استفسارات وتساؤلات الامهات عن كل شئ (الجزء الخامس)

[momo&lolo]

بنات بليز حد يفهمني.. آدم ابني كان بيرضع طبيعي عادي لحد سابع يوم بس طلع عنده الصفراء عالية وكمان طلعت من النوع اللي بيزيد بلبن الأم فالدكتور كتبله بيبيلاك ١ لمدة يومين ورجع امبارح جددله اللبن يومين كمان بس سمحله برضعة واحدة طبيعية في اليوم.. المشكلة بقي ان النهارده جيت ارضعه فضل يعيط ويصرخ مش راضي يرضع يعني يرضع ثواني ويسيب البريست ويعيط.. أنا كنت بشفط البريست بالشفاط علشان مش ينشف وهو بيرضع نزل لبن بس هو مش راضي يرضع ولما صعب عليا أديتله صناعي.. خايفه اوي مش يرضي يأخذ صدري ثاني ومش عارفه أعمل ايه.. هو كده استسهل الببرونة خلاص ولا ايه؟

معلش خليكي وراه هما كده كده بيعيطوا كتير في الاول واهم حاجة انتي تكوني هادية وواثقة في نفسك وانتي بترضعي

جينا هنا وربنا يستر على وشى ميتقفلش الموضوع دة كمان شئ غريب والله

المهم يا قمرات عايزة ااسالكم البامبرز الابيض بكام المقاس الوسط

وكتكوتى والله حاولت اقيمك على ردك عليا بس مرضاش تسلمميلى يارب

ويابنات احمد بيطلع سنة دلوقتى بس مقريفاة خالص

فى حاجة اديهالة او اعملهالة؟؟وبحس ساعات بيسخن

هههههههه لا يا قمر الموضوع التاني اتقفل عشان عدى 500 مشاركة
بصي انا شوفته ال 56 قطعة ب 67 في كارفور

الاسنان هاتيله medigel دا جل مخدر وطبعا لما يدفى منك لازم تديله خافض حرارة طبعا ولو زاد معاه الوجع اوي خللي الدكتور يكتبلك جلرعة الكاتافلام المفروضة بالنسبة للسن والوزن

معلش يا بنات كنت عايزة اسال هو الفتحة الى بالجمجمة فوق مخ البيبى بتقفل عند سن كام؟؟

مش قبل السنة ان شاء الله بس هي طبعا بتقل حجمها عن الاول بكتير كل ما البيبي يكبر

هى حور هتصقف امتى؟؟؟؟؟

هههههههههه على 7 شهور كده ان شاء الله بس لازم انتي تمسكي اديها وتفتحيهالها وتصقفي بيهم

حبايبى متشكرة جدا على ترحيبكم بى وطمنتونى ع موضوع الراس دة بس انا بحط 5 نقط فى دروب مع البن الصناعى مكتوب ف الروشتة ممكن اضيفة لاى سائل انتوا بتعملوا كدة ولا بتقطوا ف الفم ع طول ع فكرة الدكتور مدحت اكد النهاردة خالص على فيتامين دال من الشهر التانى وقال الكالسيوم من السادس بس خوفنى انة قال ان من اعراض لين العظام الطفل بيبقى معظم الوقت قافل ع ايدية وتانى صوابع رجلية وجودى معظم اليوم بتعمل كدة ولا كل اللى ف سنها كدة هى نص الرابع دلوقتى

انا كمان يوسف كده معظم الوقت قافل ايده بس معقول يكون موضوع لين العظام بيعمل كده؟؟ و بعدين دول لسه صغيرين اوي على ان يكون عندهم نقص كالسيوم اصلا؟؟ هما لحقوا؟:I:

لا يا حبيايبي لما البيبي بيبقى قافل ايده دا مش دليل على لين العظام ولا نقص الكالسيوم هما كلهم كده حتى لما يكبروا تقريبا ده بيحسسهم بالامان

كلام الدكتور اعتقد للاطفال الكبيرة شوية

بنات انا عندى هينار خمس ايام لسة بس انا والدة طبيعى والفتح كبير اوى من تحت فباخد ملين هل ده اللى عاملاها الغازات الكتير والزغطة الكتير اللى عندها دى ياحرام مابتلحقش ترضع وتبطل فبتجوع بسرعة اعمل ايه فى الغازات؟
لو حد والد طبيعى الجرح بيلم بعد اد ايه وكمان المنطقة بيفتح لونها تانى ولا ايه؟
ولبستوا الحزام كام يوم وطول الوقت وفرق معاكم ولا ايه؟
وكمان ايه احسن نوع بامبرز ليها؟
انا كمان ياتوكى حاسة انى متكتفة ومش فاهمة بتعيط ليه
معلش استحملونى

