على المشاركة في الموضوع


حبيت اذكر بعض المحلات المجربة....


*حلويات بند في الشارجة هذا خذت منه ككاو لعرسي الككاو لذيذ بلجيكي


ويسويلج تغليفة الككاو حسب ألوان الكوشة او حسب الأختيار واشكالهم


مميزة ....


*لاديت في الشارجة عندهم تمور محشية بالرنجينة او السمسم ...الخ


طعمها لذيذ وعندهم ككاو لذيذ بالسح والنسكافيه....


*فيفل في دبي عندهم بتفورات صغار طعمهم لذيذ....


*اوركيد عندهم تشكيلة كبيرة لهدايا المواليد ....


*وفي محل يديد فاتح في سنشري (المركز اليديد اللي في الممزر)عنده


اشياء مميزة....اسمه اظن فودو...


*أفراح في مركز الطوار عندهم تشكيلة كبيرة لهدايا المواليد بالأضافة الى

خدمة تزيين الغرف بالبالونات .....


هذي بعض المحلات اللي انا مجربتنها وان شاء الله اذا ذكرت شيء اضيفه


واتمنى اشوف المزيد من المشاركات في الموضوع وكل وحدة تتشجع


وتكتب المحلات اللي تعرفها .....








من مواضيعي

صورة فوانيس الرمزية
18/09/2003, 03:41 PM
السلام عليكم ورحمة الله وبركاته


في محل اسمه البابا.......يقولون انه حلو

بس انا ما جربته

مقابل سيتي سنتر دبي

وعليكم السلام ورحمة الله وبركاته



من مواضيعي

قال تعالى :
( وَمَنْ أَعْرَضَ عَنْ ذِكْرِى فَإِنَّ لَهُ مَعِيشَةً ضَنكًا وَنَحْشُرُهُ يَوْمَ الْقِيَامَةِ أَعْمَى )

لا تقولي ((السلام)) فهذا سلام ناقص
و قولي ((السلام عليكم و رحمة الله و بركاته))
19/09/2003, 03:02 PM
مرحبا خواتي...

الموضوع وايد مفيد وحلو الصراحة

بالنسبة للمحلات اللي جربتها واتعامل معها هنيه في العين..قصر الحلويات شغله وايد حلو والحلويات عنده منوعه ما بين البيتيفور والبقلاوة العربية وانواع ثانية..وغير الشوكولاته البلجيكية ..بس اهم شي ترتيب الصواني والحركات عندهم حلوة وايد وتعجبني شخصيا والاسعار عندهم متفاوته طبعا..

بازركان بعد عنده اشكال حلوة ومرتبه..

فواله جربته مرة وحدة شفته مرتب وايد وعنده حركات حلوة بس ما عنده اشكال وايده للحلاوة من غير الشوكولاته الي بشكل السكاكر والبيتيفور الملون..

طبعا باتشي وباناش معروفين..بس تعاملي قليل معاهم لانهم يبالغون في الاسعار صراحة...

واحسن شي عشان توفرين على نفسج انج تاخذين صينيتج بنفسج وترتبين مع راعي المحل الكيلوات اللي تبينها وتختارين الزينة بنفسج جذيه تقدرين توفرين نصف سعر الصينية...

وتحياتي للجميع
أم سعيد



من مواضيعي

21/09/2003, 05:47 AM
شكراً عروس دبي على هالموضوع المفيد و أحب أخبركن عن اللي أعرفه في العين من محلات الحلويات:

(محمصة الحلبي) رهيييييييبة في المكسرات و حلويات الرهش و الشوكولاته... و ترتيبهم حلو.

في الحلويات العربية: الكنافة النابلسية بالجبن من عند زهرة الخليج للحلويات النابلسية ألذ كنافة ذقتها في حياتي و للعلم عليها طلب من خارج العين من أبوظبي و دبي و أي حد منهم يزور العين لازم يشتريها ....... و مشهورة عند أهل العين .. و القطايف بالجوز حلوة عندهم بس فيها سكر زيادة شوي.

في الكيك : (كيكة ماربل) في لابريوش المخبز الفرنسي اللي في الأهلية بريزونيك .. الكيكة الوحيدة اللي آكلها لأني أكره الكيك بكل أنواعه باستثناء كيكة الأهلية شكل و طعم بصراحة.

في الشوكولاته : كان باناش ألذ واحد بس أغلقوا فرعه اللي في العين و حالياً باتشي و بستاش و اللي في العين مول بس غالي ( روكي ماونتن ).

