ركن العناية بالبشرة والجسم ركن متخصص لمناقشة جميع الامور الصحية و العناية بالبشره والجسم .

خبراتي في عالم العناية بالبشرة بعد الليزر .. كل وحدة تسوي ليزر تتفضل

12/01/2011, 08:29 PM

السلام عليكم ورحمة الله وبركاته

خواتي العزيزات من لا يشكر الناس لا يشكر الله .. والرجاء انكم تحطون ردود علشان ينرفع لموضوع ما يغوص تحت ومحد يستفيد منه ...

اليوم قررت أتفيج شوية وأكتب لكم موضوع مهم جدا .. أكتبه من خبرة طويلة في المجال

ما أستقبل أي أسئلة على الخاص وما بجاوب عليها أتمنى كل الاسئلة تكون ع العام علشان الاستفادة للجميع

لاحظت يا بنات إن وااايد من اللي يسوون ليزر ما يعرفون طريقة العناية ببشرتهم بعد الليزر وهالشيء يسبب كلف وتبقعات بشرة وجفاف وحتى حروق
وللأسف إن معظم اللي يسوون ليزر يسوونه يا عند صالونات او عند فنيين ليزر يعني موب عند دكتورة .. وهالناس ما يعرفون العناية الصحيحة بالبشرة عقب الليزر
اللي بكتبه هنيه هو من خبرتي ونصايح دكتورتي واللي جربته بروحي وشفت عليه نتيجه سواء من طرق عناية أو تصرفات مهمة أو حتى كريمات وأدوية ..
كل الأدوية خالية من الكورتيزون واللي فيها نسبة بسيطة بنبه لها في وقتها..

أول شيء الاحتياطات قبل الليزر
-حاولي تتركين مسافة 3 ايام بين الليزر والدورة الشهرية سواء قبل الدورة أو بعد الدورة لأن حساسية الجسم في هالمرحلة تكون عالية والألم أقوى والاستجابة للعلاج أضعف.
-الحلاقة تكون ليلة الذهاب للعيادة وايد أفضل .. فيه دكتورات يقولون خلو الشعر نبا نشوفه بس يفترض انتي تقدرين نسبة الشعر بروحج وهالشيء علشان البصيلة تكون جاهزة لليزر بشكل أفضل .
-اختاري نوع ليزر مناسب ( الاندياج الحار المتكرر الضربات أفضل نوع ) وحاولي تبتعدين عن الانواع الباردة أو اللي فيها بخ هواء بارد أو ماي .. لأن هالأنواع أقل كفاءة في العلاج
-الليزر مختلف عن السوفت لايت .. وهذا الأخير يحتاج جلسات بالسنين علشان يعطي نص نتيجة الليزر
-احرصي تكون العيادة ثقة ونظيفة ومرتبة علشان سلامتج وعلشان تحسين بالأمان
-فيه البعض يحبون يحطون بنج قبل الروحة للعيادة .. هي مافيها محظور طبي بس طبيبتي تقول الافضل الابتعاد عن البنج علشان تقدر تقيس الحرارة بشكل مناسب .. البنج يمنع البشرة من الاستجابة وبالتالي ممكن تحرقج الطبيبة وهي موب حاسة .


الحين انيي للمرحلة بعد الجلسة مباشرة ..
-لا تطلعين من العيادة بدون ما تدهنين كل منطقة الليزر بمرهم ميبو .. وقاية وحماية وتلطيف للجسم .. ريحته نفاذة شوي بس عادية ريحة بندق فاتحمليها شوية.
-في السيارة ارفعي التكييف وحاولي تسلطينه على منطقة الليزر.
-في البيت ردي حطي الميبو مرتين لين وقت النوم .
-ممنوع تغسلين المنطقة بالماي لمدة 6 ساعات بعد الليزر
-يفترض تحطين ميبو قبل النوم بعد.


الحين الكريمات اللي تحتاجينها مع طريقة الاستعمال
-الميبو مرتين لكامل المنطقة إذا ما كنتي تداومين
وإذا تداومين تتحطينه مرة وحدة بعد ما ترجعين من الدوام لازم ايتم ساعتين ع الاقل قبل النوم

-إذا تداومين أنصحج بهالكريم للجسم وحتى للويه ممتاز <هذا الكريم مفروض يكون ف كل بيت للكبار والصغار
اسمه كريم E45 تحطينه قبل الدوام يعطي طراوة وترطيب وعلاج للحروق الخفيفة


للي تحترق بالليزر أو بشرتها حساسة وايد هذا المرهم بس فيه نسبة بسييطة من الكورتيزون .. أنا عن نفسي أستعمله أول يومين الصبح بس .. وفوقه طبعا واقي الشمس .,
اسمه لوكويد

ممكن للي تحترق لساعات خفيفة أو اللي بشرتها حساسة وتبا بديل خالي من الكورتيزون تجرب كريم سيبا ميد اليديد للجروج والحروق الخفيفة
اسمه HEALING AND PROTECTIVE OINTMENT SEBAMED

