حلوين قووى يا دونى وروشين اخر حاجه ربنا يهنى سيمو بيهم يارب والشوزات حلوين قوى
وشباشب البيت كنت جبتلها اول واحد الصيف اللى فاتت وضيعت فرده وكنت هجبلها التانى بس قولت بلاش بصباع بس شكلهه عسوول قوى ماشاء الله
حلوين قووى يا دونى وروشين اخر حاجه ربنا يهنى سيمو بيهم يارب والشوزات حلوين قوى
وشباشب البيت كنت جبتلها اول واحد الصيف اللى فاتت وضيعت فرده وكنت هجبلها التانى بس قولت بلاش بصباع بس شكلهه عسوول قوى ماشاء الله
دندونة ماشاء الله الحاجات جميلة خالص تتهنى بيهم يارب وخصوص الشوز اللى علية حرفى s حلو فكرتة هما كلهم حلوين بصراحة
مرسي ياجميل معلش الرد اتاخر بقالي فترة مش بدخل
ربنا يخليكي والله انا مش عارفه بيطلعوا كده ليه ؟ يمكن علشان بنزل الصور في مركز رفع الملفات في يوم وبرجع احط الصور في يوم تاني ولا ايه؟؟
مرسي ياكتكوته بس انا لما باجي افتح مركز رفع الملفات علشان اضيف الصور في الرد بلاقي كلمة تفاصيل دي قدام الصورة بدوس عليها بيطلعلي رابط واحد مش اكتر بعمله كوبي في الرد وبيطلع كده ولا انا المفروض اعمل ايه:o
مرسي لذوقك وللدعوة الحلوة دي
ومبروك على كل الحاجات واللبس الجميل بجد كلكم ذوقكم حلو اوي يتهنوا بيها اولادكم ياااارب
ربنا يخليكى يا انوس
الشبشب الاولانى دا فعلا بيتخلع كتير من رجليها عشان كده مش بحب البسهولها
و التانى كبير عليها
تسلمى يا كاتو
بصى يا جميل انتى يا اما تحطى اللينك اللى بيبقى مكتوب عليه رابط جاهز لاستخدامه فى المنتدى
يا اما تاخدى الرابط المباشر و تضغطى ع الايقونه بتاعه اضافه صورة
السلام عليكم يا بناويت
الحمد لله اخيرا جبت العربية والكار سيت
جبتهم طقم على بعضه من كيدز بارك
بجد المحل ده جامد و اسعاره مناسبة للكل يعني فيه الماركات والتقليد
انا جبتهم الاتنين ب 735
وكان فيه هناك عربيات من غير الكار سيت بتبدأ من 400 وشوية
و ما شاء الله عندهم تشكيلة كبيرة بس المشكلة ان العربيات اللي كانت عجباني اوي كانت من غير كار سيت
و انا كان عاجبني فكرة ان الاتنين يبقوا شكل واحد ويركبوا ف بعض
ياله الحمد لله على كل حال
وفيه هناك هدوم برضو حلوة اوي
و روحت تشايلد مول برضو عنده عربيات بس الاشكال اللي ف كيدز بارك عجبتني اكتر
انا قولت اقولكوا عشان اللي ناوية تجيب واحتاست زيي
اه تقريبا عشان مش بتعمليها ساعتها ده انا ساعات لما بكون محملة حاجة من قبل كده وعايزة احطها تاني بحملها تاني بدل ما ادخل علي تفاصيل دي عشان فعلا بتجيب لينك الصورة وبس مش الصورة نفسها زي ما تكوني لسه محملاها
دندن الحاجات جميلة اوووووووي بجد والشوزات تجنن حلوين اويما شاء الله
بصوا بقي النهاردة كنت بلف علي حاجات للمحل وكنت بشوف حاجات لجودي بردو في المحلات بتاعتنا العادية اللي بنروحها فقلت اكتبلكم علي الحاجات دي قبل ما انساها:
ريموندس كل اللبس اللي عنده صيني وسوري وكلها اطقم وفساتين ومشدنيش اوي غير حاجات قليلة فيه والباقي حسيته زيادة اوي ومبهرج كده، وعنده كارينا بردو الحمالات والنص، وعنده بقي كمان اطقم داخلية زي اللي جبتها بس ماركة جونيور حلوين اووووي بجد شكلين فيه ابيض والحمالات بينك وعليه رسمة رقيقة جدا بينك في الجنب كده من فوق وفيه بقي معلقه بردو لبني وعليها كارتون وكده حلو اوي بردو بس مشوفتش سعره.
محل سندريلا اللي جنبه بردو تعدوا الشارع بس، اول مرة ادخله للعلم، عنده حاجات جميلة ومميزة بجد ورقيقة وشيك مع اني مقلبتش كويس ولا اتفرجت اوي بس النظرة العامة كده، وحتي للاولاد عنده احزمة جلد صغيرة وحمالات وفوق بقي لقيت عنده ليجين فيسكوز غير ماركة سيلفي اللي مغرقة المحلات ده حاجة تانية كده بس حسيته واسع شوية، والتحفة بقي عجبني اوي بس جوزي قاللي اجليه في الاخر بس كنت هشتريه خلاص وبفكر ارجعله تاني، بنتاكور جينز بس هو علي جودي هايبقي بنطلون وممكن يكون قصير سنة بس مش بنتاكور وخصوصا اني كنت هاخد المقاس الاكبر عشان يكفيها فترة، هو من فوق كمر عادي ومن جواه بقي من الجنبين استيك وعروة وزراير زي بنطلونات الحمل بتاعتنا مصدقتش بجد مسخرة وحلو اوووووي، ومن تحت بقي الرجل استك عريض شكلها حلو اوي بردو وعنده تشكيلة كبييييييييرة جينزات.
