ركن العناية بالبشرة والجسم ركن متخصص لمناقشة جميع الامور الصحية و العناية بالبشره والجسم .

Like Tree1Likes

بالصور تجربتي لعلاج بشرتي بالديرما رولر

01/01/2011, 03:38 PM

السلام عليكم اخواتي....
مادري لو حد نزل هنيه اي معلومات عن جهاز ديرما رولر ... بس انا بعطيكم نبذه عن قصتي ويا اثار الحفر وعيادات الجلديه وبعدين بعطيكم نبذه عن الجهاز

اول شي بخبركم انا كنت اعاني من حب الشباب وعالجته الحمد لله بس بقت الاثار والحفر والندب ....وايد كانت مسببتلي ازعاج ... انا من النوع اللي ما احط فاونديشن وبودره وهالسوالف عشان جيه متعايشه مع الحفر وراضيه فيها بس وقت المناسبات والاعراس احس ويهيييييييي مب شي لما ينحط له ميكب لانه الحفر وايد تبين وهالشي كان وايد يضايقني....
طبعا انا من 2004 كنت اسوي جلسات ليزر للحفر ف عيادة جلديه ف بريطانيا ... وبعدين سويت ليزر للحفر وتقشير ف هلث سبا ف بريطانيا ...ولما رديت عمان استمريت ع جلسات الليزر عن ف عياده لدكتوره مشهوره ...وطبعا كنت مستانسه على سعر الجلسات بوايد ارخص عن بريطانيا وكنت اسوي الجلسات كل 3 اسابيع ... بعدين طحت على دكتور جلديه مشهور وتميت اتعالج وياه لمده سنتين والله اني كنت اسوي جلسات تقشير كريستالي +ليزر لمدة سنه عنده اسبوعيا:hysterical: كان معطني اوفر حلو حق الجلسات اسوي 4 جلسات ليزر للحفر ب 1000 درهم و5 جلسات تقشير كريستالي ب 600 درهم ... عسب جيه كان عادي عندي اسير له كل اسبوع عشان احصل نتيجه .. بعد السنه قلتله اني خلاص مليت واصرف ع الفاضي .. المشكله ان كل اللي كنت اسوي وياهم ليزر كانوا يعطوني جرعه امل ان بشرتج حلوه والليزر يايب نتيجه يعني النيرسات والدكاتره عسب ما تملين منهم يعطون من هالكلام انه تحسنت البشره والحفر خفن و و و من هالخريط ..وسويت مرتين فيلر انجكشن (يحقنون ويهي بالابر عشان يرفعون الحفر ويخف العمق ومفعوله المفروض ست شهور...انا تم عندي شهر بس !! ) . المهم انا قلت حق الدكتور خلاااص مليت مابا اواصل ...قالي اوكي انا يايب علاج يديد هالكلام كان ف شهر 11/2009 وخبرني عن الديرما رولر وعطاني معلومات وتميت ابحث ف النت وحسيت انه نايس وممكن يحل لي مشكلتي ... وسويت الجلسه الاولى وحبيت النتيجه صدق حسيت ان الحفر قلت وااايد ..........
وبعدين تميت اسويه كل ست اسابيع وبعدين مره كل اسبوعين ...كل جلسه اتكلفني 1000 درهم....للعلم الدكتور مايحطلي دوا ف ويهي ..على طول يمرر الرولر...من شهر 11/2009 الى شهر 8/2010 وانا اسوي جلسات ويا الدكتور ...
المهم اتعرفت ع نيرس تشتغل ف عيادة جلديه وهي وفرتلي الجهاز ب 500 درهم ويا دوا خاص بالحفر ب 700درهم ... واسويه بروحي ف البيت طبعا خلاص استخدم الطريقه البروفشنال من كثر الجلسات اللي سويتها اعرف كيف استخدم الجهاز...وبديت اول جلسه بعد عيد الفطر يعني ف نص شهر 9...واسوي ف الاسبوع جلستين...والنتايج وااااااااااو .... طبعا علمت اختي ع الجهاز ...هي استخدمت الجهاز ويا دوا النضاره وماشاء الله النتايج حلوه .. وحاليا تستخدمه ويا دوا لفتنغ ونااايس,,,,
انصح كل وحده تبي تعالج بشرتها تستخدم هالجاز مع الادويه الخاصه به ...وتتاكد من مصدر الجهاز ..يعني لاتشترون من النت الا من الموقع الاصلي للديرمارولر..انا النيرس وفرته لي وهالجهاز والادويه يستخدمونها ف عيادات الجلديه يعني اشياء مضموونه ..بس اللي ف النت فيه مواقع تجاريه اتبيع بس المواد المصنوع منها الجهاز مب مرخصه طبيا ...هالكلام بتقرونه ف الموقع الاصلي للجهاز انه عندهم شهاده ترخيص طبيه للمواد اللي مصنوع منها الجهاز والابر ..
لان بعض انواع المعادن اللي يصنعون منها الابر والغير مرخصه طبيا تأثر على البشره وتسويلها التهابات ...:study:لا تقولون ما خبرتكم ....