العياط ده حاجة اساسية انتي جربي معاها كل حاجة
المنطقة بتاخد وقت يعني ممكن 3-4 شهور
الحزام بيفرق جامد مع اللي والدين طبيعي وبيتلبس من تاني يوم ولادة عادي
البامبرز الابيض والمولوفيكس

محدش رد على سؤالي يا بنات انا قلقانه من قلة رضاعته مني
سؤالي بئا دلوقت محمد بيسنن وانا اصلا بئالي يجي شهر باكله وحاسه ان رضاعته قلت اووي وكل شويا اعرض عليه انه يرضع بيتزهق ويسيبني ويزقني كده وعايز يقوم يقعد هل ده عادي ولا ايه ولو الرضعه دي كده طبيعي يبئا المفروض يرضع كم مره في اليوم مع الاكل مع العلم ممكن ااكله 3 مرات في اليوم

عشان بيسنن

ماميهات انا ان شاء الله مقربة اولد
ادعولي ربنا يسهل
عاوزة اعرف هو اتعامل مع البيبي ازاي يعني كل ما يعط يرضع و لا ايه و كمان يغير كل اد ايه
واحط كريم و بيبي اويل كل مرة

اهم حاجة تنضفي حوالين فتحة الشرج بتاعة البيبي وكمان تنشفيها كويس وتحطي كريم وقاية بس خللي بالك الكريم لما تحطيه يبقى زي ما بتحطي كريم البشرة يعني مش طبقة سميكة

كل ما تعيط رضعيها بجد ما فيش حاجة اسمها تنظيم رضاعة

المغص عشان تتجنبيه على قد ما تقدري اديها سامثكون و اكوافيرا ونيميها على بطنها وافركي ضهرها كتير

وحاولي معاها في التكريع معلش في الاول بياخد وقت استحملي

كمان حاجة مهمة ان شاء الله وانتي بترضعيها دخلي النيبل بجزء من البريست فهماني عشان ما يدخلهاش هوا كتير وكمان خليها تعرف تتنفس
وهاتي نقط مناخير عشان الخنفرة بتضايقهم في الرضاعة

وربنا ييسرلك ولادتك على خير يا رب

[sweetylolla85]

بنات كنت عاوزه اسالكم انتو بداتة تدو ولادكم فيتامين دال من امتي؟ ابني بعد يومين هايتم 3 شهور ان شاء الله بعد يومين وكل ماسال الدكتور يقولي لااااااااااا لسه بدري ودلوقتي قريت علي النت انه المفروض من شهرين ايه رايكم بقي
سؤال كمان الفتحه اللي في مخ يويو بحسها بتنبض كده دايما بخاف اوي مش عارفه ليه ممكن حد يطمني

[hoobie]

لولا انا وراكي وراكي هنا وفي المطبخ

المهم بالنسبه افيتامين د انا الدكتور بتاع ابني قالي من السادس ودكتور ابن بنت خالي قالها من 2 ..يعني كده ممكن وكده ممكن ..انا رأيي بلاش تستعجلي على الفيتامين بس حاولي تعرضيه كل يوم ساعه كده للشمس اللي بتبقى من 8 كده لحد 11 شوفي ساعة في النص وافتحي الشباك او البلكونه وعرضيه للشمس

بالنسبه لفتحة اليافوخ دي طبيعي انها تنبض واحيانا تحيسها سخنه كل ده عادي وهتقفل ان شاء الله على السنه او سنه ونص يعني لسه قافله خالص عند محمد من اقل من شهر

[CuTie KaTkOoTa]

بنات كنت عاوزه اسالكم انتو بداتة تدو ولادكم فيتامين دال من امتي؟ ابني بعد يومين هايتم 3 شهور ان شاء الله بعد يومين وكل ماسال الدكتور يقولي لااااااااااا لسه بدري ودلوقتي قريت علي النت انه المفروض من شهرين ايه رايكم بقي
سؤال كمان الفتحه اللي في مخ يويو بحسها بتنبض كده دايما بخاف اوي مش عارفه ليه ممكن حد يطمني

جودي تقريبا ابتدت تاخده من 3 ونص او اربعة، والنبضة دي طبيعية خالص لأن لسه المكان ده متقفلش بس متضغطيش عليها او تلعبي فيها بقي

[marmora7722]

