كل عام وانتن بخير ياحلى عالم
ترتيباتي للسفر لعيالي
اولا السفر بيكون بالسياره من الكويت الي حائل وبنقعد بحائل اسبوع عشان اهل زوجي وبعدها
بنروح عمره ان شاء الله
والطريج طويل جداا
وعندي الحمد لله الله يخليهم لي ويبارك فيهم ويهديهم ويصلحهم اطفال4اصغرواحد3سنوات والكبيره13سنه
وكل واحد منهم له متطلبات وله اهتمامات غير عن الثاني وانا ابي سفرتي اتكون حلوه ومريحه لي ولهم والاهم شي الابوهم
فاطفالي من النوع المتطلب وكل ماسافرنا الاحظ هالشي فيهم مثلا مانوقف بمحطه الا وينزلون كلهم ويشترون الي يبونه والي مايبونه
وهالشي يعصب في ابوهم لان الشي الي يزيد عن حده ينقلب ضده والصبر له حدود:mad:
وفكرت
وفكرت
وفكرت
شلون اقدر اسيطر على اعصاب ابوهم والاهم شي ع هدووء الاطفال طول الطريج واهم شي اسيطر على متطلباتهم الي ماتخلص والي تعطل ابوهم عن السواقه
والحمد لله توصلت لهذا الحل واتمنى انه يجدي نفعااا
شريت الكل واحد منهم شنطه قماش مثل هذي تقريباا.
وان شاء الله قبل السفر بيوم راح اوديهم لسوبر ماركت واخلي كل واحد يشتري الي يبيه كل شي يحبه واهم شي يكون مايوسخ ولايدمر ملابسهم
شبس وكل عيالي يحبونه
ساندويش سفن دايز بالشكولاته
عصير نادك بالفراوله حجم متوسط
ماي صحه متوسط
اصابع الابسكويت واهم شي تسكر وتنفتح
مكسرات بست بدون قشر
وهالشياء طبعا الاساسيه لكل واحد منهم
والشياء الثانيه الي راح يختارونها بمزاجهم ماعرفهااا
وبهالشكل راح اتفادا اي متطلبات منهم بالطريق ع الاقل نص المسافه واصلا وحتى :adore:ابوهم اهو الي راح يطلب منهم انهم ينزلون الاي محطه عشان يشتري لهم مايدري اني مخدرتهم ههههههههههههه
البنت الكبيره مزعجججججججججججه طول الطريق متى نوصل؟ كم باقي لنا؟ متى نوصل ؟ وهذي اهي تقول قاعده ع نارهههههههههههههه ولقيت الها حل
والحل اهو اني طبعت لها خريطة الطريج من الكويت لحد حائلوجلدتها لهاا ومكتوب فيها المدن والمناطق الي راح نمرهاا وبهالشكل مراح تقول ولا تسئل
طبعا مانسيت التسالي والالعاب
اولا انا ضد اللعاب اللكترونيه والجيم بوي واشرطة الفيديواا وغيره لاني ابي اطلعهم من الي كانو عايشين فيه وابيهم يعرفون الطريج ويشوفون كل شي قدامهم مابي اخدرهم بعد بالتلفزيون واللعاب الالكترونيه
اولا
دفتر تلوين الكل واحد فيهم اثنين مع اللوان شمعيه مو شينيه ولا خشبيه لاني اعتقد انها ماتدمر
ر
تلاوين للعيال
تلاوين للبنات
ولعب خفيفه سيارات للعيال وتكون جديده وماعمرهم شافوهاا
اما الصغير فراح يكون دايما عندي راح اشتري له لعبه اتكون حلوه وجديده دبدوب مثلا
وبكذا راح اتكون سيطرتي على اطفالي بالطريج عشان اتتفرغ البوهم واقهويه واسولف انا وياه براحه وبدون اصياح وهواش <<< تحلم هههههههههههههههههههه
دعواتكم لنا ان الله ييسر سفرتنااا
F:واي وحده عندها افكار ياليت ماتبخل عليF: