العودة الى المدرسة!! }

ابتديت تجهيزات بنتي بشنطة ومقلمة وأقلام رصاص وألوان خشبية ;)

بأنتظار مشاركاتكم ويفضل بالصور ان أمكن وان شاءالله اصور اللي خذيته وبنزلهم في الموضوع

مرحبا

ربي يحفظ بنتج

^^

احس وناسه تجهيز اغراض المدرسه

يالله اتمم حملي ع خير وترزقني الذريه الصالحه ..

وان شالله بنشوف حماس باجي الامهات ^__*

وتسلمين عالموضوع

اهليين خيوتي رسيل الورد
صدقتي ما لحقوا الجهال قعدوو من المدراس
نجهز من جديد الى المدراس


بالنسبه لي سويت الى زنوب السنهه اللى طافت و هذي السنه بعد

مريولين
و اربع اقمصه
2 جم قصب
2 جم طويل

بدليتن رياضيه
بالاضافه الى تي شيرت عدد 2 جم طويل

و اخذت بنطلون رياضيه 2 طويل
و 1 برموده

بالاضافه الى الملابس الداخليه ( مال المدرسه اخليهم بروحهم)
ملابس الداخليه اخذهم من مذر كير سنتر بويت او مذكير الشايع
و اخذ الشورات الى الايام الدراشيه العاديه و اخذ الكلوات الى ايام الرياضيه
بالنسبه الى الجواتي اخذ من سنتر بوينت و هش ببيز
اخذ 3 جواتي سودان
2 جوتي رياضيه

لاني اخليهم الى الفصلين
ما اتعب روحي مره ثانيه و اشتري الفصل الثاني

بالاضافه الى الجواريب
اخذ بيضان اللى يجون مع الشلش يكونون حلييوين على الجوتي الاسود
اخذهم من مذر كير سنتر بوينت
و اخذ جواريب الى الرياضيه اتكون بالشخصيات اللى اهي اتحبها

و اخذت شنطتين
وحده خليتها تسخدمها الفصل الاول
و الثانيه الفصل الثاني


الشنطه اخذها كامله
مع حقيبه الاكل
و المقلمه
و علبه الماي

اخذت شنطها وحده من سنتر بوينت
و الثاني اخذتها من محل كتي اللى في ستي سنتر

و عمتها اللعام جابت لها بعد شنطه من ماليزا
و استفدت منها و اجد


و اكسورات الشعر البعض اني اسويهم لها
و البعض الاخرى اشتريه من محلات الفاضل

و البعض اتسويهم لي وحده يكونو بالكروشيه من مدينه حمد

و اي محل اروح و اشوف فيه حلو الى المدرسه اخذ

بالنسبه الى القرطاسيه خيوتي
لا تاخذين الحين
لان المدرسه نفسها تعطيش ورقه بالمطلوب
علشان ما اتخسرين روحش
و تاخذين اشياء بعدين ما تحتاجينها


مدرسه زنوب
طلبوا منها

سبوره و اقلام سبوره
دفتر الى املاء
دفتر علوم
دفتر ابو 100 غلاف سميك الى النشاط ( جميع المواد)
و الفايل الى العربي و الى مادره الانجليزي

بالاضافه الى الوان الخشب , و الصمغ الجاف , و مقص , ممحاه ,مبراه ,واقلام الرصاص

ان شاء لله افتدش لو بشي قليل
و ربي يخلي ليش البنوته
و اذا اخذت اي شي اكيد بعرضه هني

انا بنتي سنة ثانية في الروضة

وللحين مااخذت لها شي

ومتابعة معاكم

m!sS-Tamy.. ايييي وناااسة بس هالسنة مثل اللعام بيصير ضغط تجهيزات مدارس وعيد وفوق هذا بيبي جديد خخخ
الله يتمم حملك وحملي على خير يارب :)

أم حسين مشكووورة على المشاركة ونفس اللي في بالي اللي قلتينه والقرطاسية اني بعد قلت ماباخذ لان صف الاول ولازم بتجي بلستتها خخخ
لا أتورط آخذ اشياء مي مطلوبة او تنقص اشياء اضطر اروح مرة ثانية اليها بس الاقلام الرصاص والالوان لازم بتحتاج ليهم في البيت
ان شاءالله هالاسبوع اروح افصل اليها المراييل

الأقمصة اي افضل جاهزين او تفصيل ؟


حنين66 تابعي ويانا وان شاءالله تستفيدين :)