السلام عليكم يا احلى أمهات
أنا متبعاكم من فترة و بستفاد منكم قوى
انا لسه حامل بس بجهز نفسى للأمومة هههههه
لما اجى اجيب بامبرز الابيض اللى انتو بارك الله بتشكروا فيه
مقاس النونو اللى لسه مولود اجيبه يعنى ايه هيبقى مكتوب عليه يعنى ولا ايه المقاس

[CuTie KaTkOoTa]

السلام عليكم يا احلى أمهات
أنا متبعاكم من فترة و بستفاد منكم قوى
انا لسه حامل بس بجهز نفسى للأمومة هههههه
لما اجى اجيب بامبرز الابيض اللى انتو بارك الله بتشكروا فيه
مقاس النونو اللى لسه مولود اجيبه يعنى ايه هيبقى مكتوب عليه يعنى ولا ايه المقاس

ربنا يكملك علي خير ان شاء الله، اي بامبرز اي كان نوعه يعني اقصد بيبقي مكتوب عليه رقم والوزن، يعني قم 1 اللي هو اصغر حاجة بيبقي يا اما وزنه من 2 إلي 5 كيلو او 3 إلي 6 كيلو ، هما كلهم بيبقي فيه كده في انواع وانواع تانية الوزن التاني ده، وممكن تلاقي رقم 1 ده قليل شوية في المحلات ساعتها لو غلبتي مش مهم هاتي مقاس 2 بينفع بردو

[sweetylolla85]

لولا انا وراكي وراكي هنا وفي المطبخ

المهم بالنسبه افيتامين د انا الدكتور بتاع ابني قالي من السادس ودكتور ابن بنت خالي قالها من 2 ..يعني كده ممكن وكده ممكن ..انا رأيي بلاش تستعجلي على الفيتامين بس حاولي تعرضيه كل يوم ساعه كده للشمس اللي بتبقى من 8 كده لحد 11 شوفي ساعة في النص وافتحي الشباك او البلكونه وعرضيه للشمس

بالنسبه لفتحة اليافوخ دي طبيعي انها تنبض واحيانا تحيسها سخنه كل ده عادي وهتقفل ان شاء الله على السنه او سنه ونص يعني لسه قافله خالص عند محمد من اقل من شهر

ههههههههه تسلمي ياهوبي انا اطول يافندم ازيك وازيي حماده انا بس كنت قلقانه في منتدي مشهور اوي معظمهم اتفقو ان من الشهر التاني حسيت اني ممكن ااقصر في حق يويو خصوصا انه من ساعه ماتولد ماخدش ولا فيتامين

جودي تقريبا ابتدت تاخده من 3 ونص او اربعة، والنبضة دي طبيعية خالص لأن لسه المكان ده متقفلش بس متضغطيش عليها او تلعبي فيها بقي

تسلمي ياكتكت انا عماله اعصر دماغي لفكره لمشروعك وهاجيبها ان شاء الله

[Bossy22]

فيامين د كان دكتور كتبهولى من و هى صغيرة خالص اول شهر بس متدتهوهاش خفت و غيرت الدكتور قالتلى من 4 شهوور
يا بنات السيت ده مفيد اوى
http://go.3roos.com/tVmhNMV0V5W
هو كده مخالف وللا ايه انا قلت عشان نستفيد كلنا

[كيوت لولا]

طيب سؤال تاني هو امتى البيبي بياخد رضعه الاعشاب و كام مرة في اليوم

[كيوت لولا]

التغيير يبقي كل 4 ساعات كده او تبصي كده بالنظر بيبان من بره بردو اذا كان البامبرز منفوخ ولا لأ او فيه لون مثلا تقومي مغيرة والكريم اه خليه كل مرة بعد ما تغيري، يعني الاول تمسحي بقطنة مبلولة الكيكي لو فيه يعني وبعدين بقي تاخديه علي الحوض لو قادرة لو مش قادرة خلاص اكتفي بالقطنة بس تنضفي كويس اوي ، وبعدين تنشفي كويس جدا بالفوطة اللي هاتبقي تحته فوق المشمع، وبعدين تدهني الكريم كوقاية عشان ميحصلش حاجة.