احم لا تخافووون من شكل ويهي خخخخخ ... واذكروا الله ع النتيجه الحلوه ... هذي صوري من شهر 9 لين 12....الفتره اللي سويت فيها الجلسات برووحي ف البيت ....بمعدل جلستين ف الاسبوع بس قطعت ف الفتره من 7-22 نوفمبر لاني كنت بالحج....


الحمد لله التغير ملحوووووووظ ,,,,
للعلم تقريبا عدد الجلسات اللي سويتها بالبيت اكثر من 24 جلسه للحين وبسعر 1200 خخخخ تقريبا سعر جلسه وحده ف العياده



هنيه نبذه عن الجهاز لطشتها من النت ...



الأداة بإختصار صممت لتجديد شباب البشره ومعالجتها من أغلب المشاكل المعروفه في مجتمعنا الخليجي ..
مثل
- ندبات حب الشباب Acne Scars
- المسامات الكبيره Large pores
- خطوط التمدد البيضاء والحمراء Stretch Mark
علامات التمدد باليدين والأفخاذ والأرداف والبطن بعد الحمل والولاده وبطن الركبه وكل العلامات بالجسم بعد السمنه او الولاده .
- ازالة السلولايت cellulite اللي هي زي قشر البرتقال بالأرداف .
- التجاعيد wrinkles
- تساقط الشعر او فروة الرأس المصلعه hair loss
- ازالة آثار الحروق والجروح واثار التعرض للشمس .
- بهتان البشرة وفقدان بريقها الحاصل من قلة وجود الكولاجين بالبشره


كيفية عمل الآلة :
عملية تثقيب ميكانيكي لطبقة الجلد الخارجي و السماح لامتصاص الكريم او الجل او السيروم عبر الجلد و لتحفيز وحث الكولاجين الطبيعي في طبقات الجلد
لا تؤلم ولكن تدغدغ شئ بسيط وربما تدمع عينك او تعطسين عندما تجربينها لأول مره على الخد .
ستلاحظين احمرار خفيف بالبشره وهذا دليل ان الابر توغلت ببشرتك واستفدتي منها وفي غضون ساعتين بالكثير ان شاء الله يروح الأثر نهائي وتشوفين اللمعه بوجهك وتحسينه صار اكثر حيويه سبحان الله .


الأبر عندما تبدأ تغزز ببشرتك تبدأ خلايا بشرتك وخصوصاً الكولاجين يدافع عن نفسه يبدأ يفرز كميات اكبر وتتجدد الخلايا وبكذا خليتي الكولاجين يظهر على طبقة الجلد الخارجيه بدل ماهو متخبي .




قياسات الرولر واستخداماتها :


الرولر مقاسات 0.2 mm
0.3 mm


تستخدم لـ :
ترميم الجلد
تحسين ثعلبة


الرولر مقاس 0.5 mm


تستخدم لـ :
تبييض البشرة
تحسين تصبغ الجلد
تحسين التجاعيد (منطقة العين)
تحسين ثعلبة
تحفيز الكولاجين


الرولر مقاسات 1.0 mm
1,5 mm
2.0 mm


تستخدم لـ :
تحسين التجاعيد
تحفيز الكولاجين
تحسين ندبات الجلد
علاج السيلوليت
سماكة الجلد


وهذه المقاسات للإستخدام الشخصي ..
وهنا تختلف المقاسات على حسب سماكة الجلد واستجابتة للتحفيز .. لكن المقاس 1,5mm انا اشوفه جداً مناسب للندبات بالوجه والسترتش مارك بكل الجسم ولتحفيز الكولاجين عموماً بالوجه والرقبه وللتجاعيد لكامل الوجه ( عدا منطقة العين لأنها رقيقه مخصص لها مقاس اقل ) ..