صحيح هو ليجين سيلفي اقل مقاس فيه 4؟؟؟ اصل روحت محل جنبي بيقولي كده ولقيته هايبقي طويل علي جودي اوي وهيبقي وحش وهضطر اكشكشه كده وب 15 عنده.
هابقي اصورلكم الحاجات الجديدة لما اروق كده بس.
صحيح قولولي انتوا لو لقيته الاطقم اللي بتبقي كاملة دي تفضلوا تجيبوها خصوصا لو عيد مثلا او اي مناسبة ولا بتحبوا انتوا تجيبوا حاجة حاجة وتطقموا بنفسكم عشان اعرف بس بردو الآراء ايه الاغلبية.
مممممم بتهيألي كان فيه حاجة تانية في التقرير ده بس ناسية دلوقتي، قولولي رأيكم ايه بقي في كلامي
شوفي يا كتكوتة انا عن نفسي لما عمر كان صغنن كنت بحب اوي اجيب له الطقم اللي على بعضه و خصوصا الحاجات الشتوي بتبقي تحفة و شيك و بعدين ممكن الطقم الواحد يبقي طقمين و تلاتية يعني تستغلي كل قطعة فيه لكن في الصيف الكلام ده بيقبي صعب لان معظم اللبس شورتات و تي شيرت يعني قليل اوي موضوع الطقم. أما بالنسبة لللاخت مريومة فانا الحقيقة لسه مش عارفة لان ده اول تعامل مع فسفوسة صغنونة انا واخدة على لبس الولاد اللي مافيش اسهل منه لكن واضح ان الست هانم الصغننة هتتعبني لان لازم تلفي على كل قطعة لوحدة عشان تعملي طقم حلو و انا ماشوفتش اطقم على بعضها و عجبتني بس ارجع و أقولك انا لسه خبرتي في الموضوع ده قليلة يا رب القمرات الخبرة اللي هنا يساعدوكي
بالمناسبة صحيح انا كنت عايزة من القمرات حد يقولي على مكان اشتري منه بيجامات كيوت و بناتي و سعرها مش غالي اوي و تكون قطن مية في المية للهانم الصغننة
في محل ملابس اطفال اسمه دندشة 45 شارع كيلوباترا ميدان صلاح الدين بجوار مستشفى كيلوباترا عنده حاجات تحفة و عنده جروب على الفيس بوك بنفس الاسم بس اكتبيه بالانجلش
انا مش دايما بجيب اطقم وعلي حسب الشكل في الاخر
ام عمر ومريم ممكن تبعتيلي الجروب علي الرسايل لاني جربت اعمل سيرش وملقتوش
يسلمووووووووووو
علي فكرة يا بنات بعد طول مباحثات وافكار غالبا هسميه جودي وخلاص كله بيشكرلي في الاسم من كذا ناحية عشان ينفع لكذا فكرة في كتابته وشكله شيك بردو وسهل يتحفظ ويعلق مع الناس بعكس الاسامي الانجليش او الحاجات اللي كنا منقينها تحففففففة اه وروشة اه بس هاتبقي اصعب شوية مع الناس
تسلمي يا جميلة علي ردك، انتي فعلا معاكي حق بس انا مكونتش ناوية اجيب اطفم خالص في الاول بس واحنا بنتفرج قالولي ليه وكده ولقيت فعلا كام واحد عجبوني بس مش كتير لأني مش بحب شغل الزحمة والبهرجة الجامدة، لقيت واحد حلوووو اوي وكميل وشيك اوي وعامل زي الكبار كان لونه تركواز في رمادي تحفففففففففة بلوزة وجيبة بتاعتها ومش فاكرة كان معاه ايه تاني يجنن، فلو كده ممكن اجرب في حاجات بسيطة بقي كده للي يعجبني واسه خفيف علي الصيف
البيجامات بقي انا جبت من العامرية اغلبهم في مصر الجديدة جنب ماكس اللي قصاد المريلاند، قطن ومضمون واشكال ظريفة واسعار حلوة الباقي كان متنوع من هنا ومن هنا بس ده احسن مكان فعلا لازم بجيب منه كل موسم كام حاجة علي الاقل
انا لقيته تصدقي فعلا ممكن اكون شفته قبل كده كذا مرة بس مدخلتوش وفيه محل تاني جديد نوعا ما قريب منها بردو بس جوا اكتر شكله حلو اووووووي من بره بس بردو معرفش اسعاره ايه ظروفها
صح يا هوبا فعلا خلاص هجيب حاجات بسيطة ان شاء الله، هبعتلك اسمه عشان لو ام عمر مدخلتش
تسلمي يا كتكوته وصل بس شكله مهجور بس الكام صوره حلوين اوي
واسم جودي حلو جدا وانسب حاجه حتي طالع موضه يعني وهيثبت مع الناس مش هتنساه
ربنا يكرمكم ويرزقكم من حيث لا تحتسبو يارب
بنات بتحطوا ميزانية الهدوم الصيفي والشتوي اد ايه وبتجيبوا العدد كام ؟
بالذات اللي عنده اكثر من طفل