والرضاعة كل ما يعيط او يصحي اه اديله وسيبك من موضوع تنظيم الراضعة في الفترة دي خالص وحتي لو دكتور قالك كده ارمي الكلام ده ورا ضهرك بجد ومتحاوليش تصحيه طول ما هو نايم، خليه وقت ما يصحي ياكل، ولازم تكرعيه بعد كل رضاعة واصبري معلش ممكن تتطول شوية، ودايما رضعي من الناحيتين في المرة الواحدة بالتبادل

شكرا يا قمر و تم التقييم

[momo&lolo]

طيب سؤال تاني هو امتى البيبي بياخد رضعه الاعشاب و كام مرة في اليوم

انا رديت عليكي يا جميل في السؤال الاول

بصي رضعة الاعشاب 50 مل مرة واحدة باليل

[CuTie KaTkOoTa]

تسلمي ياكتكت انا عماله اعصر دماغي لفكره لمشروعك وهاجيبها ان شاء الله

وانتي طبعا اول الزباين انتي جنبي عالطول

طيب سؤال تاني هو امتى البيبي بياخد رضعه الاعشاب و كام مرة في اليوم

تسلمي يا جميلة، علي حسب نوع الاعشاب، لو بيبي درينك هايبقي قدامك اختيارين، يا اما مرتين كل مرة 50 مللي، با إما تحطيهم مع بعض ويبقوا 100 مللي في اليوم وفقط لا غير، ولو بيبي كالم هايبقي 150 مللي مرة واحدة بردو، اما الميلوبا بقي انا مش فاكرة

[Loly moon]

مامات ابني جنني
ما بينام قبل الساعة 1
مع اني احممه وارضعه واعطيه البيبرونة قبل الساعة 12 يكون خالص كل شي لكن ما بيرضى ينام قبل الساعة 1
شو اساوي معاه؟

[nemonamanemo]

كتكوتة أنتي مقاس كنتي بتستخدمي نيبل مقاس كام في افنت لجوجو أول ما اتولدت؟ أنا لقيت الببرونة بتسرب كثير وآدم ياحبيبي بيغرق لبن لما دققت فيها لقيت النيبلز مقاس ٢.. اجيب مقاس واحد تبقي كويسه مش هتسرب ولا أعمل ايه؟ كمان يابنات آدم لقيت عنده وأنا بغيرله حتت حمراء كده في جسمه من تحت عند الخصيتين كده شكلها تسلخات مع اني بغيرله أول بأول وبستخدم بامبرز وبحطله بيبي اويل أو كريم سانوسان مش عارفه دي جتله منين دلوقتي أنا حطيتله كيناكومب بالليل ودلوقتي كده صح ولا أستخدمله زينك اوليف ولا ايه؟

بصي يا بوسي الببرونة كده مقاسها كبير هاتي مقاس 1

بالنسبه للنقط الحمرا انا مجربتش كيناكومب بس اسمع انه حلو قووي انا جربت كلاريك اسمه مومنتا تحفه من دهنتين تلاته هتلافيهم راحوا انا الاول كنت بستخدمه هو علي طول لان سانسوان مش حاو خالص كع بنتي بس بد كده بقيت بحط زينك اند اوليف و بستخدم المومنتا ده اول ما الاقي نقطه حمرا ظهرت

بنات انا ساعات بدى حور فيدروب وساعات بنسى بس بعرضها للشمس تقريباً كل يومين هو ضرورى اوى الفيدروب يعنى اعمل ريمايند فى الموبايل اصلى مش عايزة اديها دوا كتير

ام حور لا حاولي بجد تنتظمي الدكتور مدحت الزيات اكد جامد علي اهميه فيتامين د

والله حاسة انى مخنوقة اوووي من كام يوم كدة عملت لبن ل آدم في الببرونة وكنت خارجة من
ساعتها وهو مش بيرضى يرضع منى وعايز طول الوقت يشرب بيبي درينك اعمل اية يابنات
ابتدى ارضعة صناعى ولا استنى علية شوية والله العظيم حاسة انى مخنوقة اووي وكل شوية
اعيط مش ملاحقة حاجة تعبان وكمان مش عايز يرضع منى

ياسمينا الف سلامه عليه

بصي اجلي الصناعي لحد اخر لحظه و حاولي معاه في الطبيعي و جربي تشفطي و تديله في الببرونه يمكن مش عارف يمسك النيبلز بتاعتك و لو بردوا ماخدش الرضعه من الببرونه فكري كده يمكن بتاخدي دوا او في حاجه اتغيرت في اكلك اثرت علي طعم اللبن

بنات ازكوا يويو الحمد لله طلع عنده اميبا بجد هتجنن معرفش جتله منيييين الدكتور بيقوللى ممكن عن طريق الايدين معرفش ممكن الاطفال ولاد عمتى ولا ايه لما بخرج بيه العيال كلهم بيهجموا عليا ويخدوه منى انا عملتله تحلل براز وطلع فيه الدكتور كتبلي بقى امريزول 5 سم 3 مرات ف اليوم ومهضم وفاتح شهيه اسمه نيو ديجستين بردو 5 سم 3 مرات والاتنين لمده 10 اياام السؤال بقى الفاتح الشهيه ده مكتوب ف النشره للى اقل من سنه من 8 الى 15 نقطة وهو كاتب 5 سم اعمل ايه والامريزول ده بردو كتر عله كده ولا اييه والاميبا دى يابناات في السن ده اييه انا قلقانه اوى ومعرفش ايه الحاجات الغريبه اللى نازله عليا دى .. الحمدلله

انا بدي حلا ديجستن الدكتوره قالتلي لاحطه في الببرونه مع اللبن الصناعي و بحط معلقه يعني 5 سم

بنات انا ابتديت اكتئب اوى بكتب وانا عينى مدمعه حاسه المسئوليه كبيره اوى عليا مش ملاحقه ولما بتعيط مش ببقي عارفه بتعيط ليه ده غير انى حاسه نى اتكتفت ولا هعرف اخرج ولا هعرف اعمل اى حاجه
ده غير انى عندى البريست بيوجعنى جامد كش بطيق نفسي ولا حد وانا برضعها
حاسه نى اتفاجئت بحجم المسئوليه دى

توكي توكي ولا يهمك اول اسبوعين اصعب اسبوعين انا والله من كنت كاتبه نفس كلامك ده بالظبط و دلوقتي الحمد لله الوضع اتحسن كتير خالص عن الاول

و اول ما تايا ربنا يباركلك فيها تكمل شهر هتلاقي الدنيا احلوت و علي الاربعين هتبقي الحياه فل هههههههههههههههههههههه

انا لما البنات كانت بتقولي كده كنت متشائمه و فكراهم بيهدوني بس فعلا الكلام ده حقيقي فعلا كلها شهر و هي هتمسك نفسها

بالنسبه للبرسيت كريم ريفي 2 ب 13.5تحفه ادهني صدرك بالتبادل يعني رضعي من اليمين و ادهني الشمال المره اللي بعدها اعكسي هيفرق ومعاكي كتير جربيه بس

بنات انا رايحة لدكتور مدحت الزيات يوم 14 الشهر الجاي الي عندوة سؤال وعايزنى اسألهوة يقولة انا ما صدقت احجز عندة بعد معاناة

المشكله يا ياسمين ان بيبي درينك ابن اللذينا مسكر يمكن عشان كده ابنك حابب طعمه

انا هموت و اروحله عشان اسئله سؤال واحد هههههههههههههههه

انا بنتي بترجع اللبن اللي بترضعه مني اكتر ما بترجع الصناعي يعني بطريقه ملحوظه جامد في كده مشكله في اللبن بتاعي و في تحليل ممكن اعمله

بنات كنت عاوزه اسالكم انتو بداتة تدو ولادكم فيتامين دال من امتي؟ ابني بعد يومين هايتم 3 شهور ان شاء الله بعد يومين وكل ماسال الدكتور يقولي لااااااااااا لسه بدري ودلوقتي قريت علي النت انه المفروض من شهرين ايه رايكم بقي
سؤال كمان الفتحه اللي في مخ يويو بحسها بتنبض كده دايما بخاف اوي مش عارفه ليه ممكن حد يطمني

الدكتور مدحت الزيات اكد علي فيتامين د من شهرين

[ياسمينــــا]

ياسمينا الف سلامه عليه

بصي اجلي الصناعي لحد اخر لحظه و حاولي معاه في الطبيعي و جربي تشفطي و تديله في الببرونه يمكن مش عارف يمسك النيبلز بتاعتك و لو بردوا ماخدش الرضعه من الببرونه فكري كده يمكن بتاخدي دوا او في حاجه اتغيرت في اكلك اثرت علي طعم اللبن










المشكله يا ياسمين ان بيبي درينك ابن اللذينا مسكر يمكن عشان كده ابنك حابب طعمه

انا هموت و اروحله عشان اسئله سؤال واحد هههههههههههههههه

انا بنتي بترجع اللبن اللي بترضعه مني اكتر ما بترجع الصناعي يعني بطريقه ملحوظه جامد في كده مشكله في اللبن بتاعي و في تحليل ممكن اعمله




الدكتور مدحت الزيات اكد علي فيتامين د من شهرين

الله يسلمك يانمانيمو
ايوة هو اتعود علية علشان مسكر
عارفة آدم زي حلا كدة لما بيشرب البيبي درينك بيرجعة بسيط لكن البن بتاعي بيرجعة كتيييير اوووي هسأل الدكتور ان شاء الله