وربما السلولايت يحتاج مقاس اعلى كـ 2,0mm لأن منطقة االأرداف اسمك شوي من باقي الجسم وفيها دهون اكثر يعني يادوب يوصل لطبقة الكولاجين عشان يحفزها ..


وهناك مقاسات للإستخدام بالعيادات اللي هي أعلى من 2,0mm الى 3,0mm لأنها لازم اخصائي متمكن في هالمقاسات وماتصلح للإستخدام الشخصي ..




ما فائدة الآلة :


* لندبات حب الشباب الدائمه وكذلك المسامات الكبيره :
وهي ندبات تحصل بعد ان يختفي حب الشباب والصراحه اني عانيت منها كثير وسببت لي حرج وكلفت علي مبالغ كبيره لمعالجتها بدون فائده . وأقدر اقول ان الرولر هي العلاج الوحيد في العالم ( حتى الآن ) لعلاج ندبات حب الشباب روحه بلا رجعه لأنه تحفز الكولاجين لين تعبي الفراغات الموجوده واذا حافظتي على النتيجة بتحفيز الكولاجين لو بالشهر مره ماراح ترجع الندبات ابداً بإذن الله



للتجاعيد وشيخوخة البشرة لمنع ظهورها او التقليل من وجودها :
بحيث انها تحفز الجلد على إنتاج جديد تشكيل الكولاجين ، مما يقلل التجاعيد ، وتحسين نسيج الجلد وجابت نتائج رائعة وبإمكانك الرجوع لليوتيوب لمشاهدة النتائج .


مميزات الآلة :

- تسوين عدة جلسات لبشرتك او شعرك بنفس الآله اللي دفعتي ثمنها أول مره بدل ما تدفعين لكل جلسه مبلغ وقدره .

- لا توجد آثار جانبية سلبية معروفه لكل من جربها بالمواقع الأجنبية ولا يوجد له أي ضرر على الجلد .
- يمكنك استخدامه في المنزل ، و في أي وقت .
- تزيد من فعالية مستحضرات التجميل على البشره والإستفاده اكبر قدر ممكن من اي مستحضر .
- تحفز الاستجابات الفسيولوجية وخاصة الكولاجين في البشرة ويعيد بناء الكولاجين في البشره .
- يزيل الخلايا الميته
- ينشط الدوره الدمويه
- منتج آمن لا تحتاجين لعمليات جراحية او كولاجين صناعي .
- ويمكن استخدامه على الجلد الرقيق
- ويمكن استخدامه في جميع مناطق الوجه والعنق والجسم
- مصنوعه من مواد غير قابلة للصدأ .
- ويمكن استخدامه عدة مرات بعد تنظيفه بأي معقم


طريقة الإستخدام :

طبعا لابد من التعقيم لوجهك وللأداة قبل وبعد كل استخدام ..

عقمي وجهك مثلا بمسحات طبيه او كولونيا او اي غسول منظف ..
وعقمي الرولر بديتول ومرريها على فوطه دافيه نظيفه عشان تتعقم ..



ثم تمررين الرولر على المنطقه المراد معالجتها بشكل افقي 10 مرات وبشكل عمودي 10 مرات ، تمررينها بضغطه خفيفه لين تحسين بالوخز مو بشكل قوي تعورين نفسك

يمكن اول استخدام وثاني استخدام تحسين بألم اكثر لكن بعد كذا تتعودين ولا تحسين الا بدغدغه بسييييطه لا تكاد تذكر .. زي الحلاوه اذا شلتي فيها كم مره اول المرات تؤلمك وممكن يلتهب المكان وبعد كذا خلاص يتعود جسمك عليها والألم يصير عادي مررررره .




تحطين فيسودين او مومينتا او اي كريم مضاد للإلتهاب سواء قبل تبدين الرولر او بعد ما تخلصين ..




اذا كنتي تريدين السرعه في النتيجه او نتائج احلى استخدمي كريمات تحبينها لبشرتك مثلا كريم كولاجين او فيتامين هـ او أي نوع ودك تستفيد منه بشرتك بشكل اسرع .. وحطيه قبل استخدامك للرولر او بعد استخدامك لها ( بعض الخبراء يحطونها هالمستحضرات قبل وبعضهم بعد كلن حسب رأيه ووجهة نظره ).. لأنك بالرولر تخلين الكريم يتغلغل داخل بشرتك ويستفيد منه اقصى استفاده ..




