بصراحة هاد الشغل تعبني كتير وسهرني ليالي واتكسرت رجليي بلاسواق :064:
اول طلب واهم طلب ادعولي الله يعجل زواجي ويرزق خطيبي ليقدر يفرش البيت يلي اشتراه
الحمد لله بعد الصبر رزقنا ربي ببيت صغير الحمد لله وعقبالكم:074::077::052:
ويطلع عرسي احلى عرس بالدنيا ههههههه طماعة :086::03:
ويسعدني مع خطيبي ببيت الزوجية ويبعد عنا المشاكل قولو امين من قلبكم :072:
منجي للمهم
هلق انا طلبت المساعدة بس اول مرة حذفولي الموضوع وتاني مرة مالقيت كتير
تفاعل :047:
المهم انا نظمت حفلة ابن اخته لخطيبي
وقررت اعمل الحفلة بثيم الشون ذا شيب الخواريف الدارجةهلق
يعني موضة وكتير حلوين:093:
اول شي رح حطلكون البطاقات الدعوة وعنجد بقيت اسبوع
كامل وانا عم صمم بطاقات الدعوة وطبعا بعد لفة عالمكاتب ماحدا بيطبع :036:
قررت اسوي البطاقات بالبيت شغل ايدي
اول شي صممت البطاقة ونزلت صور الشون ذا شيب من النت
والعبارات اخدتا من عضوة بالمنتدى نسيت اسمها الله يخليلها ابنها يارب
هلق بعد التصميم لقيت البطاقة ناشفة فنزلت خلفية عليها هلق البطاقة عملتها
بالفوتوشوب بس الخلفية الارضية يعني بالباور بوينت خففت اضاءتها ولونها
وعملتلها استدارة ثلاثية الابعاد على الجنب يعني صارت كانها علارض والصورة كمان
من النت طبعا عملت كذا خلفية
جبت دفتر الرسم وقصيت عشرين ورقة 16سم ب16سم طول وعرض
وجهزت الطابعة انها تطبع على هذا الحجم وللعلم انا طبعت من برنامج الفوتوشوب
لانو بقدر اتحكم بالطابعة كيف مابدي وحطيت انو حجم الورق مخصص وعندي مابيكتب بالسنتمر:020:
بس بالبوصات واخي الله يرضى عليه قلي قديش 16سم يعني كان يمكن 7بوصات
وطبعت البطاقات وبعد اطباعة هي بعد الخلفية
ثقبت البطاقة تقبين عندي الة ثقب هاد كلو من افكاري;):042:
من فوق وتحت على جنب
ودخلت شريطة خضرا
ولزقتها من ورا :thumbs_up:
وعملت فيونكات عقد صغيرة
ولزقتها على الشريطة
وجبت صوف ولزقته على جسم الخروف تيمي :027:
وهيك البطاقات صارت جاهزة
(بالنسبة للزينة هلق بحط صورها تحت انا كمان اشتريتها مع صحون خضرا وملاعق وشوك
وكاسات كلو اخضر )
هلق منجي للمهم والاهم الخواريف هههههههه :022::022::022:على فكرة البيبي اجى السنة الماضية باول يوم بعيد
الاضحى هلق صادف يوم ميلاده بعد عيد الاضحى بيومين فاعتبرتهم حماتي انو اضاحي ههه
اولا الاغراض يلي استعملتهم
ديكرون لحشي الخواريف
قماش اسود شامواه لليدين والرجلين
عيون
صوف ابيض
قماش ابيض او بطانة بيضا لنحشي فيها الديكرون
سلل صغيرة عملنا 30 خاروف يعني 30 سلة
ووصيت محل الزينة يطبعلي عبارة
my first birthday واسم البيبي وتاريخ عيد الميلاد عللا قطعة حديد
30 كمان العدد:thumbs_up:
وطبعا نحنا بحاجة لفرد السيليكون للتلزيق والمقص اساسي
والمسطرة
وللصينية الستاند
سياج من محلات الزينة وحشيش صناعي
طريقة الصنع
اولا رح نصنع الرجلين عملت العرض 4سم والطول 8سم لانو لسا بدن يتلزقو
وينحشو رح يصغرو وفعلا تعذبت كتير وبابا ساعدني الله يخليه الي وقصلي 80 رجل ولزقهم
اذا مافهمتو شو يعني كملو بتعرفو شو بقصد بالتلزيق
واناا لقيت التلزيق اسهل واسرع من الخياطة:092:
المهم العذاب جايو مو هون صرت اقطع القماش 4*8سم
وحط كل 6 قطع فوق بعض وقص
وتعذبت وتعبت كتير صدقوني المهم تدعولي
وبس خلصت قيت الطرف مشان يصير بيضوي يبين رجل
وبعدين لزقت كل 2مع بعض
وطبعااتعذبت لانو شي يطبق وشي لاء مو كل القصات طلعت نفس الشي
عملت 120 رجل لانو هنن 30 خاروف ونحنا بحاجة ل60 رجل وكلرجل بدها 2 نلزقهم
مشان هيك متت من العذاب لسا العذاب الاكبر قادم هههههههه
هي الرجلين خالصين
منجي للعذاب الكبير الايدين اكتر شي عذبوني
قصيت متل الرجلين 4*8 بس هالمرة على كل قطعة ارسم شكل اليد
وقص
وكمان صرت حط كل 5قطع فوق بعض وقص
وبعد يوم كامل بس بالقص لزقت كل ايدتين مع بعض
