السلام عليكم ورحمة الله وبركاته ،،

رمضان كريم علينا وعليكم ان شاء الله
اول طبق للمشاركه في المسابقه عباره عن عصير ككتيل ان شاء الله يروق لكم
هذي هي المقادير:


برتقاله
كيوي
رمان
خوخ
تفاح
كمثرى
موزه
عنب

انا سويته الى شخص واحد فحطيت من كل نوع حبايه وحده فقط

اهنا بعد ما قطعت الفاكهه :


الحلو في العصاره انها تشيل الزوائد والقشر وكل شي في حتفظه فيها وهذي صورتها :


وهذا هو العصير وهني وعافيه



الطبق الثاني نقتس الدجاج

المقادير :

صدور دجاج
خل + ليمون + صويا صوص
بهارات مشكله + فلفل اسود + فلفل تبيض
ملح
دقيق
بيض
كورنس فلكس ساده

الطريقه :
نقطه صدور الدجاج الى قطع طويله صغيره ونضعها في وعاء ونضع خل وليمون حسب الرغبه اذا حبيتو حامض او لا وكل ماصار حامض شوي صار احلا
ونضع شوي صويا صوص وملح
ونضع بهارات مشكله والفلفل الاسود والفلفل الابيض ونخلطهم جيدا
ونضعهم في الثلاجه عشان يتماسك شوي والدجاج يصير متبل مضبوط

بعدين تكسر الكورن فلكس الى قطع صغيره مره
ونغطي الدجاج بالطحين وبعدها البيض وبعدها الكورن الفلكس المطحون

وبعدها تحطيه في الفريز عشان تتماسك شوي
وهذا الدجاج بعد التتبيل :


وهذا الناقتس بعد القلي جاهز للاكل وصحه وعافيه






الطبق الثالث حلا خفيف وسهل مره ولا يحتاج الى وقت واغراض
المقادير :


حليب نستلا المركز
فستق مبشور او اي نوع من انواع المكسرات على حسب الرغبه
بسكوت اوريو
وانا حطيت كمان مثل الكورن فلكس الملون طحنته شوي وطلع ممتاز

الطريقه :
نغمس بسكوت اورير في الحليب نستلا
وبعدها في نغمسها في المكسرات او الكورن فلكس
او حتى تقدرون المكسرات مخلزط بجوز الهند بيطلع مره ممتاز بس انا ماكان عندي
وبعدها نحطها بالثلاجه شوي قبل الاكل
وهذا بعد ماجهز وهني وعافيه ان شاء الله


زوم قريب للطبق ^__^


بعد قطع البسكويت ^__^




الطبق الرابع شوربة الفطر بالكريمه

المقادير :


فطر طبيعي
قليل من الملح + قليل من الفلفل الاسود
شوربة الفطر الجاهزه اي نوع اذا حبيتو
كريمة بس انا غلطت وصورة القشطه
ماء
جبن مزريلا مبشور + جبت كرافت مبشور بعد
زوم للشوربه + الموزريلا


الطريقه
نضع باكيت الشوربه في وعاء مع كاسين ماي وكاس كريمه :



بعدها نحطها على النار مع التحريك وبعد ما تغلي الشوربه نضيف لها الجبن + الفطر
الفطر بعد التقطيع + الجبن بعد البشر + جبن الموزريلا :




بعدها نظل نحرك شوي لين الجبن يسيح وهو بسرعه بسيح مع الحراره القويه للغلي
ولين الفطر يستوي
واخيرا بالهناء والعافيه ان شاء الله



الطبق الخامس المقبلات ساندويش الدجاج الصغيره ^__^



المقادير :

نص دجاجه بالعظم
خبز سليس
بصل + بقدونس نسيت اصوره + جزر + بطاطس + فليفله حلوه
ملح + بهارات مشكل + فلفل اسود + فلفل ابيض
بيض + بقسم
زيت للقلي
جبن سائل + مايونيز + قشطه

الطريقه :
نغلي الدجاجه حتى النضوج بعدها نسحبها عن العظم
نقطع البصل الى شرايح ونحمصه شوي ونبشر البطاطس + الجزر ونقطع البقدونس + الفليفله البارد
ونضعهم في مقله كبير مع الدجاج ونضع البهارات والملح ونقلبهم جيدا حتى النضيج
هذي الحشوه بعد الاستواء :


نتركها شوي وبعدها نضيف عليها قشطه + جبن السائل + مايونيز وهذي هي بعد الاضافات :


نحضر الخبز السليس ونضع قطعتين على بعض ونمحورهم جيدا
وبعدها نجيب كاس دائري ونقطعها بهذا الشكل :


بعدها نجيب البيض + البقسم :


ونغمس الخبز السليس في البيض اول بعدها البقسم :



بعدها في زيت غزير نقلي الخبز السليس وننتبه لا لان بسرعه يحمر
وطبعا بتلاحظو ان الخبز ينتفخ بسبب البيض وهذا هو المطلوب :


بعد الاستواء نقطع دوائر خبز السليس الى انصاف ونحشيها بخليط الدجاج
وبكذا انتهينا من طبقنا الشهي :




وهني وعافيه