النتيجه :

قام الدكتور فيليب سيمون وهو دكتور جلدية سويسري مشهور بعمل دراسة على 600 شخص وبعضهم افارقة ممن لديهم مشاكل كالتجاعيد والندبات والسيلوليت والتشققات ...

وكانت النتيجة بعد تعرضهم لـ 6 جلسات علاجية فقط كالتالي:
تحسن 40% بالنسبة لشيخوخة الجلد
و 60 % بالنسبة للندبات واثار حب الشباب والسيليوليت ..






الآثار الجانبية للآلة :

لا توجد اي اثار سلبيه معروفه حتى الآن وسألت دكتور استشاري جلديه وتجميل بمستشفى بالرياض عن اضرارها وقالي انها افضل منتج لحل الندبات وتحفيز الكولاجين الطبيعي ومامنها اي ضرر بالمستقبل ان شاء الله إلا انك تعقمينها بين كل فتره وفتره .

وربما تشتكتي بعض النساء من احمرار او التهاب وهذا راجع لطريقة استخدامها للرولر .. إما انها ماعقمت الرولر او انها ماعقمت بشرتها ولا حطت كريم مهدئ بعد العلاج بالرولر زي كريم مومينتا او فيسدين او اي مهدئ ، أو انها ضغطت على بشرتها بالرولر لين تجرحت وتعورت .





ملاحظات :

الآلة للإستخدام الشخصي فقط ماينفع يستخدمها اكثر من شخص لمنع تناقل البكتريا .. والأفضل برضو انك تخصصين لبشرة وجهك اداة ولجسمك اداة ثانيه ..



رأي فلاور الشخصي...
انصح كل عروس وحرمه وبنت تستخدمها لان هالاداه مب بس حق مشاكل البشره من حفر وغيره ..لا هي تحافظ على نضارة البشره وتجدد الخلايا وتحفز الكولاجين وتعالج التجاعيد يعني اللي تستخدم الجهاز بانتظام ان شاء الله ما تطلع لها خطوط تجاعيد واللي فيها بتقل ان شاء الله ....شخصيا شفت اجنبيه عمرها ف الخمسينات تمدج جلسات الرولر وتقول حست بالنتيجه حلوه للتقليل من التجاعيد من ثاني جلسه بنسبه اكثر من 40%
ابصراحه استخدام الجهاز والادوايه اغناني عن جلسات التقشير والفيشل والخلطات والكريمات والخرابيط الثانيه...
بنات اي استفسار انا حاظره ...ولا تنسوني من دعاتكم الطيبه ....



من مواضيعي



صورة تحكمني قناعاتـي الرمزية
01/01/2011, 04:23 PM
بـارك الله فيك ع افادة



من مواضيعي

{اللهم استودعتك نفسي وزوجي واهلي وكل شيء احبه في دنيا من كل شر يامن لاتضيع ودائعه}





لآ أحتآج لأن أُعرف [ بنفسـۓ ] فگرآمتي عنۈآني !! ۈگبريآئي يـهد آلجبـــآل


صورة أميرة * A * الرمزية
01/01/2011, 04:25 PM
ما شاء الله تبارك الله فرررق وااااااضح :thumbs_up:
الحلو إنك ما يأستي و استمريتي في البحث عن أفضل العلاجات
ربي يوفقك و نشوف مكياج العروس على بشرتك الجديدة



من مواضيعي









01/01/2011, 04:52 PM
وعليكم السلام ورحمة الله وبركاته

ما شاء الله إن شاء الله دووووووم بشرتج تكون صافية

شكرا أختي على نقل تجربتج

تم التقييم تستاهلي حبوبة

أختي الرولر يناسب جميع أنواع البشرة ؟ لأن أنا بشرتي دهنية وحساسة وأعاني من حفر صغيرة ؟ وشكرا



من مواضيعي

01/01/2011, 05:15 PM
بـارك الله فيك ع افادة
تسلمين ع الرد قلبووووو وربي يسعدج امين

ما شاء الله تبارك الله فرررق وااااااضح :thumbs_up:
الحلو إنك ما يأستي و استمريتي في البحث عن أفضل العلاجات
ربي يوفقك و نشوف مكياج العروس على بشرتك الجديدة
امووورتي منوره المكان ب طلتج عسى السعاده ماتفارقج وربي يسهل لج الحمل والولاده اميييييييييين،،
فديتج تسلميلي ع الدعوه الحلوه

وعليكم السلام ورحمة الله وبركاته

ما شاء الله إن شاء الله دووووووم بشرتج تكون صافية

شكرا أختي على نقل تجربتج

تم التقييم تستاهلي حبوبة

أختي الرولر يناسب جميع أنواع البشرة ؟ لأن أنا بشرتي دهنية وحساسة وأعاني من حفر صغيرة ؟ وشكرا
هلا الغلا تسلمين ع المرور والدعوه الحلوه،،،
هيه فديتج ينفع حق البشره الحساسه بتستخدمين سايز صغير للحفر لانها بسيطه وبالنسبه للدهون بينفعج لانه يساعد ع ضبط الدهون ف البشره



من مواضيعي

صورة الجوهرة الرمزية
01/01/2011, 05:32 PM
الله يجملك زياده وزياده

واكثر واكثر

<<== تغيير يعني

ماشاءالله تبارك الله

ان شاءالله البنات يستفيدون

وماقصرتي الغاليه



من مواضيعي

و ممـا زادنى فخــراً و تيهـاً....وكــدت بأخمصى أطأ الثريـا
دخولى تحت قولك يا عبادى....و أن صيرت أحمداً لى نبيــاً
ابن الجوزي
إعلم أن الناس إذا أعجبوا بك, فإنما أعجبوا بجميل ستر الله عليك.
اللهم انصر الاسلام والمسلمين
01/01/2011, 06:00 PM
مشكوره وان شاء الله دوم بشرتج خاليه من العيوب وصافيه ان شاء الله يستفيدون اللي يعانون من مشاكل ببشرتهم



من مواضيعي

01/01/2011, 06:09 PM
تسلمن حبوبات ع دعواتكن الطيبه ربي يسعدكن امييين


الله يجملك زياده وزياده

واكثر واكثر

<<== تغيير يعني

ماشاءالله تبارك الله

ان شاءالله البنات يستفيدون

وماقصرتي الغاليه
مشكوره وان شاء الله دوم بشرتج خاليه من العيوب وصافيه ان شاء الله يستفيدون اللي يعانون من مشاكل ببشرتهم



من مواضيعي

صورة جروح الوله الرمزية
01/01/2011, 06:55 PM
ماشاء الله وجهج صار منووووووور

موضوع حلوووووووو ومفييييد

تسلمي يالغلا .. تستاهلين التقييم بس الميزان معند ..

ربي يوووووووفقج حبووووبة ..~



من مواضيعي

صورة سنفورة حبيبي الرمزية
01/01/2011, 07:20 PM
مشكوورة اختي على نقل تجربتج ، وان شاء الله على طول يظل ويهج منور
بس حبيت اسال من يعرف من وين اشتريه من البحرين ؟ او اذا احد يقدر يوفره لي
واذا ممكت تحطي الموقع الاصلي للجهاز



من مواضيعي


« تحذير من الفازلين في العيون | تعالي دشي شوفي ماروكووو شو سوت اليوم »

يتصفح الموضوع حالياً: 7 (0 من الأعضاء و 7 من الزوار)
 
أدوات الموضوع


مواضيع مشابهة
الموضوع المنتدى
طريقة استخدام المرة لعلاج الحبوب ....... تجربتي بين يديك ركن العناية بالبشرة والجسم
من تجربتي 4 مشاريب لعلاج الكحه بالصور الجوافه والزعتر والينسون والجنزبيل البصل المشوي ركن الطب البديل
الدريما رولر استفسارات العناية بالبشرة والجسم
والله والله والله العظيم انو بشرتي بيضت بعد ساعه مضمونه على تجربتي انا والله ادخلو>>> ركن العناية بالبشرة والجسم
اتفضلوا .((تجربتي في علاج بشرتي)).... وهتستفادو بالصور ركن العناية بالبشرة والجسم

الساعة الآن +3: 05:20 PM.

 اتصل بنا - اعلن معنا - سياسة الخصوصية

Search Engine Optimization by vBSEO ©2011, Crawlability, Inc.

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 100 101 102 103 104 105 106 107 108 109 110 111 112 113 114 115 116 117 118 119 120 121 122 123 124 125 126 127 128 129 130 131 132 133 134 135 136 137 138 139 140 141