السلام عليكم ورحمة الله وبركاته
حصرياااااااا...
ردى على فكرة سالت عليها عروس فى تجهيزات بنات ليبيا ..وهى كيف ترتب السكماجة "التسريحة "لحجرة النوم "
فاحبيت ندرج فكرتى علشاان يستفيدو اكبر قدر ممكن من البنات من ردودى الجانبية ...لااستقلهاا بموضوع منفرد يعرض على بنااات المنتدى بالكااامل
اخليكم مع الفكرة
***********
فى وحدة جديدة معااش نذكر اسمهاا تقريبا امطيرة سالت على السكماجة شن اتحط فيهااا ... انى من افكارى لو مش حابة تحط مثلا صناديق خشب زى مااهى تقول انهم مش عاجبينهاا ...مع انى
انى لية راى تاانى وهو ...
حتى هما حلوات هلبة لما ايكونو مميزات ...
فالفكرة اللى عندى هى :-
انى عندى اربع سلات basket bambooست كامل بااحجام متفاوتة من خشب البامبو
(اللى ماعنديش معاه الروح ماتنسوش انه خشب صينى " تشاينيز " )... السلات مستعملة منهم حاليا فى دارى اهنى عند امالية ...وشارية منهم وحدات جدد بس على لون تاانى ان شاء الله فى حوشئ انديرهم ...
انخليكم مع صورجزء من ... ارفف عطوراتى ومستحضرات العناية الشخصية الخااص بي فى هذه السلات ...
وهذومة السلات تقدرى اديريهم للفوط سواء فى الحمام حشاكم لانه خشب يستحمل المية مايخرباااش او حتى فى غرفتك ...
ان شاء الله يعجبوك انت والعرايس وحتى المدامااات
ماتنسووو تقيمونى ........
"رد تانى على نفس الموضوع منى "
بخصوص السلات البامبو ...
هذه فكرة يعنى تقدرى اديرى سلات اصغر وبعدين لان دارك امتاع حوشك اكييد حايكون فيها ارفف وادراج استغلى بقدر الامكان هالارفف وخلى السلات للحاجات الاستعمال المتكرر ...وتقدرى هالسلات تحطيها فى الارفف "يعنى ماتشوفيش توة انى شن حاطة فيهم لان دارى توة عزابية ومافيش حد مشاركنى فيها يعنى واخدة راحتى وبعدين انى فى دارى توة ماعنديش سكماجة
زى ماشفتى ارفف امتاع مكتبة مرتبتهم بهالطريقة والمراية مستعملة وحدة فرتكل بستاند ...وهذه من الحاجات اللى لو ماعندكش فى المستقبل امراية طولية لازم تشرى امتاع الاستاند الخشبية ...
فى الاخير بس انتبهى مش اى سلات شوووفى هذومة ملبسااات
* بالقماش يعنى اى شئ بينزل ينزل على القماش وتقدرى تغسليه يعنى لو من الناس اللى يستعملو فى الروائح الزيتية او عندك زيوت للشعر "وانت عارفة الخشب لما تنزل عليه هالحاجات تخربه ويقعد منظره مش حلو بودرة او زيت او ريحة يبقى مبقع "
او المكياج والكحل "مع انى الكحل والمكياج تقدرى تاخدى نفس الرف الخشبى اللى فى حاجاتى هو خاص بالمكاتب بس ينفع تحطي فيه او اتحطيه فى تزدانات وشناطى صغيرة زى المقلمة امتاع المدارس ...وهذومة تلقيهم فى المكتبة وتلقى حاجات هلبة زى الكبابى يعنى زى اللى يحطوهم فى المكاتب استغليهم وحطى فيهم الاقلام
وهذومة مش حاتحيرى فيهم ...بس زى ماقالت اختى فيكى ماتكتريش على السكماااجة وتبقالك عجقة "زى مايقولو اللبنانيين "
وبعدين فيه تعليقة على شكل فستان عروس حتى هو خاص للاكسسوارات "زى الكولى "السلاسل " والخواتم اللى تستعملى فيهم بااستمرار " انى عندى منهم وتوة انصورهملك وتشوفيهم
يعنى السكماجة انتبهى انه يكون فيها اهم الحاجات فى الاستعمال المتكرر وبعدين ماتنسيش انها مش سكماجتك بروحك
*يعنى حصة راجلك معااك وخاصة روائحه لازم ترتبيها وتسهلى تواجدها لزوجك علشان مايقعد كل مرة وين حطيتى هذى وهذى ... يارب انكون افدتك ولو بحاجة بسيطة ...
وان شاء الله تعجبكم تجميعااتى لردودى وصورى الحصرية فى تجهيزات بنات ليبيا ...ماتنسووووووووو:thumbs_up::thumbs_ up: تقيمى لو عجبكم او استفدتووو من افكارى هذه ...