اليوم يلي بعدو بلشت بحشي اليدين والرجلين واختي ساعدتني كان باقي للحفلة يومين بسسسسسسسس:058:
وهي اليدين بعد الحشي
بعد يوم كامل ايضا
بقي يوم واحد
مانمت غير 4 ساعات :056:وفقت الخميس كان الاحتفال الجمعة
وعملت الاجسام هون بقى عملت 18سم طول بعرض 11ونص هيك لقيت احلى قياس
بعد عدة تجارب
وبلشت قص البطانة بس هون كل جسن قص لحال لانو هيك ومايطلعو زابطين
وبعد القص
تلزيق طبعا منترك فراغ لنحشي مومنلزق كل الجوانب :ok:
وبعدين الحشي
وهيك الاجسام ال30 خالصين
منجي بقى للراس تبع الخالروف وهون عذاب مابعده عذاب لانو راسه
مطاول وعملت تقريبا ست نماذج وماكان يزبط بس اخي
ههههههه عمل واحد من اول ماشتريت الادوات وطلع بيشبه الاصلي فضليت وراه
حتى علمني :0100::059:
اولا منقص شكل مستطيل انا قصيت طول 11 والعرض 9سم
ولازم يكون مستطيل
بعدين يتلفي الطرفين ببالعرض طبعا هيك شوفي الصورة
وبتلزقيهم مع بعض يعني بيصير عندك شكل مخروطي او بوق مع ترك فتحة من الراس
بس مو كبيرة
وبتقصي الزوايد من اليمين واليسار لانو وقت التسكير رح يعذبوكي
وبعدين يتلزقي شوي وبتحشي وبتطلعي الحشوة من فتحة الراس لانو شون ذا شيب الو صوف ابيض على راسو
المهم بعد ماتحشيه بتسكريه من ورا وبتلزقي القماش مشان يطلع عندك شكل راس
وهي من قدام
بعد تركيب العيون
وبنفس قطاعة الورق او الثاقبة ثقبت قماش اسود لصنع الانف
وعند التلزيق قلبت القماش على ظهره حتا يبين انو في انف
بعد تلزيق الانف
وكمان في اذان للخروف فرسمن شكل اذن
وقصيت وبعد ماخلصت قص وتلزيق كل اذن مع اتانية
اجى با با وقال ليش تلزقي كل اتنين اعملي بس وحدة ولزقيها بس فوق
متل الراس بيصير شكل اذن
كان باقي عشرة قمت عملتون هيك
وهي الروس بعد تلزيق الاذان
وهي بعد تلزيق الرجلين
وهي بعد تلزيق الايدين
وهيالصينية
اولا العشب بعدين
السياج
وهي خاروف بعد تلزيق الصوف على جسمه طبعا لازم نقصص الصوف
قطع صغيرة
ومنلزق الصوف قبل وضع الروس
وبعدين منلزق الروس ومنلزق مع كل خاروف سلة على اساس ماسكها
ومنلزق الاسم او اعلبارة يلي طبعناهاها عند بائع ادوات الزينة
على مقدمة السلة لتبين
ومنحط شوكولا وسكاكر بقلب السلة :061:
وهي خاروف
وهي الاسم
وهي الخواريف بالصينية او بالمزرعة هههههههههه
حلوين مو عنجد تعبت كتير فيون :060:
وهي الزينة وخطيبي علقها ههههه يؤبر قلبي :086::087:بس ماقدرت روح معو كنت عم اعمل الخواريف
ومو ملحقة هي يوم الخميس مع بعض الهدايا يلي اجته هههه طلعو لانو جنب الزينة:029:
وبالنسبة للكاتو اخت خطيبي اخدت صور شون ذا شيب من عندي وعطتون لمصور
يحطلها صورة حمودة مع الخواريف لتطبعا على الكاتو بس انا نسيت صوره بالحفلة
فصورتلكون ياه لمن اتفرجنا على الفيديو ههههههههه مشان هيك مو واضح كتير
وهي الكيك بس مو واضح هي من تصوير الفيديو
وانبسطنا:015::074::062: واكلنا :079:وهي الاكل بس انا ماصورت غير هدون من الفيديو ماشاء الله 3
طاولات كبار كانو ممدودين بالاكل من كل الانواع
وهي اليالانجي(ورق العنب)
وهي يالنجي بس بدل الورق بيتنجان باذنجان
وهو مبين الصحون الخضرا والملاعق والشوك وطررررررف من الكاسات
وهي بطل الحفلة لابس الطربوش حموددددددددددددي :adore:
واذا انتو عندكم ولادكم اعمارهم فوق ال3سنين ممكن تلبسونهم هاد الزي النتكري
انا لقيتو بالسوق وعجبني وصورته الكم بس مابيلبس حمودي لانو كبير:024::024::024:
وعقبال حفلة بنوتي نفسي باول ولد بنوتة ادعولي حبيباتي:L::L:
وقولو ماشاء الله :thumbs_up:
يعني ياريت المزوقة يلي بدها تنقل الموضوع بدون ذكر المصدر تتذكر تعبي وتخاف على حالها لانو انا رح ادعي عليها اذا نقلته ونسبتو لحالها :084::011::070:
ويلي بدو ينقلو ياريت يذكر المصدر ويطلب من يلي رح يستفيدو من الموضوع الدعاء لاالي:L:
بامان الله :04:حبيباتي
لاتنسوو التقييم لازم هالمرة الميزان ينفجررررررررررررر :081::085:
وهي بوسة لكل يلي رح تقيمني:087::K: