فراخ مشوية بشواية الفرن وبطريقتي
السلام عليكم ورحمة الله وبركاته
مساء الخير صبايا وبنات عروس
كتير استفدت من طرحكم المميز والرائع دوما
وأكلاتكم المنوعة والشهية
حبيت أشارككم بطريقة احبها كتير للفراخ المشوية
وكتير من صديقاتي مدحوني فيها
نبدأ بسم الله ونقول
المقادير
http://www.3roos.com/files/ups/2011/...1293278893.jpg
خردل - كاتشب-مايونيز- خل
http://www.3roos.com/files/ups/2011/...1293278893.jpg
ملح -فلفل -هيل -روزماري -توابل -ثوم ناعم
الطريقة
حنخلط كل المكونات دي مع بعض بس حنسيب الهيل على جنب
وحيكون شكلها كده
http://www.3roos.com/files/ups/2011/...1293278893.jpg
حنجيب الفرخة ونغسلها كويس جدا بالميون ونشطفها ونحضرها للتقطيع
http://www.3roos.com/files/ups/2011/...1293278893.jpg
حنقلبها على ظهرها وبالسكينة ومن فوق من عند الرقبة نبدأ الشق
http://www.3roos.com/files/ups/2011/...1293278893.jpg
وبعد كده حنفردها ونضغط عليها ببطن ايدنا
http://www.3roos.com/files/ups/2011/...1293278893.jpg
حنقوم بالدق بالمدق الخشبي لو مش موجود عندك بظهر السكينة وخلي بالك
وكمان حنعمل فيها فتحات صغيرة جداااا
هنا كمان من وشها
http://www.3roos.com/files/ups/2011/...1293278893.jpg
حنبدأ بتتبيلها بالتتتبيلة الجاهزة عندنا ومن كل حتة ونتوصى شوية
وحنسيبها لمدة ساعتين او ثلاثة او من بالليل يبقى افضل بكتييير
http://www.3roos.com/files/ups/2011/...1293278893.jpg
نيجي بقى لتجهيزها للشوي
حنجهز صنية فيها ماية ونحط فيها ورق غار وهيل ولو باقي شيء من التتبيلة نحطها معاهم
حتدي طعم وريحة جميلة جدااا
http://www.3roos.com/files/ups/2011/...1293278893.jpg
حنحط الصنية دي في آخر الفرن ونوسط الشبكة السلك في الوسط
نخلي بالنا متكونش قريبة من الشواية من فوق علشان النار متحرقش الفرخة
نحط بقى الفرخة في وسط الشبكة السلك
http://www.3roos.com/files/ups/2011/...1293278893.jpg
خلال نصف ساعة من تركها تحت الشواية حنقلبها ونسقيها من الصوص الى حيتكون
في الصينية مرتين ثلاثة
ودي النتيجة النهائية طبعا المنتظرينها والطعم بجد راااااااااااائع
http://www.3roos.com/files/ups/2011/...1293279167.jpg
طبعا بنفرش تحتها طبقة بطاطس شيبسي ونحضر سلطة زبادي ومكرونة
يارب تكون الأكلة نالت اعجابكم وتجربوها وتدعولي
منتظرة ارآئكم وتوجيهاتكم
ملحوظة : تاريخ الصور مكنش مظبوط على الكاميرة ومنتبهتش الا بعد ماصورت