اللي شريتهم من سنتر بوينت

رسيل الورد موضوع اكثر من راااااائع

وعجبتني الشنطة كيووت من متى اخدتيها وبكم ادا ماعليش امر

اني بعد اخدت كم شغلة خلوني افضي اشوي وراجعة لكم ان شاء الله

عليها بالعافيه البنوته
الشنطه كيووووووووت و حلوه


بالنسبه الى الاقمصه خيوتي
انصحش بالتفصيل

اللى شفتهم في مذركير سنتر بونيت مو لهناك احسهم
و اللى في بي اج اس حلييوين اذا كانت بتش مليانه
اذا بنتش صعيفه ما يصلحون
فصلي ارتب

بسمة أطفالي الشنطة أخذتها مو ذاكرة بالضبط يمكن من 3أسابيع من مارينا مول بـ 7.500دينار فقط وكان سعرها الاصلي 15.900دينار :rolleyes:
كلش السعر فرق في التخفيض وهي من شافتها استخفت عليها من لونها قلت باخذها وبفتك من شيء خخخخ
يالله خلينا نشوف تجهيزات الحلوين :thumbs_up:

أم حسين بنتي ضعييييفة حدها وكل شيء مبهدل عليها خخخخ وشكلي بفصل لها أرتب او اذا حصلت شي يناسبها جاهز بااخذ بعد
شكلها تجهيزات المدارس اصعب عن الروضة :study: التزام بلون الحذاء والجوارب والشباصات وووو :confused:

ماا شااء الله ياا رسووولة

العيااال كبرت !!

بيووون الحلوووة بترووح المدرسة

الله يخليهاا و يخلي بتووووله و يسلمج

و باالغة فيهم ياا رب

، ، ، ، ،

و ماا عندي شي أزيده ع كلاام أم حسين

كفت و ووفت !!

و أنصحج خيووو بالتفصيل أحلى و أرتب من الجاااهز و عن تجربة

و الله يوووفق بيووون

اني للحين ماجهزت بصراحه

مارتحنه من المدارس لسه

ان شالله من اشتري احطهم اهنا

انا شريت شنطة مالت الظهر على باربي مع مقلمة من سنتر يوينت ب6.900 والمقلمة 1.900 وماحصلت لها ام جاري واهيه بنتي تحن علي تبي اليوم رحت السوق وشريت لها على هانا مونتانا ب3 دينار وشريت لها استرج كحلي الي يجي كامل مثل البنطلون وفانلتين رياضة وحدة على لولو كتي ودورا وباقي لها بنطلون او برمادا كحلية وفانيلة وحدة كم طويل و3 جوارب على شخصيات اتحب تلبسهم للرياضة كلهم من سنتر بوينت الواحة ومجمع الرفاع وشريت ملابس داخلية بس ماحصلت الي ابيه وتعبت وانا ادور الي يعرف يساعدني ابي الي يكون فيها مطبوع صور شخصيات كارتونية والهافات شورت انا اشتريهم من رامز احين مافي الي يعرف اماكن ثانية يقولي وفوط جديدة وخرز وايد حلوين امس رحت سوق الجملة والحريم الي في السعودية وميرت خرز للعيد والروضة مرة وحدة واكسسسوارات اذا قدرت اصورهم لكم

وباقي جوارب من 3 الى 4 للزي الرسمي للروضة
تركسوت كحلي او برمادا
جواتي رسمية ورياضة انتظر تخفيضات شو مارت
تفصيل المراييل والاقمصة واشياء بسيطة
بنتي بتروح مستوى ثاني

ماتدرون اذا سنتر بوينت بسوي تخفيض ولا لأ؟

هلا رسووله

بالتووفيق ان شااءالله

بنااخذ خبره منكم اذا كبرت بنوتي ورااحت المدرسه

داام ان اول سنه لها بتدلعينها خوووش دلع ....

...

يلا نشووف تجهيززاتكم

...

الصور موطاالعه ...

الله يساعدكم صدق تجهيزات المدارس حوسة
بخبر صديقتي عن الموضوع عندها ولد في الروضة :thumbs_up:

اني بنتي بتصير تمهيدي اول سنه حتى بصير عمرها بعد اقل من 3 بس يله الحمد لله

ادعولي اشتغل

وإن شاء الله اي شي اشتريه راح اخليه اهنيه

لاني بعدي ما شريت شي

سامحوني وعدتكم ان انزل لكم صور تجهيزات بنتي للروضة بس مركز تحميل الملفات وايد بطىء ومو راضي يحمل ان شاء الله في وقت ثاني