ازيكوا يا بنانيت ....
النهاردة جايبالكوا طريقتي في عمل الكبسة باللحم
اللي بقت مشهورة في العيلة دلوقتي بكبسة
سوسي ههههههههههههه والكل بيعترف انها
جامدة جداااااااااااااا :thumbs_up: الحمدلله
ان شاء الله تعجبكوا انتوا كمان والميزة في الطريقة
دي انها سهلة اووي ومابتاخدش وقت وكمان ممكن
نحضرها من قبلها بيوم علشان العزومات
نبدأ في الطريقة :
بسم الله الرحمن الرحيم
اول حاجة طبعا البهارات اللي هانستخدمها نطلعها
ونحضرها كلها مع بعض علشان ماناخدش وقت
البهارات بنفس الترتيب اللي في الصورة كدة من
اليمين للشمال عبارة عن :
الصف الاول :
( قرنفل صحيح - ملح - فلفل اسود - شطة - كزبرة
ناشفة - قرفة مطحونة - كبابة صيني )
الصف الثاني :
( فلفل اسود صحيح - عيدان قرفة خشب - حبهان
ورق لاورا - لومي - بهارات كبسة )
كدة جهزنا البهارات بتاعتنا نحضر بقي باقي المقادير:
قطع اللحم - زيت - صلصة طماطم - بصل مبشورة
- طماطم مبشورة
نيجي بقي للخطوات :
هانحط معلقتين تلاتةزيت في الحلة ونشوح فيه
البصل المبشور
ولما يدبل البصل هانحط قطع اللحم ونشوحها في
البصل لغاية مالونها يتغير ويبيض كدة
لما لونها يتغير هانضيف عليها البهارات بتاعتنا
كووووووووووووووولها ونفضل نشوح في اللحمة
بالبهارات شوية
وبعدين نحط بقي الطماطم المبشورة ومعلقتين
صلصة طماطم ( مهمة اوووي علشان اللون )
نقلب شوية وبعدين نضيف عليها 4 او 5 كوبايات مية
ونقفل الغطا ونسيب اللحمة تستوي براحتها اووووووووي
لغاية الخطوة دي ممكن اعملها قبلها بيوم لو عندي
عزومة مثلا علشان اخفف علي نفسي
اول ما اللحمة تستوي احط الحلة في التلاجة
زي ماهي لتاني يوم
بعد مانتأكد بقي ان اللحمة استوت هانصفي المية
من كل اللي فيها ( اللحمة والبهارات )
وهانحط كل اللي صفيناه دة ( اللحمة والبهارات )
في صينية وندخلها الفرن تحت الشواية تاخد لون
بس لانها هي كدة كدة مستوية 100% :thumbs_up:
ونيجي بقي للرز بتاعنا طبعا محضرينه وغاسلينه كويس
هانسقطه بقي في المية بتاعتنا
( طبعا المية ممكن تكون قلت شوية علشان
اللحمة شربتها لو قلت ممكن نزودها شوية مية كمان )
وبعد مانسقط الرز نسيبه بقي يستوي وفي الاثناء
دي نجهز المكسرات او الحاجة اللي هانزين بيها
انا سلقت اللوز وحمرته في سمنة مع زبيب
وكمان شيلت اللحمة اللي تحت الشواية من الفرن
كدة الرز استوي واتشرب المية خلاص ووطينا عليه
حبة صغيرين
نحطه بقي في طبق التقديم
وبألف هنا وشفا
:adore::adore::adore:
اتمني ان الموضوع يكون عجبكوا واللي مابيحبش
الكبسة يحبها واللي بيستصعبها يستسهلها :thumbs_up:
جربوها وادعولي بقي وقيموني كمان
ههههههههههه :p
والسلام عليكم ورحمة الله وبركاته
ملحوظة : الموضوع مجهود شخصي ولاأاحلل نقله
لأي منتدي آخر
اكلة صيني لذيييييييييييييذة وخفيفة
دجاج محشي بالكاري من مطبخي
النجرسكو من ايدي بالصور
دجاج بالبرتقال (( ابتكار من مطبخي ))
لازانيا سوسي وااااااااااااو .... خطيرة بجد
مكرونة بالشاورما + سلطة التفاح من مطبخ سوسي
بيكاتا بالماشروم غدانا ( اتفضلوا معانا )
حصريا ( الجمبري بالكنافة + شيش فيليه السمك ) من سوسي
تطبيقي المتواضع لدجاج من حفل تنصيب الرئيس اوباما
سلطة الباباغنوج المدخنة من مطبخي
فرايد رايس من مطبخي
النهاردة كان عندي عزومة