ب

النسبة للبنات اللي يسوون ليزر للذراع من فوق أو الصدر أو حتى الظهر ( مع اني ضد وحدة تسوي ليزر للظهر ) .. وتطلع لهم حبوب صغيرة بسبب الحلاقة ( ممن اللي يسوون حلاوة تطلع لهم بعد ) .. هذا هو المرهم المناسب .. اسمه باكتروبان وخالي من الكورتيزون
بتلاقون منه من كذا شركة .. المهم نفس التركيبة

للي تسوي ليزر بحرارة شوي مرتفعة .. وعقب يبدا جسمها يحجها شوية مكان الحروق .. هذا هو المرهم المناسب .. بس فيه نسبة كورتيزون .. يعني ما تنتظمين عليه أكثر من 3 أيام وما تستعملينه على مساحات واسعة في الجسم .. مكان الحكة بس

اسمه ايلكوم
هذي هي الصورة الوحيدة اللي لقيتها .. سوري لأنها صغيرة




طبعا ما يحتاج أقول إن البشرة اللي مسواي لها ليزر حساسة جدا جدا ..
المفروض السن بلوك تحطينه موب أقل عن 30 .. ويفضل تاخذين نوع مخصص لليزر .. بايوديرما عندهم نوع ..


أنا أستعمل ايفني بس العادي ..



هذي معلومة يديده عليكم : تقول دكتورتي من الافضل تجنب الحلاقة قدر الامكان بين الجلسات .. تسمح بحلاقة الويه مرة أو ثنتين في الجلسات الأولى وبعد 6 جلسات تبدا تحصرها بمرة بس ..
السبب إن كثرة الحلاقة ( فيه بنات يحلقون كل 3 أيام ) تقوي الشعرة وتخفف علاج الليزر وتخليج تطولين لين تلقين نتيجة ..
تقول دكتورتي .. الطبيبة اللي ما عندها ذمة هي اللي تقول للمريضة احلقي مثل ما تبين .. هذا الشيء يأخر الجلسات والطبيبة تستفيد ماديا أكثر ..



الحين انيي للممنوعات على اللي يسوون ليزر
-ممنوع تطلعين بدون سن بلوك نهائيا في النهار
-ممنوع تحطين ميك أب ثقيل ( كريم أساس سينمائي ) لمدة أسبوع علشان بشرتج ما تتبقع .
-ممنوع الحمام المغربي اسبوع
-ممنوع السباحة في الاحواض أو البحر 3 أيام للجسم كله وإذا مسوية الويه اسبوع
-ممنوع أي جلسات تنحيف بالليزر ( زيرونا ’ ال بي جي ’ هالسوالف يعني )
-ممنوع تقشير البشرة في العيادة لين اسبوعين وفي البيت لين اسبوع ( بأي مقشر لطيف حتى لو مال المشمش )
-ممنوع تنظيف البشرة في العيادة لمدة اسبوعين وفي البيت لين اسبوع.
-المفروض ما ترشين عطور أو تحطين ديو درنت فيه كحول على المناطق المعالجة 3 أيام .
-ممنوع الرياضة العنيفة اللي لين تعرقين 3 ايام
-ممنوع تغسلين جسمج أو ويهج بماي حار 3 أيام
-ممنوع تستعملين الصابون 3 أيام .. البديل استعملي غسول سيتال .. هذا أصلا غسول خالي من الصابون يستعمل للمناطق الحميمة .. أنا أتسبح فيه .. أساسا هو بطل اشكبره لو سنة أغسل فيه الحميمة ما بيخلص .. وأنا أحب أغير الغسول الحميم كل 6 شهور فهذي طريقة حلوة استفيد فيهت منه .. أتسبح فيه 3 أيام بعد الليزر



للويه استعملي غسول خالي من الصابون بشكل دايم أحسن لج وفيه منه أنواع قد شعر راسج .. اختاري بايودرما أو افني .. أو أي ماركة طبية ..


هذا كل اللي رمت أتذكره وأي شيء بذكره برجع أحطه هنيه ..

ماله داعي أذكركم إني تعبت في الموضوع , ولعزيزاتي اللي يحبن نقل المواضيع استريحن بتييكن الدلة اروحي نبقل موضوعي لأني مشتركة ف كل منتديات النت .. واللي بنتقله مكان بشتكي عليها وما بسكت لين تنطرد ..


حبوباتي ,, هذا جهد خالص لوجه الله سبحانه من تجاربي الشخصية مافيه دعاية لأي دوا وأنا موب صيدلانية ولا طبيبة ارجوكم التأكد من الصيدلي قبل شراء الدواء إذا عندكم نوع من الحساسية .. الأدوية اللي فوق للناس الطبيعيين موب المرضى .. لا تضيعون لي جهدي ولا تخلوني أندم ..



