بسم الله الرحمن الرحيم
ازيكوا يا حلوين ....
النهاردة هاقولكوا علي طريقتي في عمل البامية
علي طول يارب تعجبكوا :)
اولا المقادير :
طبعا البامية - بصل - اللحم - عصير طماطم - صلصة
طماطم - شطة لو تحبوا - ملح وفلفل
نص ليمونة - التقلية ( وهي السر في الطعم
الرهيييييب ) (( هي عبارة عن ثوم وفلفل اخضر
وملح وكزبرة ناشفة وشطة لو حبيتي ))
تدق الخلطة دي كويس في الهون او تضرب في
مفرمة البصل
وطبعا المقادير علي حسب عدد الافراد
اول حاجة بقي هانفرم البصل
هانجيب الحلة بتاعتنا ونحط فيها معلقتين سمنة
وننشوح فيهم البصل وعليه الملح والفلفل لغاية
مايدبل بس لكن مايحمرش
وبعدين اللحمة نشوحها فيه لغاية مالونها يتغير من
الاحمر الي الابيض ونفضل نشوح بعدها كمان
شوية كدة
وبعدين نحط عصير الطماطم + معلقتين صلصة او 3
+ الشطة + ملح وفلفل بسيييط اوي
هانقفل بعد كدة غطا الحلة ونسيب الصلصة تتسبك براحتها واللحمة كمان تستوي
وبعد ماتتسبك ممكن نزود شوية مية كدة ونسقط
البامية فيها ومعاها نصف خلطة التقلية ونعصر عليها الليمون
اول ما البامية تاخد غلوتين اتنين علي النار هانقفل
النار ونحطها في الطاجن بتاعنا الفخار ( البرام )
او البايركس او اي حاجة وندخلها عي الفرن تكمل سواها
واثناء ما الطاجن بتاعنا في الفرن وقبل مايستوي
بشوية هانحضر التقلية .. هانحط معلقة سمن في
طاسة صغيرة
بعد ماتتحمر التقلية هانطشها علي البامية :biggrin: زي
الملوخية بس هانقفل الفرن تاني شوية صغيرين اوي
وهانفتح الشواية من فوق علشان نحمر الوش
ودي تبقي النهاية ....
سامحوني لو التصوير كان باستعجال والاضائة سيئة
واتمني تكون عجبتكوا البامية والي اللقاء ان شاء الله
لا تنسوا تدعولي بظهر الغيب :o
ملحوظة : الموضوع مجهود شخصي ولاأاحلل نقله
لأي منتدي آخر
اكلة صيني لذيييييييييييييذة وخفيفة
دجاج محشي بالكاري من مطبخي
النجرسكو من ايدي بالصور
دجاج بالبرتقال (( ابتكار من مطبخي ))
لازانيا سوسي وااااااااااااو .... خطيرة بجد
مكرونة بالشاورما + سلطة التفاح من مطبخ سوسي
بيكاتا بالماشروم غدانا ( اتفضلوا معانا )
حصريا ( الجمبري بالكنافة + شيش فيليه السمك ) من سوسي
تطبيقي المتواضع لدجاج من حفل تنصيب الرئيس اوباما
سلطة الباباغنوج المدخنة من مطبخي
فرايد رايس من مطبخي
النهاردة كان عندي عزومة
كبسة سوسي مافيش زيها ... وتحدي