بسم الله الرحمن الرحيم
من كثر ما قعدت اقرأ من هالقسم استفدت اشياء وايد وحبيت
انقل لكم هديتي لامي في عيد ميلادها
اول شي كان يوم اربعاء وامي الله يخليها لي دايما
تقول لي ما ابي منج هدايا ومصروفج خليه لج
فقبل عيد ميلادها دايما اسألها شنو تبين آيب لج وهي تقول بس ورده
وبطاقه
في عيد ميلادها طلعت آنه معاها بس
وفي السياره عطيتها البطاقه ومعاها ورده
وقلت لها انتي قلت لي ما تبين شي
وقلت لها ان خاطري آطلع اتعشى معاج
بس ما رضت الا بشرط ان العشى يكون ع حساب امي
واحنا بالسياره اهي طبعا ما تدري وين آنه باوديها
ووديتها فندق ايليت طبعا آنه حاجزه من يومين العشى
وترتيب الطاوله
وكان في الفندق ما فيه احد لان كانوا مسوين حفله مال امراض مكافحه السرطان وكله اجانب هناك
ودكاتره
واحنا قاعدين في طاوله محد يمنا ولا نجوف احد
بس فيه عائله امريكيه قاعده يمنا
يابوا العشى وامي عرفت ان آنه مرتبه كل شي
ودفعت كل شي من يومين
وقلت لها هذي هديتج
وبعد ما كملنا يابوا لها كيكه طبعا موصتهم قبل مكتوب عليها
happy birthday
وعليه شموع وطفتهم امي
ويابوا لها سكين عشان تقص الكيكه
واول ما يابوا الكيك
العائله الامريكيه اوقفوا وتموا يصفقون ويغنون
لامي
وبعدين اتفقت مع رفجتي ان اتييب الهديه اللي شريته
وهي كانت دبدوب لابس تيشرت احمر مكتوب عليه اهداء
وقلب ذهب وهو عباره عن ورد زمرد مع الماس
وخذيت لها مال الكاكو من مايا
وغلفتهم
ووصيت رفجتي ان اتيبهم الفندق
وتعطيهم مال المطعم وبعد ما قطعت الكيك
يابو الهديه
ووايد كان حلو
وامي ما توقعت كل ذي
وبس هذي هديتي المتواضعه والسموحه ع الاطالة