دعواتكم لأبوي في قبره .. اللي ما تروم تكتب رد تنقل هالدعاء وبكون شاكرة لها .. واللي ما تروم أرجوووها تقرى الدعاء وتدعي له بالرحمة في قلبها .. هو بحاجة الدعاء لا تبخلون عليه ..

اللهم ارحم ( محمد بن عبدالله) رحمه واسعه وتغمده برحمتك , اللهم أرحمه فوق الأرض وتحت الأرض ويوم العرض عليك , اللهم قه عذابك يوم تبعث عبادك , اللهم أنزل نورا من نورك عليه , اللهم نور له قبره ووسع مدخله وأنس وحشته , اللهم وأرحم غربته وشيبته , اللهم أجعل قبره روضه من رياض الجنه لاحفره من حفر النار, اللهم اغفر له وارحمه , وارزقه الجنة التي وعدت بها عبادك الصالحين.



من مواضيعي



صورة على خطى الحبيب الرمزية
12/01/2011, 08:30 PM
ما شاء الله

موضوع مفيد ومميز

ربنا يرحم والدك ويجعل مثواه الجنة



من مواضيعي




سًبًحًآنً الله وَبِحَمًدًه .. سًُبحَآنً الله العًظِيٍم
عَدُدً مًآكًآنً و عًدًدُ مًآيًكونً وعًدًدً الحًرًكًآتِ وً السّكوُوُنِ !




12/01/2011, 08:40 PM
ما شاء الله

موضوع مفيد ومميز

ربنا يرحم والدك ويجعل مثواه الجنة

شكرا يا غالية .. الله يرحم موتانا وموتى المسلمين



من مواضيعي

12/01/2011, 08:51 PM
يسلمو خيتو يعطيج العافيه وفعلا الليزر راحه وحده مجربه



من مواضيعي

12/01/2011, 08:52 PM
ان شاء الله مايغوص مثل ماغاص موزوعي



من مواضيعي

صورة ام خلودي جده الرمزية
13/01/2011, 02:12 AM
تسلمين والله انا نفسي اجرب الليزر على اباطي وبطني ووجهي واكيد ايديني وفعلا راح تفيدني تجربتك وموضوعك يسلموا



من مواضيعي

16/01/2011, 09:37 PM
شكرا حبوباتي على المرور .. واللي مروا ولا ردوا الله يسامحكم ..



من مواضيعي

صورة دلوعة أبوهاااا الرمزية
16/01/2011, 09:48 PM
مشكووووووووووورة حبيبتي



من مواضيعي

سبحان الله وبحمده ..
سبحان الله العظيم ..
16/01/2011, 11:03 PM
مشكوووووورة ع الموضوع المفيد
والله يرحم ابوك ويوسع عليه مدخله وجميع موتى المسلمين



من مواضيعي

صورة ابتسامة قلب الرمزية
16/01/2011, 11:14 PM
الله يرحم والدك ويغفر له

جزاك الله كل خير على الافاده في موازين حسناتك ان شاء الله



من مواضيعي

قناة وصال الفضائية ... للدفااااع عن خير البريـــة
اللهم انصر اهل السنه في سوريا اللهم كن لهم عونا ومعينا اللهم ورحم شهدائهم اللهم وثبت اقدامهم وطعم جائعهم وامن خوفهم ونصرهم على من عاداهم اللهم عليك بالظالم وزمرته فانهم لا يعجزونك
أماه يا أماه لا لا تحزني عرضي وعرض أبي وكل الأقربين جعلت فداك فأنتي عنوان التقى والطهر والإيمان والعقل الرزين ولقد رماكي المرجفون بفرية تنبيكي عن غدر وحقد دفين آذوا رسول الله ماذا بعدها!
  • 1
  • 2
  • 3

« السر في تطويل وتكثيف الرموش | خلطة وصفة تجربتي يابنات في تفتيح المنطقه الحساسه بياااااااض للبشرة »

يتصفح الموضوع حالياً: 5 (0 من الأعضاء و 5 من الزوار)
 
أدوات الموضوع


مواضيع مشابهة
الموضوع المنتدى
نصيحه لكل بنت تفكر تسوي ليزر الفراكسل اوليزر حق شعر الوجه ركن العناية بالبشرة والجسم
اللي تفكر تسوي ليزر ممكن تدخل هنا.... ركن العناية بالبشرة والجسم
أحسن عيادة أو مستشفى تسوي ليزر..... ركن العناية بالبشرة والجسم

الساعة الآن +3: 10:45 AM.

 اتصل بنا - اعلن معنا - سياسة الخصوصية

Search Engine Optimization by vBSEO ©2011, Crawlability, Inc.

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 100 101 102 103 104 105 106 107 108 109 110 111 112 113 114 115 116 117 118 119 120 121 122 123 124 125 126 127 128 129 130 131 132 133 134 135 136 137 138 139 140 141