أنواع البسكويت المالح و الحلو : (زهرة الخليج للحلويات النابلسية) في العين و بعد (فيغل الحلويات الإيرانية) بس ما أتذكر إذا كان عندهم بسكويت مالح لأنه بيفيدكم إذا زاروكم أشخاص مصابين بالسكري.
الفطير المشلتت: في (فطاطيري الزمالك) و في (فطاير الخليج).
البقلاوة : (أرلكان )و (زهرة الخليج).

بس أحلى بقلاوة ذقتها في (دبي )في مطعم و حلويات ( الحلاب) فعلاً لذيذة جداً و ما تملينها.

هذا اللي عندي و إذا تذكرت شيء بخبركن سواء في العين أو خارج العين و عزيزتي فوانيس أرسلي لي رقم (هيام ) على الخاص و ألف شكر لج.










من مواضيعي

صورة بثنـــه الرمزية
21/09/2003, 11:54 AM
الأخـت ... عــروس دبــــــي .... تسلميـــن علــى الفكــره الحلـــوه ..

طبعا .. ذكروا لج .. باتشــي وبستــاش .. في بعد في راس الخيمة محل برينــس .. وفيه في محمصــة يامال الشــام حلويات مختلفة وروووووعـــه .. وبالنسبة للكنافة والحلويات الأخرى فيه محل فراس ..

في بعـد في ستار بكس كافيــه أنواع من الحلويــات الرائعــة .. بس كبيرة الحجـم شوي .. مادري اذا ممكن يحضرون لج حجم صغير نوعا ما ؟؟ :eek2:











شكلهم لذيذ .. صح ؟؟ واااااااااااااو ..

بس خفت احط لكم زود تتخبلوووون :smile:


لو سمحتــي يا أوركيـــد ممكـن رقـم هيـام على الخـــاص ؟؟ :o



من مواضيعي

21/09/2003, 12:10 PM
ماشاء الله عليكم ما قصرتوا ما خليتولي محل اذكره :smile: انا بصراحه تعاملت مع محل للحلويات في فندق كمبينيسكي في عجمان عندهم ككاوا رهييب ويلفونه بطريقه اتجنن بس ما اتذكر اسمه لاني من زمان متعامله وياه ..


واذا تذكرت مكان ثاني مميز برجع وبكتبه تحياتي :shy:



من مواضيعي

صورة almaha555 الرمزية
21/09/2003, 02:08 PM
الموضوع وااااااااااااايد حلو .. .. وانتو ابصراحة ماقصرتو وماخليتو شي حلو ماذكرتوه ... وابصراحة أنا من محبي باتشي ... أموت فيه وفي حلوياته وأفكارهم الحلوة .. حق عرسي سويت عندهم .. ويوم ربيت بعد سويت عندهم .. صح إنه مكلف بس شي مرتب وحلو وراقي ...:shy:



من مواضيعي

صورة bonbona الرمزية
21/09/2003, 02:35 PM
مرحبا
بما إنى من عشاق الشوكولاته حبيت اشارك معاكم فى الموضوع الحلو هذا

فى المخبز الفرنسى فى شارع زايد من الخلف عنده كاكاو بلجيكى وكيكات صغيرة الحجم

وفى محل ارلكان مقابل بريد بر دبى يبيع فطائر صغيرة وعنده ايس كريم مغلف بالشوكو ومغلف بقصدير حلو بعد للتقديم بحجم الليمون

فى محل بفندق انتركونتنتال كنت احب كيكاته لكن من زمان ما رحت لهم

وبعد احب كيكات مخبز مستر بيكر

فى محل الاطايب شارع الضيافة كاكاو بلجيكى وممكن يضع اسم وصوره
على الكاكاو

اما بالنسبة للحلويات البحرينية فى محل فى مركز بوهيل رخيص وحلو كثيرلكن صوانيه عادية جدا والتغليف كمان



من مواضيعي


« مساعدوني يابنات الكويت... بنت بوظبي | ولا أروع الصراحه... »

يتصفح الموضوع حالياً: 1 (0 من الأعضاء و 1 من الزوار)
 
أدوات الموضوع ابحث بهذا الموضوع
ابحث بهذا الموضوع:

بحث متقدم


الساعة الآن +3: 12:26 AM.

 اتصل بنا - اعلن معنا - سياسة الخصوصية

Search Engine Optimization by vBSEO ©2011, Crawlability, Inc.

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 100 101 102 103 104 105 106 107 108 109 110 111 112 113 114 115 116 117 118 119 120 121 122 123 124 125 126 127 128 129 130 131 132 133 134 135 136 137 138 139 140 141