لا اللى أقصده سناء وبيت التنزيلات أكثر يجيبون مرات خزائن وكبتات وطاولات تلفزيون ومكتبات كتب وأسره بعد يكونون بسيطين مافيهم شي خشب وأسعارهم بالعشرينات والثلاثينات بس .حبوبة ما فهمت اي اثاث تقصدين ؟؟؟؟ مال اطفال او كبار ؟؟؟ او اكسسوارات الاثاث ؟؟؟ لانه حسب علمي سناء ما فيه اثاث ؟؟؟؟
مفكرة اصبغ صالتنا بهالالوان :adore:
أووووف واخيرا اخذنا قاشي الحمامات والمطبخ
بس احس طلع علينا واجد
بس القاشي طلع بـ 580
تحسون السعر مبالغ ولا شنو قلبي يعورني ههههه
يعني تقريبا المتر 4,5 للمطبخ و الحمام المتر بـ 4
ان شاء الله لين ركبوا القاشي بحط صورهم
بنات وين يبيعون طاولات طعام خشب الخشب الحلو
اللي ما يكون فيه رخام ولا زجاج وياليت ما يتعدة الــ 400 دينار
احنه بعد قاعدين نبني في شقتنا
اخذنا قاشي حق المطبخ نفس الحجارة بني والارضيه بيج من ( المير ) 87 دينار
و حق الصالة والحجرتين اخذنا بيج حق الارضية طبعاً بعد من ( المير ) 140 دينار
و حق حمامنه اللي في الحجرة اخذت عجييب بنفسجي وابيض صدق عجبني رووووعه بعد من ( المير ) طلع كامل ب 166 دينار
و حمام الصالة رحنه النعيم اخذنه ازرق و ازرق كلش فاتح من ( الخليج ) ماعجبني لداك الزود بس تمللت يا غالي يا مايعجبني اخذناه وبس طلع علينه ويه المرحاض والمغسلة بيضان 128 دينار زين سعره
المهم جابوا القاشي
وركبوا الحمام الصالة مو كامل باقي الارضية ، وجزء من المطبخ
وللحين ماشفت لين كملوا كامل القاشي بروح بشوف
هلا خيووو عليكم بالعافية
انزين قصدش ارضيات خشب ولا قاشي؟
المير احس طلع عليكم السعر جدا معقول وين يصير خيووو ؟
عندهم حمامات ؟
لأنه احنا نبي ناخذ حمامات من بيلد مارت احسه غالي
لانه نبي ناخذ حمام جاكوزي من عندهم فقلنا مرة وحدة ناخذ الأدوات الصحية الباقية من عندهم
المرحاض والسينغ وهالهرار جم لازم يكلفنا؟ حطو لينا سعر معقول يعني ما ابي ميزانيتنا تنكسر مرة وحدة
ما ادري ليش احس روحي مانعرف نختار ودائما ناخذ الأشياء غالية وفي النهاية احنه بنطورط :confused:
,,,,,,,,,,,,,,,,,,,,,,,,,,
اي احنه رحنه المير ، والحين تخفيضات ومعظم الأشيه مخلصين ، في حلوين نفس الجلد حق حمام المتر ب9 دينار كأن ، في عدة الوان
روحي كذا محل وشوفي
احنه المير عجبنه
حمام الصالة ماعجبني بس تمللت ماحب اروح اكثر من محل مافي وقت وبسرعة يبندون يفتحون 4 ويبندون 7 ونص
مايمدي كلش
روحي سترة : المير تخفيضات ، دلمون ماعجبني مال اول ، القصر الأنيق بس شوي غالي
سوق واقف : الشهابي حلو في غالي وفي رخيص ، عبدالعزيز حليو يعني ، وواحد مادري ويش اسمه بس عقب الشهابي
وفي صوبهم يبيعون كأن مرحاض وهالسوالف
النعيم : الرضا حليو ، الخليج عادي اخذنه حمام الصاله ماعجبني واجد ، في واحد بين الرضا وبين الخليج يبيع مرحاض ومغسلة عنده واااجد النعيم الشارع كامل قاشي وهالسوالف و اللي صوب البنك تلفين عند الاشارة يمين بتشوفين هالشارع كله مال كهرباء زين
صوب نفق بوري يقولون حليو بس مارحته
هذا جزء من قاشي المطبخ حق الجدار بني
هذا المتر بدينارين و900 فلس
والارضية بيج تقريباً نفس الخطوط اللي في القاشية
اي لون نسوي المطبخ ؟؟
هلا خيوووو
لا احنا قاشي المطبخ والحمامات اخترناهم خلاص
نبي الأدوات الصحية تبع الحمام من مرحاض ومغسلة وبانيوو
رحنا اللي في سوق واقف والنعيم احس الديزاينات قديمة نبي اشوي مودرن
عجبتني مغسلة في بيلد مارت بروحها ب 43 :I:
بس كلش حليوة ومودرن
والبانيو الجاكوزي تقريبا ب 300
المير عندهم اشياء مودرن وبسيطة؟