16/08/2010, 03:44 PM
| #1 |
| عروس متميزة   |  تجربتي للتخلص من الكرش مراااحب انا من فترة طوووويلة يمكن سنتين أحاول اشيل الكرش اللي فيني ويمكن شفتوا ردودي كم مرّة أسأل عن شي يمسح البطن والحين اخيرا حققت اللي ابي بعده مو كله ممسوح بس خف واااايد وما بقى الا شوي ماشاءالله بخبركم وش سوّيت بس أول شي تعرفوا وش اللي كان ناقصني طول هالسنتين؟؟؟؟؟ كان ناقصني العزيمة!! بس فكّرت فيها,,قلت في بنات نقصوا فوق 50 كيلو وانا هالكرشة بس مو قادرة عليها؟؟ وزني مناسب جدا وما محتاجة أنقص فيه بس الكرشة كانت مشكلتي((ولا زالت)) خخخ من أسبوعين جتني عزيمة وارادة قوّية... قلت هالمرّة خلاااااص ان شاءالله بتروووح المهم دوّرت بالمواقع الإنجليزية.. ولقيت مشروب سهل و ممكن اي وحدة تسوّيه وغير كذا كنت أسوي رياضة.. وفعلا حسّيت بالتغيير في أسبوعين بس!! مشكلتنا ان ندّور على أشياء وما نطبّق!! مع ان الحل بإيدنا ومو صعب ابدا وكل اللي نحتاجه ان ننفذ!! بخبركم جدولي اللي اتبعته من اسبوعين واللي تبي تشاركني حيّاها  أولا.. كنت أشرب إينو كل يوم مرّة تعرفوا الإينو للغازات .. ثانيا.. فيه مشروب سهل كنت أشربه بدل الماء.. 8 أكواب باليوم مكوناته ماء لترين أو 8 أكواب ملعقة كبيرة زنجبيل مبشور((زنجبيل طازج)) ملعقة نعناع خيار مقطع حلقات صغيرة طريقته احط كل المكونات بالماء ليلة كاملة واليوم الثاني اشربه كله وكل يوم اسوّي كذا .. والشي الثاني والأهم الرياضة..!! أهم شي بالرياضة لازم تزيد ضربات قلبك وقبل لا ابدي .. أسخّن اول شي اجري بمكاني 10 دقايق وبعدها لما احس عمري بديت اسخّن و ضربات قلبي سريعة ابدي بتمارين البطن حوالي 8 تمارين.. كل وحدة فيهم اكررها 15 مرّة وبعدين ارتاح دقيقة و اسوي 15 مرة ثانية يعني كل تمرين 30 مرّة والحاجة الثالثة.. الأكل.. اكل عااادي مثل كل يوم بس صرت امضغ الأكل بالطريقة الصحيحة حوالي نص دقيقة امضغ وعلى فكرة في دراسة تقول ان الإنسان يبدأ يحس بالشبع بعد 20 دقيقة((يعني لو كليتي سريـــع رح تاكلي كميّة كبيرة وما رح تحسي بالشبع لحد بعد 20 دقيقة بس اذا كلتي ببطء رح تاكلي اقل وتحسين بشبع)) هالشي يساعد المعدة تهضم الأكل هضم كامل وبالتالي مافي إمساك  و بعد الشرب أثناء الأكل أكبر غلط !! واشرب شاي أخضر مع كمون..على مزاجي احياانا مرّة باليوم احيانا مرتين واحيانا ما اشرب وبس هذا نظامي مو سهل؟؟ بس الرياضة فيها شوية تعب.. بس صدقوني الرياضة تساعد وااايد مو بس علشان الوزن..حتى النفسية تتحسن وتحسي براحة و سعادة بعد الرياضة بدل لا ترمي عصبيتك بزوجك ولا اخوانك ارميه بالرياضة  وبعدني مستمرة لين يصير جسمي مثل ما ابي ان شاءالله كتبت الموضوع عالسريع علشان افيدكم أختكم// ..لمعة عين.. |
 |
|
16/08/2010, 09:17 PM
| #2 |
| عروس مشرقة | ما شاء الله عليك تبارك الرحمن .. أهنيك ع الـإصرار و عقبال القد المياس  الزنجبيل جداً مفيد و معروف تأثيره الفعال لحرق الدهون  |
| |
|
16/08/2010, 09:22 PM
| #3 |
| عروس متميزة | مشكورة يا قلبي موضوعك روعة بس حبيبتي هذا اللي تشربينه بدل الموية طعمه مقبول والا لا |
| |
|
16/08/2010, 09:29 PM
| #4 |
| عروس جديدة | اهنيك على الموضوع الحلو لكن شكله ينحف ابي شي يسمن ويروح الكرش  تقبلي تحيات سديم الرس  |
| |
|
17/08/2010, 03:00 PM
| #5 |
| عروس متميزة | جزاج الله كل خير وبالتوووفيق |
| |
|
17/08/2010, 10:30 PM
| #6 | ||||||||||||||||||
| عروس متميزة |
طعم الزنجبيل.. طعمه مو قوّي..خفيف | ||||||||||||||||||
| |
|
17/08/2010, 10:42 PM
| #7 | ||||||||||||||||||
| عروس متميزة |
اممم انا مانحفت الا منطقة البطن اعتقد | ||||||||||||||||||
| |
|
17/08/2010, 10:43 PM
| #8 |
| عروس متميزة | نوّرتوا الموضوع خواتي.. |
| |
|
18/08/2010, 06:08 PM
| #9 |
| مشرفة سابقة | مبروك عليكى الرشاقه والاناقه يا قلبى وياله استمرى لغايه ماتوصلى لهدفك |
| |
|
19/08/2010, 03:52 AM
| #10 |
| عروس نشيطة | الفال ليي  |
| |
 |
| يتصفح الموضوع حالياً: 1 (0 من الأعضاء و 1 من الزوار) | |
| أدوات الموضوع | |
| |
مواضيع مشابهة | ||||
| الموضوع | الكاتب | المنتدى | الردود | آخر مشاركة |
| ** للتخلص من الكرش ** | الفرس | التغذية السليمة والرياضة | 80 | 24/09/2010 05:00 PM |
| 100 وصفه للتخلص من الكرش | salad | التغذية السليمة والرياضة | 52 | 07/08/2010 11:58 AM |
| للتخلص من الكرش تعاالوووووو؟ | لعيونك | التغذية السليمة والرياضة | 47 | 19/11/2008 12:46 PM |
| وصفة للتخلص من الكرش | بياض ناصع | إستفسارات وتجمعات السمنة والنحافة | 2 | 12/05/2008 02:21 PM |
| تمارين للتخلص من الكرش | أم هزاع1 | التغذية السليمة والرياضة | 21 | 25/05/2007 11:40 AM |
